🇭🇰尖沙咀區 形容一餐Omakase 集合味覺、視覺及聽覺上的三重享受， 當然要歸功於食物、擺盤、背景音樂及日本師傅嘅談肚。 位於尖沙咀的新派日本菜餐廳，主打壽司、蕎麥麵和日本酒， 取名於"Su"shi、"So"ba、Nihon"shu" 三大元素成為SuSoShu 新鮮食材由日本直送，加入創意元素，連埋總廚以正宗日本烹調的細緻， 令人尤如置身日本之餘，又不失同廚師溝通分享，渡過珍貴的三小時時光。 餐廳以木系為主調，座位大約容納20多人，BAR檯是提議必須訂的位置， 另外最吸睛的就一定係一個大大的酒櫃裝載著唔同種類嘅精選日本酒。 為慶祝餐廳開業一週年，由即日至9月30日，必須推薦呢個全新廚師發辦晚市套餐， 係一個復刻套餐，回顧餐廳一週年主打款式的限定晚市廚師發辦。 每位$1,480的套餐共有十道創意料理(二位起) 逢星期一至四經OpenRice訂座，全日可享全單8折優惠， 周末則享全日全單9折優惠！立即訂座: https://bit.ly/38PGf9m 訂位著數就講完啦，就等小編長氣咁同大家介紹一下。 =̶櫻花蝦脆片=̶ 推介:⭐️⭐️⭐️⭐️ 先來一個頭盤小食，平時食開的櫻花蝦脆片大多以台式的薄脆居多， 呢個櫻花蝦脆片自家油炸，蝦片脆卜卜帶點鹹香， 上面加左清新碎粒青檸皮，開胃前菜小食為之後的主角拉起序幕。 =̶火炙帆立貝魚生他他=̶ 推介:⭐️⭐️⭐️⭐️⭐️ 頭盤刺身有西日創意料理，火炙帆立貝魚生他他 ，三塊鮮味帆立貝刺身， 加入三文魚籽、地膚子及新鮮士多啤梨乾點綴， 再配上特製粟米芡汁及米鍋巴做調味增加口感，成為獨有的刺身他他，精緻非常。 一片刺身配一塊鍋巴，集合香軟鮮脆三重味覺。 =̶醬油漬鰹魚刺身=̶ 推介:⭐️⭐️⭐️⭐️⭐️ 同樣是西日式的做法，將油漬鰹魚皮層燒香， 鰹魚魚身香口軟滑，沾上百里香醬汁再灑上炸蔥絲，又多了一層香口感， 小菊花伴碟陪襯，底層放了片片昆布，平衡第二款刺身的魚油感。 =̶蝦真丈=̶ 推介:⭐️⭐️⭐️⭐️ 名為真丈即是日式的蝦肉球， 吸睛打卡的紫蘇花放在上層，將花壓碎灑落真丈上多了一份幽香， 傳統日式蝦丸比較林身難入口， 總廚加入虎蝦肉將其變成口感軟硬平均嘅肉球。 加埋柚子皮清香點綴，鮮甜爽彈又開胃， 而且芡汁用上長腳蟹蟹肉烹調，倍感高貴。 =̶時令壽司四貫 (壽司8選4)=̶ 推介:⭐️⭐️⭐️⭐️⭐️ 套餐其中一款主角由精選的八款壽司中挑選四款。 中吞拿魚腩: 熟成吞拿魚，入口魚味清中帶濃、筋位細軟， 作為頭一款由淡到濃的壽司是最好的Opening。 牡丹蝦: 產自日本北海道，是產量較少的高背長額， 肉質爽甜，最驚豔係總廚完美用哂成隻蝦， 連蝦頭的膏同肉都放埋上蝦身之上， 順滑新鮮口感再加埋蝦味濃郁令人讚譽! 金目鯛: 來自九州的熟成金目鯛，紋理誘人、 已微微切開的刀工令刺身咬口順暢， 金目鯛的鮮魚味道出眾。 炙燒右口魚邊: 呢款係必選架!! 食到最濃味一款重點係「真真真係」入口即溶， 師傅介紹返右口魚邊比左口魚更重油份、入口即會浸出油香， 可以參考食左口魚口感係食到有渣， 而右口魚係入口完全無渣，就知乜料啦! =̶究極海膽=̶ 推介:⭐️⭐️⭐️⭐️⭐️ 小編最期待嘅足料北海道海膽手卷黎啦! 打卡之前同總廚講聲「我準備好啦」佢話「我都準備好啦」哈哈 連成一排大約40-45g北海道海膽由總廚手上接棒， 色澤橙黃分明、份量澎湃、入口即溶，味道甘飴，口感幼滑、 完美覆蓋下面的醋飯，濃郁Creamy可口! 師傅用上燒過密度高的紫菜將其輕輕燒過， 打完卡要即刻放落口! 享受外脆內軟嘅感覺😋👍 =̶磯煮鮑魚配大根=̶ 推介:⭐️⭐️⭐️⭐️ 磯煮鮑魚的肉質爽甜易咬，一開四份齊整呈上， 慢煮鮑魚再加入香甜醬汁，連下層的大根蘿蔔都軟軟的吸盡醬汁的精華。 =̶熊本和王壽喜燒 (加松茸)=̶ 推介:⭐️⭐️⭐️⭐️⭐️ 來自熊本縣的頂級黑毛和牛「和王」 稱得上和王雪花等級要去到六度或以上， 經過28個月於熊本縣飼養， 將特級松茸加入壽喜燒醬汁中烹煮， 香味四溢之中享受極緻嘅和牛油膩感。 入口即溶的細膩肉質及牛味濃郁是肯定的， 將其放於日本生蛋汁混合壽喜燒汁， 影相時已口水不斷流😆 =̶十割蕎麥麵=̶ 推介:⭐️⭐️⭐️⭐️⭐️ 日本鹿兒島直送的招牌蕎麥麵， 100％蕎麥粉製作而成無麩質， 比一般蕎麥香氣較重，麵質亦較實身， 店員指示可以首先將蕎麥麵配麵汁， 再享受蕎麥麵配芥末香蔥加麵汁的濃味。 自家製麵汁由日本直送蟹乾、蝦乾、魚乾、海帶及昆布等材料熬煮而成， 看似簡單的招牌菜其實內藏總廚的心思細膩。 =̶是日甘味=̶ 推介:⭐️⭐️⭐️⭐️⭐最終打卡 總廚向絕版甜品致敬之作， 上層的星空寒天，以松竹梅白壁藏「澪」氣泡清酒製成， 要呈現星空與海洋的夢幻組合， 先要將氣泡定形同寒天混合， 再加入碟豆花汁、檸檬汁及清酒， 形成藍色漸層海洋效果。 除左純天然不加任何人造色素外， 店主還因為配合燈光橙黄的關係多次調色， 先可以調到與背景紅葉形成紅藍綠白的絕美畫面👏 口感是帶點清香的清酒酒味道，口感Q彈爽口。 見隔離叫左來自京都的銀鱈魚干， 期待下次節慶日子再來幫襯👏

今晚會合家姐食飯,杏花村多餐廳就落去食飯,開左間少見既日式烏冬店 菜式如下 牛肉烏冬$68  黑松露忌廉海鮮烏冬$88 玉子鯛魚腩飯$88 黑松露忌廉海鮮湯烏冬 個湯底未飲已聞到濃香忌廉松露香氣煮得好滑既質感 海鮮三文魚既油香溶入湯之中好好飲 仲有帶子粒 碗中間黑色就係松露醬,食之前拌勻湯底更香更濃 牛肉烏冬麵 上面一層野菌湯蓋住生牛肉,熱湯餘溫迫熟牛肉 有D似越南河既做法,牛肉唔會過熟又嫩滑 湯底係接近豉油湯 烏冬係用日本貨,特別彈牙吸湯 燒汁魚腩玉子飯即係滑蛋魚腩啦,上層係照燒汁燒魚下層係炒滑蛋 用比較肥美既魚腩燒過都係勁重油脂勁肥美嫩滑,加埋炒滑蛋一齊食滋味無窮 八沢烏冬 杏花邨盛泰道100號杏花新城地下G53B號舖 評分8/10 平均消費$122

. 五花腩。芝士。即食麵。辣。韓食。…🔥 . 材料： 五花腩 300g，味醂 100ml，即食麵，水牛芝士 調味：調味醬，砂糖 1 tbsp，辣椒粉 2 tbsp，豉油 2 tbsp，水 1 tbsp，味醂 2 tbsp，麻油 1/2 tbsp，胡椒粉 適量 . 做法： 1. 在五花腩上加入味醂，醃10分鐘 2. 將即食麵調味醬，砂糖，辣椒粉，豉油，水，味醂，麻油，胡椒粉拌勻 3. 保留3匙醬料後，加入五花腩，拌勻 4. 落鍋煎五花腩，熟後剪碎，鍋中間騰空，加入已熟的即食麵 5. 在即食麵加入先前保留的醬料和少許水，拌勻 6. 蓋上溶掉的水牛芝士 . 歡迎 tag @cookat_hk 同我地分享你的飲食資訊！ . . . #852 #cookathk #hkig #hkfoodie #hkfoodblogger #koreanfood #hkeats #food #foodvideos #foods #instafood #recipe #cooking #followme #lfl #yummy #hongkong #hk #hkigers #食左飯未呀 #香港 #香港美食 #自家製 #相機食先 #手機食先 #吃貨 #美食 #먹스타그램 #foodstragram