熱門Ptt文章

[爆卦]深圳地鐵圖下載是什麼？優點缺點精華區懶人包

雖然這篇深圳地鐵圖下載鄉民發文沒有被收入到精華區：在深圳地鐵圖下載這個話題中，我們另外找到其它相關的精選爆讚文章

在 深圳地鐵圖下載產品中有3篇Facebook貼文，粉絲數超過23萬的網紅龔成，也在其Facebook貼文中提到， 【龔成問答信箱】（Q14421-Q14440） Q14421： 老師，你點理解武漢肺炎嘅疫情嚴重過SARS但大市重未出現03年嘅跳樓式崩潰？ 龔成老師： 股市有可能有較大的上落（當然，這是長線投資者一生難得的機會）。 至於樓市，相信唔會大跌。 香港經濟轉弱，加上肺炎的心理因素，會對樓市受...

　同時也有4部Youtube影片，追蹤數超過15萬的網紅趙小僑女人說，也在其Youtube影片中提到，🔽食玩介紹（依影片順序） 📍找茶友：深圳市上梅林街道梅華路44號 百興苑1棟7號舖（草莓杯必點） 📍CoCoPark: 深圳市福田區福華三路268號（潮男潮女必逛商場） 📍深圳若壐酒店：深圳市南山区中科纳能大廈D座 📍深圳燈光秀：在市民廣場即可看到（2019年燈光秀的時間，請上官網查詢） 📍桂小厨：...

「深圳地鐵圖下載」的推薦目錄

深圳地鐵圖下載 在 Gi Gi Wong王老太愛吃愛旅行Samsung手機隨手拍 Instagram 的最佳貼文

2020-05-09 04:29:04

所有VPN(翻牆器)全軍覆没!!被關了幾天小黑屋,度日如年的😭好在付費的vpn有點實力,搶修了回來....#我家樓下#hometown#実家 . 感謝得到電腦聖手出手相助, 翻牆出去再重新下載新版,歴經幾十道工序,才得以:"今天可以在 instagram 冒泡泡啦!!!😍😝💝👍. . 拍得太爛 無...

深圳地鐵圖下載 在 ゆう????? Instagram 的精選貼文

2020-05-03 05:44:00

向右掃 自製咖啡室的短片喔➡️➡️➡️ 趁住假期同風箏兄北上食好嘢👬💕 最後去咗一間謎Mystery Cafe🤩✨ 佢喺以白色為主題嘅歐陸式嘅咖啡廳🕊 懷舊嘅佈置中帶點復古嘅味道🥰❤️ 一去到已經好多人 仲俾人叫我哋幫手影相😑💧 佢轉動作仲快過我禁制😂😂 女生至愛 無誤🌟 🕊 酸奶芭菲 (¥42)🍨...

深圳地鐵圖下載 在 ゆう????? Instagram 的最讚貼文

2020-05-03 05:44:00

向右掃 自製咖啡廳的短片喔➡️➡️➡️ 趁住假期同風箏兄北上食好嘢👬💕 首先去咗一間喺33樓嘅高空cafe🤩✨ 🌎 LazyPlanet 分別有上下層 下層有張Bar台 隔離就係文青嘅藏書閣📚 而近住窗邊有個變身嘅座位 可以一覽望曬成個景咁chill住飲嘢~~🥳✨ （夜晚7點打後係酒吧) 上層就係要...

  • 龔成

    深圳地鐵圖下載 在 龔成 Facebook 的精選貼文

    2020-02-26 12:00:40
    有 83 人按讚

    【龔成問答信箱】（Q14421-Q14440）

    Q14421：

    老師，你點理解武漢肺炎嘅疫情嚴重過SARS但大市重未出現03年嘅跳樓式崩潰？

    龔成老師：

    股市有可能有較大的上落（當然，這是長線投資者一生難得的機會）。

    至於樓市，相信唔會大跌。

    香港經濟轉弱，加上肺炎的心理因素，會對樓市受壓，但現時的業主持貨能力強，與當年好唔同。加上，現時的長期供應好唔需，當好多人仍有自住需要時，樓價跌幅有限。

    因此，我相信香港樓會跌，但不是大跌，而過2、3年後，樓價會再向上。

    ------------------------------------------------

    Q14422：

    你好，我打算買幾本你的書來看看，請問下有閱讀先後次序嗎？

    龔成老師：

    你可以先睇《80後百萬富翁》《股票勝經》《財務自由行》，然後再睇其他。

    書本在三聯、商務、大眾、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。

    以下是我的11本書：

    《80後百萬富翁》（第7版）
    《80後2百萬富翁》（第3版）
    《80後3百萬富翁》（第2版）
    《財務自由行》（第5版）
    《大富翁致富藍圖》（第4版）
    《50優質潛力股》（第3版）
    《50穩健收息股》（第3版）
    《50值博倍升股》（初版）
    《股票勝經》（第3版）
    《選股勝經》（第2版）
    《年報勝經》（初版）

    ------------------------------------------------

    Q14423：

    成哥我想請教你一樣野

    我有個按揭，年利率2.375.

    如果我同銀行借稅貸，實際年利率2.01 放落自己戶口，有無利可圖？

    龔成老師：

    「自己戶口」係咪指按揭高息戶？

    即是銀行比你一個按揭高息戶，該戶口的利率，會等同於你的按揭支付利息，但要留意，有上限的，一般是按揭貸款的一半金額。

    理論上，這是會慳到息的。

    因為你從較平息的地方借取資金，然後對消較高息的按揭資金。

    例如你借$100萬稅貸，就可以慳自（2.375%-2.01%）X100萬=$3650

    值唔值得做，你可以自行決定。同時，你要問清楚有無咩雜費等等要比。

    ------------------------------------------------

    Q14424：

    龔成老師，你好! 我仲讀緊大學，上年開始睇你，已經開始投資1年，本金不多，$100,000開始，未放，今年有$15000左右的回報。

    股票班學費仲未係我能夠應付，所以只可以買你既書同上網睇，因為我覺得省錢既方法離不開自學，有資金當然係比錢，省時間，所以想多謝你

    我係學習上有幾多問題遇到。

    1. 月供雖然係方便同逼你儲錢，但我認為手續費都幾貴下，如果我儲夠一定資金，例如1手，再買入會否可行，定因為1手1手咁買，隨時買貴咗即風險大咗?

    2. 領展(823) 雖然近期既PE已經低咗，但我認為如果好似我呢類冇穩定收入，同資金不多，買好似賺唔多咁，我明白09-19年，佢上升超過800%，早前，佢又收購澳洲，長遠都唔錯，但係你認為我呢如果1年後出黎做野，月供佢好唔好?

    3. 因為我個人好鍾意大風險，冇風冇浪好似難成大事，我對於收息股興趣不大，大概已成定局，除非資金大同唔想煩先會買去抗通脹，所以想問下中生製藥(1177) 同兌吧(1753) 你有咩睇法?兌吧(1753) 係我自己特登搵新上市既股票去研究，雖然仲係蝕緊，但業務好似唔差。

    謝謝!!

    龔成老師：

    1）如果你不想月供，你以一手手的模式投資，是可以的，月供最大目的，除逼你儲錢外，就是平均買入價，有效減少你集中價值的風險。

    因此，你要自行做到分注買入的作用，令買入價平均，只要做到這點，你就可以進行。

    2）唔好睇佢的市盈率，因為佢每年都會有物業重估，你要自行扣除翻該數目，市盈率先有參考價值。你可以利用股息率作為參考工具。

    佢仍然是優質股，有投資價值，但要佢大升好難。佢之後只是平穩增長，前景不差。你可以分注投資或月供，都得，總之長線投資就得。

    3）中生製藥（1177）是潛力股，當然有投資價值，現價少少貴，但你可以先小注，到回落時加注。

    兌吧（1753）主要係中國從事用戶運營軟件即服務平台，以及互動式效果廣告等業務，不過這刻仍處虧損狀態，只可以話分析不易，有危有機類。

    這都是潛力股，但風險較高，其實佢生意增長不差，只是未進入收成期，如果你睇好，小注投資可以。

    這刻未夠資金上堂唔緊要，最重要是保持進步，睇書都可以。最重要是明白，投資在自己身上，永遠是最值得的。

    ------------------------------------------------

    Q14425：

    龔成老師，經過不斷優化，小弟44歲，依家月供組合金額:

    盈富5000
    地鐵2000
    比亞迪1000
    煤氣1000
    領展1000

    呢個投資組合穩唔穩健，請問60歲退休可唔可以增值到有五百萬資產?以上係月供股票

    龔成老師：

    這組合穩健的，你可以長線持有，同時都適合你的年齡投資。

    月供股票，最重要是長期進行，你上述分配的月供金額正確，因此，最重要是保持「長期月供」。

    現時你每月投入$10000，我假設回報率為10%（你要將收息再投資），16年，預期會滾存到$430萬。

    我會建議你在每月月供的同時，留少少現金。

    現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

    ------------------------------------------------

    Q14426：

    你好，老師。有一個問題想請教下。

    如果想知道一間公司財務報表嘅數據，可以去邊啲財經網站到下載呢？

    本人睇開阿斯特克財經同經濟通，但係發現數據上都會同係披露易下載公司財務業績嘅數據有出入。

    所以想知道研究估值時候嘅公司資料數據你哋會喺財經網站下載定係自己係披露易下載嘅財務報表到搵資料編制？

    龔成老師：

    財經網站的數據，只是人手入，因此，只是一個初步的參考數據。加上，不同的網站，在表述上可能有少少不同，例如時間等因素，因此，可作為最初分析股票的參考，但如果之後要進一步分析，一定是睇港交所披露易。

    我自己都會先利用財經網，快速分析，之後就一定會睇年報，這才是最準的。

    ------------------------------------------------

    Q14427：

    龔成兄，三生1530什麼價便宜價？你對三生有什麼睇法？想買入，thx.

    龔成老師：

    呢隻股最近回左唔少，將一年的升幅打回原形，其實佢本質唔差，只是近期的行業消息影響左股價，見佢都有回購，同時前景仍正面。

    雖然這股的質素不算最高之列，但都不差的，前景正面，但現價不算好平，只能定義為合理區，你預跌多2成先到平宜區。

    ------------------------------------------------

    Q14428：

    龔成你好：最近留意到你既專頁，早排都有買左你本財務自由行黎睇（剛剛睇完）。有個問題想問下你，返緊份正職但想要開拓另一d收入來源唔容易...唔係返office工又唔係固定放假！

    網上有好多買賣現有生意既資訊，其中我覺得購買教育中心可有作為：第一：我從事教育行業（TA)...對行業有一定程度認識，第二：生意可以投資者或兼職形式進行,不用自行打理但有風險—業務性質是否持續有正現金流、員工質素、學生人數、租金上升等！下星期會直接視察公司，要注意或問d咩？

    而買入這盤生意約三十萬...估計用去本人儲蓄將八成！坦白講我係俾佢個回報吸引到既（每月利潤約四萬）現在考慮因素係我究竟將錢投入去呢鋪生意...定係可以做其他野！

    龔成老師：

    要一邊翻正職，一邊搞自己的事業，並不容易，但可以選一些較為彈性的時間，去配合到整個事業的發展。

    但這類買入生意，要較小心，因為當中有可能有潛在風險，首先，你最好以用家的身份（可以叫朋友去做），以顧問的身份去問下，或朋友的子女去試下。

    這樣會發現到，當中是否有問題。

    另外，你要分析客戶的穩定性。同埋，係咪會好跟某些導師，如果該導師走左，客戶是否都會走。

    要問清楚各樣野，你自己需要的投入程度，每個月會否有那些特殊支出，當中有無負債。

    上網了解下這教育中心的品牌，有無大問題。

    你唔好單單比回報影響到，要理性分析，問清楚，如果確定財務數據是穩健，而轉手對生意無影響，同時無較大的潛在問題，這生意可以買入的。

    ------------------------------------------------

    Q14429：

    老師 你好
    我而家32歲 已婚 有物業自住 無其他投資
    而家cash有十萬左右

    月入減埋所有支出大約有15000
    而家諗住每個月一半錢（7500）開始月供股票

    想五年內再買多個單位收租
    有何意見呢？

    龔成老師：

    如果你本身有自住物業，就唔需要太急去增持物業，而你定5年後買物業，是可以的，但這不一定視為必然的計劃，可以視為一個方向。

    最重要是這段時間滾存到足夠的資金，買唔買，幾時買，則到時再決定。

    因為你再物業的目的是收租，這就是投資，目的就是令你的財富有所增長，及產生現金流，我地就要分析，那個資產項到時能創造最大的效果，如何配置最好。

    你方向正確，這段時間，可以將$7500資金，投入在月供股票，你可以投資平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。

    另外，以你的情況，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

    現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

    ------------------------------------------------

    Q14430：

    老師 想問下 1766 中國中車 是否優質股嗎？

    龔成老師：

    中國中車（1766）的本質其實不算差，但在2015年，這股曾經熱炒，並處於貴的水平，其實市場發現佢原來只能平穩增值，業務不會高速增長，所以股價回落至合理水平。

    其實，這企業的業務一向都是平穩增值，只是市場對佢有過高的期望。

    所以，現時所處的是合理水平，但增長力就不會好強，算是平穩增長類，現價合理。

    ------------------------------------------------

    Q14431：

    龔老師，你好，我睇左你既書有一段時間。

    我手上有200百萬左右現金，有一個小朋友，諗緊買唔買一間居屋自住。

    因為前兩日已經想落訂，但因為業主突然反價，加多左幾萬，宜家完全諗唔到應唔應該買，空白左，好想你指點一下，謝謝你！

    龔成老師：

    買樓，最緊要是從你的負擔能力出現，你「供得起」是當中的關鍵，因此，所有野都是從這方面去想。

    如果佢只是反價1%、2%，而你的負擔方面無問題，那可以進行，始終我地所有分析，都會以長線作為核心。如果是長線，2%可理解為影響不算大。

    如果反價太多，大部分銀行估價唔到，就算。

    你可以利用近期的成交，去比較佢的價是否合理，去衡量點樣做。

    香港經濟可能會轉弱，樓市會出現中短期調整，但始終跌極有限，長遠仍會向上，這是由於供應不足、需求大。

    雖然我話樓市中短期向下，但由於唔會跌得多，因此，如果該樓合你心意，價格仍算合理，就買，如價不合理，就找另一間。

    ------------------------------------------------

    Q14432：

    龔成老師！ 想請問現在疫情肆虐，賭同地產前景唔明朗！

    手上有5手金沙@$34同1手恆地@$36同約30萬現金

    我是否應該要放左金沙先，之後待價加注（倒如落返$34先），想慢慢儲返好個portfolio做長線投資？

    龔成老師：

    疫情對經濟的影響是多個層面，不過，這只是一個中短期的情況，長期來說，影響不是核心性。

    你可以想想，金沙（1928）3年後的經營情況如何？恆基（0012）的樓是否無人買？

    只要我地長線投資，發覺好多中短期因素，都可以不理會！

    因此，你現時持有的股票，都是有質素的，唔需要賣左先。

    你好好利用手上的現金，在中短期不利的情況，把握機會，分注入貨長線投資。但要同時留有一定的現金，唔好心急用盡。

    另外，唔好只集中在2隻股，要建立一個平衡的組合。

    ------------------------------------------------

    Q14433：

    hi, 龔老師你好！

    我現在的股票，和之前都是差不多的，總額約有350萬元左右，持有一些公用股或收息股，例如6, 66, 778, 2778, 405, 941......

    但我發現，在利息回報上，其實整個倉只有每年4.5%左右的利息回報，換言之350多萬的股票倉，每年利息收入只有15萬左右。

    老師，我有一個想法，就是將一些利息回報比較低，但現價比入市价高的股票賣掉，其中包括6, 778, 2778, 2638......

    轉買匯豐，預算金額會逹200萬，現在滙豐的利息有6.6%，換言之衹是200萬的滙豐股票，每年已有13萬多的利息收入。

    加上股票倉內其他較高息的股票，就算沒有其他成交，每年也應該超過20萬元利息收入的。

    老師你認為這個方法可取嗎？

    龔成老師：

    其實，要睇翻你的投資目標，本身想增值，還是想收息？

    我地一般會按翻你的年齡、風險承受程度、投資目標而決定點配置，現時一般的收息股，都有5%、6%股息，你集中投資這類股票，股息回報會較強。

    不過，這類股的增長力又較弱，例如匯豐（0005），股價上無乜增值，由於預期業務增長力只是平穩，因此，往後股價都唔會有太大期望，只能著眼於股息。

    因此，長期的財富增值，以及較高的股息，你要取一個平衡點。

    其實，當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

    例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

    這是一生的財富運作模式，當然，你可以作出一些調整，但這是較建議的方法，是最有效率的。

    ------------------------------------------------

    Q14434：

    龔成老師你好，整理了一些問題，老師比啲建議，以下是現時大概資產分配

    1）尚欠樓按$4百萬左右，因剛加按套現左$145萬，現時樓宇仲係作出租用途每月租金$16000，（供款、租金平衡 ）過多兩年會收返自住 到時每月需要供款支出$16000。
    再加存款$80萬，可動用現金共$225萬左右 ，如一半資金放入ML戶口收息 ，一半再用黎投資會否太被動？

    2）持有股票 1手中華煤氣，2手中鐵，2手領展，2手阿理巴巴，2手瑞聲科技，3手騰訊（未到買入價）近期想再加多兩隻 越秀及中電。主要想入啲高息股票長期持有用作收息

    請問以上所購股票吾知有無利弊，及現金應該如何運用？希望老師給些建議。謝謝老師

    龔成老師：

    1）由於你部分現金是加按而得，因此在投資上不能太進取。

    以現時大市的平貴程度去分析，你暫時將一半現金存於ML戶口，是可以的，餘下資金，可以用分注投資的模式進行，可以以平穩增值股為主。

    如果你本身怕風險，就將部分投資收息股，目標是6%的收息股，已經能為你產生穩定的現金流，就算遲些要自行供款都能支付一定的供款（始終按息只是2%多，而收息股有6%，好好利用資金有著數）。

    不過，我仍建議你保留一定的現金在ML戶口，作用是等投資機會，創造更高回報。

    2）這些都是有質素的股票，可以持有，能助你的組合平穩增值，長期持有無問題，如果想加高息股，可考慮香港電訊（6823）、置富（0778）。

    ------------------------------------------------

    Q14435：

    阿Sir, 係未上你堂同睇你書之前手上好多內銀股同低質股，低質果d一早少蝕都放左將錢再投資月供股票，依家供緊 12 1038 1211 各$2000， 2800$2500.

    手上有10萬蚊股票同17萬現金，，想請教下阿Sir除左月供果幾隻，我應該分注入邊d優質股好呢? 考慮緊金沙、港鐵、領展、安踏同周大福，想問下阿Sir意見。

    我今年31，每月可以有$11000做投資，可以額外有2 3千cash儲到。目標4年內有100萬!!

    唔該阿Sir!

    龔成老師：

    你的方向正確，我地最重要是建立一個長期的組合，你現時月供的都是有質素的股票，保持長期進行就得。

    如果你想增加股票去月供，可以考慮金沙（1928）、港鐵（0066），我相信都可考慮。

    你的年齡仍是財富增長的黃金時期，要保持儲蓄、投資，我相信你可以4年完成目標的，加油！

    ------------------------------------------------

    Q14436：

    想請教你兩隻股票

    3883
    548

    何時才是合理水平
    想在出bonus時入這兩隻當儲錢 謝謝'

    龔成老師：

    中國奧園（3883）主要於中國從事物業發展及物業投資業務，近年增長快速，這是受中國樓市保持向好的情況帶動，加上佢利用大量負債運作，當好景時，佢就會好好賺。

    但佢的負債的確太多，有點令人擔心，必然有危有機，好景時好好賺，但逆景時，就幾大件事。

    所以，這類股不是無前景，但風險較高，現價勉強合理，你都可以投資，考慮到風險問題，跌多15%會較好，但不建議太過大手。

    深圳高速（0548）這企業有質素，我在之前的書已有講，長線投資無問題。

    現價合理區中上部，如果要較合理，你可以算跌10%先買入，分注投資，長線。

    ------------------------------------------------

    Q14437：

    你好, 龔老師, 想請教一下, 我現在29歲, 也利用你的方法, 終於儲到第一個一百萬！

    現在月入約5萬5千. 資產最新的配置為30萬股票, 70萬為現金.

    現有用月供11000, 分別月供銀娛, 港鐵, 領展, 比亞迪(1211) 2000元, 長江基建, 中生制藥, 中銀香港各1000元...

    股票組合還有早年高位買入之騰訊和 港交所.. 每月亦供醫療人壽保險

    因方便工作, 剛剛自己搬出, 租金開支約15K, 故希望1, 2年內可置業 .

    請問我現在的選股方法有沒有什麼問題... 又有什麼方法可更有效利用這700K現金, 我是否應加大月供之金額? 如是, 有沒有什麼建議..謝謝

    龔成老師：

    你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

    你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注。

    因此，潛力股如比亞迪（1211）、中生製（1177），你可以保持利用月供的模式進行，長期月供，但就不會動用現金去再入。

    但要留意，由於你打算置業，因此，2年內將會動用一筆現金，因此，你這刻的大部分現金，不應該投資，應留現金。

    最多只是每月加大月供，例如你可以加上盈富（2800）去月供每月供$4000。已是不錯的方法。

    ------------------------------------------------

    Q14438：

    老師，我仔仔有15歲，現有14萬港元同18萬澳門元資金，請問要如何投資？

    我初接觸股票，仍在看你第一本書，消化內容中，所以不敢自行判斷，請幫忙，謝謝

    龔成老師：

    最簡單是投資盈富（2800），由於你未有投資知識，加上資金是阿仔的，因此，不能冒太大的風險，但佢年輕，財富最好有一定的增長力，因此，投資盈富是最好的選擇。

    這是一個50隻質素不差股票的組合，風險能平衡，同時有增長力。

    你可以動用$10萬資金，分注去入，例如分開3次入，每次入1000股，每隔3個月入一次，然後長線投資。

    你睇《80後百萬富翁》《股票勝經》先。

    ------------------------------------------------

    Q14439：

    龔老師 我想月供3000盈富 2000恆基 想再問下 我想學睇隻股票值唔值得投資 我應該睇咩書 先擁有初步知識？

    龔成老師：

    上述都是有質素的股票，可以月供，最重要是唔好理中短期股價，保持長期進行。

    你可以睇《股票勝經》《選股勝經》《年報勝經》。

    ------------------------------------------------

    Q14440：

    Hi 老師 睇你啲書知道你以前做銀行 我依家都係做銀行 做緊teller 依家開始考證券試 想諗住做rm ，儲夠資金後 再轉其他 呢個方法係咪可行？
    Thanks

    龔成老師：

    我相信你可以試試上述的路。

    我過停做銀行工，明白當中太過穩定，要突破並不容易，所以你唔可以依靠公司等自己慢慢上，一定要用自己的方法跳。

    你可以先考證券試，之後做rm或其他，最重要是跳，要好好想方法令自己在職位上向上。

    但要留意，好多時要見步行步，無話一個絕對的計劃，所有野都可以變。

    總之，有大致方向就得，同埋要行動！

    ----------------------------------------------

    多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

    另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

  • Nowhere Boys

    深圳地鐵圖下載 在 Nowhere Boys Facebook 的最佳解答

    2018-06-07 17:26:44
    有 16 人按讚


    【無處男上廣州交通指南】
    知道好多香港嘅朋友都會上廣州睇我哋，所以幫大家整咗個交通指南：

    SD livehouse 地址：
    中國廣東省廣州市海珠區工業大道北132號花城往事創意園內7號樓

    方法1) 紅磡搭火車到廣州東站（車程約2小時）
    - 火車（$210左右）貴過直通巴士（$110左右），但會坐得舒服啲，快啲到
    - 到廣州東站後轉的士、地鐵或公車
    - 廣州東站唔近個livehouse，轉的士都要30分鐘
    - 廣州東站係廣州地鐵1號線和3號線嘅換乘站，只要搵到3號線（往番禺廣場方向）去到客村轉8號線（往鳳凰新村方向），SD livehouse 喺沙園站B出口。驚嘅話可以下載定廣州地鐵 app
    - 小編表示公車好似有啲複雜，所以唔建議大家喺廣州東站轉公車

    紅磡開出火車的行車時間表及購票連結
    https://www.it3.mtr.com.hk/b2c/frmScheduleGuangdong.asp…
    廣州地鐵 app
    http://www.gzmtr.com/APP/

    方法2) 搭大巴喺深圳灣過關（車程約3小時）
    - 上車地點：旺角、太子、荃灣、九展、屯門、銅鑼灣、灣仔、上環
    - 下車地點：廣州華夏大廈
    - 廣州華夏大廈落車後轉的士到livehouse 需約15分鐘
    - 搭到去深圳灣口岸，大家要攜同所有行李下車，辦理香港出境及內地入境手續；然後再於口岸(中方口岸區)上車
    - 雖然即場可以買到飛，但建議大家都係前一日買定飛啦～同埋買來回會平啲架！

    廣州線時間表
    https://goo.gl/Q46asj
    票務中心
    https://goo.gl/oUfvCN

    圖一 如何於廣州地區前往SD livehouse
    圖二 SD livehouse 周邊地圖及車站分布
    圖三 大巴車站位置及班次

  • Hello Pinkey周圍食

    深圳地鐵圖下載 在 Hello Pinkey周圍食 Facebook 的最佳解答

    2018-03-26 21:30:00
    有 1,016 人按讚

    【復活節】出走深圳～！ 2大粉紅少女系Cafe~ 打卡一流！

    最近深圳大熱，好多年輕人上去short trip，我又去近年熱點－南山區行返轉～果然，跟以前的深圳大不同，先進乾淨咗好多。由落馬洲經福田口岸過關，約30-min的士便到，才¥60。今次去咗兩間少女系cafe，環境影相打卡一流，食物賣相絕對是「相機食先」的材料。Lapslaps比較美式搶眼，食物少，質素不過不失，但勝在影相繽紛夠靚；nobu nobu是少女粉紅，食物挺好。

    食完一輪甜嘢， 就去食麻辣火鍋，要聲明...強調呢間食物質素一般，不過現場表演「開眼界」，豬八戒哥哥跳舞好笑，環境企理，價錢當然比香港平一大截，我們一家四口才¥466，食埋果盤飽到嘔～請大家畀D時間我，我再周圍去試，下次搵間堅好食的麻辣火鍋介紹畀大家！

    出走深圳，5大貼士：
    1. 下載「大眾點評」App，搵心水餐廳資料及地址。
    2. 下載「百度地圖」App，在內地搵路比用Google方便。
    3. 最好整定WeChat Pay，當地人食飯、買車票，誇張到路邊小販都用WeChat Pay以QR Code消費，我只帶現金，買張地鐵車票都好麻煩囉⋯⋯
    4. 的士唔貴，不過地鐵都好方便，由於深圳地鐵由港鐵管理，都算舒服。
    5. 買張一咭兩地SIM卡，今次我用中國移動China Mobile Hong Kong的「4G/3G大灣區3日儲值卡」，在內地一樣用到Facebook和Whatsapp，直接在7仔買$98，啱啱見到網上買有優惠價$78：https://goo.gl/SiAR73

    ===================================
    想同我們一齊去食好嘢，以及知道更多飲食資訊，即加入Hello Family啦！
    Link: www.facebook.com/groups/hellofamilyhk

    短片製作：MSG Creations，如閣下需要短片拍攝（非Hello Pinkey試食介紹），包括飲食、美容及醫療行業等，歡迎聯絡Kan Lam，Email: kan@msgcreations.hk

你可能也想看看

搜尋相關網站