😼🥘葵芳美食嘉年華🥘😼 第一句想講，今次有進步！ 得返兩日就完，長話短說喇～整體價位都算#貼地 ，熟食攤位多過之前，有啲似小型#工展會 ，有成條食街，亦係最多人嘅一條街！星期五晚去食野都唔算等好耐。 💃🏼💃🏼💃🏼💃🏼💃🏼💃🏼💃🏼💃🏼💃🏼💃🏼 因為好多都係#東門小食 ，即係啲大肉串、龍珠串、煎餅果子、燒蠔、燒帶子。價錢由$30-$50不等，同#東門 價比貴1倍左右啦，不過始終喺香港食，$50/2大串，燒蠔就$50/4隻，都算貼地嘅。 🍢🍢🍢🍢🍢🍢🍢🍢🍢🍢 本土野都係有梳乎厘班戟、鮑魚、和牛粒、金蠔、玉子燒、芋圓豆花、千層蛋糕、糯米糍⋯呢啲大路野！ 有啲$100/3款，但睇落好少，無乜興趣。我主要食咗4間野姐～ 😂😂😂😂😂😂😂😂😂😂 #蚵仔煎 $30 其實有好幾間，我只會推介我食嗰間，因為啲蠔超大粒，一份有5-6粒，煎得有心機，有啲焦面，但汁亦整得唔錯，唔會太咸太傑！喺近出入口位，想知檔口咩樣可以直接問我拎相睇 。 #梳乎厘班戟 $40/2件 有3檔，我試嗰間好一般，似蛋糕多啲，有啲嚡，但影相大大份，靚囉！有問有珍奶口味，但我無試 。 #花膠 $10/碗 貪平。垃圾。無味。講完 。 #紅燒牛肉麵 #沙茶羊肉麵 $35/1 $60/2 穩陣之選，賣黑橋牌嗰間到買，我鍾意佢啲麵質夠口感。前者會濃味啲，後者我覺得羊肉味唔夠。 另外佢做緊特價，$5蚊有碗拌麵，所以都要排隊等下，10-15分鐘左右啦～ 🍜🍜🍜🍜🍜🍜🍜🍜🍜🍜 唔講咁多喇，想去就要快喇，聽日完喇！（原來長話短說我都打咗咁大段） 📍📍📍📍📍📍📍📍📍📍📍 葵芳美食嘉年華 地點：葵芳興芳路223號葵涌運動場 日期及時間： 27/10 - 3/11/2018。11:30am - 9:00pm 4/11/2018。11:30am - 8:00pm 入場費：$5 📍📍📍📍📍📍📍📍📍📍📍 👉🏻想知更多吃喝玩樂資訊？Follow Me！ FB：stellasheafoodiary Ig： stellasheaa Blog：Stella's hea食玩部屋 YouTube : https://www.youtube.com/channel/UCXPATomyWsZumEe4cT4OBEw