《半夜敲門》（中）
　
＊＊＊下半部分是繁中華語＊＊＊
　
（上集）https://bit.ly/2ELqfZi
　
阿公常被問到一個問題，到底道士係幫人定幫鬼？
　
阿公每次回答都斬釘截鐵：「幫鬼。」
　
道士會盡量幫靈體完成心願，盡早投胎。當然靈體唔可以害人，逼不得已之下道士會用法咒消滅靈體。
　
點解道士要幫靈體？而唔係幫人？
其實兩者嘅關係就好似「人民」同「代議士」一樣。
　
政府擁有管治人民嘅權力，但作為代議士必須有能力去制衡政府。
　
人民犯錯，會受法律制裁。政府犯錯，由邊個去制裁佢？
　
所以，偏幫政府嘅代議士根本無屁用，政府本來就手握社會最大權力，你仲偏幫佢做乜？
　
人與靈體，道士就係靈體嘅代議士。
人間係人類嘅主場，人類之間會互相協助，咁邊個幫靈體呢？就係道士嘅職責喇。
　
阿公答應幫助子毅，但佢要答應暫時唔好再出現嚇跑村民…
　
「我、我無可能係鬼啊！太荒謬喇！」子毅。
「我係道士，絕對有能力分辦出你係人定靈體…」阿公。
「但、但…唔會！我無可能死咗！我肯定自己有打仗！」子毅。
　
阿公話，靈體脫離肉體之後，思想會變得非常固執，子毅嘅情況就好似遇上交通意外喪生嘅靈體，唔知自己已經去世，不斷喺公路上徘徊。
　
「不如咁，我哋暫且唔好提呢件事，我會幫你搵返茹月。」阿公。
「真嘅？！太好喇！哈哈哈！」子毅。
「係呢，你點解淨係月圓先出現？」阿公。
「因為…我同茹雪都好鍾意喺月池睇月亮，嗰度都係我求婚同結婚嘅地方。」子毅。
　
第二朝早，阿公四周圍打探有關村內嘅情況，結果佢搵到嫦姐，佢係村入面嘅接生婆。
　
「呢度夜晚有鬼！」嫦姐一開口就話。
「所以你哋天黑前就即刻返屋企喇？」阿公聽到有鬼頓時雙眼發亮。
「係啊，月亮出嚟之後，鬼魂就會出現。」
　
嫦姐說，呢條村所有村民都遇過同樣嘅靈異事件，所以對此深信不疑。每次月圓，都會喺入黑前將門鎖上，仲用布封住所有窗戶，直至全間屋密不透光為止。
　
因為嫦姐話每次月圓，鬼魂就一定會出現，逐家逐戶敲門，仲會將塊臉貼近窗門偷睇入面嘅人。偶爾會聽到佢嘅哀鳴，直至天亮先會消失。
　
阿公知道，佢口中嘅鬼魂，就係子毅…
　
嫦姐非常好客，唔單止請阿公食咗一頓飽飯，還安排埋房間畀阿公休息，希望佢可以幫忙趕走鬼魂。
　
阿公幫嫦姐喺門窗貼咗符咒防止靈體入屋，然後打蛇隨棍上。
　
「雖然可以防止靈體入屋，但長遠嚟講一定要令靈體離開呢條村，佢咁執著，一定有佢嘅目的吧？」阿公。
　
「唉…總、總之…係孽緣啊，一言難盡…」嫦姐聽起來有難言之隱，佢多次重申：「唔關佢事。」「此事與佢無關。」「佢都係為世所逼。」
　
「放心，道士唔係警察，我只想解決問題。」阿公。
　
聽到阿公咁講，嫦姐先放心將來龍去脈告訴阿公。
　
原來，子毅收到去參軍嘅信係假嘅，由於城鎮中富家子弟睇中咗茹雪，所以特地使計令子毅離開月池村。
　
可惜呢個富家子弟嘅消息唔太靈通，佢唔知茹雪已經懷有子毅嘅骨肉。佢一怒之下，利用豐厚嘅酬金，叫村民將子毅殺死。
　
有錢使得鬼推磨﹐加上有村民早就睇子毅唔順眼。子毅離村無耐，已經喺山路上被村民伏擊，村民手執木棍，合力將子毅打暈後再推落山崖，造成失足墜崖嘅意外。
　
到底子毅係被毆打致死，墮崖而死，定係喺荒山失血過多而死…無人知道。事發太突然，所以子毅仲以為自己打完仗平安無事返嚟。
　
嫦姐雖然並無涉及呢次買兇殺人，但從其他村民口中都略猜到一二。呢件事成為月池村公開嘅秘密，全村唯獨茹雪一個人唔知道。
　
嫦姐唔忍心，就將呢件事話畀佢聽。
　
茹雪聽完成件事之後，反應竟然出奇地平淡，連一滴眼淚都無流，佢臉上掛住笑容同嫦姐說：「我做鬼之後，一定會返嚟報仇。」
　
嫦姐仲好記得，當刻茹雪嘅眼神非常恐怖，根本唔似一個活生生嘅人。

之後茹雪就離開咗，嗰日之後就再無喺月池村出現過。而所有村民，都默默咁當呢件事無發生過一樣。
　
「想問吓，呢條村有冇出現過道士？」阿公。
「無，我哋條村位置偏遠，人又少，邊有道士願意住喺度。」嫦姐。
　
茹雪肯定會去自殺，但靈體無被道士驅趕，亦無返嚟報仇，點解呢？！
　
阿公聽完之後，諗到一個地方：
　
「月池。」
（待續）
300分享下集
＊喜歡阿公，請花半秒like & share＊
喜歡故事支持創作，歡迎訂閱我的Patreon：
10月第一波送小說送精品：
https://www.patreon.com/Bluegodzi
　
網購小說，書店沒有：
https://bluegodzistore.boutir.com/
　　
＊＊＊＊＊＊＊＊＊＊＊
＊＊＊繁中華語版＊＊＊
＊＊＊＊＊＊＊＊＊＊＊
　
阿公常被問到一個問題，到底道士是幫人還是幫鬼？
　
阿公每次回答都斬釘截鐵：「幫鬼。」
　
道士會盡量幫靈體完成心願，盡早投胎。當然靈體不能害人，逼不得已之下道士才會用法咒消滅靈體。
　
為何道士要幫靈體？而不是幫人？
其實兩者的關係就像「人民」與「代議士」一樣。
　
政府擁有管治人民的權力，但作為代議士必須有能力去制衡政府。
　
人民犯錯，會受法律制裁。政府犯錯，由誰去制裁它呢？所以，偏幫政府的代議士根本沒有屁用，政府本來就手握社會最大權力，你還偏幫它幹嗎？
　
人與靈體，道士則是靈體的代議士。
人間是人類的主場，人類之間會互相協助，那由誰來幫靈體呢？那就是道士的職責了。
　
阿公答應幫助子毅，但他要答應暫時別再出現嚇跑村民了…
　
「我、我沒可能是鬼啊！這太荒謬了！」子毅。
「我是道士，我絕對有能力分辦出你是人還是靈體…」阿公。
「但、但…不！我不可能死了！我肯定有去打仗！」子毅。
　
阿公說，靈體脫離肉體後，思想會變得非常固執，子毅的情況就像遇到交通意外喪生的靈體，也不知道自己已經去世，不斷在公路上徘徊一樣。
　
「這樣吧，我們暫且不提這件事，我會幫你找到茹月的。」阿公。
「真的？！太好了！哈哈哈！」子毅。
「對了，你為何只在月圓出現？」阿公。
「因為…我和茹雪都很喜歡在月池看月亮，那裏也是我求婚和結婚的地方。」子毅。
　
隔天，阿公四周圍打探有關村內的情況，結果他找到嫦姐，她是村裏的接生婆。
　
「這裏夜晚有鬼！」嫦姐
「所以你們才會天黑前就馬上回家嗎？」阿公聽到有鬼頓時雙眼發亮。
「對，月亮出來之後，鬼魂就會出現了。」
　
嫦姐說，這條村所有村民都遇過同樣的靈異事件，所以對此深信不疑。每次月圓，都會在入黑前將門鎖上，還用布封著所有窗戶，直至全間屋密不透光為止。
　
因為嫦姐說每次月圓，鬼魂就一定會出現，逐家逐戶敲門，將臉貼近窗戶偷看裏面，偶爾會聽到他的哀鳴，直至天亮才消失。
　
阿公知道，她口中的鬼魂，正是子毅…
　
嫦姐非常好客，不單請阿公吃了一頓飽飯，還安排了房間給阿公休息，希望他可以幫忙趕走鬼魂。阿公幫嫦姐在門窗貼了符咒防止靈體入屋，然後打蛇隨棍上。
　
「雖然能防到靈體入屋，但長遠來說也必須讓靈體離開這條村，他如此執著，一定有他的目的吧？」阿公。
　
「那…那…那是孽緣啊…」嫦姐看起來有難言之隱，她多次重申：「不關她的事。」「此事與她無關。」「她也是為世所逼。」
　
「放心，道士不是警察，我只想解決問題。」阿公。
　
嫦姐才放心將來龍去脈告訴阿公。
　
原來，子毅收到去參軍的信是假的，由於城鎮中富家子弟看上茹雪，所以特地使計令子毅離開月池村。
　
可惜這個富家子弟的消息不太靈通，他並不知道茹雪已經懷了子毅的骨肉。他一怒之下，便利用豐厚的酬金，叫村民將子毅殺死。
　
有錢使得鬼推磨﹐加上有村民早就看子毅不爽了。在子毅在離村不久，已經在山路上被村民伏擊了，村民手拿著木棍，合力將子毅打昏後再推落山崖，造成失足墜崖的意外。
　
到底子毅是被毆打致死，墮崖而死，還是在荒山失血過多而死…沒有人知道。事發太突然，所以子毅還以為自己打完仗平安無事地回來。
　
嫦姐雖然沒涉及這次買兇殺人，但從其他村民口中也略猜到一二。這件事成了月池村公開的秘密，全村唯獨茹雪一個人不知道。
　
嫦姐不忍心，便將這件事告訴她。
　
茹雪聽完整件事後，反應竟然出奇地平淡，連眼淚都沒流過一滴，她臉上掛著笑容跟嫦姐說：「我做鬼以後，一定會回來報仇。」
　
嫦姐還深刻記得，當時茹雪的眼神，恐怖得根本不像個活人。
　
說畢她便離開了，那天起就再也沒有回來月池村。而所有村民，都默默地當作這件事沒發生過一樣。
　
「想問一下，這條村有出現過道士嗎？」阿公。
「沒有，我們這裏位置偏遠，人又少，哪有道士願意住下來。」嫦姐。
　
那就表示，茹雪肯定會去自殺，但靈體既沒有被道士驅趕，也沒有回來報仇，為什麼呢？！
　
阿公聽完之後，想到了一個地方：
　
「月池。」
　
（待續）
300分享下集
＊喜歡阿公，請花半秒like & share＊
喜歡故事支持創作，歡迎訂閱我的Patreon：
10月第一波送小說送精品：
https://www.patreon.com/Bluegodzi
　
網購小說，書店沒有：
https://bluegodzistore.boutir.com/