#gfmurmur9107:part1 我住係將軍澳，獨生女，屋企係中產家庭，我既收入同生活費都係靠自己，屋企人都想我獨立啲，平時亦好少機會見到佢地。 啊A住係屯門，佢有啊哥家姐不過同啊媽兩個人住公屋，佢媽份工早出晚歸冇咩時間理佢，仲有三隻貓。 我同啊A係大專度識既，識左一段時間佢就同我表白，之後我地就一齊左，可以話冇完全了解就一齊。 平時要返學，時間都過得好快，因為我地唔同科，加上我夜晚又返全職搵錢交學費，所以我所有空餘既時間都攞晒黎陪佢。一直出街都係一人比一次，唔會特登去食咩貴野，有時睇下戲，行下海旁都已經好滿足，因為我放假有時真係攰到搭車企係度都訓著。直到完sem既時候儲左少少生活費，為左可以有多啲時間見，我暫時冇返果份長工，我地商量過試下同居，所以我就搬左去一個我從未踏足過既地方 屯門。 當我第一次去到啊A屋企，我真係嚇親，佢一打開道門，臭味就湧晒出嚟，嗰陣有啲似垃圾房既味，仲有啲酸潲。我閉住氣咁樣入到佢間屋，一見到個環境我真係覺得好恐怖，地上面全部都係食完嘅m記包裝，仲有好多垃圾、衫、鞋。佢屋企大概200尺冇間隔，即係佢自己嘅房都冇，佢嘅貓砂盆放喺廚房，三隻貓嘅大便加小便原來佢一個星期先清一次，仲要唔換貓砂。我鼓起勇氣嘗試接受，幫佢執咗兩日屋之後個環境都叫好咗啲，起碼啲嘢係整齊，地上再冇垃圾，我仲買咗個空氣清新機俾佢，跟住就開始同居既生活。 第一日其實好唔習慣，當我有衫要洗嘅時候我發現原來佢屋企係冇洗衣機，我見到佢媽洗衫嘅時候原來就搵一個盤加啲番梘再用腳踩幾踩就當洗完，我有潔癖其實要我係咁嘅環境生活我已經覺得好難捱，所以我嘅衫全部都拎去洗衣店度洗，有時都順便拎埋佢哋嘅衫去洗，睇到呢度我知好多人都會話我港女公主病，叫我返自己屋企訓咪解決到，但我都係想襯有空檔陪多啲佢。 就算我點樣催眠自己接受都好，我個鼻由我搬去佢屋企開始每一日都流鼻血，因為貓尿既酸味我真係頂唔到，我平時係極少會流鼻血嘅人。 佢屋企個廚房係有蟻路，佢竟然同我講話係正常，佢啲貓係用個飯煲嚟飲水，有次喺佢屋企打邊爐，佢阿媽竟然用筆筒其中一把生鏽嘅鉸剪直接用嚟剪啲菜放落個煲度，我即刻食唔落，點解可以咁唔衞生但啊A仲話佢由細都係咁所以冇事叫我放心食。 Sem break好快就過去，我地繼續一齊返學一齊住，有一日啊A同佢家姐嘈交，自此之後佢就話唔想面對任何人，跟住就退咗學，我叫佢繼續讀唔好放棄，因為佢話嗰一科係佢嘅夢想，但佢唔聽我講，每次我叫佢讀書佢就會同我嗌交，所以我都唔想逼佢。 之後佢話唔讀書想搵工返，平時冇錢用唔想我同佢捱，佢叫我搬返自己屋企，我覺得冇所謂因為我係佢屋企始終都係適應唔到，到我搬返屋企之後雖然我哋喺學校見唔到，我又繼續返翻全職，但係我哋放假嘅時候都會出去，佢話冇錢用我就會叫佢嚟我屋企可能上網睇吓戲又或者煮下嘢食咁，佢話佢連搭車嘅錢都無，我就偷偷咁放錢係佢銀包，有時好婉轉買埋叮飯盒叫佢不如拎返屋企試吓新口味，佢話想搵啲咩工我都會幫佢留意，盡量唔好令到佢有壓力，佢係一個極度容易喊嘅人，可能我講嘢語氣重咗佢又會喊，佢好小事就會話辛苦，有日佢突然間發左好大嘅脾氣話要同我分手，我問佢咩事佢就話因為冇錢唔想花任何野落去拍拖到想專心工作，佢話希望以後都唔好再聯絡。 我果陣真係好傷心，晚晚都訓得好差，諗點解件事會變成咁，完全接受唔到。嗰陣好彩身邊嘅朋友係我得閒嘅時候都會約我，等我冇多餘嘅時間亂諗，過咗一個月我開始慢慢咁樣放低。 唔知佢玩我定個天玩我，當我開始忘記佢嘅時候佢竟然搵返我，佢每日都會腥snapchat比我，話我知佢去咗邊做咗啲咩，不過我都冇覆佢，佢話佢好想同我復合，因為呢兩個月佢每一日都諗住我，佢唔想我同佢因為咁小嘅事就冇左，佢話佢會努力咁樣搵錢當佢有工返有糧出嘅時候就唔會咁大壓力，之前係佢衝動。我心軟同返佢一齊，因為我信佢會改變，點知... 續(#gfmurmur9107:part2) ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig

#bfmurmur1214 我地拍左拖差唔多兩年 今日分開左啱啱好一個月 依兩年我地拍拖成日都嘈交 身邊既朋友同屋企人無一個支持我地 覺得佢好港女 公主病但係我地都支撐住 唔理任何人既勸告 依個時候既我 屋企人 朋友 全部人都唔理 成個世界眼中得佢一個 作為一個暖男 我覺得出街男仔比錢係正常 我地每次出街大部分開支都係我比 但作為一個學生 我有時真係應付唔到 一到大時大節買既禮物 果餐飯 都真係幾難搞 我有同佢反映過依個問題 頭果幾日有改善到 但耐左都係好似之前咁 唔理情人節 聖誕節 咩節都好 我送既禮物愈黎愈貴 佢全屋上下全身著既野 日用品 甚至電子產品大部分既野都係我買 有次我地為左依啲事嘈交 佢話你以爲自己真係好有錢？依一句徹底傷透我嘅心 我覺得自己付出既野都無謂 佢大我4年 我真係好想同佢有將來 有一日可以同佢買樓結婚生仔 我有諗過同佢草錢 我地兩個都係大洗既人 所以講好每個星期我草300 佢草100 第一個星期得我草 第二個星期我用埋草果啲錢落佢到 根本就睇唔到我地既未來 每次佢問我啲錢去曬邊既時候 我都只可以答佢用曬係佢到 因為我根本就無洗過任何錢係自己身上 可能係太愛佢 我想為佢付出 之後既日子發生過一段小插曲 佢瞞住我加另一個厹既Snapchat 本來都冇乜野 正常社交只要有交帶同信任已經可以 但佢呃我轉個厹個名做佢中學同學個名 然後比我發現左(因為個厹我識) 佢解釋話係唔想我唔開心 但係如果佢唔想我唔開心點解仲要同人地send snapchat 我對佢失去信心 由果日開始個心都有條刺 我開始頂唔順 每個月返part time既錢 淨係夠還卡數 到分手果日 我地又係為左錢依個問題嘈 買完一樣佢想要既野比佢之後 我個銀包好似俾人割左忽肉咁 之後個樣就好唔情願繼續行 佢竟然講左句 次次買親野都唔開心 之後我地就咁樣分開左 雖然係我講分手 但係最唔開心既都係我 佢竟然同人地講係我出軌 因為我搵第二個所以唔要佢 如果我要出軌 兩年前已經出咗 我一直都安守本分 淨係愛佢一個 斷晒所有女仔嘅聯絡 然後到頭來自己女朋友連點解分手都唔清楚 有朋友叫我去解釋 但係我再去解釋又有咩用 分左手大家都唔會再見面 我好迷惘好掛住佢 每次想搵返佢嘅時候都比「未來」兩個字阻止左我 到底我仲應唔應該搵返佢 -- #hkig #couple #murmur

6年半前係屋企影的lightprint 第一次亦係最後😶 今時今日介紹自己叫Kata既時候啲人都會問： Kata係咪日文名? 點解叫Kata? 我都會答”亂改”，而事實係我真係亂9改所以唔好再問落去啦屌你你都唔係真係想知架啦 其實我有嘗試去改返個正常既英文名，但係 一人一個 港女 公主病 姣婆 on9 既英文名，已經佔晒我想改既名😂 都係Kata 最pure最true😊 #toolongdidntread