【#Nj評《紅海行動》】大媽扯旗歡迎解放軍是常識... 呢套戲純粹賣技術，戰爭片動作其實拍得ok 林超賢係個香港導演，雖然話都靠向大陸一段時間 掌握到唔同大型戰爭場面係幾犀利，當然解放軍肯定幫好多 佢以前的電影我唔熟，近十年留意到《証人》《激戰》之類都算好高評價 但去到大陸主導的《破風》《湄公河行動》又係麻麻地 《逆戰》我有睇，當時完全唔明點解有人係咁讚 賣點係得謝霆鋒同周杰倫，係打到好勁 但講到約旦馬來西亞咁又出飛機坦克車大炮恐怖分子致命病毒我投入唔到 所謂母子情完全感動唔到我 學成龍話齋我呢啲思想完全係唔夠『國際性』不能『走出去』 . 到今次，佢講個故事關於國家派軍隊去幫手撤僑我接受 大家都知講來講去都係俾機會解放軍展示軍備塑造無敵形象，算啦入得場預咗 海陸空乜場面都拍晒，俾我就留返一半撒手鐧下部戲先用 但套戲整體來說我唔會俾高分 純技術補救唔到零劇情，而本人幾重視故事 著陸後首幾場十字街頭大戰及被伏擊，係打到好勁 但係，快到我跟唔到，係咁砰砰砰好似做咗好多嘢，但唔係好知打緊咩 反而中途出現拆彈及狙擊手互瞄，節奏停下來就感覺到個氣氛，即刻有感覺 真正要話心情完整進入套戲，要數到殺入敵陣救人一段 打得勁玩得耐係好嘢，最緊要係終於叫做有少少部署 唔似得前段所有嘢都好突發就咁打來打去 但係救人部署個終極bug就係，一班中國人包住個頭就可以扮阿拉伯... 無可否認畫面上呢一段加上緊接的坦克車大戰都係好睇嘅 又講返故事，一隊人人物關係冇乜，係兩條相較比較突出當點綴下 其餘約十位主角，我完全認唔出樣呀！！ 個個軍人剷青，係幾難認喎... 仲有唔少好刻意賣弄氣概又白痴的對白...例如... 長官：前面係鄰國水域，你哋唔可以再繼續前進 下屬：唔得！！！他們殺了人，我們一定要緝拿不能放走！！！！！ （極大聲+普通話－自己想像） 長官：好啦你去啦，記住前面係鄰國水域你哋唔可以再繼續前進... 呢段對話好似好man好世界警察好有公義 但其實好無聊好廢，聽到都打冷震 仲有國旗隨處出現，大媽扯旗歡迎解放軍是常識... 手臂上『蛟龍突擊隊』徽章隔離的國旗又當然唔少得啦 最恐怖還是一班人部隊出動式慢鏡向住鏡頭跑 老土程度係十粒星反晒白眼 . *追蹤instagram【 madman.movie 】有你著數！ *// https://www.instagram.com/madman.movie/ // * *讚好專頁【 電影狂人-影評情報交流平台 】緊貼最新電影資訊！*** －－－－－－－－－－－－－－－－－－ ░電影資訊 ░獨家影評 ░幕後製作 ░戲院優惠 Fb專頁【 電影狂人-影評情報交流平台 】 http://www.fb.com/MovieMadMan #紅海行動 @ua_cinemas @gh_cinemas @themetroplexcinema @mcl_cinemas @cinemacityhk @emperorcinemashk @broadwaycinematheque @the_sky_cinemas #hkig #hkiger #hkbloggers #hk #hkmovie #hkmovies #hkblogger #hkbloggers #movieblogger #moviebloggers @movieexpresshk @emperormotionpictures #影評 #香港電影 #hongkongmovie #hongkongmovies #movies #movie #林超賢

十月電影 ~~ 1. 黑雨後嗰日就睇咗，由Tom Cruise主演的《烈探狙擊：誓不回頭》，其實個故事都幾老土吓，又係嗰D比人屈，而主角幫佢查出咩嘢原因，而內有劇情嗰D故仔！不過一讚Tom Cruise雖然年過50，但都仲幾好身手！呢套都OK嘅，幾緊張，我比75分！ 2. 而打風嗰日就睇咗，由彭于晏主演的 《湄公河行動》， 呢套係真人真事改編而成，可能係講大陸警方，所以為求逼真，用番普通話，但其實成套戲都幾緊張，但略嫌有少少拖咗D，時間長了一點，其實都好睇的！我亦都係比75分！ #電影 #影評 #十月電影 #烈探狙擊誓不回頭 #湄公河行動 #movie #JackReacherNeverGoBack #TomCruise #OperationMekong #彭于晏 #EddiePeng #CherryPolaw小些牙 #CherryPolawSharing