《勝利道西餐》
估唔到呢條好多貓貓睇既街有間西餐cafe ，何文田同荃灣兩間兩間分店。
————————————————————————
#沙律🥗 Caesar 💰78 +$28
對於唔食開沙律既人，呢款就最接受到🙂
另外加咗$28要幾隻蝦，望落都開胃啲。

#炸葫麻雞🐥 💰62
份量正常，每舊平均都有啲黑芝麻同白芝麻做點綴，炸到幾脆身，個汁幾好食，唔會話好滯。

#扇貝明太子意粉 💰128
明太子當然無得輸，一定係好食的。啲汁掛滿每條麵，好creamy的感覺，唔會係好結身個種。有粒既扇貝輕輕煎過，個面既食材都幾吸引。

#香煎西班牙豬胺 💰218 +$38
呢款既豬，食落唔鞋口，係比想像中更嫩，切開見到肉呈現少有既微粉色，幾好食😋，配菜已經有少量既松露薯蓉，不過另加$38會更有一碗😂超好食的薯蓉，因為有松露好香既個陣味。

#焦糖燉蛋蛋糕配自家製雪糕 💰58
甜品價錢合理，本身以為係燒完個面係脆個啲，原來個面都係淋。雪糕幾特別，有淡淡既玫瑰味，可中和蛋糕既甜。

#焙茶latte 💰38
價錢都算平，拉花都幾靚，茶味重。

#士多啤梨yogurt smoothie 🍓💰44
成杯可當代餐飲😂飲完都好飽，口感輕感，飲落唔係死甜味，下次想試牛油果🥑。
————————————————————————
📍 Peko Peko Eatery (勝利道) (何文田)
何文田勝利道1-3號地舖

#yummyfood #hkfood #hkig #hkfoodie #foodie #delicious #hkgirl #hkrestaurant #hkfoodblogger #foodiehk #hkfoodshare #hkfoodlover #hkfood#instagram #hkeats #lovefood #相機食先 #手機食先 #吃貨 #美食

「傳說中…生蠔的眼淚會傾城…」隨住一年又
一年既經歷，好似已經忘記失落既感覺，唔再
好似童年咁容易知足。係「八蠔吧」搬鋪後
重新開張後…我開始搵返呢種喜悅，係細味
每一啖生蠔既真緻過程中，參透店主Chris表演
開蠔殼既玄機，箇中既樂趣雖然只有自己
先明白。但如果可以既話，我想留住呢個時刻，
望住眼前既白酒隨住酒杯搖動，咁先顯得
這故事尾聲，更動聽…👇
-
📌S I G N A T U R E -
▪ Oyster · Platter -
▫ 今晚慶幸得到店主Chris即席為我地開蠔，
絕對係我地既福氣，呢個「生 蠔 拼 盤」
由淡至濃味順時針食起，第一款來自澳洲既
「Boomez Bay」，比較脆身之餘肉質夠飽滿，
味道則甜身少少；而法國既「Pattedoie」
同埋「Sentinelle」則比較平均，入口柔軟，
肉質鮮甜；同樣都係法國既「Roland Lambert」、
「Ostra Regal」入口肉質肥美，充滿住淡淡既
榛子杏仁香，甜甜的aftertaste甜甜的，我自己
最鍾意呢隻；最後來自法國既「Ancelin」
海水味最重，帶住豐富既礦物質感，配上
champagne就無得輸啦！
-
📌S N A C K S -
▪ Beer Battered Cod · Triple Cooked Chips - $168
▪ Boneless Chicken Wings · Sweet Hot Glaze - $88
▫ 食完生蠔就整返兩味小食先，第一個「啤酒
脆漿炸鱈魚·自家製三重熟薯條」即叫即炸，
上一枱仲係熱辣辣。魚肉肉質鮮甜，就算炸過
一樣做到鬆脆無比，配搭埋粗薯條，送酒一流；
另一款「甜辣糖衣·無骨雞翼」外形睇落唔似
雞翼，賣相好特別，食落肉質嫩滑無比，加上
面頭放左米通，令口感更加豐富。
-
📌M A I N S –
▪ Sous Vide Chicken Breast · Pomme Purée
with Truffle - $228
▫ 主菜方面建議可以試一試「慢煮雞胸肉·黑松露
薯蓉」，呢個雞胸肉經過慢煮後，肉質完全
唔會"鞋"之餘，肉汁仲緊緊鎖住；食落夠哂嫩滑
多汁，配搭埋side dish包括舞茸、西蘭花苗、
酸椰菜花，賣相一流；另一亮點就係個黑松露
薯蓉入口夠哂濃香但唔會太膩口，唔錯。
-
▪ C a r b o n a r a - $168
▫ 呢個「卡 邦 尼 意 粉」同市面一般好唔同，
chef用左豬肉頰肉代替煙肉，去除不必煙肉本身
過多既油膩感；加上醬汁稠密度岩岩好，
而意粉仲做到微微al dente，高水準之作。
-
▪ A4 Japanese Wagyu 7oz · Caramelized Shallots - $498
▫ 輪到重頭戲「7安士A4日本和牛·焦糖乾蔥」
上陣啦，chef安排左岩岩好五成熟比我地，呢份
和牛屬於牛里脊位置，極易切開，肉質中間色澤
粉嫩，肉質柔嫩有彈性；配上牛肉汁，牛味份
外濃郁，搭配side dish，包括蘆筍、甘荀、
舞茸，薯蓉整個組合恰當好處，呢個價錢
的確性價比之高！
-
📌D E S S E R T S -
▪ Homemade · Tiramisu - $68
▪ Homemade Strawberry Mousse ·
Green Tea Ice Cream - $98
▫ 而甜品方面相當驚喜，前者「自家製·意大利
芝士餅」chef即日調製，所以口感偏向腍身少少，
入口即化既感覺，比較接近意式正宗；後者
「自家製士多啤梨慕斯·綠茶雪糕」賣相好靚仔，
切開中間mousse夠哂幼滑，入口唔會太heavy，
配搭士多啤梨同埋綠茶雪糕令成個味道更加清新，好食！
-
📎 八 蠔 吧 | Raw Bar No. 8
📍上 環 文 咸 西 街 52 號 地 舖

-
📍食在尖沙咀 - 季節限定士多啤梨下午茶
💎CP值: 🌕🌕🌕🌑🌑
——————————————————
已經好耐冇係出面食晚飯喇🥲，所以好多時都會喺假日出去歎番個下午茶！呢日又專程黎到K11 Musea，食呢間日本過江龍茶室既下午茶。如果你同我一樣中意食日式甜品，又中意食士多啤梨🍓，一定要黎試下佢哋限定既士多啤梨下午茶呀😍😍！
-
1⃣Hashed Beef Grain with Root Vegetables and Pie 💰138（👅: 7.5/10）
呢個烤焗芝士肉醬，裡面有牛肉碎、蓮藕、南瓜醬、薯仔片、飯等。餡料豐富，醬汁惹味。另外配上一個千層批，口感酥脆，牛油味香濃。
-
2⃣Lemony Carbonara with Smoked Salmon and Soft-boiled Egg 💰138（👅: 7/10）
經典卡邦尼意粉加上檸檬汁🍋，格外清新開胃，撈勻中間的流心蛋食，令意粉🍝更Creamy；煙三文魚的鹹香味正好與鮮甜意粉成對比。另外仲有個似bagel既麵包，口感鬆軟。
-
3⃣Afternoon Tea Set 💰208（👅: 8/10）
🔸Strawberry and Chocolate Tart
士多啤梨朱古力撻，啖啖士多啤梨果香配搭朱古力慕絲，加埋外層蛋香撻，層次豐富。
-
🔸Strawberry Jelly and Chocolate Parfait
朱古力雪糕、忌廉、士多啤梨啫喱同果醬，層次分明，啫喱爽甜。
-
🔸Strawberry Sandwich
一口香軟幼滑既士多啤梨三文治，好creamy!
-
🔸Strawberry and Chocolate Mousse Shortcake
海綿蛋糕、北海道牛奶忌廉、朱古力慕絲和特製士多啤梨果醬夾層而成，口感鬆軟，忌廉細滑，甜度剛剛好。
-
🥤Fresh Strawberry Tea +💰10
士多啤梨茶，前調有紅茶甘味，後帶清新果香味，最岩食完甜品，飲番杯解膩。
-
🥤Cappuccino Chai with Strawberry +💰10
清淡士多啤梨味的泡沫印度奶茶，甜度甜中，暖暖的溫度，為冬天添暖意，另有士多啤梨醬可加進茶，不過個人覺得就咁飲都好滿足🥰
-
4⃣Strawberry Scone Shortcake 💰98（👅: 8.3/10）
最愛scone了😍，Scone 中間填滿了北海道牛奶忌廉，以及淋了適當的士多啤梨醬同果肉。Scone質地扎實，內有合桃，味道香脆可口，外層脆香，內帶鬆化，配上忌廉同士多啤梨增添果甜口味。
-
✨整體來說，如果唔想比咁貴價錢歎酒店下午茶，afternoon tea tearoom都係一個小作優閑chilling的好選擇。
-
👅味道: 7.8/10
🍽賣相: 7.5/10
🏰環境: 7.2/10
🙇🏻‍♂服務: 7.4/10
💎CP值: 7.3/10
⚖人均: $200
🔺服務費: ⭕
↩回頭值: 80%
———————————————————
📍Afternoon Tea TEAROOM
尖沙咀梳士巴利道18號Victoria Dockside K11 Musea B1樓B112B號舖
🚇港鐵尖沙咀/尖東站 J 出口, 步行約2分鐘
🕓星期一至日 11:00-20:00
📞26710288 @ Afternoon Tea Tearoom HK

將軍澳|The LOHAS |日出康城|Fresh 新鮮生活|港鐵|MTR | 2萬呎超市買啲乜
#將軍澳 #thelohas #日出康城 #Fresh新鮮生活 #港鐵|MTR #掃貨必去
#特色主題 #香港製造 #Omakase #寵物零食

今日帶大家來到將軍澳地鐵上蓋一個大型商場The Lohas

裏面一個全新概念的大型超市, 佔地2萬呎，

我估計裏面的貨品定會超過二萬款

其中被我遇到三位顧客, 他們好iconic, 好有象徵意義

究竟他們象徵什麼? 片尾我會開估,

裏面設有26個特色主題區域，提供本地及環球新鮮食材

更加支持香港製造創意品牌，引入了接近一千五百種香港製造產品

除了為顧客提供新鮮食材選擇，亦都提供多個嶄新餐飲選擇，

例如即場海鮮加工服務、首創超市版Omakase（廚師發辦）

現場即製香腸午餐肉、小炒菜式、5無健康指示牌 、優質寵物零食區

為顧客即時磨米服務、引用先進的付款方式，以免聚集人群

無須付款排長龍等等, 在場每一個售賣Counter佈局，

都經過精心設計，務求令顧客感受到店員的親和力和專業產品資訊

這個超市很著重店員跟顧客交流, 保留一般超市或百貨公司缺乏的人情味

他們嚴選店內的零食, 參考衛生署的健康指引，

駐場有兩位品酒師，解答專業的酒品資訊，

多款印度食品、香料專區， 在場亦有日式健康美容產品

專為素食者而設多款新穎美食、產品多、服務優質、多選擇，價錢豐儉由人

歡迎各位網友跟阿Tsar遊樂團，

參觀這個嶄新的Fresh新鮮生活大型超市

Are you ready?

首先帶大家來到海鮮城, 見到一個好大的魚缸

擺放了來自不同國家高級海鮮， 長腳蟹、松葉蟹、水晶蟹 ，

超大型龍蝦 、蜆殼類 ，那麼大隻海鮮

你會否怕家中未必有這麼大個的蒸爐去煮呢

來到這裹你絕不需要擔心，因為這裏提供即買即煮服務

煮的方法及加工費用，例如豉汁炒、花雕蒸、

上湯焗等等的方法以及收費, 一一在牆上面寫得清清楚楚

明碼實價，顧客可以即時用電子付款方式收費

之後廚師就會將買來的海鮮進行清理，再拎去煮場館，

進行加工和烹煮，大概你預半個小時，

就可以了，下面亦有每日最抵買，價錢豐儉由人

旁邊亦有游水淡水魚和冰鮮魚售賣，排列得整整齊齊任你揀

另外即時買的魚，廚房設在售賣counter後面

不怕劏魚的時候，血水和魚腥味一點都冇，

保持最衛生、最優質的服務

煮場館除了處理加工烹煮海鮮之外，

他們亦負責這裹的兩餸飯的餸菜小炒，

入面由一個大廚主理烹煮多種餸菜 ，

個菜盆入面設計得好淺 ，因為盡量要保持食物新鮮、 夠鑊氣、夠熱 ，

每一盤只足夠serve六至八個人,就要再refill新的，確保食物新鮮度。

燒鵝王子有三款出名菜式 ，嫲嫲豉油雞 ，王子燒鵝，鎮店叉燒 ，

鎮店叉燒選擇梅頭中間部位 ，不要頭和尾 ，

確保叉燒肥瘦均勻 ，咬口爽脆好味 ，

王子燒鵝 ，用特別穀料飼養，養到每隻鵝大約六斤時才會劏 ，

所以見到每只燒鵝大少都差不多，

即場用風乾機風乾鵝 ，風乾20個小時 ，

確保肉質外脆均勻、隻隻金黃脆口，

嫲嫲豉油雞的來源，好多客人吃了豉油雞時，

覺得好有家的味道，用味蕾去喚醒你對嫲嫲和回憶和思念，

壽司本店, 最特別就是有外帶的Omakase，廚師發板，

有兩種選擇，一種是特選set388hkd，

有12款壽司加上丼飯 ，再加點甜品，

另外一款就是極上set, 588hkd就有16款的選擇 ,

有刺生、卷物、 丼飯 、甜品都有 ，

廚師會因應每日最新鮮嘅食材以做這些拼選給顧客，

下面亦都有一些已經包好的新鮮壽司，

價錢更加大眾化, 但質素是非常優質

你看看壽司的油脂和光澤，以這個價錢

簡直是物超所值，

這裏亦有一個一連三舖的食點，

相當受顧客歡迎， 首先他們每日新鮮製作的香腸和午餐肉 ，

見到師傅即場製作，確保每日新鮮 ，

這裏的午餐肉和香腸經過好多次改良 ，

因為要調出適合香港人口味 ，

健康得來又好味 ，可以選擇減鹽自製香腸、午餐肉

減鈉減了50個percent，其他亦有多款口味，

有蜜糖脆皮、芝士黑松露、沙爹豬肉黑等等 ，

都是賣28hkd一件 ，都不含味精或人造色素

除了買到香腸午餐肉回家之外

旁邊就是一個熱狗店，有多款口味任您選擇，

再過隔離就非常受街坊歡迎，有多款外賣小炒便當之外

脆皮豬手、芝士龍蝦伊麵、炒辣蟹、冰梅骨、

日式吉列炸蝦便當 、炒飯炒麵 ，攞上手熱辣辣㗎

驚你不夠熱, 旁邊擺多兩個微波爐

另外有選擇優質食材的甜品和沙律，

價錢都相當貼地大眾化，

Snack and Treat 零食專區是大人同細路都鍾意 ，

自助式,kid’s faviourite 和kid’s choice

好多精挑細選受小朋友歡迎的零食選擇,

這裏的零食除了安撫你的心靈 ，亦照顧你的健康

因為大部分零食都會參考衛生署指引 ，

會嚴選零食裏面的糖分、鹽份、鈉成份，

例如每100克糖少於五克啦， 每一包總脂肪少於三克 ，

鈉含量少於120毫克 ， 還有多款香港製作的本地品牌零食

除了這裹好像catwalk那麼多零食，這裹一字排開都是零食選擇

能夠在芸芸眾多的產品, 被選中上架的香港製造產品

必屬佳選, 食出香港人的精神， 靈活應變、捨我其誰

超市裏亦有好多其他的香港製造產品

好似有山手作、Nicole’s kitchen，二澳農作社，

大師姐等等的調味醬、糕點或蜂蜜都可以找到

豆本坊, 除了有好多豆製食品，亦提供好多創意素食

今時今日的素食者，已經不單純為宗教或健康原因

亦配合世界潮流，推行環保，所以產品亦推陳出新

配合顧客不同的口味和需要，

好像這個Omnipork新豬肉，香港品牌，北美研發，

100%植物製造。多用途、零毫克膽固醇、高蛋白質，

無抗生素。無激素。熱量低66%。

質感、香氣均與真免治豬肉無異，

提供人體所需的優質氨基酸，健康之選。

港式素食叉燒、 三杯鮮菇純素米漢堡、甘薯葉素牛丸

意式香草意粉、火鍋、鹵水最夾的凍豆腐， 吸汁有彈性，

獨家首選的豆腐皮，即使你不是素食者

如果好似我家中有個氣炸鍋，

你都可用來包燒鵝、蝦卷、雞胸肉一樣回味無窮

臨走前買一些已經處理好的芽菜仔、加兩磚豆腐

煲個魚湯，加少少鹽和蔥，已經是一個好豐富的養顏湯水

日日糧坊: 一個可以磨米的地方，甚至可以糴米，

現今已好少聽到糴米呢！但這裹有這一種糴米服務

幫你溝出最喜歡的幾種米， 當然你要買一整包都可以

他們提供了來自七個國家不同的米，

有日本、泰國、柬埔寨、中國、等等

揀完米之後你可以因應自己喜好，

即時可以叫店員幫你磨製喜歡的度數 ，

它有9個不同的度數 ，視乎你喜歡食糙米 或是白米 ，

可以有sample給你看，磨五分米、七分咪、白米、免洗白米

這裹有一部專程由日本訂過來的磨米機

一般白米用5至6號已可, 穀殼會在右邊袋排出來

客人可以要求拿回家用作施肥種植盆栽，十分環保

香港人日日的主要食糧除了米之外，亦有食麵

這裹提供本港一個老字號的麵食，

除了傳統蝦子麵之外、亦有好健康的菠菜麵、甘筍麵

如果你不肯定自己是否喜歡特別的選擇

可以一個一個麵買回家試下，

除了麵食和米之外，大家都可以來到雜貨區

這裹有個印度專區，有好多印度食品及各地嘅香料

印度香飯 (Biryani)，煮出來的飯特別香 ，

再加各種香料咖哩、辣椒

加些yogurt、堅果， 令到你的餐桌添多點文化色彩

這裹薑黃粉十分便宜，我曾在影片多次介紹過薑黃粉益處

強而有效的抗癌食品，我通常用薑黃粉加蜜糖飲用，

能夠迅速消除疲勞，好多時我睡得好少，都很精神

這個就是秘密所在，雜貨區見到買baking soda

平時超市賣15hkd，藥房12hkd，這裹賣10hkd，

精明的家庭主婦就知baking soda不只愛用來焗蛋糕

是強烈清潔劑， 可以將煲燶了的煲，不費吹灰之力

清潔得好像新買一樣, 有機會我示範給大家看看

藥膳農莊有好多湯包和藥膳 ，

如果你想找安眠茶、或平日手腳冰冷、想去濕

店員都可以為您提供最適合的選擇

對面個雪櫃亦都有好多不同生果、 沙律、藍莓、 士多啤梨 ，

每日揀最新鮮的生果做冷泡果茶 ，

甚至乎你飲完的生果茶可以直接食用裏面的生果

生果旁邊櫃位是鮮果殿, 有多款熱帶地區的時令水果

尤其是中秋節即到, 這裹買生果，亦有多款選擇

很多水果不是外面常見到，好像馬來西亞貓山王榴槤

文旦柚、泰國金柚 、琥珀蜜柚 、中國神石榴 、黃火龍果

送這些生果給人，沒那麼行貨，面子十足

如果你對生活有更高要求，就應該行過對面

Lohas Orchard，有來自世界各地最優質的水果

日本、 韓國、歐美、 土耳其、西班牙、澳紐

北海道紅肉蜜瓜、日本山形西瓜、 金洋瓜、台灣牛奶美濃香瓜

小朋友的嘴仔咁細，就建議買呢一個日本天之驕女蘋果

澳洲珍寶牛油果， 大大兩個58hkd， 我在澳洲超市食過，

價錢跟這一個差不多，好像這個更大

不得不提就是來自自土耳其的無花果，

最優質的無花果出產自土耳其, 而且好少出口

好少生果舖有得賣，好大隻啊，隻隻都好靚

揀無花果，要選擇紫色，有少少綠綠地

買回家可以擺放多一會，如果太綠即未熟

如果已經黑色，即過熟，好容易入面生蟲

買回家只要洗層外皮, 就可以連皮食了

Butcher Craft, 入面有個大廚叫Joey ，

玻璃櫃入面有醃製了的肉類和扒類 ，

可以買返家即煎就可以食得啦

或用氣炸鍋都得 ，亦有斧頭扒 Tomahawk

和dry aged熟成牛肉 ，出面高級西餐廳一定有這兩種食物

尤其熟成牛肉，經過處理的熟成牛肉, 牛味更濃郁 ，

如果不喜歡出面的皮太乾 ，可以叫職員幫你了出面的皮去 ，

即煎就會令到牛味最濃郁最極致 ，

亦有日本佐賀牛 A4黑毛和牛 ，澳洲加拿大牛小扒 ，

澳洲和牛M4 M5級數的肉眼扒，

如果大家不知道一個人或一家人份量都可以問大廚joey，
.......................................................

下次再傾，88! ??

成為会員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

http://yt1.piee.pw/N6KTE
#東京池袋 #西友超市 #池袋購物2020 #日本超市 #東京聖誕 #男前豆腐

日本專業主婦超推薦！

日本超市優點:

1. 價格實惠
2. 商品種類很多
3. 特價品超好買

Hello大家好, 大家去日本旅行, 一定要認識西友超市

因為它是24小時開放的超市,

雖然大家都好鍾意睇便利店的介紹

但是超市始終是會比便利店多選擇

而且價錢會比便利店更加平

日本全國好多間分店, 單單東京已經有78間分店

它是太陽城附近, 好多亞洲遊客都認識太陽城王子酒店

所以如果你在夜晚睡不著, 可以來這裏買宵夜早餐

一般日本超市一天會有兩次降價時間，

第一次在下午6~7點左右，第二次是晚上8~9點左右。

事不宜遲, 快些來看看今日的十大必買, are you ready

第一必買, 男前豆腐, 在日本逛超市不能不認識這個品牌

在日本每年有幾億港元生意的男前豆腐, 他的成功

除了因為包裝夠前衛、亦生產好多週邊產品 ,

最重要是個品質, 在用料方面，選用高於一般價格4倍的北海道大豆和沖繩島苦瓜汁。

有濃厚豆味的豆腐產品。絕對值得推介。

他們什麼豆腐都有, 但就是沒有臭豆腐

日本人一向對臭豆腐有一種恐懼, 不知道是否麻原彰晃的影響太家傳滬曉

香港人有一句俗語叫做”食人豆腐”, 即是佔人便宜啦

我相信好多香港的男士跟女同事出街食飯

自己食咗人豆腐都不知道, 一大班同事出去食飯

經常會有大碗例湯,男同事好心, 幫啲女同事筆湯的時候

會問啲女仔, 要唔要渣? 那些女孩還懵盛盛,不知被人口頭抽咗水

女仔人家, 叫人點好意思話攞對波出嚟畀你渣啫, 都冇解嘅!

第二必買, 日本刺身同埋沙律都係我的至愛呀

刺身的食材：多以深海魚為主，輔以蝦貝類。

柔嫩鮮美嘅口感以及帶有刺激性的調味料wasabi，

強烈咁滿足你的味蕾

曾經有個傻仔這樣問一個教授
.................內涵笑話

第七必買, 伊籐園大麥若葉每日1杯青汁20包裝

伊藤園，是日本最暢銷茶品牌的代表，擁有自己的茶葉基地，
所有原料均在日本生產並出售，無農藥殘留無汙染。
另外還有添加咗豐富的維他命，微量元素，特別適合容易肥體質的人。
除此之外仲可以美膚，改善睡眠，排宿便嘅效果，
青汁通大便, 清腸胃夠康健

青汁醫便秘, 以後放香屁

第八必買, 日本S&B 人氣熱賣Magic Salt,

香草調味鹽有（原味/蒜味/黑胡椒/柚子）四種口味

和法國米芝蓮三星級廚師Daniel Martin合作推出的萬能香料＆香草鹽。

精選喺北美大陸數億年形成的岩鹽,多種香草香味的混合

替代普通食鹽，添加在 沙拉、煎蛋、牛排、意大利粉、炸物, 令到食物更美味

不管是單純調味或是醃製肉類都好適合，名副其實的萬用調味料！

第九必買, 魚骨、魚仔乾貨煲湯料

大家都知道日本的高湯其實係用昆布同埋鰹魚

已經好清甜, 如果再加上高鈣質的小魚乾

除了能夠提鮮, 更加將高湯嘅營養昇華

我好鍾意飲好滾的湯, 成日畀人鬧, 攤凍啲先啦

費事一陣間熨親個喉嚨, 又要車你去醫院呀

辣破舌頭盧覓雪, 得來靚仔當車夫

第十必買, 香菇蔬菜

我曾經聽過一個種植有機蔬菜的朋友, 一個傳聞

他說鄰近國家, 那裏的金菇是用醫院病人的棉被

吽出來的, 所以我以後都不夠膽買這個地方的金菇嗱

寧願買貴少少, 韓國日本都ok, 你都咪話唔驚

好啦今日就講住咁多先啦,你哋係咪撐我先

記得臨走畀個表情符號以示支持, 唔好撐得咁鬼鼠喎

記得分享影片到你的朋友圈, 世事豈能盡人意

撐我唔好撐得咁白痴, 嘥氣!

請用片右下角調4K睇片。
日本のプロの主婦が超お勧め！

日本のスーパーマーケットの利点：

手頃な価格,2.多くの種類の商品があります,3.スーパースペシャルオファー
みなさんこんにちは、日本に旅行する皆さん、西友スーパーマーケットを知っている必要があります,24時間営業のスーパーマーケットであるため、誰もがコンビニの導入を愛していますが,しかし、スーパーマーケットは常にコンビニよりも多くを選択します,そして、価格はコンビニよりも手頃な価格になります,日本には多くの支店がありますが、東京だけでもすでに78の支店があります。サンシティの近くにあり、多くのアジアの観光客がサンシティプリンスホテルを知っています,夜に眠れない場合は、深夜の朝食にここに来ることができます,一般に、日本のスーパーマーケットは1日2回価格を引き下げます。1回目は午後6時から7時、2回目は午後8時から9時です。
遅刻しないで、今日のトップ10の必需品をチェックしてくださ、準備はいいですか

#高cp值必買 #東京便利店 #東京便利店手信 #主婦手藥 #7eleven
#7elevnTokyo #東京711必買

Hello大家好, 我係呀Tsar, 今日又為大家介紹東京池袋無敵家對面嘅711便利店下集, ,喺我未介紹產品之前, 想同大家分享一啲關於711嘅冷知識
,大家知唔知7-Eleven嘅logo顏色係代表咗乜嘢？「橙色＝日出」、「綠色＝綠洲」、「紅色＝晚霞」，代表住由朝到晚都好似顧客嘅綠洲咁樣。
日本嘅便利店, 已經成為遊客嘅人氣景點,一個成功嘅公司logo, 可以反映出佢哋對顧客嘅服務承諾, 大概睇佢業務嘅發展, 同埋佢哋推陳出新嘅服務同產品
都略知一二, 所以你哋咁鍾意睇我去日本便利店嘅介紹呢? 睇完影片記得留表情符號以示支持呀!

講返池袋係喺東京旅程中一個幾好住嘅住宿地區, 大家可以去無敵家食完宵夜, 再過嚟呢間7仔買妝藥、生活用品,可以慳番好多時間, 快啲睇下今日嘅十大必買, are you ready,
上次十大必買, 可以睇返上次條片, 今日講11至20必買。

第11必買, 超強護手秘寶YuskinA乳霜, 強效滋潤嘅護手霜， 佢連腳踭龜裂紋與及主婦手都有幫助, 含有豐富嘅維他命B2, 甘油成份高達40％,
由於不含類固醇, 所以由bb到老人家都可以用到, 體貼你一家人嘅需要, 除咗潤膚系列之外, 仲有潤唇膏添, 有時我見到啲男同事, 冬天個嘴爆曬拆流曬血, 我個心真係寒一寒
返工見客同人握手, 如果人哋feel到你隻手鞋十十, 不論男女, 其實感覺都唔係太好, 其實呢啲都係儀容嘅一種,大家千祈唔好觀音頭, 地盤手呀!

第12必買, LuLu滋養口服液, 當身體因為發燒、感冒, 而冇胃口食嘢嘅時候,呢個飲品嘅營養成分, 正正係有1000mg嘅人參營養成分, 胡蘿蔔1000毫克和蜂王漿200毫克，
,維他命B 1、B 2同B 6,令到你有加速康復能力嘅功效。由於佢不含咖啡因成分, 所以飲咗都可以瞓覺, 適合15歲以上成人使用, 每日食用一次30毫升
病就飲多啲水啦。

第13必買, 30mL嘅花王便擕式除菌去味消臭劑 , 冇香味嘅,採用檸檬酸嘅技術除臭, 包含天然綠茶除臭成分。雙管齊下, 99.9％滅菌, 適用於衣物、布料、空間都用到
有人喺你身邊放屁、搭飛機隔離嗰個腳臭, 噴一噴就聞唔到, 但係如果對方口臭, 呢樣幫你唔到, 因為唔食得落肚嘅!

第14必買, 有冇人知道可口可樂公司原來係有出酒精飲品㗎?佢係罐裝嘅檸檬汁燒酒蘇打水「檸檬堂」,個英文名好得人驚, 叫 CHU-HI, 我驚你哋以為我講粗口
,都係講返中文名啦, 檸檬堂系列汽水酒分別有 4 款口味，包括蜂蜜檸檬（酒精含量 3%），經典檸檬（酒精含量 5%）、鹽味檸檬（酒精含量 7%）及鬼檸檬（酒精含量 9%），每罐 350 毫升，
,香港就喺銅鑼灣sogo 2樓超市有得賣。

第15必買, Chocola BB Light2 美容護膚飲品, 有助加強體內脂肪代謝，添加咗能夠增加能量轉移的維他命B2、蜂王漿、氨基酸、牛磺酸等成分，有效改善疲勞體質。
一支100ml嘅份量, 只有4.5Kcal, 相等於一粒櫻桃嘅卡路里, 適合減肥但係又想補充營養嘅你,都係只適合15歲以上人士飲用,飲咗之後啲尿可能會少少黃, 其實係由於維他命b2所致
,你可以放心, 因為呢點說明書裏面有寫到。

第16必買, Asahi clear cooler strong 系列嘅果汁酒, 佢係Vodka加入幾種唔同嘅水果酒, 分別有青檸、檸檬糖西柚味道, 通過冰點冷凍技術添加了水果酒，並通過專利技術濃縮了水果的風味
,口味清淡，我認為呢種酒好適合打邊爐, 近排香港天氣凍咗好多, 大家記得著多件衫呀。

第17必買, 711嘅沙律亦都係有好多選擇, 唔知大家有冇去旅行水土不服嘅問題, 如果去旅行冇屎屙, 就一定要食返啲蔬菜,清下個腸胃, 因為便秘會產生好多身體問題
,例如面色唔好啦、出暗瘡啦，口臭喇, 如果因為腸胃唔好而引致嘅口臭, 係最難頂嘅, 最慘口臭, 當事人未必知道, 如果人哋唔係同你有番咁上下親密關係
,亦都唔會話畀你聽, 所以自己都係要注意一下。

第18必買, 除咗沙律之外, 清腸胃可以飲yogurt drink, 呢隻士多啤梨味, 好好飲, 但係我要提醒大家, 買乳酪飲品嘅時候, 睇一睇是否低糖,
根據香港政府網頁資料, 低糖嘅定義係每100克含不超過五克嘅糖, 每100克中如果高於7.5克就算為高糖, 所以大家買乳酪飲品嘅時候, 就要喺營養標籤注意呢一點
,吸收過量嘅糖分, 容易致肥。

第19必買, Body Fantasies 香氛噴霧 , Body Fantasies的淡香水香精濃度比一般香水低，但係價錢比香水平好多, 我認為如果學生哥, 或者年輕嘅少女, 收入唔係咁多, 咁就可以試下買呢類產品
,因為而家一支香水係好貴好貴嘅, 年輕時唔需要用得太貴嘅嘢, 如果唔係好難返轉頭嘅, 稍為個身有少少香味就夠,到你再多少少收入嘅時候, 先至去買啲名牌子都未遲啦
,不過而家啲細路女好叻㗎喇, 如果唔係又點會有娘娘收兵呢!呢方面你哋叻過我!我就唔夠膽班門弄斧啦!

第20必買, 當然七仔就真係有好多雪條甜品啦, 我自己就好鍾意食綠茶，或者果仁嘅雪條, 個味好濃, 呢度齋買冰都有㗎喎, 唔好以為冰, 只係愛嚟作飲品之用
, 有一次有個朋友喺日本屈親腳, 佢即刻whatsapp我, 我叫佢即刻入去便利店睇下有冇冰賣, 敷下傷腳消腫, 好快就消咗腫喇. 唔知道你哋喜唔喜歡我今次係介紹呢
,記得留表情符號以示支持呀,我哋好快又下一條片再見, 88 !

請用片右下角調4K睇片。