【無限打卡🌿維多利亞風火鍋店】 #阿祖食盡佐敦 近期極具話題性嘅火鍋店！位於佐敦某大廈2樓，一到門口已經感受到佢嘅華麗✨環境走懷舊維多利亞風路線，環境闊落帶點摩登風設計，似cafe多過打邊爐😂最正係發光波波鏡室，夢幻之餘波波亦會轉色，形造偽team Lab感覺🎪平日夜晚都好full，記得預先訂位。食物方面，主打養生鍋底及精緻配料 。 🤍 沒有立場資訊 💁🏻‍♀️ #阿祖_火鍋店 。 💕湯底 招牌日本牛乳玫瑰鍋 ($168)，奶白色湯底以北海道牛奶製作，熬煮時加入玫瑰花🌹面層兩朵以湯底整成嘅冰玫瑰，賣相有心思。食落奶味極重，內裏嘅木瓜肉為食材增添甜味，後勁有少許花香。但食到一半、湯底嘅牛奶就會開始凝固，形成顆粒狀，令觀感扣分😂另外可以點鴛鴦鍋，揀咗麻辣鍋 ($118)，起初麻味比較強，後來愈來愈辣🌶味道同出面麻辣火鍋店差不多 。 💕肉類 如果4個人去食、或者遲啲放寬限聚令多啲人，必試香江拼 ($788)！擺盤十分搶眼誇張，以不同牛肉部位、花朵同蔬菜拼湊而成。包括手切肥牛、牛柳粒、安格斯牛、牛白肉、牛展、牛心椗、黑白牛柏葉及牛脷🐮店員會講解各部位同烹煮時間，牛白肉即為牛胸油，牛心椗為心臟大動脈血管，屬內臟質感爽口。阿祖最鍾意係安格斯牛，肉質嫩滑重肉味；牛柳粒就比較普通。肉量真係非常多，2-3個女仔不建議點，價格不平以免浪費🐂散點一碟牛約$168、$238至$328不等，等級分別為美國安格斯牛、手切本地肥牛、澳洲M5和牛 。 💕餃子、火鍋丸 分別點咗三色餃($88)及自製三色墨魚丸($78)，前者係黑松露長腳蟹餃、芝士鮮菌餃及野生松茸餃🥟後者係咸蛋黃、黑松露及蟹籽。餃子會喺order後即包，色彩繽紛，口感豐富皮不太厚，略嫌餡料可以再飽滿啲，價錢亦有點貴。而三色墨魚丸幾有驚喜，食落爽彈有鮮味，特別黑松露味道好香！ 。 💕蔬菜 想每款有啲嘅不妨嗌「花花綠綠」($98)，超大份成個盤栽咁，賣相吸引🥬包括唐牛菜、皇帝菜、娃娃菜、西洋菜、椰菜、南瓜、粟米尖同車厘茄串。為3-4人份量，種類夠多 。 💕飲品 幾款鮮花主題特飲頗為特色，點咗鳳琉香($68)及瑰洛月($68)。鳳琉香以菠蘿果汁配以干薑水，有個波波喺面🍍瑰洛月為玫瑰花+洛神花+梳打水，上枱時會有霧氣效果，配以大冰球。味道較甜有啲似mocktail，都係賣相為主 。 整體而言餐廳無論食物定環境都夠曬打卡，淨係影相已經好唔得閒😂服務OK坐得舒服，價格屬中上，味道有啲位可以做得更好。發光波波鏡室真係冇得輸，適合BFF聚會或慶祝～ 。 📍香江花月 佐敦佐敦道35號百誠大廈2樓 ⭐️人均消費：$200以上 。 #joeiefoodie #hkfoodie #麻甩祖吃貨日常 #麻甩女子祖 #hkfoodie #hkeat #hkig #hkfood #hkgirl #香港插畫 #香港美食 #佐敦美食 #香江花月 #victorianera