【#邏輯三部曲｜什麼是邏輯推理】 如果你鍾意喺網上睇搞笑圖片，相信你一定睇過以下嘅笑話。 酒保：「請問你嘅職業係咩呀？」 客人：「我係做顧問嘅，係一份很需要邏輯推理嘅工作，幫助客人解決問題」 酒保：「你可唔可以示範下？」 客人：「好，請問你有冇養狗？」 酒保：「有呀！」 客人：「你有養狗証明你很有愛心，你有愛心証明你好愛你嘅小朋友」 酒保：「當然！」 客人：「你有小朋友証明你一定有老婆」 酒保：「你點知㗎！？」 客人：「呢啲就係邏輯推理，你有老婆同小朋友証明你唔係同性戀」 酒保：「邏輯推理真厲害！」 當一個鐘後，有另一位客人到訪酒吧，酒保同客人B玩起邏輯推理嘅遊戲。 酒保：「請問你有冇養狗？」 客人B：「冇呀」 酒保：「那你一定係同性戀！」 - 其實邏輯推理可以分為三種方式，演繹推理、歸納推理同反繹推理： 演繹推理(Deductive Reasoning)：如果前提為真，結論定必會係真，例如：「所有人都會死，Peter係人，所以Peter都會死」 歸納推理(Inductive reasoning)：以一系列經驗事物或知識作為依據，搵出當中嘅共同規律，並假設同類事物亦會服從呢啲規律，例如：「冰係凍，所以所有冰都係凍」 反繹推理(Abductive Reasoning)：解釋已知事物嘅過程，籍結論同規則來支援前提以解釋結論，例如：「一個人如果大量吸食毒品，喺一個鐘內就會死；而Edward死咗，因為Edward喺一個鐘前大量吸食毒品；所以，大量吸食毒品喺Edward死嘅原因」 - 點解同樣係邏輯推理，酒保同客人得出嚟嘅答案咁唔同？其實好簡單，因為客人A嘅邏輯，係有經過演繹推理嘅過程，一步一步得出結論，而至於客人B，酒保就由一開始跳到去答案，無經過推演嘅過程。所以有邏輯同無邏輯，其實只係一線之差。 - 聽完咁多，相信除咗喺感情生活中，要應用都唔難嘅，因為兩性相處真係無邏輯可言呀！ ------------------------ ◆ 每日分享知識、每月提供課程 ◆ Beginneros網站: https://www.beginneros.com/ ◆ Youtube：Beginneros ◆ Instagram：@beginneros ------------------------ #beginneros #冷知識 #hkig #hk #神邏輯 #兩性 #邏輯