等到下年再食壽司郎🍣 Part 1 想食就一定要Download Apps訂位！！ 但其實長期都Full-Booking，宜家book起碼1月先有位 唔想等咁耐，Walkin等一至三個鐘都食到嘅😂 我地好好彩Book咗一個月就有位，仲係黃金時段，入到去等多10分鐘就得，3人或以上有好闊落的迴轉卡位，亦可以觸控螢幕點餐，嘢食唔使2分鐘就從運輸帶上送齊，方便快捷！ 每人食滿$80就有一個印，儲齊3個印就有公仔架喇，有效期兩年，不過要等咁耐先有得食，有d難儲，注意每張單蓋一個印，即係話食二千蚊都係一個印咋🤣 . 每位加$17可享用自助飲品吧，有汽水、咖啡、多款花茶任沖，不過就幾乎冇人掂過部飲品機😶 因為免費的抹茶都好好飲啦~ 整體都OK，味道好過爭鮮，級數同元氣、Magic Touch(爭鮮旗下)差唔多 但依度的紫菜非常之韌、唔新鮮，所以軍艦壽司可免則免！ 勝在款式多，價錢唔貴，大部份$12碟！ 好想全部都試吓，但切忌眼闊肚窄，我地食咗大半都好飽喇😆 不過要等咁耐就唔係好值😂 特別推介：油甘魚壽司、炙燒羅勒三文魚壽司、鹽味牛排壽司、茶碗蒸、炸蝦天婦羅拼盤 ❤️ ______________________________________________ —握壽司— 👅玉子燒 $12：好普通，可以不點 . 👅長鰭吞拿魚 $12：白色的吞拿魚，脂肪較多 . 👅日本產頂級池魚 $12 . 👅炙燒羅勒三文魚 $12：油潤半熟的燒三文魚鋪上一片芝士，再加羅勒沙律醬，香草味濃，好好味😋 . 👅蘿蔔蓉炙燒三文魚腩 $12 (冇食) . 👅鹽味牛排 $12：牛排用了肥牛部位，軟腍重牛味，配上黑椒燒汁，濃味好食😋 . 👅鮮蝦天婦羅 $12：炸蝦香脆，可以一試 . 👅油甘魚 $17：厚切新鮮，紋理清晰，食咗幾碟👍 . 👅蝦三味 $17：普通到喊 . 👅貝三味 $17(赤貝、白鳥貝、北寄貝)：普通到喊，唔算新鮮，北寄貝色澤暗啞 . 👅海膽海苔包 $17(期間限定)：每客份量不同，注意迴轉帶上好似唔會出現紫菜類食品，海膽多少只靠運氣，不過依度的海膽同爭鮮一樣咁差，腥味和明礬味兼重，唔食絕對冇損失 . 👅特選中吞拿魚腩 $17 / 👅特選大吞拿魚腩 $27：我地叫咗中拖&大拖試吓，大拖羅太多筋，亦唔係太肥美軟滑，中拖質素唔差，較少筋，建議點中拖抵食d😉 #壽司郎 地址：佐敦彌敦道348號彌敦坊UG樓 (近佐敦站B1出口) 營業時間：11am—11pm View More Here #yantung佐敦