台北4日3夜之旅(Day 3+4)～郊遊 . 唔係賣廣告🙅🏻‍♀️，今日就book左KKday既一天遊行程去郊遊，去d平時去台灣旅行都甚少去到既地方，今次呢個得幾個人去，所以坐一架細車，相對黎講KKday既司機會講解多d，每去一個景點落車後，都會介紹下個景點👍🏻，👧🏻本來諗住去影下靚相，點知果日熱到痴線🤷🏻‍♀️，都要行下山有d體力勞動，所以有d辛苦，不過d景色真係唔差！ . 09:00am👉🏻台北車站東三門前集合，09:10am準時開車 . 10:30am👉🏻千島湖，司機建議行千島湖徒步區，行高d影落黎景色靚好多😍 . 12:00nn👉🏻八卦茶園，其實係千島湖行過去，不過路程有d遠，又熱又曬，行到好吃力😥，八卦茶園係一個觀景台，望到既景色都好宏偉！ . 12:30pm👉🏻金瓜寮溪觀魚蕨類步道，都係要行路，要走落去溪邊，坐係石頭上面食野(已包西點餐盒蛋糕4件)，司機話自己食唔哂就餵魚，司機仲建議除鞋除襪走落水，見到有d大媽係度浸水😂 . 13:30pm👉🏻深坑老街，其實本來行程係去"石碇老街"，但司機車到去後發現大部分舖頭都無開，即時建議改去深坑老街，呢度條街好懷舊feel，好正，有好多野賣但又唔多遊客，行得好舒服😀，司機推介要食深坑臭豆腐，真係好正👍🏻！ . 15:30pm👉🏻台北車站 (整個行程因應交通情況而提早結束，本來17:30先完😂) . 因為出左身汗，所以返飯店沖個涼抖抖先！ . 19:00pm👉🏻饒河街夜市，呢個夜市超多野食超熱鬧，好受港人歡迎，必食胡椒餅、人頭咁大杯冬瓜茶、炸雞扒、蛋餅……😋😋😋，總之就一定要黎觀光下啦😂！ 🚇交通: 捷運"松山站" 1號出口，直行 . 👉🏻行到幾點就幾點返飯店啦😂 . Day 4 . 因為搭中午機15:45pm->香港17:30pm，所以最後一日我地選擇訓晏d，食埋早餐就拖行李去台北車站最後衝刺，多數我會買好多甜品返香港(雞蛋布丁、梳乎厘蛋糕…等等)，自己因應個人喜好而買啦😂，跟住就搭捷運去機場，去到機場又食下野咁，試左個麻油雞麵，好正👍🏻，仲有台灣必食既刈包，跟住就正式要離開啦😭😭😭(不捨) . 4日3夜行程完結，希望大家鍾意睇我地介紹既行程啦🙌🏻 . #肥豬旅遊系列 . #hkig #hkgirl #hk #hkfood #hkeat #90s #90s_girl_diary #draw #手繪 #插畫 #香港插畫 #原創插畫 #香港原創 #香港人 #畫畫 #藝術 #吃貨 #台北行程 #自由行 #KKday #千島湖 #八卦茶園 #金瓜寮溪觀魚蕨類步道 #深坑老街 #臭豆腐 #饒河街夜市 #胡椒餅 #麻油雞麵