好耐未試過喺本地嘅餐廳中，被接二連三四五六嘅驚喜轟炸得咁開心喇！講緊嘅係我喺#梳打埠 嘅體驗，位於勵宮酒店嘅呢間新晉融合菜餐廳，無論係想喺度唔正經咁食正餐定小酌都非常適合。由聽個朵就知道唔惹少嘅廚魔Alvin Leung同佢嘅愛徒Jeronimo把關，主打無從複製亦係全城獨家嘅「澳葡菜」，將天馬行空嘅創意融入大家已經聽到就厭嘅老澳門菜式上，嘩眾取寵得嚟又冇華而不實嘅缺陷。 我真係好少可，未食完餐飯就send相去飲食飲食鐵腳group度call馬再嚟，我食到第二道菜已經有呢個動作，如果唔趕住走，留低聽埋我解構吓啲款款驚豔菜式先： ❤️三味鴨飯 3D Rice 飽滿分明嘅飯粒被鴨汁同鴨油滋潤過，香到令人心花怒放，飯中有豐腴嘅鴨肝，當你覺得太油時，又有橙肉out走膩感戲份。呢碟飯可謂係將鴨嘅魅力立體化，兩個字：必嗌。 ❤️川式花椒蝸牛伴牛骨髓 法國菜中嘅經典款嚟個大洗牌，將帶微辣嘅四川花椒醬汁亂入其中，牛骨髓甘香油潤，蝸牛彈牙軟嫩，將中西風味融會得非常流暢。 ❤️摩羅三文魚 縱橫咗茶餐廳咁耐，望住眼前嘅呢一個景象，個汁水白雪雪咁，真係掛鉤唔到平時日食夜食嘅摩羅雞喎，入口一刻我忍唔住認低威，乳白色嘅真係演活咗摩羅汁嘅精髓，更帶恰到好處嘅椰香，三文魚軟嫩到入口即化，好驚喜。 ❤️薑汁撞奶 每次有親戚訪澳都總會有去食薑撞奶嘅呢個環節，老老實實，對我來講係一個苦差，因為青春期未到已經一早食厭咗。難得梳打埠呢個「薑汁撞奶」 ，令我對呢一度甜品再次燃點起火花。呢塊啫喱狀嘅牛奶手巾仔，淨係個賣相已經夠晒匪夷所思啦，講到呢度先，留個空間俾大家去揭曉下。 ❤️皇室馬介休 主廚Jeronimo大哥喺法國唔少星級餐廳度琢磨過廚藝，掌握咗豐富嘅法式美食烹調技巧，帶埋法菜中享負勝名嘅鵝肝汁回流返澳，當然要好好咁善用佢。不過主廚不甘安於常態，將鵝肝汁混和椰子同香茅汁入饌馬介休中，令口感嫩滑中又不失纖維感嘅馬介休令人有種耳目同味蕾一新嘅驚喜。 - 以下餐點都好值得試： 皇室馬加休 手切牛肉他他 葡式八爪魚 楊枝甘露千層 - @legendpalacemacau 梳打埠 Soda Port 漁人碼頭勵宮酒店地下 營業時間 周日至周四: 傍晚6點至12點 周五及周六: 傍晚6點至凌晨2點 電話: +853 8801 8181 #foodinstagram #foodfoto #foto #instagramfoodie #instafoodie #macaofoodie #macaufood #instafood #foodporn #澳門 #澳門obxxob #Macao #macau #sodaport #勵宮酒店