🔍渝味曉宇重慶老火鍋 🎈西環堅尼地城卑路乍街163號聚賢逸居1樓 ----- 琴日先食完火鍋，加上最近成日捱夜夜瞓搞到熱氣出痘痘😂，點知超鍾意食辣嘅鬼佬舊同事竟然book咗間麻辣火鍋做我地gathering嘅落腳點，唯有捨樣陪君子，最多食完返去灌返兩支廿四味🤷🏻‍♀️。 呢間餐廳嘅火鍋湯底可以揀鴛鴦口味，我哋就揀咗麻辣火鍋同蕃茄湯。🍅蕃茄湯清清甜甜，茄味自然，麻辣湯底則鮮香麻辣，層次分明🌶️。 🐟耗兒魚（$79） 魚肉細膩嘅耗兒魚，要洽個15分鐘先食得，洽完出黎之後鮮而滑嫩，不過記得唔好擺喺麻辣湯到煮，會掩蓋晒鮮味。 🐏紐西蘭精品羊肉卷($106） 平時唔食羊肉嘅我，一食麻辣火鍋就好鍾意食羊肉，比起牛肉同豬肉，個人更加鍾意羊肉同麻辣嘅配搭。喺麻辣嘅配襯下，羊肉膻味盡去，而且肉質酥酥軟軟，令人食極都感覺意猶未盡。 🥬萵筍條（$32） 香香脆脆，嫩口無渣，喺眾多蔬菜裏面，唯獨佢同麻辣湯底份外合拍。

🍜曉宇苕粉($52） 呢個令到好食得辣嘅鬼佬同事都大呼Crazy嘅苕粉，擺喺麻辣湯底度煮5分鐘之後，就會吸盡辣味精華，入口煙煙韌韌質感好正，但係會令你辣到懷疑人生，建議自問食得辣先好擺喺麻辣湯底到洽，而如果你真係食得辣嘅話，就記得叫全份，因為佢真係辣得好過癮好出色。 紅糖糍粑（$35-半） 黏黏糯糯的糍粑被輕輕炸過，紅糖汁甜度適中，加上一大兜黃豆粉隨意沾點，整體味道不錯。 ✨PS：21/3-20/4 期間，白羊座嘅朋友仔去西環分店用餐，可獲免費送半份紐西蘭羊肉卷🐏 ----- 👶🏻B仔整體評價：7.8/10個👍🏻 👶🏻B仔抵食程度：7/10個👍🏻 👶🏻B仔環境評分：8/10個👍🏻 👶🏻B仔味道評分：8/10個👍🏻 👶🏻B仔回頭機會：7.5/10個👍🏻 ----- #swallowhongkong 跟住我一齊吞食香港啦！🤤 #swallowkennedytown