【龔成問答信箱】（Q22721-Q22740）

Q22721：

老師，上完你的堂，現在看報表，有些問題想請教

1）1310香港寛頻為什麼沒有銷售成本？

2）派息比率由141%至1054%，是否不太正常？有什麼implication on their business direction?

謝謝你

3) 另外偉易達303，初步指標同5年財務數據也好合格，現價是否合理價呢？謝謝你

龔成老師︰

1) 唔係每一間企業年報，都會列出銷售成本。因為有些企業係提供非實體產品，或者以服務為主，其實佢地好難去準備計算一個銷貨成本，所以在年報會見唔到這個項目。

其實除左香港寛頻(1310)，福壽園(1448)由於佢賣地以外收入日漸增，佢係近幾年都開始唔出銷貨成本，都是這個原因。

2) 你要記翻到底派息比率係點計，佢係由"派出股息" / "純利"。而"純利"當中，係會扣除一些非實質支出，好以"拆舊和攤銷"就係其中一種。

以佢2020年純利9700萬計，但"拆舊和攤銷"就足足有成15億，如果加回這部份，你就會發現，其實佢只係派緊本身架純利，無任何不正常狀況。

出現大於100%派息比率，另一個可能性，就係佢用以往賺架錢，拿出來派。

當然，唔係每隻股票派息比率高於100%，都一定係這2個原因。你要每隻去深入分析，才好下結論。

3) 偉易達（0303）佢財務數據係合格，此股可以作為收息及平穩增長股，雖增長力就不算強，但適合你年紀。

本質正面，長遠投資價值有的。

以佢過往正常的經營環境來講，佢派息比率高達9成，成立於70年代，業務是電子產品，這麼高的派息，反映管理層明白這公司已過了最高增長的年代，之後只會是平穩增長。

公司已不需要每年投資發展，反而管理層、大股東，偏向想收息，因此這是重派息多過重發展的公司。

雖然佢係某些業務做得不錯，但發展心不強，同時大環境並不是高速增長，故相信佢之後都會平穩。近年這公司的生意，都是平穩增長，如果比較幾年前的盈利，都是差不多。

此股係收息，再加些平穏增長力。現價合理，可投資，但不能太過大注。

------------------------------------------------

Q22722：

老師你好

一萬股941
一萬股66
一萬股17
二十萬股 3988

10萬股 386
1000股 1113
500股 9988

現在總金額負50萬。不知道應該繼續收息抑或再轉組合?

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

你現時持有股票，全部都係有質素，長線持有係無問題。

有無需要轉換組合，就要因應你年紀和投資經驗，再作出調整。

我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係分配投資項目時，會因應番你的人生階段。

如果你年青，可以「平穩增值股」(0066, 0017, 1113)+「潛力股」(9988)。中年人士，可以較集中翻係「平穏增長股」。當你已近退休之年，就應集中在「收息股」(0941, 3988, 386)，去創造平穏現金流。你可以睇翻自已年紀，去作出配置。

另外，你唔好太集中係幾隻股票身上，你要配置一個平衡性高組合。當中包含不同行業，同時個別企業和行業，不要佔組合15%和30%以上。

以下係一些優質股票，你可以參考下，將適合你的股票，加入組合當中。

潛力股︰安碩恒生科技(3067)、比亞迪(1211)、中生(1177)、福壽園(1448)、港交所(0388)、阿里（9988）、騰訊（0700）、舜宇光學（2382）、小米（1810）、ＧＸ中國電車基金（2845）、三星FANG ETF（2814）。如果有投資美股，可投資QQQ。

平穏增值股︰指數基金、港鐵（0066）、煤氣(0003)、恆基（0012）、中銀香港（2388）、長建（1038）、粵海(0270)、領展(0823)、希慎(0014)、太古地產(1972)。如果有投資美股，可投資VOO。

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。

但你要留意翻，平穏增長股和收息股，現價都合理。但部份潛力股已有輕微過熱情況。只有安碩恒生科技(3067)、ＧＸ中國電車基金（2845）、 騰訊（0700）、阿里（9988）、中生製藥（1177）、福壽園(1448)、QQQ勉強算在合理區頂部，可分注入貨，其餘要等等。

你咁大負數，相信係你買入價過高所致。如果你對估值定平貴，唔係太了解。我建議你先用月供去儲股票，以減低買貴貨風險，相信對你會較有利。

------------------------------------------------

Q22723：

龔成老師你好！本人27歲月入3萬政府工，儲蓄大約有70萬，之前都有月供開1211同823，

想問依家想轉981或1347其中一樣。同1928加405。

可以比些少意見點睇981同1347嗎

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你27歲，應以增值為主，建議你用「平穏增長股」 + 「潛力股」作組合，去創造一個增值平台。

先前月供的比亞迪(1211)和領展(0823)，都是合適的。但由於比亞迪(1211)現價偏貴，暫時不宜月供，就回到$180才好再考慮。

越秀房產信託基金（0405）只係收息股，增長力唔高，唔係太適合你。

中芯國際（0981）業務有增長力，質素係有，但未到最高質素。

睇翻佢過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。

雖然這股都有前景，但以佢面對的情況，但好難將佢定義為最優質的股票。

加上此股近年升了不少，就算有所回落都唔算平，加上之前熱炒過，股價大上大落，投資要注意風險。這股唔建議大注，回翻D較合理。

月供都可以，但不宜太多，小注好了。

華虹半導體（1347）有質素，發展不差。

佢主要從事半導體產品的生產及貿易，開發及提供晶圓工藝技術組合，包括嵌入式非易失性存儲器及功率器件，以及ＲＦＣＭＯＳ（射頻互補式金屬氧化物半導體）、模擬及混合訊號、ＣＭＯＳ圖像傳感器、電源管理及ＭＥＭＳ（微機電系統）等多種其他技術。

佢客戶主要為集成器件製造商與系統及無廠半導體公司。中國因為想發展這方面的技術，政策在長遠會對這公司有利，增長正面。

這股長線持有無問題，但現時估值有少少貴，而且都比較波動。做月供的話，小注好了。

我地唔好成個組合，只集中係3,4隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

------------------------------------------------

Q22724：

你好,我32歲，現時持有股票

3690 200股 406.6平均價
0003 3150股 16.82平均價
3319 1250股 37.6平均價
9618 100股 392平均價

想問下應該如何調整投資策略

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你32歲年紀計，應先以增值為主。你現時持有股票，都係質素和適合你。但美團(3690)不確定性會較高，長線不宜持有過多。

但我發現你手上不少股票的買入價，跟現價都有相當距離，雖然可以守，但你要預起碼等一段較長時間。

其實你的情況，都是不少投資新手會犯的錯。其實很多人都是這樣，亦是投資新手必然經過的階段。

投資新手通常都有兩個主要錯誤，第一、買入當炒股；第二、在市況最旺（即是最多人認為市場好景的時候）以最貴的價位買入。

其實這些問題，係可以避免。方法其實好簡單，就是投資較穩健的股票，又或是盈富基金（2800），分注買入，例如透過月供股票方式，每月買些少，會是較好的策略。

未來時間，你唔好只集中係上述3,4隻股票，要加入更多不同行業，令組合更多元化和平衡。

由於你過往經常買貴貨，我建議你先集中利用月供模式，去建立一個股票組合，以減低買貴貨風險。

策略上，你可以投資「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

------------------------------------------------

Q22725：

龔Sir你好，近期留意你嘅資訊買咗你本「大富翁」未開始睇，反而傾向聽你講多啲。

幾年前買入︰

電能（6）2000股平均價$56.25
匯豐800股平均價$66.89
瑞聲（2018）500股平均價$121.44

全部都好似2018年買入就係你講中晒嘅聽人講無分析胡亂唔睇價。以上股票值得長線持有嗎？

至於配置方面，買咗一筆過投資債券派息基金。

本人52歲，希望幫自己儲錢退休，想請問月供股票/基金分別？邊個相對穩陣？

樓按仲有$280萬左右，每月前夫會俾生活費連供樓$53000都用盡。09年後已經無工作照顧家人，而家仔女大晒結埋婚畢埋業有工作，現時負擔係雙親同自己。

可唔可以俾啲方向，人生交叉點。我已有醫保、儲蓄人壽（1份供完，1份舊式供到死不過固定保費$320）$50萬危疾$200萬定額壽險就係死雙親都要錢。

但人要正面睇如果仲係到生活都要錢靠MPF一定唔夠，醫療又年年加，感謝。

龔成老師︰

書本你都要睇，特別係初學者，最好睇左《80後百萬富翁》、《財務自由行》和《股票勝經》先。雖然平時睇我Q&A都可以，但書本上概念較完整，對你分析和解讀我Q&A或者POST架內容，係有幫助。

你以上股票，都係有質素和適合你，可長線持有。但問題係，你買入價有點貴，才會出現帳面虧損。

月供股票/基金，其實你現睇翻佢投資項目，才知有無投資價值。但我一般會較建議買優質股，因為基金都會有一定費用，長線係蠶食緊你回報。

你現時保險都係保障型多，這些可保留。而儲蓄保險，其實增值能力唔算高，現在一份可以保留，但唔建議加大投入。

以你52歲年齡，其實要開始為退休做準備，但同時，財富仍有增長力（但不是進取）。若單靠MPF，其實真的很難足夠應付退休生活，所以你要累積優質股，去加大退休生活支援。

選股上，你可以投資「平穩增值股」+「收息股」，作為增值目標。

由於你過往都成日買貴貨，相信你對企業估值，點去定平貴未必會太了解。所以你先利用月供模式，去做增值，可以減低買貴貨風險，對你而言會較理想。

策略上，你每月5成儲蓄做月供。其餘先儲起，用一邊月供一邊儲蓄的策略。

若你想進取些，可集中「平穩增值股」，相反你想保守少少，可以集中在「收息股」上。但比重要隨著年齡增加調整，慢慢增加收息股的比例。到退休時，你收息股比例，應提升至100%。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

------------------------------------------------

Q22726：

龔sir 您好，我係澳門既Fans~因為疫情的關係您應該需要一段長時間才能夠在澳門辦課程，但因為我和其他幾位朋友都一直很有興趣上您的堂

未知開辦網上課程我和朋友包堂未知這個方法您是否願意和行得通？

龔成老師︰

抱歉，由於擔心出現盜錄問題，所以我以往一直都唔會開辦網上課程。

而且，我都較希望可以親身，跟學員互動溝通，所以網上課程暫時不會開。

至於包堂這個方法，暫時都未能安排。因為要配合本身課程和工作時間安排，所以偏向一次教一大班學員會較。

你們放心，只要疫情一穏定，我就會盡快重開澳門班，到時就可以見到大家。

你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。

因為現時已有好多澳門人留左位。

此期間，你可以先睇我架《80後百萬富翁》、《財務自由行》和《股票勝經》，都適合初學者。

之後，你有時間，可以再睇埋《選股勝經》和《年報勝經》，對你課堂上掌握，會有幫助。

------------------------------------------------

Q22727：

龔sir 你好！ 我上左你進階班，呢排摸索緊你教的估值方法。請問如果用你教的方法方析的話，比亞迪、信義玻璃、信義光能現價是否ok?

希望龔sir 你可以呢3間公司作用示範！ 感謝

龔成老師︰

比亞迪(1211)貴。信義玻璃(0868)合理區頂至略貴。信義光能(0968)合理區頂至略貴。

係估值方面，你建議你主力用市盈率比較法，去先做一個估值。

但比亞迪(1211)佢潛力較高，其實較難分析。佢現時市盈率去到200倍以上，我地可以參考佢預測市盈率，現時大約140倍。

以佢增長力，去到50-70倍左右，其實都可以。所以，你預佢回幾成，才算較合理區較頂位置。當然，佢業務不斷增長，因此企業價值正向上。

信義光能(0968)你可以睇翻佢行業市盈率，大約係11-24倍。而佢係行內有一定質素和優質勢，故你可以給予較近上部位置，作其合理市盈率。

之後，你再用我教的方法，找出一個有代表性的每股盈利。由於2021年受疫情影響，參考2020年會較好。以信義光能(0968)計，你預HKD0.65左右。

計算出來的合理區約HKD11-14，當然，企業增長中，有可能有少少調整。

信義玻璃(0868)同樣可以先我上堂教的方法，找出合理市盈率區間和代表性的每股盈利。但由於佢同信義光能(0968)一樣，近年增長力高左，所以都要自行上調。

緊記，近期中央政策都出較利好綠色能源股份，故計算信義光能(0968)和信義玻璃(0868)時，用較近期數據，會較能反映實況。

------------------------------------------------

Q22728：

龔Sir你好，本人40歲公務員，已婚，有一小朋友，月入$45,000 ，可以每月用一萬蚊投資。

2019年6月以4,400,000萬購入一個220尺單位深水埗、6年樓放租，現在每月放租一萬蚊。但同年出咗林鄭Plan，令到細單位吸引力大減。請問：

1. 當夠三年的時候我應該繼續持有放租定還是出售？

2. 我每個月有一萬蚊可以用嚟投資，暫時月供股票盈富基金、中銀香港、港鐵，有咩其他建議？

謝謝龔Sir

龔成老師︰

1) 我偏向建議你出售，因為你這個單位太細，連一個基本家庭需要的呎大小都無，投資價值係會大打折扣。

2) 當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時40歲去計，可以投資「平穏增長股」和「潛力股」。你現時選擇股票，屬於「平穏增長股」，都係適合你。

你每月5成儲蓄，即是用$5000做月供。其餘先儲起，用一邊月供一邊儲蓄的策略。

但我建議你都加少少「潛力股」，去提升組合增長潛力。

潛力股可選安碩恒生科技(3067)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。如果有投資美股，可投資QQQ。但佢地波動性和風險會較高，你要自己平衡。

如果你現時無太多投資經驗，潛力股這類風險較高的股票，你就不要持有過多，最多佔組合2成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約4成，視乎你現時投資經驗多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

------------------------------------------------

Q22729：

你好，龔sir。9988 269均價 / 9618 330均價，係咪要沽好d

9988 1000股
9618 750股
1339 3.02 5000股
1398 5.8 10000股

1086 1.83 10000股
175 22 4000股
2127 2.56 10000股
806 5.89 10000股

有3分2是股票，有3分1是cash。

輸左10幾萬了，中美咁，係咪清倉好。謝謝龔sir

龔成老師︰

國際關係風險，近1,2年的確係高左，但我地分析一隻股票時，最主要都考慮翻佢本身質素。如果無對佢長線本質造成影響，咁就無問題。

阿里(9988)和京東(9618)最近受國家政策和相關風險影響，質素係弱左，但又未算好嚴重，估值會有少少調整。但由於核心價值無大變，從質素上計，依然值得長線持有。

但問題係，佢佔你組合比重好高。個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

現時這2隻股票，從個股和行業(科技類)計，都係超左標，故你要沽出部份，換至其他優質股，咁會較好。

而且這2隻都係潛力型股票，若你偏年青，持有係可以。但如果你係中年至退休人士，就不宜太大注。

至於你虧損咁多，主要唔係股票質素出問題，而係你買貴左。如果你不太懂得估值，定平貴，我建議你未來時間，轉用月供或分注模式去儲貨，來減低買貴貨風險。

另外，中國人民保險（1339）、匯森家居（2127）、惠理基金(0806)和好孩子國際（1086）質素唔算好強，長期的投資價值只算中等，不宜持有太多。

現時大市在合理區，你現時股票和現金比例，係合適的。餘下1/3現金，你就等大跌市出現，才加大力度掃貨。

------------------------------------------------

Q22730：

請問龔成老師，若想定期買入股票，而自己又有時間可跟進的話，是否就非必要設定月供，自己定期買入即可？

主要是因月供有費用的支出，自己買入是否可節省這方面的成本？

龔成老師︰

簡單來說，月供股票就是你每月將現金，買入某一隻或多隻股票，慢慢咁樣儲貨。

月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣，去減低價格波動的風險。

其實一手手買都可以做到以上效果，你現金只要平均地慢慢投入股市(如保持住每月定額買一手)就可以。

2個方法都可以，正如你所講，一手手買更可以節省月供費用成本，但你必需確保自已可以有自律性地進行﹐咁就無問題。

------------------------------------------------

Q22731：

龔sir，想問你對美股PDD點睇，有乜建議

龔成老師︰

由於之前估值貴，加上監管因素，令股價向下，中短期仍有一定的風險，但長線不差。不過，這刻只建議小注好婺。

拼多多(PDD)本質不差的，佢將娛樂與分享的理念融入電商運營中，由用戶發起邀請，與他人等拼單成功後，能以更低的價格買到所有商品。

同時也通過拼單了解消費者，通過機器算法進行精準推薦商品，這個商業模式不差，長遠其實有發展，只是行業的賺錢能力，存有不確定性。

------------------------------------------------

Q22732：

30萬本而加得番吾夠20萬

持有：
港股：京東，中海油，平安，網易，理想。
美股：360數科，ARKX，樂信，好未來。

龔Sir，想問而加應該點算好？由2020年all in投資至現在-30%

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心，照持有就可以。

如果企業無質素，但你現時蝕錢中，繼續持有只會令你財富繼續貶值，因此要賣出。

如果企業質素轉差，就有可能要減持，因為這股佔你組合的比例，未必值得太多。

你現時持股，大部份都係有質素，雖然你帳面有虧損。但有質素企業，長線會慢慢成長，令股價回升。

持股當中，中海油(0883)只係商品類股份，價格自主能力弱，投資價值只係中等。而京東(9618)、網易(9999)、理想汽車(2015)、ARKX這類股票，不確定性都較大，不宜持有太多。

TAL Education Group 好未來(TAL)業務主要為內地中小學生提供課後輔導課程。該公司主要為幼兒園至十二年級（K-12）的學生提供輔導服務。

其業務正正是近期中央打擊對象，雖然長線會否再次放寬相關要求，我地唔知。但中短期一定好弱，因為政策影響到其核心部份。

若你持貨不多，可以守，博佢之後政策重新放寬對校外課程的限制。但持貨較多，最好沽出部份，換至其他股票去減低風險。

另外，我地投資係會因應大市平貴，去定策略。現時大市只係合理區，其實不宜資金盡用。所以，你再有新資金，最好先儲起，等大跌市機會。

如果你投資經驗不多，擔心好似之前咁買貴貨，你可以考慮用月供股票去做投資，透過平均價格買入法，去平衡買貴貨風險。

------------------------------------------------

Q22733：

老師你好，我29歲月入1萬5，每月可存4千左右。想問問我持有以下股票應該止蝕嗎？要放部分還是全放好？最近見到係咁跌，心好慌。

6618京東健康 109.3有1800股
3888金山軟件 49.6有1400股

謝謝老師

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

其實金山軟件（3888）和京東健康(6618)唔係無質素，但佢地不確定性都較高。特別係現時都未有盈利的京東健康(6618)，波動性就更高，你預佢地會大上大落。

以你年29歲年紀，持有這類潛力股，係無問題。但若果佢地佔你組合比重，係比較高，我就建議你沽少少，平衡下個風險，咁會比較好。

另外，你可以用每月儲到資金，去做供股票，加快你財富增長速度。

你29歲，可以用「平穏增長股」 + 「潛力股」作組合，去創造一個增值平台。

現在你每月先用5成儲蓄，即$2000做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富(2800)、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。如果有投資美股，可投資VOO。

或潛力股︰安碩恒生科技(3067)、比亞迪(1211)、中生(1177)、福壽園(1448)、小米(1810)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。如果有投資美股，可投資QQQ。

但由於你現時資金不多，可以先集中盈富(2800)。以你年紀，如果無特別負擔，建議儲蓄比例最好去到收入一半。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q22734：

阿sir, 你好呀！我睇了一段時間futu, 近排才試進買了$110，$108，同$118，平均價$110.5，越買越跌，有100股，真係跌到驚，請問跌完未，值唔值得溝，還是忍痛割？

救你比啲指引，謝謝你。

唉，早上又輸晚上又輸，正宗韮菜

龔成老師︰

首先，我想你清晰翻溝貨概念。我地決定加注(即溝貨)與否，要睇幾個因素，記住，並不是「拉低平均買入價」為目的。

第一，要分析這股的質素，如果無質素，就再跌都唔加。

第二，這股的類別，如潛力或增長或收息類等，是否與你的財富組合匹配，比例是否適合。

第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。

第四，現價是否有投資價值率，要平，或起碼合理，不能貴。

第五，你要在加注後，仍有現金剩。

記住，重點不是「拉低平均價」，而是組合比例與配置。

因此，我地先有睇這隻股票，到底有無質素。

富途（FUTU）有增長力的。佢係一家在線經紀公司，提供一站式在線投資服務，騰訊（0700）為股東。該公司通過網上平台提供服務，其中包括香港、中國大陸，以及美國股市的市場數據、交易服務和新聞源。

佢以經紀佣金，以及手續費服務的形式產生收入。這企業雖然有發展，但現時市盈率好高，股價變化大，要留意風險。

此股你長線持有係可以，但由於不確定性都較高，不宜持有太多。如果你現貨只係佔組合好細比重，可以守。但較多的話，最好沽少少，去平衡風險。

另外，每注最好分開10-15%，會較為理想。

------------------------------------------------

Q22735：

sir早晨，我隻285原本已有20％利潤，依家要倒蝕！

龔成老師：

建議你減少睇股價，多睇企業年報。

你要平常心睇股價，我隻比亞迪（1211）之前都是這樣，$88賺錢跌到$12蝕錢。希望你唔好停留在一般散戶思維「著短期短期股」，你要提高層次「著重將來價值」。

------------------------------------------------

Q22736：

龔sir，我今年38歲，自己做小生意，所收入不穩定（每月3-8萬都有可能），我既資產組合，龔sir可唔可以比下寶貴意見

現金大約50萬（當中37萬係政府低息貸款），另有50萬左右股票

領展 60.5@700股
金沙27.9@4400股
福壽園7.23@15000股
平安好醫生81.6@2000股

阿里228@400股
雅生活服務29@1500股
中生制藥 6.52@10000股

唔該龔sir

龔成老師︰

以你38歲年紀，應以增值為主，你現時組合中的股票，都係有質素，而且係有增長力，你長線持有係無問題。

但留意平安好醫生(1833)雖有質素，但佢現時尚未有盈利，不確定性比較高，不宜持有太多。但佢現時郤佔你組合最大比重，建議你估少少，換至其他股票去平衡風險。

另外，你組合都比較偏向潛力股(1448,1833,9988,1177，未來時間要加翻多少少平穏增長股，以免組合風險太高。

平穏增長股︰指數基金、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。如果有投資美股，可投資VOO。

最後，相提多你一點。因為你本身有生意，故餘下現金﹐應優先用來支援你業務。因為一盤生意做得好，其實增長力可以比優質股高好多。

當然，如果出現大跌市情況，你都可以動用這筆資金，去掃平貨。

------------------------------------------------

Q22737：

咁龔sir 可唔可以提議我如果$6000月供比例應該如何？例如領展，比亞迪，3067月供比例幾多，盈富仲供唔供好，thx

龔成老師︰

要睇你年齡、風險度。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

因此，你在選擇應該投資那一類股票時，會係因應你人生階段、投資經驗和風險承受能力，去做決定。

假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。

但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。

現在你每月先用5成儲蓄，即$3000做月供。其餘先儲起，用一邊月供一邊儲蓄的策略。

如果你年齡較輕，可供3067及領展（0823）。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

比亞迪(1211)就暫時唔建議月供住，因為太貴，回到$180才好考慮。若你好想月供新能車股，可以先用ＧＸ中國電車基金（2845）代替。

安碩恒生科技(3067)由係單一行業，若你投資要控制係組合3成以內，否則會有過度集中性風險。

------------------------------------------------

Q22738：

龔Sir, 小妹有十幾萬積蓄, 現時放銀行定期/活期儲蓄都是沒有利息, 想買些收息股, 及作長線投資, 希望所買的股亦有升值的潛質,

因我從未買過股票, 所以無從入手, 最近有留意到以下幾隻股, 但不知那個獲利較高, 你可給我一些意見嗎?

股號 股名
6823 香港電訊
3988 中國銀行
2388 中銀香港
0939 建設銀行
00386 中石化
1398 工商銀行

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

所以﹐投資那一類股票，要先睇翻你年紀和投資取向。

若你係年青至中年人士，應以增值為主。你上述股票，都係收息股(除了2388)，增長力不高，就不宜持有太多，但質素都有的。

策略上，你可以投資「平穏增長股」和「潛力股」。

大市現處於合理水平，那1X萬資金，你可以先用4-6萬，以"分注"形式慢慢入貨。餘下資金，就等你學到一定投資知識，或者大跌市出現，才大力度掃貨，並長線投資。

------------------------------------------------

Q22739：

2809，2846，3097，3134，3175，9845

最建議買那兩隻，這兩星期炒596和2160上落市

（唔知點解我買股票成日輸）

最後想問1357，如在1.45-1.5水位，是否已很合理價錢，這股是否也可以買

龔成老師︰

我建議你，真係唔好再做短炒。你自己都識講，你之前輸左好多錢。

如果你唔改變你投資方法，就算比你選中好股票﹐長線都可以係輸錢收場。你要記住，真正投資方法，應該係長線去持有優質股。

浪潮國際(0596)投資價值不高，而微創心通醫療科技（2160）雖有投資價值，但就好波動，不宜投資太多。

你講的ETF，都係有投資價值，但大多在合理區頂區。若現價投資，只宜小注或月供。

Global X 標普原油期貨增強型 ER ETF(3097)投資於WTI期貨合約。目標係追蹤標普高盛原油增強額外回報指數(指數)。

Ｆ三星原油期（3175）基金之投資目標為追蹤標普高盛原油額外回報指數之表現。2隻ETF都好類似，表現都係睇油價發展。

但短期油價，好難分析，至於中期，相信會由於全球經濟轉弱，表現只會一般。

這2隻基金唔易玩，因為好難準確捉到個位，就算投資都最多只宜好小注。

美圖公司（1357）佢過左最差時期，但始終業務有風險。算是有危有機類的股票。

佢主要從事提供在線廣告及其他互聯網增值服務；以及開發、製造及銷售智能硬件產品。

見佢財務數據改善，這企業仍有發展力，有長線投資價值。不過業務變化始終大，不建議大注投資。

------------------------------------------------

Q22740：

老師，1299可作穩定增長股嗎？

另外，我想問股票派息揀捽股，那捽股的買入價是如何計算？

龔成老師︰

友邦保險（1299）不差的，企業有一定的質素，有品牌、有規模，生意雖然做到較大，但仍有增長力，不過就不是高增長，只是平穩增長。

不過盈利就有少少波動，但這都正常，因為保險公司有投資相關收益，所以這亦會令股價略為波動。

前景方面，正面的，佢保持不同市場的發展，利用本身的品牌去加強新市場業務，而長遠的市場仍有增長潛力。

這股有長線投資價值，算係平穏增長股類別。現價就處合理區頂，長線持有無問題。

至於"碎股"，其實買入價同一般完整一手，唔會有分別，你都可以用網上投資平台的股價作參考。

主要分別是，你將碎股做買賣時，有機會買賣差價較高。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

[ 被冷待的香港粗獷 ]

分享原文，稍作補充：
一直覺得東海工業大廈讓街道轉角變得不可思議，以前不知怎樣形容它的美，現在再看會有另一種角度。

展覽於 openground 進行中，有趣在於許多的陌生，即使有時眼熟，但從來沒有細細去看的一些香港建築。

場內會有策展團隊複製的建築物料，可以觸摸，幻想當時人的需要及心境，怎樣是剛剛好，甚麼是知足，由一幢建築物無聲去說。

Kevin Mak的照片不用多說了，靚到令人覺得不用客氣。

原文刊Andthen.hk
————————————
誇而不浮
被冷待的香港粗獷

想像一個中年人，五十歲上下，沒有足夠年資去接受敬禮，擠不進殿堂，卡在時間線上的某點，遭冷落一旁，尷尬地一臉蒼白——而他曾經踏實和誠實地，為社會交出貢獻，可是始終沒有換來掌聲。

以人喻物，城內也有好些這樣的建築。
建於戰後六、七十年代，屬於現代主義建築的分支，龐大至近乎霸道，常被形容為怪獸（近年民間比喻更有趣，Marvel宇宙裡的變形俠醫Hulk），敢於不加粉飾，客觀事實裸露人前，統稱為「粗獷主義」（Brutalism）：1950年代由瑞典建築師Hans Asplund首先提出，及後經英國建築師夫婦Alison 與 Peter Smithson，以及建築評論權威Reyner Banham大力推廣，影響力在七十年代尤其重大，香港也沒有例外。

粗獷主義有幾個特點，強調不經修飾的外觀，幾何結構直截了當，鋼筋混凝土外露，樑柱和核心筒等一目了然，外觀上著重表達力量，並且刻意不施油漆粉刷或批盪，看上去灰頭土臉地粗糙。

這些建築常用於建設學校、政府大樓，圖書館和體育館等公共樓宇，本身帶有強烈的實際功能性——甚至可以這樣說，它本來就不要求華麗，不為點綴市容而來，是實實在在應付民生的工具，不矯情，不說多餘廢話。

粗獷主義的實驗味道，讓它素來不為主流美學擁抱，然而有建築師不表認同。
深水埗openground的最新展覽《未知的香港粗獷建築》，罕有地給這類建築一支射燈，以照片，研究資料及建築圖則，展示15組粗獷建築，站在香港某角落，在看見與不被看見之間。

譬如每次經過葵涌都嘆為觀止，「點解工廠可以咁靚」的東海工業大廈，1975年落成，大部分牆壁用上麻石飾面，樸拙，卻有沉實的帥氣。每個建築組件都設有凹槽，可以像積木似的曡起砌成，極具快靚正的香港精神。
策展團隊甚至認為，大廈結構的精密程度，可以跟1970年黑川紀章設計的中銀膠囊相提並論。

展覽中亦有鮮被提及，異常科幻的香港神託會培敦中學，建於1972年，位處山上，當時為避過大規模挖掘工程，禮堂一方坐落山坡，另一方由懸臂式支柱支撐，結果構成飛碟狀，懸浮半空，極具前瞻，超越學校建築的想像。

而粗獷至世界聞名的代表，要說到聖士提反書院的科藝樓，大膽地設計成梯形，外牆傾斜，能夠反射陽光，避免體育館受日照長期曝曬，非常聰明。
兩個大型懸臂樑的邊陲，刻有類似葉紋的V字紋道，下雨時出水管的水沿樑柱流到地面，硬漢內藏浪漫巧思。

值得留意的是，展覽名字在建築前加上「未知」：一來粗獷主義不算廣為人知，同時因為英殖香港華洋共處的背景，增加建築的複雜性，讓某些疑似粗獷主義建築的定義，還需繼續討論。

另一個未知，涉及建築的生死存亡——粗獷主義向來備受爭議，不獲廣泛重視及欣賞，加上漸因失修而破落，本來就已碩果僅存的粗獷建築，近年面臨消失，比如荒廢好些年的清水灣邵氏片場，現正開始拆卸重建。

留下來的倖存者，亦不代表可以安全。部分業主因了解不多，以保養的名義，替建築抹上油漆或批盪，外表亮麗了，但跟粗獷主義的原有精神背道而馳。
例如展覽中的幾幢中大建築，除了牟路思怡圖書館，其餘巳被翻新，不復最初落成的模樣。

這現象非香港獨有。2017年，德國建築博物館（Deutsches Architekturmuseum）策展人及建築評論家Oliver Elser啟動SOS Brutalism計劃，建立網上數據庫，列出世界各地相關建築，以作監察和保育，至今載有超過二千座建築，其中約二百座標為瀕危紅色，代表面臨清拆或錯誤改建。

赤柱聖士提反書院的科藝樓建築群，一直是SOS Brutalism檔案中唯一的香港建築；今日再檢索，裡面已加進新的項目：中大科學館、眾志堂學生活動中心，並包括已通過撥款，將會拆卸的中環郵政總局（註：策展團隊認為郵政總局更接近典型現代主義，有待商榷）。

撇開主觀的美醜定斷，粗獷主義建築，記錄了戰後的社會面貌，捱過了最窮苦，未正式邁向富裕，平凡實用便是最大安樂，那是樂得簡單的年代。
曾經在當時，人們需要快捷，低成本，坦蕩蕩地真實的建築物；然後許多年後的今天，誠實直白的建築，或事，或人，會不會得到嘉許？

—————————
丨認真做無聊事 x knowhere 丨
日期：8月21日-9月12日
時間：星期二至日1-7pm
地點：中環PMQ B座 H205 knowhere
—————————
丨knowhere丨
▪️中環鴨巴甸街35號PMQ元創方B座H205
▪️Tuesday to Sunday 1-7pm
▪️https://instagram.com/youknowhere

【從黃金時代到民主崩塌，短短三十年間，香港社會怎麽了？】閲讀全文：https://bit.ly/2WBd2uZ

「就像開嘉年華會。」回憶起80年代的區議會選舉投票日，63歲的 #譚國僑 說。自從1985年於深水埗白田區當選區議員至今，譚國僑在區選幾乎戰無不勝，做了30多年議員——直至今年辭職。他説，出選區議會選舉，更多是源自一種社工做法的現實與理想。

90年代，港英政府開始嚴格執行選舉規範，但仍維持對異見者相對開放的態度。譚國僑曾與社工及一眾因颱風痛失家園的艇戶佔領漆咸（道軍）營抗議，也曾為爭取臨屋區單身人士的住屋權利在布政司署外露宿26天請願；但本可動用現今耳熟能詳的《#公安條例》拘捕的警方，卻沒有作出任何拘捕與控訴。「當時，相對上是黃金時代。」

然而，三十多年後的今天，情形卻大幅改變…那個努力賦權、自行解決問題的香港社區，究竟去哪裏了？

#相關閱讀
【死亡筆記：香港新選舉前夕，公民社會在體制內外遭遇連場打擊】https://bit.ly/3knpUx3

★ 付費支持我們，撐起一片更廣闊的自由空間：http://bit.ly/2wVfM6g
★ 學生方案：https://bit.ly/3bUODnu
#端傳媒 #六週年 #新開端 #深度 #社區自主 #政治 #香港大離散 #區議會 #香港政治

香港今日社論2021年03月10日(100蚊花旦頭)
https://youtu.be/OGleHAnvTlE

請各網友支持巴打台
巴打台購物網址
https://badatoy.com/shop/
巴打台Facebook
https://www.facebook.com/badatoyhk/
巴打台Youtube Channel:
https://www.youtube.com/channel/UCmc27Xd9EBFnc2QsayzA12g
---------------------------
明報社評
本港新冠疫苗接種計劃加快推進，「疫苗猶豫」情緒亦在增加，9天內3人「接種後死亡」，確令一些人對接種態度轉趨觀望。從科學角度，「針後亡」只反映事件順序，不等於兩者有因果關係，放眼德美等地，「針後亡」比例一般是每10萬人有2至4人不等，科興疫苗在港接種情况，有否異常，需要更多時間和數據方能掌握，如何處理始終要相信專家，當局不應排除任何可能，外界亦不宜過早下定論，如果現在急急煞停接種科興，萬一之後接種復必泰又有相近情况，屆時如何是好，也是一個需要考慮的問題。推動新冠疫苗接種一個弔詭之處，是疫情愈輕、染疫風險愈低，人們愈容易出現「疫苗猶豫」，當局需要多想方法，善用誘因鼓勵接種。

蘋果頭條
十三屆全國人大四次會議今日（10日）上午舉行代表小組會議，審議最高人民法院工作報告和最高人民檢察院工作報告。下午舉行代表小組會議，審議關於政府工作報告、「十四五」規劃和2035年遠景目標綱要、年度計劃、年度預算的四個決議草案，召開主席團第三次會議。此外，今日上午，全國政協十三屆常委會召開第十六次會議。下午，全國政協十三屆四次會議在人民大會堂舉行閉幕會。中共總書記習近平5日出席十三屆全國人大四次會議時，胸前戴上「內蒙古自治區代表」的出席證。習在2018年人大改選時就一反常規，宣佈參選內蒙古自治區的人大代表，說要「表達黨中央對民族邊疆地區的重視，體現黨中央加快推進欠發達地區發展、打贏脫貧攻堅戰的決心」。

東方正論
新冠肺炎爆完又爆，第4波歷時近半年，中間政府有不少抗疫「創舉」，例如封區封廈強制檢測，但到現在疫情亦未能斷尾，究其原因，當局漠視社區衞生，解封做一兩場清潔騷便了事，鼠群繼續橫行，垃圾依舊堆積，播毒溫床無處不在！政府曾多次在油麻地、深水埗及新蒲崗等地封區強制檢測，這些地區鼠患嚴重，有可能是散播新冠病毒溫床。其中新蒲崗區食肆及菜檔長期當街亂丟食物殘渣，無異給老鼠開餐，本報曾踢爆同區大成街街市群鼠噬食豬殼，之後二月份有人確診新冠肺炎，政府於同月23日將錦榮街及衍慶街兩幢大廈列為受限區域，強制居民禁足並接受檢測，儘管當局多次表示會為確診人士的住所及附近街道進行徹底清潔消毒，但情況仍未見改善。

星島社論
疫苗接種計畫開展將近兩周，連日來出現三宗死亡事故及至少四十五宗不適報告，令接種率由高位的九成多，大幅回落至昨日的六成四。接種率接連下跌，負責統籌疫苗接種事務的公務員事務局局長聶德權強調，所有個案都會交由專家委員會審視，現階段毋須煞停接種計畫。有專家認為本港可效法澳門做法，接種前為長者進行評估，但有私家醫生認為未必全面掌握病人的病歷，單憑簡單評估決定是否接種亦未必百分百可靠，有私家醫生更主動「篩走」不合資格人士，最終有三分一預約人士未能打針，建議當局訂出基礎標準和指引供業界參考。

經濟社評
復星/BioNTech「復必泰」新冠疫苗今天開打，7個新優先群組的預約不算踴躍，港府亦承認近期多了預約市民「甩底」。當局有必要對外全盤公開相關數據，且參考外國成功經驗，仔細拆解猶豫成因，與醫學界、傳媒等攜手逐一對症下藥，致力推高接種率，以求盡快遏制疫情、恢復通關。比起最初一針難求，目前接種中心多有空檔，公務員事務局局長聶德權也指出，預約接種率由初期逾90%，降至本周一的72%，多了市民沒依約打針。月初出現長期病患者打針後兩日死亡首例，專家詳述跟科興疫苗無直接關係後，預約數字隨後兩天回升，惟港府之後停發數據，改用預約接種率，表示更能反映各接種途徑的實況。

｜香港古蹟—保育定「絕育」？三級古蹟芳園書室變死場 景賢里空置荒廢 活化計劃淪笑話
發展局局長黃偉綸較早前指，不排除將深水埗主教山配水庫納入「活化歷史建築夥伴計劃」，由非牟利團體承接管理，並將其改建及活化成有價值的文化地標。但計劃自2008年實施至今，卻曾鬧出古蹟復修後喪失歷史特色、無人承租長年棄置等爭議，令人擔憂一旦主教山配水庫以同樣方式保育，活化不成反加速「死亡」。

為釋除公眾對於政府古蹟活化項目過份商業化的疑慮，發展局於2008年推出「活化歷史建築夥伴計劃」（下稱活化計劃），開放部份政府歷史建築供非牟利團體沿社企形式申請租用，而團體則須說明如何活化再利用有關建築物、財務上何以達至自負盈虧，從而在發展和保育之間取得平衡。活化計劃目前推出6期共24個活化項目（不包括重推項目），但當中卻有部份項目乏人問津長年空置，或者經營不善交還政府。

https://hk.appledaily.com/lifestyle/20210228/AHEU4AGVAZGJRP6PLBIBGDA5MI/

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#古蹟 #保育 #芳園書室 #景賢里 #主教山
#果籽 #StayHome #WithMe #跟我一樣 #宅在家

深水埗深之都(Metro Sham Shui)市況!!
一個三層既商場!!
條路好窄D鋪好細間!!
三樓直頭死場咁款!!
24/02/2021
#深水埗深之都(Metro Sham Shui)





記得訂閱本頻道!!
Like Share & Subscribe!

paypal 捐贈
PayPal.Me/nyksuperman

payme 捐贈
https://www.youtube.com/post/UgwczeIvPQdiW6PV9TR4AaABCQ

拍攝器材:
Dji pocket2
歡迎大家做會員
訂閱附近有加入制
或按以下連結
https://www.youtube.com/channel/UCGTCz-yT9RkPfxxAQLRzvVQ/join

有三種月捐價錢 $10,$25,$200


影補溝女計劃:

多謝網友一直支持
也收到很多網友既email
始終溝(真命天女)是一門大學問
如果你一直有溝女上既疑問
想多個人探討
歡迎參加

月費: email 問吧!!
在whatapps 上可以任問有關溝女既問題
one on one
每日都會發放簡易溝女攻略

有興趣 email 我吧
nyksuperman@yahoo.com.hk

新增mewe
https://mewe.com/join/影像補完計畫

blog:
https://learningpickup2018.blogspot.com/

facebook:
https://www.facebook.com/%E5%BD%B1%E5%83%8F%E8%A3%9C%E5%AE%8C%E8%A8%88%E5%8A%83-244250179271606/

IG:
https://www.instagram.com/learn_relationship/

twitter:影像補完計劃
@ItRg9xD36srMIqY