［今日寫呢啲］繼續都係恒大，同埋美國聯儲局。主要寫前者

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

似乎直到我寫文嘅嗰刻呢，恒大境外美元債嘅債主，都係未收到利息嘅，嘻嘻，等了又等。咁但係咪即時當違約？就唔係的，你遲供樓都唔係即時變銀主盤啦，有30日寬限期。但到時如果找唔到，就應該真係違約。當然好多人連咩叫「違約」都唔知，「違約」又不一代清盤，清盤又不一定渣都冇得剩。雷曼啲債都有得拎返啲啦！

但，正常好人好姐又點會遲？況且今次畀到，都仲有好多次，照計點都係會違約架啦，過到初一過唔到十五。點都會死一次

咁但問題嚟啦喎，雷曼時刻嘛，咁我係咪2025年之前都唔使買股票？（Patreon幫你列晒啲債幾時找數，雖然你要搵都好易搵到）。我就當恒大倒下對中國好大打擊whatever，咁但邊個叫你只買中國股票（況且，A股企得幾硬呀！）？我買美股嘅，係咪2025年都前都唔買？

你見美股只係星期一跌一跌咁大把，最近兩日已升返成千點。唔好蝦我後生，我聽老豆講雷曼爆煲前好似唔係咁喎。

根本個比喻就完全錯，但冇計，好多人嘅程度就只係識咁講。所以我地有印度劉德華，有美國拼多多。

你要明白嘅係，恒大嘅問題，根本唔係影響銀行乜七，你可以睇下啲銀行一年賺幾錢本book幾大。至於咩基金買咗更加可以不理。恒大嘅問題，係另一種，雷曼就冇呢種問題，國情不同。詳情Patreon講

不過分享埋，另外有個講法話恒大會變國企。我傾向覺得唔會，個梳屎唔係幾可靠。但，並唔係不能，係不為。當年蒙牛都係變咗國企之嘛，之後股價一樣生性。咁恒大變咗國企會點？就Patreon講

至於聯儲局嘅嘢，昨日都講咗啲，今日補返幾個圖。咪就係好快（但冇講幾快）會減買債，同埋2022年加一次息，2023年加三次息，2024年加多三次咯。Patreon會同你睇晒啲圖

但，話加七次息，都冇人理喎。點解？因為美股升丫嘛。你見到搞笑嘅地方未？好多人係畀個指數牽住佢行。如果兩日跌兩千點，佢又話好大件事，又要睇下人點講。但升呢？哦，原來升就即係唔使睇。咁嘅心態，就梗係唔會進步。

理文化工嘅，嘿，升到你唔信。但肯定最初我都冇預升咁多。我都檢討下自己，講下點解最初咁保守。實情股價2011年都見過11蚊啦，而今年嘅純利應該高過當年一大戈截。「問題係2018年純利一樣高過2011，但股價都冇返到去」

最後，自肥，但唔係廣告。我嘅Mox邀請碼係29CGWB。街外錢齊齊搵，即時收錢的，你又有我又有。未開戶口嘅記得download app開返個，記得開埋Mox Credit，9月30日前用Mox Credit消費200蚊，你又有回贈我又有回贈。我就前後賺咗3000蚊（！），真係有錢齊齊搵。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

恒大危機是政治鬥爭
習派手執中國軍政大權，江系把持中國經濟。兩邊本來旗鼓相當。江系自恃擁有經濟大權，通過推高樓價令平民百姓無安居之所，社會不安就會令控制中國政治的習派倒台。習近平當然知道江系富豪推高樓價癱瘓中港經濟的企圖。可是，習派無法阻止江系人馬推高樓價更加沒有辦法阻止銀行貸款給江系地霸。
這場政治鬥爭是習近平打江系中港地霸，代價是賠上中港經濟。樓價崩潰，中港經濟必然跟著崩潰。江系以為習派不敢輕舉妄動，對付馬雲等江系富豪只是擺個強勢形象。怎料到習近平真的將中港經濟押下去。恒大破產，整個江系會被連根拔起。包括銀行在內的江系金融業和地產公司會全盤崩潰。習近平以這次經濟崩潰作為理由大舉清洗江系，誅連數以萬計江系人馬。
習近平的策略是讓恒大無序破產。這樣做才能清黨。沒有經濟大混亂就沒有清除江系理由。經濟崩潰之後，習近平會將全國所有地產公司收歸國有，股票歸零，資產歸零，住屋賤賣。這麼一搞，中國樓市徹底完結。香港那邊也是差不多，「住房不炒」是國策。江系高幹全部被推出五門斬首示眾之後，江系四大地霸變成中共政治鬥爭目標。香港樓市很快跟著中國樓市盡歸塵土。
這次整肅經濟是政治鬥爭，因此，不能從經濟角度看恒大危機。恒大破產肯定對中國經濟造成重大打擊。從經濟角度看，中共一定要拯救恒大，最低限度讓恒大有秩序清盤。從政治角度看，恒大破產越亂越好，越多抗議，越多人死越好。只要許家印犯眾憎，清理江系就是廣大群眾發動的打擊江系攻堅戰。
幾乎所有人財經專家都從經濟角度看恒大危機。我從一開始就從政治角度看，因為只有從政治角度看政治事件才會看得準確。

［今日寫呢啲］一雞四味，有一排成日講美股，今日換下口味，主要都係講本地股。但講本地股之前，講返我週末提過嘅「十隻垃圾股」計劃

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

故事講過，有網站搵咗美國7500個分析員，最勁嗰10個，每日一隻心水，就有10隻。我就話跟住買，每隻買3000蚊。言出必行，已經買埋。完全唔理啲公司做乜，價都唔睇，乜都唔理，實情絶大多數公司我連名都未聽過！

但個買嘅過程中，都有啲各種不同嘅啟示。例如我話買就照買，半個鐘內已經買完9隻，剩返一隻都係再多半個鐘（去咗沖涼），我唔會容許會唔到。正如有一隻升咗10%我都照追。

買咗邊10隻？你訂Patreon咪知，但講真，我唔建議你去跟。點解？文入面有講。「咁你自己又買？」「點同」。「吳彥祖溝女方法你又去照學？包你畀人拉上差館」。即係咁講

同場我仲同你加映，殷海光人生的意義，做人要言出必行。

之後，就講新世界17回購。我講股票，唔係柏傲莊。呢排都回購得幾多。但，係咪就係利好？就係「公司自己都覺得股價抵買」所以你去買？呢啲係教科書最淺層嘅答案啫。索羅斯話頭，reflexivity，你估公司同大股東知唔知你會見到，估唔估到你乜反應？另外，又不如諗下，公司回購，同大股東增持，邊樣好啲？

主菜，國泰293拖欠政府優先股股息。嘿嘿嘿，我就最開心，因為又可以見到你啲網友七嘴八舌咁評論。嘩國泰好撚唔掂呀冇錢找數（而家先知？望下有幾多機？）。嘩會唔會畀人清盤破產架？嘩，政府啲錢又射落鹹水海了。

如果得閒，我應該遲啲寫篇長文，但預告定你知。姐係，唔知咩係「優先股」嘅，可以查下字典。真係字典唔識查嘅，咁識中文架可？優先，冇話實有得派架喎。況且，你可以去睇下最初啲terms，呢啲亦唔係咩特別益國泰嘅安排，一般都係咁玩。公司可以用任何理由延遲派優先股息—咁，「可以用任何理由」，即係「唔使任何理由」，明冇？

但唔派優先股息，係咪冇任何後果？唔係。就係用嚟保障返優先股持有人（in this case優先股股東）。不過，就唔會罰息起釘，或者可以將公司清盤。

實情，完全係預計中，我唔明有人做乜咁意外。第一次咩？冇得飛，點派息？對股價影響？冇。
未必得閒再寫，想睇嘅，就入Patreon．

最後，維他奶345嘛，出完盈警，跌10%。3年新低。會再跌？定撈得底？呢啲咁敏感嘅嘢，就留返文入面講。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝