. [美劇][失落的符號] 古代傳說、神秘學、古文明等等一直都係唔少創作者嘅靈感泉源，因為太多謎團難以證實，又同真實歷史撈埋一齊，搞到似是而非咁，可以靠創作者嘅想像去無限串連同延伸。我都好鍾意睇呢啲嘢，當故事咁聽都覺得好神奇，每個星期都等老高同馬臉姐出片~ 不過呢排應該要再追多樣嘢，就係新嘅美劇《失落的符號 The Lost Symbol》。其實佢一有消息話拍，唔只係我，而係全世界有好多人都好開心。因為男主角係Robert Langdon！即係《達文西秘碼》、《天使與魔鬼》、《地獄解碼》嘅男主角，亦即係Dan Brown所寫嘅系列小說。 古代傳說、宗教、共濟會、符號，仍然同其他同系列嘅故事一樣，係情節嘅主要吸引元素。睇咗《失落的符號》第一集，劇情編排緊湊無冷場，亦都鋪咗好多謎團伏線出嚟。但對比起《達文西密碼》同埋《天使與魔鬼》嗰種最殺食嘅模糊真實與虛構，就仲未見到。 我冇睇小說，以為故事時空順序係按照書嘅出版順序：《天使與魔鬼》、《達文西密碼》、《失落的符號》、《地獄解碼》。今次演Langdon嘅演員Ashley Zukerman後生過Tom Hanks勁多，搞到我有啲錯亂。但原來電視劇《失落的符號》嘅時空係喺電影系列之前，咁就啱返數喇。 無綫大股東黎瑞剛喺之前狠批TVB嘅訪問當中，曾經講過無綫喺美國會投資一啲「精品內容」製作公司，當中包括Imagine Entertainment。而Imagine Entertainment就係今次製作《失落的符號》嘅其中一間公司，佢亦都係電影《天使與魔鬼》、《達文西密碼》、《失落的符號》嘅製作公司嚟。即係話呢套美劇係有無綫份，唔知無綫之後會投資開啲咩種類嘅美劇？最重要係可唔可以將技術引入嚟香港呢邊？ 《失落的符號》 @mytvsuper 逢周五上架 [首集免費睇] https://bit.ly/3lDDEV0 #DanBrownsTheLostSymbol #TheLostSymbol #RobertLangdon #AshleyZukerman #myTVSUPER #天使與魔鬼 #達文西密碼 #失落的符號 #地獄解碼

【《尋秦記》上映有期？】 _ 改編已故作家黃易經典同名小說的連續劇《尋秦記》，自2001年在無綫電視翡翠台後，一直獲網民稱讚為「千禧後港劇代表作」，而古天樂獻唱的主題曲《天命最高》，至今仍然是不少人的集體回憶。 _ 為迎接劇集面世20周年，古天樂旗下的「天下一影業」決定與另外多家內地電影公司開拍電影版，並於「香港影視娛樂博覽2019」公布演出陣容，除飾演嫪毐的江華外，劇集版幾乎原班人馬有份，另外再加入新角色，包括由朱鑑然飾演項少龍的兒子項寶兒。電影於同年4月在貴州都勻秦漢影視城低調開鏡，7月初煞科，今年3月底首度公開預告，惟至今未有確實影期。 _ 直至周六（18/9）網上突然傳出《尋秦記》電影版將於11月18日在香港公映，但未見官方fb專頁發布相關資訊，本站向.「天下一電影」查詢，對方回覆否認上述傳聞，並指：「《尋秦記》電影版的上映日期正在安排當中。」 _ 電影版的故事設定承接電視版結局，嬴政（林峯飾）登基成為秦王之後的19年，項少龍（古天樂飾）一家已歸隱田園，無奈一舉一動仍被徒弟監視，正當嬴政一統六國，以為平定天下之時，竟碰到神秘人「Ken」突襲，他不得不去尋找又敬又畏的師傅，闊別20年，師徒終於再見，三人同聚於秦，霎時間，電閃雷鳴，風雲變色！根據官方介紹，「Ken」是電影版主角，因為一場冤獄，令他決心回到古代改變歷史，令項少龍、嬴政的命運又再改變。 _ （19092021） _ #游大東 #游大東影視筆記 #尋秦記 #古天樂 #項少龍 #宣萱 #郭羨妮 #林峯 #朱鑑然 #電影 #天下一 #秦王 #嬴政 @ronnie816 @429tkm @sky_high_entertainment #yautaitung #港劇 #19092021 @triplesartistemanagement

【 賣文時間／橫睇掂睇第三篇 】 _ 演藝界從來都是一場金錢角力和畀面派對，優劣成敗就看話事人怎樣拿捏。有些經理人願意揼本宣傳，為旗下藝人造勢，此舉無可厚非，只是有些天王巨星，早已升上神壇，地位崇高到一個有錢也未必能夠請得動他的地步，假若堅持跟對方講錢，就真的會失感情兼失面子，最新鮮滾熱辣的案例，當然是梁朝偉與無綫電視。 _ 事緣杜汶澤早前（4/9）在個人facebook帳戶開火炮轟大台，指出素來低調的「香港影帝」梁朝偉，為宣傳他有份主演的MARVEL電影《尚氣與十環幫傳奇》（Shang-Chi and the Legend of the Ten Rings）而罕有接受香港和海外多家媒體專訪 ── 就連「Do姐」鄭裕玲亦說，對上一次跟梁朝偉聊天已是2013年的事 ── 如此機會，按常理思考，有份訪問的記者和播放片段的平台，應該開心到嚟唔切，畢竟此君非別人，而是梁朝偉。 _ 偏偏大台總是喜歡「特立獨行」，專訪在無綫娛樂新聞台播出的時候，幕後竟然將畫面右邊的《尚氣》標誌，以模糊效果的方法遮掉，身為老闆的阿澤實在忍不住，便在facebook大罵：「點解TVB可以做到今日咁嘅成績？完全係來自自信。人哋部戲做宣傳，至俾（畀）個梁朝偉你，你Blur咗人個Logo，呢種風度真係世界級！」阿澤開聲「問候」，加上大台有原罪，所以吸引大批「花生友」鬧埋一份，只是「問題少年」又「病發」：這種打格方式並非甚麼新鮮事，以往我見到這些畫面時都會「藐埋一份」，但究竟何時開始出現這種「方丈好小器」的處理手法？ _ 根據江湖傳聞，原來與已故的「六嬸」方逸華有關。自2000年起，「六嬸」逐步參與無綫日常業務決策，同年10月底獲委任為無綫副主席，及至2006年5月底，再獲委任為署理董事總經理（2009年初坐正成為董事總經理），而無綫娛樂新聞台就在差不多時間開台（2006年6月25日啟播），直接向有線娛樂新聞台宣戰，當時負責開台的話事人，正是從有線過檔的娛樂新聞台創辦人兼節目總監余詠珊。不知道「六嬸」純粹想開源，抑或為日後賣盤「執靚盤數」，有次她與余詠珊談到，到底採訪藝人出席活動時拍下的片段，那些品牌有沒有給廣告費？如果沒有，就要「打格」！ _ 據知，余詠珊並不認同「六嬸」的看法，惟上司的命令不可不從，只好硬著頭皮幹下去，有趣的是，這一招相當有效，的確有品牌高層或者公關公司負責人，願意真金白銀花錢要求「走格」，而且為數不少，更試過因為收了廣告費，會要求採訪的記者在印有商標的活動佈景板前方「做扒」，大台這筆收入相當可觀，在不要與錢作對的情況下，就連開台時全沒「打格」的有線娛樂新聞台亦有樣學樣、維持至今，每晚在香港開電視77台和有線綜合娛樂台播出的《娛樂頭條E-news Headline》亦長期有「遮遮現身」。 _ MARVEL雖是國際電影品牌，但跟奢侈品牌的定位和性質完全不同，當然不會花錢向大台買廣告，而梁朝偉始終是無綫藝員訓練班出身，今次能夠躋身荷李活大製作，對普羅大眾而言，絕對是「香港之光」，大台「一反常態」不趁機叨光，反而死守所謂規則，在梁朝偉與廣告費之間選擇後者，決不開綠燈「走格」，成功示範企業僵化思維下如何將好事變壞事，實在可惜也可笑。 _ 原文刊於《am730》 標題：快問快答二揀一之梁朝偉與廣告費（2021年9月8日刊登） _ （16092021） _ #游大東 #游大東影視筆記 #梁朝偉 #尚氣 #尚氣與十環幫傳奇 #無綫娛樂新聞台 #TVB #shangchi #marvel #am730 @marvel @shangchi @am730hk #杜汶澤 #有線電視 #香港開電視 #余詠珊 #電視史話 @tonyleung_official #16092021 #shangchiandthelegendofthetenrings