Apple TV終於有好戲睇：《雷霆戰艦獵犬號》

Apple TV開台至今，一直無乜好野睇，幸好個人account是一年免費那種，所以仲keep住，終於等到正戲嘞。湯漢斯擔任編劇和主演的《雷霆戰艦獵犬號》本來預算今年6月戲院上映的，受到疫情影響，終於被Apple TV以七千萬美元買下十年獨家播放權，現在已經在Apple TV上架，有account的無須另外收費，便可收看，實在不容錯過。

電影改編自英國作家C.S. Foster於1955年推出的小說《The Good Shepherd》，小說參考二次大戰史實，經湯漢斯改篇，講述新任驅逐艦艦長Ernest Krause，帶領多首盟軍驅逐艦。保護一批商船，穿越大西洋，目的地是利物浦。在整個過程中，艦隊會有約四十小時，經過一段名為「黑坑」的水域，這範圍沒有空中支援，驅逐艦必須獨自面對德國潛水艇U-boat的狙擊，故事主線便是驅逐艦和U-boat間的慘烈攻防戰。

整齣電影以攻防戰為主，故事性不強，但海戰畫面十分出色，屬於睇場面為主的電影，雖然已經stream上大電視睇，但坦白說，這電影絕對應該睇大銀幕，再配合靚的音響系統，好睇程度一定升多兩級，現在睇電視真心有點失色，但現實環境只有無奈接受。湯漢斯的主艦名「獵犬號」，德國的多艘U-boat統一叫「灰狠」，整個故事推進，就像一個牧羊人，帶領著多隻獵犬，保護羊群，越過幽谷，面對狼群不斷的追殺。緊張劇情，配合湯漢斯無懈可擊的演技，喜歡戰爭片的必看！

#AppleTV #雷霆戰艦獵犬號 #湯漢斯