お盆（おぼん）即係我地既7月14盂蘭節，好多公司係月中都有お盆休み一星期大假放，俾員工回実家（じっか）祭祖既～我還記得上年係高爾夫球間公司做既時候唔知點解又放假，打工仔黎講呢有得放就緊係要放假架啦😝但係今年.........

日本好似係都係計旧暦（きゅうれき）係超市會見到好多古怪（因為同我地唔同）的產品出售！！背後既意思好似好深遠，我記得當時讀日文既時候香港人先生有提過下，但早早就還返晒俾佢老人家啦😝😝😝到我黎左呢邊咪好像發現新大陸咁，點解要用青瓜（きゅうり）同矮瓜（なす）？做節又要食D咩？供奉咩呢？會唔會燒衣架？等等問題出現，今日問日本人都唔知個來頭～大家一齊去WIKI下！！

青瓜同矮瓜製作的精霊馬（しょうりょううま）
原來兩者都係有寓意架，青瓜係馬而矮瓜係牛🍆係咪我地既牛頭馬面😂😂😂一般插青瓜的竹係比矮瓜長係因為想先人可以快馬加鞭，早一點返到現實世界既屋企團聚，矮瓜腳短係希望佢地回程時慢慢走，唔多唔少有點感傷吧😭

供奉食品（おそなえもの）方面都不外乎係團子（だんご）同白飯13日迎接お盆時預備紅豆團子、14日係黃／紅豆餅、15日素麵、離別日16日就係準備白團子拜祭。

參考下
http://matome.naver.jp/odai/2140365518985270201

16日之後就係お盆踊り既表演，東京有好多地方都有三大お盆踊り之一既阿波舞睇～最出名當然係高円寺啦！！明治神宮亦有一年一度的元氣祭呀！！！晏就去完明治神宮，黃昏就去睇阿波舞👍🏼👍🏼👍🏼約定你地下星期六日見～

有漏要補充既，下面COMMENT到交流下～識多樣野者！

#大丈夫 #工作遊記 #お盆 #盂蘭節 #白團子 #供奉食品 #青瓜 #茄子 #矮瓜 #旧暦 #舊曆 #燒衣 #7月14 #既牛頭馬 #素麵 #高爾夫球 #お盆休み #実家