又一城 屹立21年的意大利菜 _ 成日經過依間餐廳都未食過，好似好高級咁，餐點平均百幾蚊一碟 午餐$98起，在white zone嚟講正常地貴，既然fd子想食又唔嫌貴就一於試吓啦😆 最重要係跟餐有得平D食Tiramisu 💕 小Tips: 午餐只限星期一至五，2點半後入座惠顧午餐有8折優惠，學生用又一城U card任何時候都有9折優惠 餐廳面積大，環境裝潢有心思，華麗的吊燈，昏黃的燈光，營造浪漫的古典格調 配襯牆上很多油畫和人像畫，部份為立體派畫作，豐富色調激發靈感 😍 當日就嚟到Halloween，加咗好多南瓜骷髏佈置，好有節日氣氛🎃 環境係幾好，梳化位好坐，但係枱和枱之間好窄，出入唔方便🤦 睇Openrice先知，原來餐廳入面有toilet嘅，我仲傻旯旯出去排隊添🤦 _ ⚠️服務態度令用餐感受大打折扣，我地嘅待遇明顯較熟客差，當想要餐碟時，侍應態度有點不耐煩🙁 有D基本嘢冇做到，例如食意粉得匙羹😤，唔識自動俾刀叉、餐碟，叫咗好多次都係俾漏，我地之後都唔好意思麻煩佢地喇🤣，諗住同fd share一隻叉算，好彩食食吓，有個男侍應突然記得俾我地☺️ 其他濕濕碎碎嘢就唔講喇，總之麻麻地 ⚠️衛生方面，水杯有污漬，我都係唔飲算🤣 唔知點解枱上突然有粒檸檬核，我地都冇叫檸茶檸水架 ⚠️食物雖然大碟份量多，但味道平庸，唔值依個價錢，冇下次！ 記得fd子講過依間地中海Pizza好食，大家叫pizza好喇，唔好對其他嘢食有期望🤗 _______________________________________ 👅午餐附送香濃忌廉蘑菇雞湯或雜菜沙律及餐飲 飲品可選滴漏咖啡、奶茶或各式汽水 我要咗凍滴漏咖啡，咖啡薄身，咖啡因含量低，飲完1小時後都瞓到😂 味道一般 香濃忌廉蘑菇雞湯🍄 忌廉湯香濃稠身，蘑菇打成碎粒，仲有啖啖雞絲，足料好飲，係一個幾好的開始👍 但入面有一粒粒唔知係飯定咩嘢，好飽肚，飲完已半飽 😂 隨湯附上一件香草麵包🌱🍞 香脆可口，蘸忌廉湯食唔錯啊！ _________________________________________ 🐮甜酒燴牛肉配米形意粉 $108 燴牛肉有淡淡蕃茄和甜酒味(紅酒？！)，但煮得唔夠腍 始終出面少見米形意粉，依個還可以啦 _________________________________________ 🍝燒露絲瑪利雞配意粉 $108 我係好鍾意食意粉，但成日都會食淨意粉🤦🙇，因為近排食到個嘴尖晒，唔al dente唔食😤 而依碟蕃茄意粉實在太平凡，質感同學校canteen嘅差唔多，自己整都好食過佢😹😹 _ 至於依度招牌嘅燒露絲瑪利雞，係以迷迭香、蒜頭、胡椒醃製而成，並配上檸檬香草汁 我地拎到已經係雞髀，比較好的部位 但肉質都好嚡又冇味，迷迭香落得太少，唔蘸香草汁就feel唔到佢存在 而雞骨就好鹹，醃得好求其囉🙄 _________________________________________ 🍰招牌意大利芝士蛋糕 跟餐$30 單點Regular Size的話要$78，當然依個平價的比較細件 可能因為網上好多人推介 結果唔係咁好食，真係幾失望😕 味道好普通，咖啡味淡 曾有報道介紹過依間用上甜葡萄酒、櫻桃白蘭地及咖啡甜酒等三款酒浸泡，但食落唔夠酒味 感覺淨係得Mascapone Cheese和可可粉的味道，毫無特色🤦 手指餅浸得唔夠濕潤，一入口覺得幾軟熟，芝士忌廉幼滑，都可以接受，但當食晒芝士忌廉，食到底得返手指餅就太乾喇💩 想知邊度有好食嘅Tiramisu，Click入#尋找Tiramisu之旅 啦~ 整體實在不外如是😡😡 ================================== #Amaronis 九龍塘達之路80號又一城LG1層32號舖 View More Here #yantung九龍塘