［崇優，就梗係唔再去海洋公園］一切由2004年嘅愚人節開始講起，放心，你唔會記得係乜。但嗰年發生咗件改變香港近代史嘅事

1. 之前好似在經濟角度寫過下海洋公園。今次用文化角度。唏，冇話你知，本人根本冇讀過Econ？本人係文青嚟的。金融呢啲，用嚟搵食，滿足我做文青但又唔使拎文化綜援嘅物慾。

2. TL；DR　—服侍香港人又好張家港人都好，海洋公園都應該執。根本唔需要政府錢搞個主題公園。至於執咗佢起樓呀，大家分咗五十億呀，定係做隔離中心搬晒啲友去呀，後話。集體回憶？大劉先係集體回憶！

3. 古語有云，房間入面隻大笨象，冇人開口講，就我講。咁當然，話國王冇著衫個細佬千古傳頌，因為佢只係得罪國王啫。如果佢係指出所有人都冇著衫嘅，畀人亂棍打死啦（例如哥白尼）。

4. 尼采話齋，佢就係個著夜行衣嘅人，光天化日在市廣場（屯門嗰個？），畀人當傻仔。佢就只係話：我來得太早了。亦係尼采話嘅，白晝嘅光，如何理解黑暗嘅深度？

5. 先知就係早你少少知，但先知就係寂寞嘛。不過至少而家唔會畀人燒死，已經好文明。

6. 講完一大輪咩尼采，咁話你知，我半年前就知道海洋公園必死（當然嗰時唔知肺炎啦，知就發咗達）（https://bit.ly/3fCihPY），亦一早話執咗佢（https://bit.ly/2xRzVhw）。有舊文為證。唔係今日先拾人陳慧出嚟講。我亦唔介意好多其實平時同我完全唔同立場嘅人都咁講—大佬，人地食飯你走去食屎咩。Contrarian唔係咁做嘅，唔係人支持你就反對。

7. 但我由始至終，支持海洋公園執笠個理由，同好多人唔同。我個理據係基於右翼liberal思想，即係「市場撚」（＊）「獅子山學會撚」（本人正係付費會員），嗰啲。根本就唔需要用公帑去run主題樂園。乜年代呀大佬？無論個海洋公園係for 香港人定for 大陸人定係for 馬達加斯加人，都係應該收檔。

8. 所以我並不同意嗰個「海洋公園背棄咗香港人」論調（好有「要不是乜乜乜」既大爺感恩feel）。首先，你啲稅收，大家心知肚明，嚟自邊啦。大企業，高人工人士，樓市股市印花稅。基本上都好大程度係「大陸有關嘅錢」。咁大陸錢救大陸公園，又好似冇問題喎？再唔係ring fence 佢，好似隔開啲企鵝波波咁，分開舊錢咯，咁滿意未？

9. 我唔滿意噃。就算係for 香港人，一樣應該執笠。而我好懷疑上帝可唔可以在香港做一個for 香港人嘅主題公園。因為呢樣東西同上帝舉唔起嘅石頭一樣咁上下。成班離地友仲在獻計人地應該點樣做生意，十分有趣。

10. 劉公子話海洋公園係香港人嘅集體回憶，本人不同意。我三十年冇去過。貼錢我都唔去（咁當然你貼幾千我就去嘅）。咁但，當然啦，唔好咁獨裁，你唔去大把人去。唔好自己唔鍾意就覺得唔應該存在，自己鍾意就應該周圍起。呢個係好多人嘅盲點，我地年代叫做A-Club思維（＊＊）

11. 事實因為我唔係小朋友，我又冇小朋友啫。但我問返，其實身邊啲朋友係有人有同仔女去嘅。

12. 不過啦喎，我就問一個問題：你計下你過去十年去咗幾多次海洋公園，洗咗幾錢。然後又計下你過去十年去咗幾多次日本，用咗幾錢？

13. 咁你咪明點解海洋公園會執笠，亦都係必然要執笠咯！重視本地人my ass。冇大陸客死得仲快添

14. 一個字，就係而家啲小朋友好鍾意講嘅，崇優嘛。

15. 我有得去仙台餵企鵝，做乜要去海洋公園對住啲西口西面嘅員工呢？我就冇見日本動物園啲員工西口西面啦。就算有，人地都係講日文！話你知，香港呢，連啲企鵝都西口西面過人的。橘逾淮而為枳，住多幾十年啲企鵝都變晒燒鵝（或者獅頭鵝）。

16. OK，你係員工，你唔西口西面，但你老細西口西面嘛。況且成個配套都唔同啦。我去完海洋公園上Marriot爆房？

17. 事實呢，同香港眾多流行文化嘅消亡一樣，就係因為你「崇優」

18. 你得廿歲嘅唔怪你，但有三四十歲嘅，唏，你應該記得，有一段好長嘅時間（2000-2010？），香港人係以睇港產片為恥，聽廣東歌為恥嘅！而家忽然本土就自有其原因，但歷史不容抹殺嘛。你見嗰時上咩巨聲定乜嗰啲，十個有十一個都係英文歌，國語歌，日文韓文歌。嗰時你約女（OK，係我約女）睇戲，問佢睇乜，人地講明「冇所謂，不過唔睇港產片」。

19. See？呢啲就係高級女文青嘅崇優。

20. 冇錯喎。有人話，「唔通垃圾都睇咩」。正是。咁，唔通海洋公園唔垃圾咩。

21. 咩話？海洋公園好好？咁請你睇多第12段一次。

22. 有啲離題，但當年嘅咩香港流行文化，我敢話，好多都係過譽嘅。你嗰時冇比較之嘛。嗰時一樣有好多五音不全呃飯食得個樣嘅歌星（唔好開名），Beyond都要唱《醒你》，「那萬人迷　走音走爆咪　包裝多過一切」。呢啲咪係當時嘅樂壇面目咯。

23. 抄歌，抄造型，抄舞，抄MV，成套嘢抄晒。只係當時你冇得上youtube冇得睇原唱啫。到你有網上，你就發現你同人地原唱比，爭咗十幾班。

24. 無意討伐樂壇，但就係舉個例。以前好多嘢，你心目中嘅美好。一來因為你美化舊屎，二來係你目光未夠（正常，人會進步），三來你冇得比較。等於我細個都覺得椰林閣好好食，覺得百人一朱好high。

25. 但，打從2004年愚人節，潘朵拉個盒都打開埋，又好似《幽遊白書》個結界入口咁，群魔亂舞呀，一切都返唔到轉頭。

26. 2003年愚人節張國榮死咗，2020年係匯控忽然彈弓手唔派息。知唔知2004年愚人節發生咩事呀小朋友？呢件事改變香港近代史呀（＊＊＊）

27. 就係，香港特別行政區護照持有人可以免簽證到日本旅遊！（https://bit.ly/2WMA5PL）

28. 我話你知，呢件事真係改變香港近代史，直接間接影響幾多行業，搞到幾多人結婚離婚發達破產。我好奇怪呢件事並未獲得應有嘅重視。

29. 再加埋廉航當道，你除咗去日本仲可以去韓國去泰國去台灣。你有咁多比較，有競爭之下，大家咪崇優，唔掂嘅，咪被淘汰。即係你去過日本食人地啲象人精神日本餐，就唔撚會再食香港啲MK仔 奧馬卡些咁。同一道理。明冇？

30. 當然啦，如果用本土情壞，就可以蓋過好多嘢嘅。在華北（睇＊＊＊）就叫做小粉紅民族主義，在華南咪叫本土情壞。即係明撚明間茶餐廳難撚死到仆街啲伙記又油頭粉面間嘢又有老鼠，但你一樣可以支持小店食得好開心。品味嘅嘢可以好主觀，特別係食嘢。

31. 但，你會唔會咁支持海洋公園？請睇多次第12段。同埋睇多次，2004年愚人節發生乜事

32. 其實亦唔只香港係咁，公平講句，你見優秀嘅日本人都係咁。N咁多主題樂園（唔好淨係去環球影城同迪士尼啦，雖然我兩個都冇去過）一樣冇人去養草。

33. 我記得我去阿蘇個動物園，真係熊啤啤多過人！我有數住！幾十隻熊！但遊客得十幾個！計埋職員都唔夠熊多！都未計啲企鵝刺猬之類。呢啲一樣係大白象，泡沫經濟年代下嘅產物，以為側邊起溫泉酒店就帶到遊客。結果溫泉酒店而家就啲小朋友去一泊二日美少女完全予約制爆房（香港貴嘛）。動物園啦喎，點吸當地人？你唔係靠啲大陸同香港遊客，點掂？固然其實有埋遊戲，養住咁多熊同人，都係用公帑。當然因為種種原因（主要因為投票），都係唔肯執。

34. BTW，一定要講。蒙朋友扯線，我在不同場合見過劉公子，聽過佢叫做私下講嘢。對佢印象其實幾好，我絶對唔會好似其他人咁批評佢之類。不過呢，都係要講，講「集體回憶」，劉公子老豆先係我地「集體回憶」！帶畀我地幾多歡樂呀！免費添呀！係咪抵過海洋公園好多先。我真心認為香港應該有更多大劉！

35. 係呀，大劉生性風流，買名牌，玩女人，食福臨門（而家冇食了）。但又如何？佢係咪用你啲錢？唔係嘛。咁關你春事？佢免費娛樂你，應該你多謝佢先係。所以，see the difference？

36. 實情，你估劉公子唔知咩。我好難得同意毛姨姨講嘅嘢：今次50億，但下年又點？大家都係人在江湖，柏木由紀啫（呢個gag永遠都credit返賴叔，係呀，嗰個賴叔）

37. 呢篇三千字嘅文，亦都係半個鐘左右。

（＊）其實呢啲都好含糊。話自己右翼可能畀人當係新納粹，話liberal又會畀人當係LGBT美國民主黨大愛左膠（雖然我都算係，但唔係呢個context下），所以都係「市場撚」比較清楚

（＊＊）A-Club，執咗幾十年嘅動漫雜誌。啲小朋友就日日寫信去，最撚好個個電視台廿四小時都播動畫，十分中二病。

（＊＊＊）本人出咗世咪近代，正如深圳河以北（一說係界限街以北）就係華北。而西班牙就係華西。

------------------------------
版務：收費專欄已推出，支持埃汾高質文章。幾舊水睇三個月，一星期三篇

請去呢度訂：bit.ly/2wVXndj
課程編號填: CC01
科咗水後後有Login及Password畀你

逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。

前兩日文迪去咗搵舊街坊飲茶，佢帶咗我去大角咀行咗一圏，大角咀多咗好多食肆，仲有一間好大間嘅天龍鮑魚店，睇單外貌以為只買藥材和鮑魚，原來裏面仲有冰鮮食物，真係喺咁易掃了一堆貨回家，可以為冬至準備晚餐之用。

#鮑魚北芪淮山黨参燉烏雞
材料：
天龍清湯鮑魚1罐 22頭（鮑魚大細可自行決定）
雪鳳凰烏雞 1隻
豬脊骨
河南無磺淮山
貴州紋黨参
甘肅特級黑金蓍北芪
寧夏杞子王
廣西龍眼肉
陳皮
薑片
熱水

#醉鮑魚
材料：
天龍原生態鮑魚 12隻
糟鹵
糖
魚露
花雕酒
八角
杞子

#XO醬帶子炒蜜糖豆
材料：
1, 天龍急凍帶子L碼 9粒
2, 蜜糖豆
3, 薑片
4, 鹽 半茶匙 （汆水用）
5, 鹽 半茶匙 （醃料用）
5, 胡椒粉
6, 1/3上湯或罐頭浸鮑魚水
7, 粟粉
8, XO醬

如果大家有興趣要食譜，請回應輸入「天龍」食譜會自動pm俾大家。

想要更多天龍鮑魚資料，
請按連結👉
bit.ly/2QTk7Cq

#天龍鮑魚 #冬至 #做冬 #請客食飯
#燉湯

[國際政治夢工場之新春特約]《王朝的女人：楊貴妃》與唐代國際關係觀

不久前，在飛機上看了黎明、范冰冰主演的《王朝的女人：楊貴妃》，電影最有趣的卻是其「國際視野」：一切都由兩位代表「東羅馬帝國」的傳教士娓娓道來，不少內容也涉及唐朝對外關係。由於如何演繹古代國際關係，涉及今人的「真・國際觀」，這齣被認為以床戲作高潮的商業電影，就添上更多話提性。

唐朝管治階層的「國際主義」

電影強調唐朝的國際性，在管治階層，確實是存在的。從唐太宗至唐玄宗時期，大唐國力強勝，長安城是整個東亞地區的政治、經濟和文化中心。彼時唐朝自然未有今日「威斯特伐利亞體系」下「主權國家」之概念，普遍視週邊國家為文化水平較低的異族，將自己視作漢人與異域的共主「天可汗」，唐太宗就說過「自古貴中華，賤夷狄，朕獨愛之如一」。但與此同時，唐人也接受與一些像東羅馬帝國（「大秦」或「拂菻國」）、阿拉伯帝國（「大食」）那樣的大國平起平坐，沒有如大清那樣夜郎自大。

自貞觀以降，在長安從事經貿文化活動的外國人（「胡人」）數量上萬，到了衰敗的德宗年間，在長安城購置田產的外國住戶還有四千，足見長安已是「亞洲國際都會」。最能反映唐朝上層社會對外開放程度的，大概是電影輕輕帶過的外籍官員：盛唐時，其數目居然上千，出任官位亦上達宰相。據《新唐書》統計，唐一代369個宰相中有18個異族人，例如有來自「安息國」者，即今日波斯。

制度化的「亞洲國際都會」

不過在上層社會，唐代的「國際主義」卻是制度化的。例如唐朝科舉制度設有「賓貢進士」，專門照顧外籍留學生在唐考試和錄取，進而出任官職。通過這途徑任職的外國人中，以唐太宗時期的韓國人崔致遠、唐玄宗時期的日本人阿倍仲麻呂兩人最著名。崔致遠幼年在長安、洛陽求學，後中進士，在淮南等地做地方官，在華16年，為官之餘從事儒學研究和文學創作，後世稱為「東國儒宗」。阿倍仲麻呂則在玄宗時期隨日本遣唐使抵達長安，同樣考取進士，從「門下省左補闕」（七品官）一路晉升至「秘書監」（三品官），成了後人眼中的「中日文化友好大使」。這種制度，固然體現了唐帝的好大喜功，但畢竟顯示了中華文化兼容並蓄的一面。

此外，不少異域名門望族不須經過科舉，遠赴長安朝拜大唐天子，也會被朝廷授官。據史書記載，太宗時期，西域「結骨國」國王本人親赴長安朝拜，太宗賜其「右屯衛大將軍」一職，隸屬「燕然都護」，鎮守邊關。握實權的例子在唐玄宗朝更盛，多位名將皆是異國出身，例如哥舒翰是突厥人、仆固懷恩是鐵勒族人、高仙芝是高句麗人、白孝德是安西人。不過這「制度」卻是因人設事的，主要是玄宗的丞相李林甫為免邊境大將「出將入相」，對他構成威脅，情願用胡人帶兵，因為他們文化水平較低，難轉當文職。反而是電影中的反派楊國忠（而不是電影安排的楊貴妃前夫壽王李瑁），屢屢反對重用胡人而不加制衡，不過後世因為其裙帶關係，往往把其政績一筆勾銷。

唐代外交關係：與「東羅馬使臣」的交往

唐朝對外交往的盛況空前，不僅可從本朝外籍官員名單所見，亦可從唐代外交覆蓋範圍看出。盛唐不但與中亞諸國緊密交往，還與遠在歐洲的東羅馬帝國往來，因此電影的「國際視角」，倒是有宏觀背景的。清華大學歷史教授張緒山專門對唐朝和東羅馬帝國的往來做過考證：自貞觀至天寶年間，「拂菻國」先後向唐派遣使節七次，最初由拜占庭王室親自安排，後來由於阿拉伯帝國崛起，遣使多為中亞「景教徒」代完成。

拜占庭向唐派使的目的，一直為史家感興趣。當時阿拉伯帝國壯大，對拜占庭已構成威脅，而大唐一度大破突厥，威名在西域廣為流傳，因此有學者認為，拜占庭希望「聯唐抗阿」，這也是電影交代的背景。根據唐史所載，唐太宗無意遠征，但仍對遠道而來的使節多有賞賜，以表鄭重。電影講述唐玄宗對夾擊阿拉伯帝國同樣回絕，原因是擔心沒有了緩衝，就會和東羅馬帝國正面衝突云云。這說法符合現在國際關係的認知，但似乎不大符合當時情況：一來阿拉伯帝國剛崛起，拜占庭就算和唐朝西部軍隊合力，也不見得能滅掉「大食」；二來唐代到了玄宗時其實也走下坡路，即使未有安史之亂，也接連敗仗，高仙芝在怛羅斯之戰被西域各國擊敗，更令唐代失去西進的基礎。何況緩衝國的角色，已有西域諸國承擔（作為唐與阿拉伯的緩衝），唐朝的視野並未希望突破這範圍，和東羅馬的交往，似乎是純禮節罷了。

叛軍連吐蕃使節也殺：沒有外交豁免權？

唐代「國際主義」雖然盛行，卻直接導致安史之亂。叛軍首領安祿山、史思明都是胡人出身，安祿山本人可能是當時最有「國際視野」的人之一：他祖先是來自波斯的粟特人，母親是信奉祆教的突厥人，通曉多國語言，對西域各國各族的情況非常熟悉，對大食、大秦的了解，亦勝過玄宗；與此同時，他多次入朝，得玄宗信任，也對唐代外強中乾心知肚明。他的軍隊主力正是西域各部族，假如不是被灌輸了一些「大中華思想」，堅持要攻陷長安，而是率領胡人獨立建國，獨霸一方，歷史很可能改寫。

電影最有趣的「國際知識」，還是高潮這一段：話說楊貴妃拜東羅馬帝國傳教士為師，學習西方音律，而傳教士居然走到馬嵬坡，說要帶貴妃逃亡，說大唐軍隊不敢攻擊外國使節，否則就是攻擊東羅馬，概念儼然今天的「外交豁免權」。可惜這是一廂情願：「外交豁免權」遲於1961年《維也納外交關係公約》中才確定，唐朝尚未有「現代外交」概念，國際關係只循「禮制」；即便古語云「兩國交戰，不殺來使」，具體操作也視情況而定。在馬嵬驛之變，忠於太子李亨的陳玄禮率禁軍護駕，在宰相楊國忠與吐蕃使者交談時，趁機將楊亂箭射死，居然連吐蕃使者也一併殺掉，可見外國使節不但未有免死金牌，反而是被攻擊的軟肋。民間傳說倒是相信楊貴妃逃往遠方，她走到日本的民間傳奇更是流傳至今。

然而，唐代的「國際化」能否由上而下、深入民間，其實頗成疑問，例如當時在唐朝傳教的任何外來宗教都強調「在地化」，建築也不敢仿效西方，以免引起敵意。這才是中華文明厲害之處：無論佛教、伊斯蘭教還是基督教，只要到了中國，保證改頭換面，融入民間的整體，似乎當時中華文化已和今人一樣，強調「不能照搬西方一套」。今日中國外交界談起「中國古代國際關係」時，樂此不疲，也就事出有因。

沈旭暉 信報財經月刊 2016年3月

延伸閱讀：中國古代外交
https://www.facebook.com/…/a.100481537955…/1009896285711188/