響解釋點解我會有上述諗法之先，先由一個What if講起：響個半月前臨立會開波前夕，美國總統大選正進入白熱化階段，當時特朗普響選戰主打嘅就係中國牌：基本上只要所有能夠展示佢對中國強硬嘅理由，佢都會樂於採用。

大家可以想像下，假如當時飯民決定拉隊總辭，特朗普係一撚定會借此對中國進行嚴厲打擊，而拜登為咗唔比人感覺對中國軟弱，亦必定作出相應承諾──但結果呢？飯民覺得「共產黨未必咁衰」，決定捐狗窿接受人大委任成為臨立會議員，令中共避過呢個被大規模制裁嘅最大危機。

然後去到今日，大選完結，特朗普自身難保，拜登唔知幾時先上任之餘，亦再無壓力要為打擊中國作出各種承諾，然後連傻仔都知道中共就係睇穿咗呢段空檔，大膽DQ飯民為所欲為──無錯呀，你總辭一定可以上倒幾日外國報紙、歐美政客一定會發下聲明譴責，但旨意而家嘅美國政府全力打擊港共政權？發下夢好啦。

今日我地可以批評熱狗鄭松泰死磨留響議會係貪錢係投共，但唔可否認嘅卻係，佢果句：「總辭最佳時機經已過咗」係千真萬確。所以我等咗多年，朝思暮盼嘅飯民總辭雖然終於發生，但卻好難高興得起黎：因為呢次總辭其實係響中共有哂準備，將呢班政客迫到埋牆角，甚至只係擔心自己份人工會因為被DQ而被追突，因而無奈忍痛辭職避免損失百萬薪津嘅無奈選擇，當日主動擺脫中共制肘以反客為主嘅作用經已蕩然無存。

相反，我係好鄧呢班飯民及其支持者感到可悲。同樣響個半月前，飯民大台為咗Justify「捐狗窿」接受臨立會委任係正確嘅，動用哂全香港所有黃屍學者同KOL，促成咗一場全港最大嘅政治宣傳運動。然後響佢地辛苦建構出一套自以為牢不可破嘅「寸土必爭理論」，竟然連兩個月都捱唔倒。

然後當日一班響度不斷嘲笑、否定、批鬥總辭派嘅黃屍，霎時間竟然可以180度轉軚企過對面，對於一向堅持嘅理念原則全部丟哂入垃圾桶。要知道從政最基本最基本，就係要有原則底線，即使你今日由敵人陣營突然跳過黎我支持呢邊，我點知你聽日會唔會又唔聲唔聲出賣我，跳番去敵人果邊？

如果呢班飯民政客真係仲有多少作為從政者嘅志氣，佢地最應該做嘅，就係貫徹始終、堅守議會去到最後一刻，捍衛「寸土必爭」嘅尊嚴；真係無勇氣再同共產黨抗衡落去嘅，亦至少應該衷心承認自己一個月前嘅愚蠢同天真，向所有被你地抹黑同攻擊過嘅人，尤其係最早支持立會總辭嘅黃毓民道歉。

但結果呢班垃撚圾飯民政棍，唔單止辭職都要計到盡呃多半個月先Last Day，仲要明明仲未正式辭任，經已全線缺席佢地之前講到好重要嘅臨圾會會議──先唔講呢班垃圾飯民之前垃圾會啲會議鍾意開就開，唔鍾意就遲到早退兼缺席，喂，而家響議會入面係代表香港市民議政、抗衡共產黨喎，原來遞撚完辭職信呢啲責任就立刻唔駛再負架？同班細路扮超人扮扮下突然發爛渣話：「我唔扮超人啦！都唔好玩嘅！」有乜分別？

跟住早一個月成班撐飯民留任嘅黃屍學者同KOL，而家就集體失憶，個個突然變成「總辭派」最忠實擁躉，然後每當比人挑戰點解前言不對後語時，就用「熱狗仲未辭」同「攻擊飯民即係共諜分化撚」黎遮醜。我唔知總辭之後香港政治前景係點，但呢班毫無原則嘅飯民大台無恥之徒，卻好應該徹底清洗乾淨，唔係尋日就話「寸土必爭」，今日就講到自己幾有原則，然後聽日又走入中聯辦談判，香港民主抗爭，卻比呢班友玩撚殘咗鳥。

同飯民響錯過總辭最佳時機後，應該留響議會兌現自己嘅政治承諾唔同，熱血公民鄭松泰卻係最應該立刻辭職離開議會嘅一員。我諗去到今時今日，「熱狗不是飯民、亦非本土抗爭派」應該係政壇共識，當日沈國師以及好多黃屍將佢同陳沛然計埋入35+入面，實在係非常一廂情願嘅一件事。

所以熱狗最初拒絕遵從民調結果決定去留，我覺得係相當合理，一眾黃屍走去攻擊熱狗而唔去望下教怯葉建源一早已表明只會考慮業界意向捐狗窿，梗係擺到明雙重標準。

不過去到最尾唔知係咪怯於群眾壓力，鄭松泰又話會跟隨飯民大隊決定，既然係咁，往後都應該同飯民「齊上齊落」啦，點可能去到今日飯民總辭之時，你又反而回歸番「獨立特行」路線，眷戀臨垃會議席，咁當初又做乜要痴埋飯民個總辭決定度呢？

無錯，「總辭最佳時機」已過，然而永遠都係總辭嘅次佳時機；總辭無乜意思，但留響臨立會本身就係一種罪惡，若依政治邏輯，熱狗應從速離開狗窿。

【在亂世中做先知會被石頭擲死；做神棍反得發達永生】

同其他時事評論員唔同，我唔擅長預測未來（又或者唔好意思將XX又中講出口），但我往往發現出響形勢轉變而一早建議大家應該點做點做時，就比人話我乜撚收共產黨、熱狗、分化撚，然後大家後知後覺跟住去做之後，不但唔會佩服我有先見之明，反而老羞成怒繼續屌尻

好似去到今日，王丹終於響網站度表示飯民主派唔應該再同「港獨」切割，唔應該對體制再存有幻想，回歸街頭──我屌尻飯民同「港獨」派切割係幾多年前嘅事？

響初選前我猛同大家講選舉再無撚用，唔應該分心去搞無謂嘅議會戰線而回歸街頭，結果唔單止飯民黃屍圍剿我，連本土派都走黎屌尻我，話我阻住佢地草船借箭變成「主流」──好勒而家搓損完咗，除咗見倒班本土派同飯民左膠攬頭攬頸，個飯民大台比本土派騎劫咗未？

都未計而家個個開口埋口「加速」「攬炒」，但其實只不過將「焦土」換另外一個講法黎講……然後而家王丹突然訓醒，黃屍就覺得佢覺得頭頭事道；我講同一番話比人圍屌，卻只不過係太早講出口。

響呢個世界，做先知並唔會獲得人尊重，唔比石頭擲死、比火燒死已執番身彩，想發達都係走去做神棍著數Ｄ

延伸閱讀：回憶的中的李登輝：今天民主之父、昨天漢奸走狗／走在時代尖端的人總會被平庸大眾敵視與排擠
https://bit.ly/30hIvBG

連登丫嘛，係咁㗎啦。

早晨~~~

2014年6月6日，我喺立法會門外同左膠葉寶琳理論，佢哋不停呼籲人出嚟，但到有問題出現時就屈落熱血公民身上，話熱血公民騎刧佢哋團隊，講講下有人同我：「熱狗，你仲留係度做咩，黃洋達拉隊走咗啦~~跟返隊形走啦！！」

期後網上隨即大量抹黑熱血公民嘅文章出現，當時作為
局外人嘅我，第一次被熱狗，亦因為咁我開始留意唔少熱血公民嘅動向~~

而呢幾年歷史不停重覆又重覆。

---------------------------------------
《熱血公民》簡稱熱狗

多次透過唔同渠道表明唔會參加販民初選，而初選發起人戴耀廷於6月9日喺記者會講到明

「只有熱血公民表明不參與協調機制」
https://news.rthk.hk/rt…/…/component/k2/1531030-20200609.htm

依家初選參選人自己鬧交又賴落熱狗身上，會唔會覺得自己不知廉恥，一啲羞恥心都無？！？！

擺明無參與呢個小圈子選舉，自己內哄，攪到畫面唔靚就夾硬屈落人哋度。

明明就是非不分就當晒自己行正途，走正路，自覺係正義使者~~

仲好意思笑民建聯無恥？？收皮啦！！你哋有閪資格講咩！！