#gfmurmur2072 我係一個女校學生 12月中嗰陣我喺ig識咗個男仔 佢同我差唔多歲數 有一科選修科一樣同埋同一年考DSE 我見大家都有啲共通點所以就開始傾下計做朋友 識咗三日之後我地喺機緣巧合之下見咗面 唔係特登約出嚟不過咁啱同一個活動所以見咗對方 我嗰陣認得佢所以行咗過去 然後我地講咗幾句嘢 嗰日活動完咗之後我地都有保持聯絡 佢知道我過幾日就生日所以想幫我慶祝 我覺得大家傾得埋我又當佢好閨蜜咁所以應承咗 喺我生日前三日佢突然問我啃唔肯做佢女朋友 其實我唔覺得驚訝因為佢傾計嗰陣好中意撩我 玩下曖昧咁 我無即刻應承佢 只係同佢講俾佢考慮多三日 如果我生日嗰日佢仲有呢個諗法我再俾答案佢 之後嗰三日我地好似無事發生過咁繼續吹水 然後我知道咗佢A1 而我係A0 我一直想搵個同我一樣係A0嘅 咁就可以「我的初戀的初戀是我」知道呢件事嗰陣我已經有少少拒絕佢嘅念頭 不過我覺得都係要見過相處過先可以下定論 我地都住得算係遠 係港鐵路線圖嘅兩個盡頭 生日嗰日佢專程嚟搵我其實我幾開心 之後我地去行街行完街去睇戲 入場之前佢突然捉住我隻手同我表白 因為之前三日我都有考慮過 同佢行街嗰陣佢都幾體貼 所以我就應承咗佢 嗰日番到去再回想番成件事 我覺得我唔算鐘意佢 我地拖手都係佢主動我無反應 而我除咗尷尬緊張同唔習慣就無其他感覺 其實我覺得自己咁草率有啲傻 生日之後我北上咗兩三日 嗰兩三日係平安夜同聖誕 平安夜嗰晚有個女仔約佢出去 佢去咗 我翻嚟之後開wtsapp發覺佢一條msg都無send過俾我 我唔知我應唔應該介意呢樣嘢 我覺得就算我暫時收唔到都可以講聲聖誕快樂？我啲frd都有講 聖誕佳節街上面成雙成對我唔覺得你會唔記得我囉 之後佢解釋翻係因為玩得太夜所以唔記得 我其實都係有啲唔開心不過我無講咩 之後佢又約我出去 我已經無唔開心所以就話好 我唔中意漫無目的咁行所以叫佢plan下 佢無所以我地嗰幾個鐘都喺度行商場 我真心覺得有啲悶囉 嗰幾個鐘我寧願用嚟溫書都好過行嚟行去講啲我地用手機就可以講嘅嘢 我一月頭就考試而佢已經考完 佢日日都好得閑 成日wtsapp我 我唔覆佢又驚佢會唔開心 我最唔開心係我同佢講我溫書啲嘢 驚溫唔切嗰啲 佢都會叫我唔好溫 想搞頽我咁 噢唔記得講佢band3男女校我band1 佢係咁話哎呀呢科好易好易唔洗溫但係其實大家學嘅嘢其實係有差別的？ 我地學校考試想攞分其實唔易 我要溫要背嘅嘢其實好多 唔係話我睇唔起佢學校banding而係我覺得無論讀邊間 只要係學生 對學業就應該認真 你話你自己唔溫書 可以 但係唔好喺我認真備試嗰陣唔單止唔鼓勵我溫書仲叫我唔好溫囉 同埋佢講到想一世同我一齊咁我有啲驚 佢講幾句就話我地要一生一世啊 佢自己家庭觀念好重啊 又叫我老婆 但係其實我唔中意咁囉我覺得除咗太快之外佢對學業嘅態度我都唔認同 其實到依家我都唔肯定自己係咪中意佢 佢好體貼亦都幾幽默 我欣賞佢嘅性格但係真係無法認同佢喺學習方面嘅表現 我覺得佢都唔係中意我 邊有人識咗幾日就話要一齊 應該係佢身邊啲frd個個都有女朋友所以佢先想搵個 我都就快考試 呢段時間因為佢搞到無咩心機溫書 喺度發洩完就咩都唔諗認真溫啦 多謝由頭睇到落尾嘅人 要睇咁大段廢話真係唔容易 同埋祝嗰啲同我一樣就快考試嘅人可以考個好成績啦 -- #hkig #hkcouple #hkgirl #hkboy #hk #couple #girlfriend #boyfriend #murmur #hkiger