［Michael Sandel很忙］TL：DR –　疫苗公司話：成本價？食慒你。股東要賺錢的。股價當然即升。兩日升5倍咁咯。

———————————
Ivan Patreon 狼耳街華人，一個星期至少三篇，一個月一舊水唔使，一星期已近400人訂，仲有兩篇免費試睇：https://bit.ly/31QmYj7
—————————————

1. 呢間公司CureVac （CVAC），聽聞就快搞得掂疫苗。但已經講到明，免費？痴線啦，開善堂咩。成本價？一樣睬你有味。唔使賺乎？講明，不能成本價賣出去。咱們上市公司，上市公司最大目的是甚麼？賺錢？（＊）錯！係shareholder wealth maximization。

2. 新聞一出？股價即時升。一升就40%。唔止，上星期五已經升咗250%。上星期五16美金，昨晚（星期一）見過85蚊。股價歷史？冇喎，就係得呢兩日，新股嚟的。睇漏咗。

3. 呢隻嘢堅。我都睇漏咗，開頭仲想講香港傳媒冇乜報，只見台灣。後來發現明明信報就有，但我miss咗。鬼咩，一日睇咁多嘢。昨晚（星期日）我一晚清晒過去一個星期嘅Bloomberg Newsletter，唔係好多啫，好似兩百幾三個email，俄羅斯方塊咁，一路積住越嚟越高。好彩我昨晚再返返去Inbox Zero嘅目標

4. 其實啲人講咩「成本價」，我有時都好R頭。亦都令啲記者有時對住我扯火。因為我真係問佢，「咩係成本價」？如果你係Trading 之類，都好似仲易啲，我上網訂件波衫四百蚊，你唔識上網我五舊水賣畀你，大約咁玩。可以計埋我啲郵費車錢之類。

5. 但真實企業邊有咁簡單？你一杯星巴克「成本」幾錢？我都唔知。只計啲咖啡粉？咁租呢人工呢？果啲都係value add，否則你自己買包粉返屋企沖啦—你去茶餐廳飲好立克都係開粉之嘛，睇下收你幾錢？但基本常識都知，租呀人工呀呢啲，好大程度上fixed（with respect to 量）。起碼一定範圍內係。你一日賣得一杯咖啡，都係交咁多租架啦（如果冇分成），你賣得一杯，都要出咁多糧架啦。咁明顯地你呢啲average cost 係隨住個量會跌落去嘛。

6. 所以啲人問「成本價」，而我不知道咩係「成本」。你用易乾講，咪可能講所有成本都係機會成本，highest value 科乾。咁我寫呢篇文嘅成本價幾多？我都唔知。我拎去幫人補數學好，定寫篇Patreon好？而更重要係，啲成本同你個售價無關嘛。我寫到嘔血，你都絶對可以一個仙都唔畀，甚至要我貼錢你先肯睇。你付出幾多同個市場肯畀幾多，可以冇乜關係。全部都基本經濟嘢。

7. 咁疫苗我唔識啦，但好似都係啲化學嘢，蛋白質，加啲咩DNA—可以有幾貴？咁但，當然啦，研發成本喎。而我又唔知啲「研發成本」可以點attribute 落去。我研發失敗嗰啲又點計？冇失敗又點有成功？仲有坐冷氣房班肥佬，啲人工往往一個頂十幾廿個研發人員，但又計唔計成本？（一般計gross profit就唔計嘅）

8. 所以其實公司話計要拎返個「ethical margin」，我都唔係好知幾多先叫ethical。不過主要都係即使我們錯，不比他們多。醒目嘅，咪拎啲同業出嚟鞭屍。拿，隔離檔嘢，賣偉哥之嘛，都咁高利錢呀。喂，扯唔起之嘛，死得人咩？叫啲肥佬食清啲啦。我地賣嘢救世人喎，唔係更有貢獻？掂晒。

9. 如果要justify自己嘅margin高過人？仲簡單。唏，你唔好睇我地margin高人地成倍。人地大藥廠幾百億喎，我地幾億真係勉強夠交租架咋。仲有，成咗一隻唔知幾時先有下隻嘛，係咪咁講？

10. 藥廠之類啦喎，其實未有呢啲疫情已經極其惹火，拗足幾十年。一方面會講藥廠唔應該謀暴利應該有社會責任之類。另一方面又話你知沒有錢研乜鬼發？有錢先有人做呢啲嘢。藥廠冒幾大風險呀搞幾多年先中一隻藥呀啲PhD幾貴呀如果一出嚟又畀人抄咁阿水仲同你去做研發咩齊齊搽精油攬炒周兆祥算啦。最後都係中間落墨，你見到藥廠依好然賺錢，但又唔係去到科技股果種呼風喚雨了。

11. 講到尾（拿，右翼呀），個世界話你知，多數都係錢能通神。你總唔見啲NGO研發到呢啲東西，十居其九都係商業機構，incentive唔同。你總唔見有班人唔順超我要改變呢個生態我自己搞間藥廠唔賺錢唔拎專利　—　因為你根本請唔到人。請到人研發到都冇人幫你賣。講真的，你大可以政府牽頭國營研發，但你見多數都唔多成功。人性如此。我拎你公務員人工，咪交公務員嘅貨。Elon Musk, Jeff Bezos, Steve Jobs全部都係變態老細迫到啲下屬發癲。但點解人地肯同佢癲？

12. 隨住肺炎疫苗好似真係有希望短期面世（＊），呢啲爭議只會越嚟越多。畢竟邊個發明到而又批到，就真係好過印銀紙。反正而家印銀紙都唔係好值錢（？），因為銀紙都唔係好值錢。

13. 但，發明到又過到各種測試後，又應該點？你諗下口罩最初都搶到癲，但口罩明明係low tech嘢（相對啦，唔好叫我自己整個），因為供應咁樣搶上去，你啲產能都要一排先跟得上。順帶一提，人人得以誅之嘅「坐地起價」，其實又一次見到係提供咗誘因畀啲生產商去開機。如果係疫情前嗰啲價錢先冇咁多人睬你，唔係加咗價，邊有咁快人人有口罩？嗰時唔敢講，而家就可以講。

14. 而疫苗？係咪可以快速量產架呢？似乎都應該係。不過，畀咩人先？自己國家優先？定價高者得？定抽獎？畀唔畀轉售？可以嘅，咁肯定好多窮人，或者啲疫苗撚（＊＊），實會轉賣畀人，反正自己都用唔著或者想執返一千幾百多啲。唔可以嘅，你點防止？實名制？定好似美砂酮咁要望住你打？咁你最多只係防止到埃汾賣畀第二個，但你防止唔到窮國賣去富國

15. 呢啲咁深嘅問題，就真係叫Michael Sandel講兩句了。其實眾多眾多嘅機制，都係資源分配。買口罩係，買疫苗係，入大學都係。你可以用市場機制機高者得，可以混合少少（例如有補貼，或者限買幾多），又可以純抽獎，或者只畀青年人（因為預期壽命更正），或者只畀老嘢（因為佢地更需要），甚至逆向地只畀窮人都得。冇話邊個選擇一定啱，睇你背後嘅價值觀係乜—不幸地現實就九成九都係本人優先，屁股指揮腦袋。「你畀埃汾去定規則就梗係鬥快打倉頡」。

16. 最後要講，德國公司，但美國上市呀。你懂的。其實之前好多篇文都講過，嚟緊都會講。歐洲大陸有極之源遠流長嘅反金融肥貓傳統—所以啲人才係去晒外國的。所以點解歐洲一路都冇啲好嘅科技，唔係冇人，而係冇發達嘅，搞嚟把托？你睇添曲，完全江山人地打落，做個普通CEO 食下老本（講就易），都係咁意10億美金身家啦。（後來見到好似歐洲都有上市，但你懂的）

17. 香港其實都差不多，覺得金融撚冇貢獻，不事生產。我造就你發達，咪就係貢獻。人地以為金融撚賣產品，錯了。咱們賣嘅係夢想，貪婪。呢啲需要同性愛一樣，遠古人類已經有，我唔覺得幾千年有變過，所以同娼妓一樣，金融業實在好難被淘汰。

———————————
Ivan Patreon 狼耳街華人，一個星期至少三篇，一個月一舊水唔使，一星期已近400人訂，仲有兩篇免費試睇：https://bit.ly/31QmYj7
—————————————

（＊）典型corp fin問題。上市公司唔係要profit maximization，否則你斬晒啲R&D嘅友咪得。而係要shareholder wealth maximization。所以蘋果唔使盈利新高，但年年回購股票，就幫到每股盈利，就幫到股價。呢個遊戲都未識嘅—你就真係要睇Ivan Patreon 學多啲嘢，講真的（https://bit.ly/31QmYj7）

（＊＊）對，我同你都好似真係希望短期發達，我都幾乎入咗高盛，你都幾乎10年前買咗騰訊。
（＊＊＊）中文真係博大精深，「疫苗撚」同「反疫苗撚」其實係指同一班人。因為重點唔係疫苗，係撚。

————————————————————————————————
最新收費影片：點解買金？點樣買金？點解港紙好快會下試7.85？咩公司20年冇減過派息？仲有咩疫情受惠公司少人講？

簡介及以前嘅片（未睇可訂）：https://bit.ly/3iYMD0F
報名嘅，課程編號CC007：https://bit.ly/3ahugA3
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
內容:
*美元弱勢，港紙將更弱勢
*紙將將由7.75趺落7.85
*買黃金:美元受壓銀紙亂印
*買黃金的四個實戰方法
*另類疫情受惠股
本星期內特惠售價: $80
課程編號：CC007
觀看期限：首次播放後一星期及限每影片４次
客服whatsapp: 63832145

早晨呀！之前有好多朋友留言想要嘅Mika’s whatsapp stickers ，大家有無download 到呢？

我咁愛mika，已經由最初嘅60張，整下整下就整左二百幾張（仲有農曆下年用到嘅祝福語添），很多朋友都有興趣主動問我有新stickers ，我實在好開心太開心喇，有見及此希望更多朋友和讀者喜歡和用得到🥰所以upload上互聯網並拍左下載教學短片😚
以前只有Android朋友下載到，iPhone 朋友就要經由另一電話號碼 what’s app畀大家，但宜家連iphone都dl到，所以我仲將佢地分埋類，萌到一個點💖

好希望你哋可以tag & share比身邊嘅朋友，把mika的萌和愛遍佈周圍🥰如果下載成功並喜歡，希望可以留言者畀啲意見吖😚（可以說出你想要嘅字句，會不定期更新）

💖01一般Hi Bye Thank you：
https://whatsticker.online/pack/73060rx6iz35/HK

💖02簡單回應：
https://whatsticker.online/pack/734130kZYk53/HK/zh

💖03讚美回應：
https://whatsticker.online/pack/73422Zdc2VpB/HK/zh

💖04去街街：
https://whatsticker.online/p/144582gluMkh4/HK/zh

💖05食飯瞓覺覺：
https://whatsticker.online/p/144583XVhZk81/HK/zh

💖06祝福：
https://whatsticker.online/p/144584unBahVa/HK/zh

💖07嬲豬表情；
https://whatsticker.online/p/144585h3AlRgo/HK/zh

💖08疑惑：
https://whatsticker.online/p/144586Fqs83Gs/HK/zh

💖09鼓勵關心：
https://whatsticker.online/p/144587NOCiurU/HK/zh

💖10考慮：
https://whatsticker.online/p/144588JlqnXuY/HK/zh

iPhone 用戶㩒「Add to iPhone」之後要下載「五色學倉頡」並開啟就會有；

Android 用戶可留言第一段及YouTube 也有《How to download 》教學：
https://youtu.be/810eu9DEyTU

每張圖片都是A先生和我的愛心之作，也是mi🐽日常生活嘅古靈精怪表情，希望大家喜歡也唔好見笑我只是photoshop新手🤣
因為有Mika才有J.miAka，所以哩份就係小妹送畀大家嘅小小心意🎁
💖圖像版權屬J.miAka所有，非常歡迎轉載此post供大家分享及下載，但不可作商業用途，thank you💖

#非常歡迎大家share

[#Pazu學彈琴] 另類選擇，談不一樣的樂譜

文：薯伯伯

各位請先看看視頻，才讀這篇文章。

我其實看不懂五線譜，而這首《D大調卡農》是看著「郝氏樂譜」（Hao Staff）自學而成。我沒有那種一聽即彈的音樂細胞，此段不到兩分鐘的樂曲，花了一個月才學會，但對我一個不懂樂理的人來說，能有如此成績，已很滿意！

我最初是讀到香港一則新聞報道，題為「中佬創琴譜，高薪厚職都唔撈」。隨便看了報紙，也不在意，某日跟我姐聊天時提起此事，發現郝氏樂譜有 iPhone 程式，好奇下載來看，似乎很易明白，其中《D大調卡農》的琴譜是免費下載。我跟著樂譜在家中的鋼琴彈了幾個音節，居然真的彈奏到，我姐表示很驚訝。

姐姐是專業的鋼琴老師，她總是說，不知道為甚麼姐姐彈琴這麼厲害，但弟弟一點音樂細胞也沒有。反正我就不會看五線譜，也不會任何樂器。有時聽著姐姐彈琴，雖然羨慕，卻沒心情去學。

郝氏樂譜看起來很簡單，我嘗試跟著彈。練習的過程中，我都是自己一個人邊學習邊練琴，反覆按鍵，才能記到。始終 88 個琴鍵，對我都有些「火星」的感覺。

同一首《D大調卡農》，五線譜只有兩頁，但郝氏譜卻有四頁。五線譜看起來很濃縮，對我這種完全沒有根底的人來說，確實有點難度。郝氏譜則一看即明，表達直述，譜上一個位置，代表一個琴鍵，沒有可能看不懂。

後來我在網上搜尋郝氏譜，本來只想看更多相關討論，卻見一個鋼琴論壇上對此有莫名的指責。評語一點也不客氣，過度尖酸，甚至刻薄。有人說學習五線譜很易，這些新譜純粹画蛇添足。更有人誇張地說這種樂譜「誤人子弟」，莫名其妙地說要「強烈鄙視」發明者。

鋼琴論壇上的用戶，大多是從小受過正規鋼琴訓練的人，本身懂看五線譜，彈琴方面也稍有造詣。他們從專業的角度，把從無到有的初學門檻視為無物。論壇上又有人說，郝氏譜要取代五線譜，是異想天開。但實情是，發明者根本沒有說過要取代五線譜，純粹提供另一選擇，讓我這種沒有學過音樂的成年人享受一下鋼琴之樂，還特別說明不建議小朋友或專業音學學生使用。

有些人說，五線譜很易啊，你為何不去學呢？我的答案也很簡單，因為我其實只想彈一首歌玩玩，根本不想花時間去學看五線譜。

情況就像中文打字，我用倉頡輸入法，倉頡的拆碼規則較難掌握，但打字速度快，用它來輸入繁簡、日語漢字及粵語字，極為方便。有些人不懂倉頡，改用較易上手的速成、拼音、手寫、甚至語音輸入，又有何問題？我用倉頡雖然更有效率，難道就硬說其他輸入法沒有存在價值，每次見到別人用速成打字，都要勸對方改學全碼倉頡？世上多一點另類方法，讓學習者按本身能力及需要自行選擇，是值得慶幸的事。

至於我為何忽然想學琴呢？兒時曾學過初級鋼琴（就是彈「紅蕃歌」之類），但早就放棄。重拾鋼琴，根本沒有任何考慮，純粹想尋回小時候錯過了，卻又值得追回的學習感覺。

附加資料：

《D大調卡農》郝氏譜（免費下載）：http://goo.gl/hvVxzJ

郝氏譜的原理及介紹：http://goo.gl/i9tIzx

郝氏譜的 Facebook： HaoStaff Piano 郝氏譜彈鋼琴 http://fb.com/HaostaffPiano

郝氏譜發明者 Jeff Hao 在 TEDxYouth@HKIS 演講，當中有講到我學彈琴的故事：https://www.youtube.com/watch?v=REBAIF327b （視頻剛好突破了十萬人觀看）

#郝氏樂譜 #HaoStaff