我對市長的各種失言當有趣已經快無言以對了，只能再做
一張梗圖送他

#什麼你說跟上次不是同一個人?

[補。中文解讀星期三+課程探究星期四]
(sor，前幾日太忙，今日補返)
(唔好同我嫌字多，你考試肥佬就係因為你唔肯睇唔肯儲)
早幾日睇報紙，見到蘋果日報彈DSE小組討論題目。其實，每年佢都會彈一次，年年都話D題目好難，涉及政治。但老老實實，今次我又真係覺得冇問題。

就以下面條「標點符號題」為例，標點符號其實係好基本嘅中文常識，一個中六學生冇藉口唔認識佢哋。唯一嘅難度，係將佢同香港嘅現況掛勾。但真心，考試冇難度仲係唔係考試呢？而佢嘅難度係咪確實咁無理呢？

你話，佢考緊學生政治，而政見唔同有可能會令佢肥佬，係真唔係呢？其實你認為條題目關政治事，係因為你腦中只有政治(又或者係你只想談及政治)。事實上，喱條題目考嘅只係生活同時事。我用個省略號為例：

1.省略號有「等等」嘅意思，可以將類同、並列嘅事物省略。而事實上，香港人每日要處理嘅事，亦確實多到要用省略號。大人要忙工作、細路仔忙考試忙補習忙課外活動。佢地要做嘅事如果要寫入日記，確實真係要落一個省略號先可以避免冗長。可見，省略號確實代表到香港人嘅日常生活。

2.省略號亦可以表達「無言以對」嘅狀態，而香港社會嘅現況，往往會令人無言以對。就好似樓價高企，夾心階層無法「上車」；人口稠密，好多年輕樂手、藝術家等等，想搵一絲喘息嘅空間都相當困難…..以上嘅社會現象嘅受害者，往往都有冤無路訴。因此，面對種種困，大部份香港人確實都會「無言以對」。省略號正正就反映到喱種狀態。

3.省略號亦可以表達「沉默」。「沉默」並唔係必要，但偏偏就係好多香港人嘅寫照。好似早前地鐵上嘅縱火事故，大部份人只係識得保持沉默去圍觀、拍片，挺身而出協助傷者嘅人寥寥可數。而響部份網上流出嘅影片當中，好多人見到受害者面對不公平對待，又或加害者施以暴行果時，都只係會低頭扮鴕鳥。可見，喱種反智但常見嘅「沉默」，喱個奸狡嘅省略號，確實慢慢潛入香港人巳腦袋。

加埋回應他人，相信喱三個point已經夠大家發成4-5次言。而以上三個point，完全冇涉及政治。所以，從來冇人迫你講政治，只係媒體中意扣帽子。

至於，「政治不正確」嘅問題，我只能夠講個例子：我有隻兵兵，oral時都有講黃絲立場，但佢oral都拎到5**，而黃之鋒去考oral都拎到靚grade，可見香港嘅公開考試應該仲未有「文字獄」。

最後，你可以話：「你梗係識啦博士！啲學生點會識呀！」但我只想講，我用嘅例子只係由報紙同Facebook睇返黎，我嘅分析角度亦只係睇得多、儲得多先會存在。而身為一個學生，儲例子、儲角度、練oral，其實真係正常不過。

考試制度真係未見完善，但又唔係次次都係佢錯。身為學生，考得唔好，多多少少一定有責任。
#有時報紙講嘅唔一定啱 #有咩鬧中文先一定冇錯 #搶道德高地必做 #與其投訴不如練多啲ORAL #BenSir #BenSir同你學教仔

圖片來源：蘋果日報