【龔成問答信箱】（Q22441-Q22460）

Q22441：

龔sir你好，本人係聾人，最近對於聾人遇到很多不公平的事，例如社會上健全人在最上層，盲人、其他殘疾人士比健全人地位低，佢哋可說話，可溝通。

可是聾人呢，卻是更低，在最最低層。我們手腳都沒問題，但不能溝通，不能聽電話，只能被壓到社會的最低層。其實政府對殘疾人士，完全零支緩。但我沒有自卑，從來沒有，我總希望自己可以堅強一點。

本人很想向你學習下，為買股票想財富增值。

從未睇你FB前第一次買咗[email protected]（二手）跌咗蝕得甘慘，咁難升番上0.64，打算想賣出後轉到有質素的股票。有咩意見？

今年3月頭，一向都有留意你分享，日日都有睇你的Q&A, 覺得有用，得益不少。如你開班我第一時間會報名，可惜我不能因聽不到（聾不代表啞）

你教的課堂內容，變相會跟不上進度，就係我遇上很大的學習困難,so sad, 唯一方法是購入你的作品，

最近睇咗你三本“80後千萬富翁“，“50後穩健收息股“，“股票勝經“，睇呢本書有d未必一定可以理解，想請教你，有個問題我唔明白又唔懂点計算，

例如建立咗一個長期的「平穩增長組合」，佢哋收入都增長，盈利都保持向上，加上股本回報高，有機會回報高10倍or可能未必成為10倍股 ，所以要睇佢哋之後的業務發展，

請問呢個点計算法？可以舉個簡單例子？可簡單解釋嗎 謝謝

我35歲，月入19k, 每月約有10000作儲蓄，給家用9000元，希望在10年可資產增至200~400萬, 目標：50歲前提早退休，想做財務自由。

現時持貨如下：

平穩增長股
1928 ＄28.25(1手)
0012 ＄35.9(1手)
2318＄68.85(1手)
0270 ＄10.6(1手)

潛力股
1810＄21.65(1手)

收息股
939＄6.13(1手)

我自覺賺的幅度不大，打算將邊投資（平穩股70％ 潛力股30％）邊儲蓄的策略，等跌下會大力掃貨。請問有沒邊啲股票係有機會做到5年或10年後有200~400萬？

不好意思我講到甘多，期望得到你的回覆，謝謝

呢本書你講句“現金不斷會貶值，不是財富“ 你講得好好講得有道理

買咗你本80後，希望睇完增加了一些投資嘅知識，努力

voo定期定額好？月供好？謝謝

龔成老師︰

這個世界，有好多客觀條件，未必到我地控制。唯一可以做的，就是唔好比這些因素，去限死自己。盡力去打破這些限制，為自己創造出更多空間。

只要你有夢想，內心夠強大，其實無野可以難到你。

我當然不能夠明白你的情況，但現時利用文字，在網上或其他平台，都可以作出溝通、發聲、工作，你要加油！

現金，由於可以無限量發行，因此長線必然會造成貶值。所以，我地財富增值，就係將只會貶值的現金，換成優質資產的過程。

令我地財富不被貶值影響之餘，可以有一定增長能力。

你所講的歐科雲鏈（1499），我本身無特別研究，佢屬較高風險類，要睇下你博唔博。過往持續虧損，見佢股價上落好大。只可以話，唔建議大注，自己衡量風險。

計算企業的價值方面，過程其實比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。

如果要深入計算，基本上要好仔細的研究企業，要分析好多財務數據用比率，先至有較完整的答案。

所以，我好難係而度解釋，或者用例子去講解估算方法。

雖然你未懂估值，但唔代表你唔可以進行投資增值。但方法上，要進行調整，例如用月供或者分注模式，去減少你買貴貨風險。

以你35歲計，現時持股係可以。以你年紀和投資經驗計，平穏增長股和潛力股比重都正確。

你現時應以增值為主，建議你用「平穏增長股」 + 「潛力股」作組合，去創造一個增值平台。

正如你先前計劃所講，你現時將每月5成儲蓄，即$5000做月供。其餘先儲起，用一邊月供一邊儲蓄的策略。

但如果你對這些股票認識不深，可以全供指數基金。如果你都有認識，就可以用你平穩增長股70％ 潛力股30％的分配策略，去選股。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

我假設投資回報有10%（連股息再投資），你每月投資$10000 + 現有持股約10萬，10年後大約會增值至200萬。

至於你能否50歲提早財務自由，就要睇這筆資金，是否足以滿足你期望的退休生活水平。我假設你退休後，預期每月需要用2萬開支。以股息率6%計，你就需要本金400萬。

你可以用這個計算結果，作為參考，再去調整你投資計劃。

至於Vanguard標普500指數ETF〈VOO〉，是追蹤標普500指數的ETF，算係平穏增長股類別，都適合你年紀。

其實你做月供或"定期定額"都可以，因為2者都可以做到平均價格效果。但重點係必須長線(建議最少供3年和持有5年)去進行。如果供下停下，或者成日轉變，就唔會有意義。

------------------------------------------------

Q22442：

想請教，阿里巴巴旗下菜鳥網絡牽頭投資一百二十億元，在香港國際機場南貨運區的過路灣興建智能物流中心，作為一帶一路的貨運設施布局，

將為本港出口商再增一個貨運出口選擇，亦便利消費者經由淘寶購物收貨。阿里巴巴這個ai 物流倉是否未來企業關鍵？

帶來豐富收入，9988現價合理？

阿里巴巴這個ai 物流倉是否未來企業關鍵？

好似Amazon AI物流中心，之後股價一直上升

龔成老師︰

阿里巴巴(9988)宣布投入1000億人民幣，於香港機場打造高端物流中心，預期在2023年投入營運。此營運中心，將會是該地區同類設施中規模最大，技術最先進之一。

中心由菜鳥網絡帶頭開發，中航、圓通快遞都係當中投資者。

此個新營運中心，配有全自動化倉庫、溫度空調、空運處理中心、訂單處理中心等。

集團過往一直收入核心，都係來自內地零售商業部份﹐佔收入近75%。集團在內地發展，其實已相對成熟，相信集團預期該部份增長，會開始有機會放緩。

因此，集團開始著力開發更多其他市場，在香港機場打造高端物流中心這個布局，可以睇到佢這方面野心唔細。

這個物流中心，係一個利好因素。但這只是一個資本性投資，到底到集團有多大幫助和效益，現在言之尚早。但長線計，一定係對集團有利。

但估計方面，我暫時唔會有調整，宜再觀察，才再決定。

------------------------------------------------

Q22443：

老師你好，我是之前曾經向你請教過一些問題的讀者。亦都購買了老師的著作

其實我在今年12月便會前住加拿大工作。我現在存有12萬現金。13萬保險基金和12萬股票總值。

1. 0068 （15.3入）2000股
2. 00823 （67.25入）500股
3. 00939 （5.84入）10000股
4. 03918 （7.940入）2000股

想請問在移民的前提下如何分配現有的資產?謝謝老師

龔成老師︰

首先，你要先清楚，移民時是否所有在港資產，都係會變現。

如是，由於你12月就要走，多於1手的股票，你現在就要慢慢分段沽出股票，唔好等到走先一次過沽。

如否，以你剛畢業年紀，應先做好增值部份。建行(0939)只係收息股，增長力欠奉，不宜持有太多。

利興發展(0068)無投資價值，但由於佢停左牌，你現時無野可以做，等佢復牌就沽出。

其餘2隻都有質素，可以照持有。但金界(3918)由於疫情關係，中短期一定會較弱，但長線持有係可以。

12萬現金就先留起，等大跌市機會。

另外，緊記要開始月供計劃，因為我地長遠組合，唔可以只係得1,2隻股票，應該係有不同行業優質股，才算平衡。

------------------------------------------------

Q22444：

1) 明白老師,咁買入一隻股票之後預算要擺幾耐左右先至係最理想?即係要擺幾耐之後先至等收成?去睇吓佢有冇升?

2) 同埋老師我之前睇過你啲書, 如果你話價值投資係一定要買入優質企業然後長線擺好耐,咁樣係咪唔使理個價位高低月供股票都可以?

只要我知道呢個公司好有價值,例如好似中電煤氣咁, 咁咪就算幾貴都好都應該買?

咁樣嘅話月供股票都唔使煩㗎喎?淨係買呢兩隻都乜都得喇?用成副身家買晒佢哋? 總之有錢剩就擺晒落去咁係咪一定賺㗎?

3) 同埋老師想請教你, 我好似你咁講試吓買吓啲月供股票, 但我發覺裏面個倉可能有幾隻上升,同時間有幾隻又會下跌, 情況就好似啲資金只係搬龍門,擺嚟擺去,

咁其實我哋嘅策略應唔應該逢親嗰啲股票上升就賣咗佢, 然之後將同一舊錢入返啲一齊下跌左嘅股份?如果唔係好似每次嘅上升浪同跌浪都好似唔關自己事咁?

其實舊大錢都冇乜點變?定抑或應該全部都長線投資?只要等嘅時間夠耐,長時間全部整體都會升?因為我擔心就算我擺咗好長時間如果佢都係只係搬龍門,有啲上升又有啲跌,

咁最終就算我擺咗好長時間舊錢都唔會多咗好多個喎?謝謝老師

4) 唔好意思老師, 同埋想請教你, 最近睇你寫嘅嘢,你都話要我哋趁後生嘅時候掘多啲井, 儲多啲錢, 準備充足,

咁我想請問如果我每一個月將我全份人工扣除晒開支使費比屋企人同埋信用卡,有政嘅錢如果全部都擺晒落股票有冇問題?

因為我做緊月供股票, 同埋買嗰啲股票都係喺低位先買,逢親低位先至月供個一隻股票,因為我嘅概念就係銀紙係會貶值，咁我每個月將啲錢擺落去一啲穩陣同收利息嘅股票,

就算我將所有剩餘嘅積蓄擺落去,唔知會唔會都冇問題呢?

PS: 我都有啲流動資金可以應急, 有一舊錢可以靈活運用冇問題, 但係每個月出糧嘅人工可唔可以用晒嚟買股票?

龔成老師︰

1) 一般我建議持有最少5年，當然優質股永遠都係長線持有，增值效果才會最好。中短期股價會有波動，會有起有落。但長線股價，必然會將企業質素反映出來。

2) 其實我地買股票，除了要有長線投資價外，"股價平貴水平"和"組合平衡性"，都係好重要。

月供雖然有平衡價格波動能力，但太貴時候，我地都會考慮減供款，甚至停供。但如果你係初學者，對企業估值無太大信心。

我就比較建議你不理價格平貴，一直去供，反而會更好。因為你自行調整，若果判斷錯誤，有好大機會拖低左長線回報。反而不理價格，對你會更有利。

另外，我地唔好成個組合，只集中係1,2隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

3) 你唔好依然停係賺差價模式，我地現在投資增值，係將長線只會貶值的現金，轉換成資產的過程。而優質股，係資產的一種。

但再優質股票，中短期都會有波動，你係唔洗太在意。只要你長線持有，佢都就自然會有唔錯增長。

4) 現時大市只係合理水平，未到平宜區，每月儲蓄你預用一半左右，去做月供好了。餘下一半，我地先儲起，去等大跌市機會。

你現時才33歲，係選股時，應選擇一些較有增長力股票，先去為自已累積一筆資產。到近退休之年，才慢慢換回收息資產，支援退休生活。

所以，你應先集中增長，而唔係收利息。

你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

到你有一定投資經驗﹐潛力股比重可以相應調高，佔組合約3-5成，視乎你當時投資經驗多寡和了解這些股票程度而定。

------------------------------------------------

Q22445：

你好龔成老師，想請教下: (我45+歲) 現持有組合：

長和 500 股
香港中華煤氣 600 股
匯豐控股 1,091股
恒生銀行 111 股
港鐵公司 1,100股

香港交易所240股
陽光房地產投資信託基金 2000股
領展房產基金 900 股
建設銀行 4,280股
長江基建集團 500股

華潤置地 260 股
工商銀行 4,180股
平安好醫生 100股
金沙中國有限公司 580 股
中銀香港 1,570股

盈富基金 1,090股
交通銀行 930股
中國銀行 2,200股
阿里 100股

這樣既組合是否可以。

請問你是否贊成賣出交通銀行買入復星醫藥 (2196)?

想供月供股，每月$3,000，領展（823）-$1500 & 比亞迪（1211）$1500? Or 領展（823）- $3000, 不知道可以適合我 ? 請問你會建議我買哪些股票呢? 盼回覆～謝謝！

請問你陽光房地產 or 越秀房產信託基金 or 領展比較適合我?

龔成老師︰

你現時持股，雖然都係有質素，但數量實在係太多，好難定期檢視管理。長線計，你最好集中翻係10隻左右。

另外，個別企業和行業，不要佔組合15%和30%以上，銀行業更加不要高於組合20%，否則會有過度集中性風險。你組合中，銀行股佔左唔少，你要審視翻個比重，以避免出現過度集中的情況。

唔建議賣出交通銀行買入復星醫藥 (2196)，復星現價略貴，要回多少少才算合理。

以你年紀，我建議集中在平穏增長股類。領展(0823)係可以，但我地投資唔可以只集中係單一股票，我建議你都加入指數基金，指數基金供$2000 / 領展供$1000。

陽光房地產(0435)和越秀房產信託基金(0405)都可以考慮，但佢地主要係收下息，增長力無領展咁高，以你年紀，領展(0823)會係比較適合。

------------------------------------------------

Q22446：

想問多一問你意見，假設我而家買入一個單位450萬，俾首期兩成，呢個單位會放租，但有機會未必一定請時間可以放租，有機會預算自己都要供樓，

用以上呢個方法就係擔心樓價不斷上升， 而萬一幾年之後股票增長不太理想，可以自住。但假設股票增長理想 呢個單位會賣出 而買入反一個600-700萬單位自住。

問題係，咁會現金用左100萬 俾首期，剩返180萬投資

1） 是否唔應該現在買入一個單位先？ 因為自己租樓住唔想追唔切樓價上升，所以諗緊要唔先買一個單位，同埋有機會五年之後賣出呢個單位，會比起集中只投資效果冇咁理想？

另外擔心一買一賣 都需要印花稅 等費用

2）以我諗法希望5年後有500萬以上 當然希望回報可以再大，可以50%潛力股 50% 平隱增長嗎？

3） 如果用五年時間投資，預留一半現金等大市大跌再埽貨，但冇人知道大跌市係咩時候，咁應該點樣去衡量？

所以例如如果兩至三年仍未大跌市，佢應該keep住月供，或者分注見低就入？

謝謝老師

好希望盡早投資 生活會較理想，多謝你成日比正能量人

4) 老師， 現在平衡股票如下 會長線投資。請問一問 以下組合如何，可給一點意見嗎？

用180 萬 先分注入
再留100 等機會

大約
60%潛力股 ：
1177 12％
1810 17％
3067 17%
9988 12％

40% 增長
2388 14％
1972 14％
0548 14%

月供 $2000 2800
月供 $2000 2845

龔成老師︰

1) 這個問題，無一個100%答案。正如之前所講，現時樓市租金回報率不高，正常用優質股增值，個效果會較好。

但無人知5年後，樓市升快D，定優質股升快D。我地只能用現有水平，去得知值博率係而一刻，係優質股較好。但唔代表最終，樓市唔可以跑嬴翻優質股。

所以，"用投資優質股換大屋"，定係"細屋換大屋"，你要自己衡量。從現時值博率計，會係前者。

但若你相穏陣D，其實先買細屋，再換大屋都未嘗不可。但你要確保細屋升值能力，最少能跟大市同步。

另外，你可能會用來自住，即係佢都要滿足你長線生活需要。而且，間屋唔好太細，最少要有300呎以上(一個家庭基本需要大細)，才有基本投資價值。

2) 可以，但留意如果要直接入貨，現時只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)算在合理區中上至頂部，可分注入貨，其餘都略貴，想買就要等一等。

但如果係月供，我之前推介你的股票，現價都可以開始。

3) 的確係無人知，但我地投資係唔會"估"走勢，只會用平貴去定策略。現時市況係合理水平，我地應預留3-5成現金，去等大跌機會。

因為我地唔會知幾時大跌市出現，但如果你無現金係手，真係出現時，你會錯失良機。

4) 你計劃係可以，但小米(1810)都仲係有D貴，最好回多1成才入。

你緊記180萬係分多注咁，慢慢入貨，唔係一次過買晒。

另外，深圳高速公路（0548）只係收息股，增長力好弱，唔係咁適合。我建議你將佢換成指數基金，去增值組合平衡性。

------------------------------------------------

Q22447：

龔成老師，這個失敗的組合(0003, 0012, 0778, 1299, 2388,3067, 3383, 9988) …應該怎麼辦…？ 除了aia , 有很多股票由2017，18年坐到現在… 到了3067，我不停加註，怎知愈來愈跌

很灰

龔成老師︰

你整體的持貨不是劣質，不少都是有質素的，但部分你可能在較貴的價位買，以及市況波動，令股價向下，建議你日後多用平均入市法，又或提高計算企業估值的能力。

另外，你提及3067不停加注，記住，投資要有策略，買入前寫低具體的進行方法，投資後要長線，持股5年以上。

只要長線質素無變，中短期波動我地唔需要理會，長線持有就可以。

另外，我地決定加注與否，要睇幾個因素，記住，並不是「拉低平均買入價」為目的。

第一，要分析這股的質素，如果無質素，就再跌都唔加。

第二，這股的類別，如潛力或增長或收息類等，是否與你的財富組合匹配，比例是否適合。

第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。

第四，現價是否有投資價值率，要平，或起碼合理，不能貴。

第五，你要在加注後，仍有現金剩。

記住，重點不是「拉低平均價」，而是組合比例與配置。

你現時持有股票，都係有質素，可長線持有。但當中雅居樂集團（3383）負債水平較高，不宜佔太高比重。

我見你安碩恒生科技(3067)都加注左唔少次數，你要留意此股和阿里(9988)都係潛力股類，雖然有長線投資價值，但風險會比較大。如果你年紀較大，或者投資經驗不高，這類股票不宜持有過多。

------------------------------------------------

Q22448：

龔成sir, 你好，多謝你用心的分享，增加咗我唔少投資方面的知識。一直以來都無去做過咩投資，特別是股票，了解不太多。

最近數月，我開始透過youtube及朋友了解到股票投資。

想透過穩建的投資組合去增值資產，而非將錢放銀行貶值。增值資產主要目的在放：

1. 短：5年內換2房半或3房單位（$900萬以下）
2. 中：（10-20年內）孩子將來有到外國留學需要時用
3. 長：（20年）將來退休生活費

現時我（33歲）與老公（39歲）有穩定工作和收入，每月收入扣MPF約$68000。每月家庭開支約$56000，可儲約$12000。育有1個幼兒，有計劃1-2年內生多一個小朋友。

資產：
1. 現金$30萬
2. 物業：市值約$620萬，每月供約$14000（仍欠銀行$296萬），出租每月$13000（自己租樓住$16500）
3. Ibond: $30000
已買基本醫療保險

現在有些投資想法：用一半現金儲備投資股票（用一半在黎緊尼次股市下落中分注買入一些平價位優質潛力股(0700、9988、2845，各100股）；

一半投資穩健收息增值股和EFT（0823/VOO/HD/0303/0006/6823）作儲蓄增值之用；另外，計劃每月供$6000股票（0823/VOO/HD/0303/0006)

Q1. 以上這個投資計劃會否太進取？分佈是否平衡？

Q2. 月供股票主要想放在有穩定收息增長及分散風險的股票，想問我較適合先投資哪些我計劃內的股票？

Q3. 美股我計劃待下跌後再供，VOO & HD咩價位為之適合入市？

Q4. 以上三個潛力股到何價為平（以作參考入市價位）？會否有另一些更合適我投資的優質潛力股？

Q5. 我也有想過入0388，咩價位才適合入市？

謝謝你。

龔成老師︰

其實你3個目標，我地都可以透過用優質股增值，去達成。

1) 潛力股部份，係可以。但另一半，以你們年紀和計劃作考量，我較建議集中在平穏增長股，而非一些收息股。

領展(0823)、VOO、HD係可以，但其餘3隻都係收息類股票，增長力唔高，唔建議用。你可以用以下股票，去取代這3隻。

平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

現時大市只係合理水平，現金佔比重大約3-5成。餘下資金，就等大跌市出現，才加大力度掃貨。

2) 由於你3個目標，都係需要財富增值才可做到，因此選擇方面，應以增長股為主。

你月供計劃，同樣有少少保守，建議你將偉易達(0303)和電能(0006)這2隻收息股，換成潛力股，去增升組合增長力。若你相保守少少，換成平穏增長股，都係可以。

每月餘下$6000就先儲起，等大跌市機會。

潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。

3) 現時佢地價格在合理區，你照保持月供，咁就可以。我地月供只會係去到好貴，才會考慮下調供款額，甚至停供。

如果你本身定平貴能力不高，我建議你不理價格，一直月供會較好。因為你自己調整出錯，就好大機會影響你長線回報。反而一直供，會對你更有利。

4) 上述的潛力股，都適合你。你可以睇翻自已對邊個行業或企業更看好，本身對隻股票，又有一定認知，去決定投資目標。

部份潛力股已有輕微過熱情況。只有安碩恒生科技(3067)、ＧＸ中國電車基金（2845）、 騰訊（0700）、阿里（9988）、中生製藥（1177）、福壽園(1448)勉強算在合理區頂部，可分注入貨，其餘要等等。

5) 港交所(0388)都係一隻可選擇的潛力股，但現價略貴，回多1,2成才入，值博率會較高。

另外，你持有的IBOND只係定息產品，無增長力，唔適合你。建議沽出，用來投資優質股會較好。

------------------------------------------------

Q22449：

成哥，想問下以下組合係米仍然繼續特有適合?

700 ，556買入
799，10.94買入
3383，10.94買入
3690，281買入
1810，28.61買入
939，6.2買入

龔成老師︰

騰訊（0700）、小米(1810)、美團(3690)和IGG（0799）有質素，可長線持有。但美團(3690)和IGG（0799）不確定性較高，不宜持有太多。

上述4隻都係潛力股，如果你年青，持有係可以。但若你年紀較大，就只宜好小注。

雅居樂（3383）業務上是有質素的，但中國經濟有少少風險，加上佢本身負債較高，相信會對佢有影響。

這股都有長線投資價值，但負債高始終是風險，唔建議太大注。

而建行(0939)都有長線投資價值，但佢增長力不高，只係收息股類。如果你係較年輕，這類創造穏定現金流的股票，就唔適合你。

------------------------------------------------

Q22450：

龔sir，請問2158 $35.5入 1044 $50.9入現價可溝嗎？可以長期持有嗎？

龔成老師︰

醫渡科技（2158）有潛力的。可長線。

提供基於大數據和人工智能（AI）技術的醫療解決方案。集團主要向醫療行業的主要參與者（如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者）提供服務和合作。

根據大行報告，於2019年，集團收入在中國所有醫療大數據解決方案提供商中排名第一，在中國醫療大數據解決方案市場中的市場份額為5.0%。

睇翻大行對佢2020-23年預測，收入和毛利增長分別為73%和83%，增長力唔錯。

佢平台有一定擴張性，長遠受惠更多醫療保健客戶使用平台。不過公司客戶過度集中，以及依賴公共部門。

但佢依然係在燒銀紙狀態，係一個扣分架地方。整體算係有質素，但要注意風險，投資時唔建議大注。

之前貴，現價依然係略貴，唔建議加注。而且，此股不確定性較大，只宜小注投資。

恆安國際（1044）主要業務為在中國生產，分銷及銷售個人衛生用品，零食產品及護膚產品。

恆安擁有多個品牌，如「心相印」、「安而康」、「品諾」、「安爾樂」等，而業務大致可分為紙巾產品、衛生巾產品、一次性紙尿褲產品、零食產品。

恆安具有品牌，又處於增長中的市場，前景不俗，故此企業為不錯的優質股。不過，市場競可能令毛利略為受壓，但相信隨著此企業發展更多較高毛利產品，影響不算大。

長遠來說，恆安仍有一定的前景，故有投資價值的。成本上升，令佢略有風險。整體而言，有長線投資價值，現時大約在合理區中間。

若你本身計劃分多注投資恆安的話，現價加1注係可以。如果你資金不多，等佢再回多1成左右，值博率會較高。

------------------------------------------------

Q22451：

龔sir, 你好！想請教你，我現在月供

$5000港交所
$6000騰訊
$6000 阿里巴巴
$5000中國平安

中國政府現時加強監管科技、教育、物管和外賣股，我應唔應該繼續供？還是有其它股票可以平衡風險？請龔sir 指教！

另外，美股科技ETF 值得買嗎？

龔成老師︰

中國政府在不同行業拖加新政策，都造成不同程度的風險。但我地要分析翻，這些政策係唔係明顯會對企業長線發展，造成核心性影響。

就你所月供4隻股票而言，影響係有，就暫時唔算係一些核心性問題，這些股票依然有投資價值。

但你而家月供組合，太偏重左係潛力股(0388, 0700, 9988)，佢地雖然有增長潛力，同時風險都較高，不宜持有過多。

若你算年青，潛力股可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。

未來時間，你就要加大翻平穏增長股部份，令組合更平衡。

同時間，每月儲蓄唔好盡用，要留有3-5成現金，等大跌市時去入平貨。

美國科技ETF，都有投資價值。

你可以考慮三星FANG ETF（2814），佢係追蹤NYSE FANG+指數的表現。是一個美股潛力股基金。

首先，FANG+係代表美國上市多隻領先既科技股票，即係代表Facebook、Amazon、Netflix、Google，而該指數會再加上其他科技股，如Twitter、Tesla、百度等，即是全球處最前列的科技類公司。

這基金是一個潛力基金，長遠正面，但要留意價格會較為波動，加上近年科技類公司上升左唔少，因此現價唔算平，建議以月供的模式投資，買入後長遠持有。

但你要留意一點，你現時港股有內地的阿里(9988)和騰訊（0700），再加上這美國科技基金，你就會成個組合，非常集中係科技相關股份。

由於佢地係同業，最好維持不多於組合3成，以免出現過度集中性風險。

------------------------------------------------

Q22452：

想問一問愛康
點解 我買入既一手 都咁差

龔成老師：

投資要不斷學習的，如果投資因為自己分析不夠完整，下次就分析得更好。我15年前開始，一年平均睇50隻股，每隻要花6小時分析，然後一年只買1、2隻股票。

其實愛康醫療（1789）不算差，以長遠業務分析，正面的。

佢以「愛康」品牌從事設計、開發、生產及銷售骨科植入物，並專注於髖關節及膝關節置換植入物。

睇翻佢的資料，佢的產品包括用於初次手術的骨關節植入物，以及為置換、修復或升級前次手術的植入物或部件的翻修手術而專門設計的骨關節植入物。都是有前景的業務。

這股業務不差，有增長潛力，盈利增長，這反映企業有實際的價值提升。

不過，投資時要考慮價格風險。現價合理區頂，另外，佢業務是有潛力有風險類，因此要明白較為波動。

------------------------------------------------

Q22453：

成哥，我上年先開始學投資，果陣見到d科技股 升極都仲有得升， 有幾隻股等左好耐想入，之後早排回落左都算多 就入左 d，發現原來仲有得繼續跌

例如阿里 果陣300，跌到落 230 我無貨 ，果陣都見你話仲係略貴 但都係入左1手 ，依家落到191 ，其實都有信心呢隻股係無問題

但覺得買貴左好多， 如果當拒上返 大約23x度 我放一放，再耐心d等拒跌 比較平既價位再入 如唔會比較好？因為初初開始投資 唔知道原來耐性好重要

龔成老師：

阿里（9988）有質素，中短期一般，但長遠仍有增長力，之前貴，現價去翻合理區。

係業務層面，擁有相當的優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但股價都有一定的波動，現價算是合理翻D，但都不是大手時候。

始終將面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

對於這類優質、有發展，但現價未算特別平的股票。

你有貨，可持有，上到230，其實未算貴，如果你賣出，無人知能否買得翻。

你這種想法，就是一種估走勢的做法，而巴菲特等投資大師，都不會這樣做（因為佢地認為無人能做到），你現時的想法，同一般散戶一樣。而我希望你能進步，加強知識，不要停留在一般散戶層次。

------------------------------------------------

Q22454：

龔Sir 你好
對於股票最近真係跌到懷疑人生
股票長期持有，其實應該點處理
有些股票原先有賺，但諗住長期持有，近期一直下跌，已經跌至虧損。

其實對於長期持有，應該係賣出？一直持有不理？還是依然要睇圖下跌時離場？

係咪就唔使理止蝕，只要長期持有就得？
應該點操作才對

龔成老師：

我記得2003年，香港樓跌到好勁，港股都是，我已有投資港股，當時好多朋友都講「港股玩完」「樓市玩完」。

98%的投資者，都會以短期股價做分析點（樓市都是一樣），這是一般散戶的思維，而投資大師，則能平常心面對股價，著重企業的長遠發展。

到樓市、股市升翻，散戶又話「如果比多一次沙士價我就好了」。

這種思維，就是散戶。

你現時，要睇翻該企業，有那些核心因素改變，分析佢3年仍的業務情況，推算佢盈利是否有明顯下跌，唔好好似一般散戶，只著重短期股價。

我希望你能進步，能學知識，而不是停在一般散戶的思維！

------------------------------------------------

Q22455：

阿sir ，企業質素有冇核心性轉差點樣睇？

龔成老師：

你要分析佢的長遠財務數據，分析3年後，財務數據會否明顯減弱，市場佔有率有否明顯下跌，產品的賺錢能力有否明顯減少。

------------------------------------------------

Q22456：

老師，除淨日會自行調整股價，即派$1息股價會減$1, 咁對於買股收息這件事，仲有咩用？反正收幾多息，股價都跌返個數

龔成老師：

對短期投資者，無用。但長線投資者，就是一種現金流的概念，你要以一盤生意去思考，你買入一盤生意，佢會分派股息，分派股息的當刻，市場價值會減，但只要不是短期去出，長遠生意又會慢慢增值，以及不斷分派股息。

------------------------------------------------

Q22457：

龔sir 你好，突然有10萬，我可以點樣漲大呢10萬價值呢？

我指的是買有咩股票好

龔成老師︰

你可以利用這10萬蚊，去投資一些優質股，進行財富增值。

我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係分配投資項目時，會因應番你的人生階段。

如果你年青，可以「平穩增值股」+「潛力股」。中年人士，可以較集中翻係"平穏增長股"。當你已近退休之年，就應集中在「收息股」，去創造平穏現金流。你可以睇翻自已年紀，去作出配置。

潛力股︰比亞迪(1211)、中生(1177)、福壽園(1448)、安碩恒生科技(3067)、港交所(0388)、阿里（9988）、騰訊（0700）、舜宇光學（2382）、小米（1810）、ＧＸ中國電車基金（2845）、三星FANG ETF（2814）。

平穏增值股︰盈富（2800）、港鐵（0066）、金沙（1928）、煤氣(0003)、恆基（0012）、中銀香港（2388）、長建（1038）、粵海(0270)、領展(0823)、希慎(0014)、太古地產(1972)。如有投資美股，可考慮：VOO。

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。

大市現處於合理水平，那10萬資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

另外，收息股和平穏增長股，現處於合理水平，可分注入市。但潛力股，部份係略貴。

現時只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)勉強算在合理區中上至頂部，可分注入貨，其餘都略貴，想買就要等一等。

------------------------------------------------

Q22458：

龔sir ，我依家18歲仲讀緊書，啱啱出嚟做嘢試吓一兩個月，返緊地產行業，眼見好多人都好成功搵到錢，我自己都想成功，遲吓都會想玩下股票請問新手有冇啲咩要注意，

同埋想知道點樣先可以變到有錢，理財很重要嗎？

龔成老師︰

非常好，把握假期時間去工作，吸收工作經驗之餘，可以門開闊視野，對你將來選擇人生路係有幫助。

理財係十分重要，而且範疇好廣泛，由你打工儲錢，到投資增值。若你想成為一個有錢人，你就需要好好學習。

現時你要做三樣野︰

第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。《股票勝經》適合初階者的。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。

第三，將每月的部分資金，去做月供股票，供指數基金。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，指數基金是一個組合，適合絕大部分人投資，風險不高，長期儲貨可助你財富平穩增值，記住要長線持有。

當你在做上述三件事的同時，開始學下股票，了解下那些股票適合你自己。上述只同你簡單供盈富，當你過幾個月，有知識及少少經驗後，就可以利用你手上的資金，其中一部分，去投資股票。

------------------------------------------------

Q22459：

龔老師。本人睇左好多你講關於月供股票、投資心態的文章和影片，真的獲益良多。本人30歲，工作繁忙，心感難以日日留意市場捕捉買賣價，

所以希望走向月供之路。以下是我的一些想法，希望老師指教。

每月可儲錢$25000︰

1. 5000 現金儲蓄
2. 5000 月供JPM 美國科技
3. 5000 月供JPM 美國企業成長基金 / 美國巴郡B ETF
4. 5000 月供建行
5. 5000 月供長建

如果可以，打算無限供，未知老師可否指教指教，謝謝

龔成老師︰

我地投資股票，其實等同投資一間企業。希望透過其自然增長，以達至財富增值的目的。所以，我地投資一定係長線，而唔係短期炒賣，去賺差價。因此，你係無成日睇住個市的必要。

而月供，係一個長線計劃，月供最少維持3年，並持有這些股票5年以上，才會有較理想效果。當然，如果企業質素一直無變，最好一直持有。因為，優質股持有時間越長，財富增值效果就會越理想。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你30歲年紀，應以增值為主。你現時月供股票，大致係可以。但建行(0939)只係收息股，增長力唔高，唔建議你用來月供。

你可以用以下股票，去代替。

平穏增長股︰VOO、盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

另外，現時大市只在合理區，現在你每月先用5成儲蓄，即$12500做月供。其餘先儲起，用一邊月供一邊儲蓄的策略。餘下一半資金，等大跌市出現，才去動用會較好。

------------------------------------------------

Q22460：

老師你好，我今年29歲，與家人同住，無男友，無投資經驗，無保險，每月可儲大約萬三，另有現金40萬。

最近有諗緊需唔需要買保險，另外因為同屋企人（妹妹）基本上喺屋企互當透明唔會講野，有打算搬出去住，但如果買保險同搬出去住，洗費就會大增，

可儲嘅錢就會變少，所以有所卻步，老師可以比少少意見嗎？

三個月前開始月供$7,000股票，分別為

港燈（2638）$500
長江基建（1038）$500
盈富（2800）$4,000
粵海（270）$1,000
安碩恒生科技（3067）$1,000

請問老師我現在嘅月供股票組合有問題嗎？有何需要調整嘅地方？麻煩老師了

龔成老師︰

如果無實際必要，我唔建議你搬出去住，因為會產生額外開支，拖慢了你增值計劃。

我地理財，要做到「攻守兼備」，保險、備用現金等是防守，但防守部分不用太多，餘下資金就應進攻。保險最大的作用是「保險部分」，反而投資作用一般不大。

即是買保險，最大作用是醫療、人壽、財產等的風險轉移，將你不想承受的醫療費用等不可預測支出，轉嫁比保險公司。但儲蓄保險這類產品，但不宜持有太多。

而我地投資增值，係會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你29歲，應以增值為主，你可以用有增長力的股票，去創造一個增值平台。

現在你每月用$7000做月供，其餘先儲起的策略，係正確。但港燈（2638）只係收息股，增長力欠奉，唔適合你。

現時大市只是合理區，你現有40萬資金可以先投入10-15萬，用"分注"形式，慢慢買貨。餘下資金和每月所儲倒的資金，就等大市出現一定程度的下跌，才大力度掃貨，然後長線投資。

同時間，你要去多讀投資相關書本、年報，新聞和課程。

書本上，你可以睇我寫架"80後百萬富翁"、"財務自由行"和"股票勝經"，都適合初學者。

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【#台新雙狗 #GoGo #FlyGo #權益更新】
台新雙狗7月帳單起回饋更新，@GoGo卡行動支付/網購6%+全聯3%，FlyGo卡交通5%+海外3%！

這次雙狗權益/通路都有大幅調整！首先是所有回饋都統一跟著帳單週期；再來是回饋上限改依分項計算(如6%滿後仍有3%)；任務0.8%需自扣+當期滿5000。

GoGo卡推薦使用方式如下：
🎉8大精選週六保底5.2%，滿足任務最高6%
🎉行動支付不限通路享回饋，超商消費可(繳費應該無)
🎉分期依每期計入，每期5000~6666享最高6%
🎉全聯PxPay3%，儲值同時也適合湊當期5000門檻

FlyGo卡推薦使用方式如下：
🎉6大精選保底4.2%，滿足任務最高5%(剛好5000時最高)
🎉任務0.8%也無上限=海外只要滿足任務仍享3%回饋無上限
🎉期間限定淘寶舊戶6%、新戶最高9%

以上就是雙狗調整後推薦亮點分析，精選保底都蠻直覺回饋率也OK；其餘部份使用方式也有亮點，就看適不適合自己囉~

🛒台新雙狗最高6%攻略：https://pros.is/SGAEW

謹慎理財 信用至上

差別循環信用利率：一般消費及預借現金為6.75%~15%，依電腦評等而定循環利率之基準日為104/9/1 預借現金手續費：預借現金金額x3%，不足NT$100以NT100計算

【龔成問答信箱】（Q17761-Q17780）

Q17761：

你認為買大手買一隻優質股定買十隻但每隻得一手好

龔成老師：

如果你有一定的選股能力，在過往的投資回報，都能跑贏大市，就可以集中個別優質股。

對大部分散戶來說，分散到多隻股票是較好的（當然，不是亂買，當中都是有質素的）。

就是這個原因，我經常推介盈富（2800），這不是話盈富的回報率特別高，而是盈富是一個50股的組合，對大部分散戶來說，有平衡風險的作用，因此是較「適合」的。

------------------------------------------------

Q17762：

你好老師，有問題想請教下，香港有一層私樓加一個舖頭仔，另外手頭上有現金320萬元，想問吓如何把這現金320萬元分配，我有想考慮每月可收息作生活費，想求教可以買什麼投資組合

龔成老師：

你現時的財富分配，已有較大比例在固定資產，因此你在之後的配置，可以考慮收息，建立一個股樓並行的組合，會較好。

投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。

你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）都可以。

另外，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）等（記住，股價略波動，只能小注）。

但要留意，現時股價只是合理，未到平宜，因此買入時宜分注，同時不能用盡現金。

------------------------------------------------

Q17763：

龔sir, 你好，我是投資初哥，上年上了你的股票班，學了3種企業估值方式，近排多了時間，拿筆記出來溫習，嘗試實踐，遇上以下兩個疑難，想請教，先感謝教導!

未知有沒有什麼方法去估值新經濟股呢？如最近0700的市盈率為49，9988的市盈率為30.86，1211甚至是135.9，相差很遠，未知向哪個方向研究此類股票較好呢？

龔成老師：

當我地進行新經濟股估值時，會用較多「預期」的數據去推算。你唔能夠只集中睇這刻的情況，要用「預測市盈率」，又或自行預測3年後的收入與盈利情況，再以這些數據為基礎進行估值。

------------------------------------------------

Q17764：

你好，本人未持有任何股票

-現階段有20萬現金

-另有100萬另一半有需要時放入公司周轉用及未來換樓用，不考慮用作投資，只做銀行短期定期

-每月個人收入夠哂家庭開支，由於另一半做生意，現階段只可不定期比家用，但不影響日常生活，只係儲少D。

-計劃5年後再換樓

-想每月3-5千做月供，如計劃至少5年，全數買入#2800？定有其他建議

-另外留意到金價高企，想賣出一部分當年結婚的飾金，預計有10萬左右，用作投資一些進取少少的產品，有甚麼建議？

請老師提供建議，謝謝

補充返，我係澳門的，因為月供每隻收錢，是否集中月供一兩隻比較好？

龔成老師：

如果你資金本身有用，就留現金，而餘下的$20萬如果可以動用，就視為「可投資」的部分，不過唔好一次過用，要慢慢有系統去入。

由於澳門月供手續費貴，建議你只集中供一隻盈富（2800），每月$5000，保持長期進行。

至於你手上的現金，就可以考慮盈富以外的股票，銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果你想賣金，可以賣少少，但唔建議賣太多，始終我建議點都有部分是長線或永遠持有。

賣出後如想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。最好當然是回落先考慮。

------------------------------------------------

Q17765：

你好：） 想幫屋企人問下，現持有
2628 - 中人壽 - 2 手- [email protected]
1398 - 工商銀行 - 10 手 - 10,[email protected]
883 - 中國海洋石油 - 4 手 - 4,[email protected]

16 - 新鴻基 - 2 手 - [email protected]
83 - 信和 - 4 手 - [email protected]
823 - 領展 - 6 手 - [email protected]
66 - 港鐵 - 2手- [email protected]

1.請問以上組合會唔會太散？

2.請問有冇建議止蝕位？以及入場價是否合理？

3.如果中短期投資要如何調整？

4.如果長期投資策略是否相似？

非常感謝

龔成老師：

1）唔算散，不過增長力就唔強。另外，可加入盈富（2800）作組合的平衡。

2）都是有質素的，暫時唔需定止蝕位。不過如回有資金，可以先加到盈富，以及睇下需要需要加入一些增長力強少少的股票，以平衡組合。

3）唔需要著重中短期股價。最重要是建立一個長期的組合。

4）最重要從長線方向考慮，要優質、平衡，如果質素較一般的就唔好太多。另外要留意單一行業會否過多（例如地產相關）。

------------------------------------------------

Q17766：

老師你好，最近金價大升⋯導致飾金實在很貴 貴得唔敢亂買⋯但我九月就要結婚了，最近很苦惱到底要不要買龍鳳鈪⋯還是把禮金儲起 待金價下回才買呢？

請問老師對金價如何睇法⋯⋯以及我真的很想有人幫我決定一下買還是不買好 另一伴沒意見 ⋯就怕今天買完了 很快就回到今年年頭1500水平⋯⋯

Ps 因為你個價值投資 令我有勇氣在三月份大跌市時低位買入股票，用很小錢賺了不少⋯非常感謝你 祝身體健康！

龔成老師：

無人知道中短期價格的走勢，如果你有需要，就買。

金是貴金屬，有是終極貨幣，當現金不斷貶值，佢長遠一定會向上的，但中短期價格就無人知。我雖然唔會認為這刻是平，但要大跌都不易，你只要只買需要的，而不過量，就得，買入後就長期或永遠持有，根本唔需要理中短期價格。

------------------------------------------------

Q17767：

龔成老師，你好！我留意了很多股評人,但發現你是最實事求事, 所以最近的起心肝買了年報勝經, 很想在Q&A問你問題,

想問一下是否贊成自製月供股票, 不想用銀行或證券行月供股票服務,如可以, 應該怎樣製訂計劃?
每月定個日子買貨?

還是每月任何一個日子買貨??
每次買1-2手?

跌市時, 買多1手?
請給建議?

龔成老師：

你可以自製的。

月供股票的原理，就是持續買入某些股票，好處是將買入價平均，因此，如果你都能做到這效果，其實可以做的。最重要是「買入價平均」。

你要盡量減少主觀的分析，例如每2個月入一手等方法。

另外，如果你有分析平貴的能力，當見到佢下跌而又價格吸引，就可以買多D。

但要留意，同一隻股票佔你財富組合的比例，唔好太多。同時你要留有一定的現金。

總之，要建立一套策略，個股的比例，現金的比例，買入時的策略等。

------------------------------------------------

Q17768：

老師您好！我是透過經濟一週文章認識你，見到很多問答都實際解決到大家既財務問題，獲益良多，先謝過。

其實我都有一個大問題，都算是醜事，望可以找到解決方法。因不想行到破產這地步，所以決定向你發問。

我今年35歲，單身，自僱人士，沒有資產，為月光族，不懂得理財、投資，家用每月要付4000，月入3萬，欠債約30萬，全部是咭數。

在2016年是沒有咭數的，當時戶口衹有3萬元現金，因當時家中有成急需醫療費及照顧，所以衹好辭去工作

之後因生活費高終於撐不住，當時沒有糧單不能借貸解 燃眉之急，衹好在信用咭借款約10萬，之後收入不穩所以未能全數還款，幾年後就欠了30萬

前幾天看到你的文章先知什麼叫理財，我知道自己不是聰明人，這個選擇衹是 迫不得意，現在應怎樣做，求賜教。謝謝。

其實初初以為自己還得到，點知突然收入不穩令我呢幾年欠債更多，我不想放棄
我怕自己快捱不住了

Sorry……漏咗，我不花錢娛樂的，每月車費及食飯各$1000，雜費$1500

忘記咗問問題，其實我仲可唔可以投資，長遠又可唔可以令我解決困境？

龔成老師：

你要盡力，令自己每月能儲到$15000以上。可能會有少少吃力，但你現時一定要盡力做這目標。利用1、2年時間好好努力。

我相信你是可以做到的。你要盡力減少支出，盡力儲錢。

同時，你可以盡力還錢，信用卡的利息好高，你長遠落去只會進入「還息都唔夠」，所以，你要盡力還錢。

你可以留$20000現金在手，餘下就盡力還。

我相信你可以在2年內還清負債，到時再慢慢開始理財投資，這刻，你先處理好負債先，高息只會令你支出更多，所以你要盡快處理。

------------------------------------------------

Q17769：

2822 同 3147。分別？

龔成老師：

南方Ａ５０（2822）目標為追蹤富時中國Ａ５０指數之表現，即是追蹤中國大型企業的指數。

南方中創業板（3147）目標為追蹤深圳證券交易所創業板指數之表現，3147的風險會較高，投資注碼亦不建議太多。

------------------------------------------------

Q17770：

龔成老師 ，你認為現在的優質股是不是可以開始加大少少注碼呢？

因為我開月供了大約9個月，期間都有調整過2次，現在月供股票如下：港鐵：$1000，領展$1000，盈富$3000，中國平安由剛剛7月開始供$1000，長江基建（已停供，因為由$60.2跌到$30）

今年甚至下年的市場都很波動，但見眼這年的股票變得很平宜！ 雖然我全部股票都在蝕錢，但我是想長期投資！ 所以我沒有打算沽，反而想彈性調整月供，例如需要加大港鐵嗎？

長江基建我不知應否繼續停止供款，你有什麼意見呢？

本人自我介紹一下，31歲，做護士，已關注龔成老師的fb一年，目標想增加財富，甚至想10年內達到財富自由

本人跟男友在6月急急買入了深井一個4xx尺二手單位，買貴了，685萬，借9成首按揭。業主沒有平賣給我地，而且我深知道該地段完全沒有升值能力，純粹是想自住，因本人跟父母6人同住一個公屋，我想搬走。現在看樓市，甚至有跌價的機會。

有點擔心買了樓 ，會否非常非常影響我這十年的致富路？

另外，港幣貨幣越趨貶值，而且近年政治問題會否令樓市/股市一直跌下去？ 我有大部分同事都說不應該再買股及入樓市..

本人自從上年就很想學投資因為真的真的希望將來的生活有選擇 、有更大的自由度，深知香港做醫護實在太辛苦亦不受政府重視，健康精神狀態很差日趨嚴重，想在10年內可以有機會脫離全職

捱更抵夜通宵高強度的工作捱不到退休年齡的
真想下決心去學 去知 去實踐

龔成老師：

要睇你那類別的優質股，比亞迪（1211）與領展（0823）都是有質素的，但前者現價唔平，後者則可加注。因此要睇你的投資物。

你上述所月供的，都是有質素，你可以保持月供，不過，你31歲，投資方向應該以增長為主，因此應加翻少少較有增長力的股，而增長力較一般的股就唔需要再加。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

物業方面，深井投資價值的確不高，不過如果你純自住考慮，就無所謂。

你之後應該集中股票方面去增值。只要這方面做得好，就能成功在10年後完成目標，用「先增值，後現金流」，因此，這刻應該盡力做好「增值」層面。

香港股票仍有投資價值，只要你做好選股，建立增長力組合就得。

另外，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17771：

你好，龔Sir,本人27歲，創業後現時月入平均15萬左右，已有一層樓，月供2萬幾，除支出後可以每月儲10萬，現存款金額60萬，因為工作比較忙

又唔想比人hard sell投資工具，請問有沒有投資或理財的建議可以給予呢？謝謝

龔成老師：

投資股票最簡單，第一，增長力強，第二，自己控制，唔好比人sell及控制，第三，流動性強。很適合你這年齡投資。

其實你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

你可以考慮月供或自行分注去入，大約每月投資$7萬（而$60萬就暫時留低，等跌市先用）。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。最好當然等回落先入，因此現價唔平。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17772：

想問問1910有無前景？

龔成老師：

新秀麗（1910）好受疫情影響，相信中短期都會好弱，負債雖然有點多，但未去到去有大問題，我相信佢仍可以過關的。

長遠只要疫情好轉，佢都會慢慢向好的，這股只要過到這一關，不是無前景的。不過，這股始終中短期風險較高，因此不建議太大注。

------------------------------------------------

Q17773：

龔sir你好，我是全職媽媽，兩年前開始用私己錢買入銀行股收息，諗住銀行股穩陣息率又高，其中匯豐佔的比率最高，現在股價接近下跌了一半

讓我不知道還應不應該繼續持有或需要減持，希望你可以給予我寶貴意見，以下是我的投資組合

也希望你可以建議一些適合我投資的股票讓我可以讓資產增值，我每月家用扣除開支不亂花費的話，可以剩餘$2000-$3000作儲蓄，謝謝！

匯豐：股數4000，平均買入價$60.315
港鐵：股數 500，買入價$37.5
盈富：股數 1943，平均買入價$26.33
交通銀行：股數 12000，平均買入價$5.67
香港電訊：股數 1000，買入價$11.5

P.S. 盈富我現在每月有做月供$1000

龔成老師：

同一隻股票，同一個行業，唔應該佔比太多，你銀行股及匯豐（0005）都出現了這情況，減持是大方向，只是睇下點樣減持得好D。

盈富（2800）是組合，佔比較多都無問題。

港鐵（0066）、香港電訊（6823）持有無問題。

匯豐最新業績令人失望，相信要較長時期先會好翻，這是收息股，相信過1、2年後，股息會正常，不過，唔好對股價有特別期望。

------------------------------------------------

Q17774：

我一直閱讀你的文章及分享，真的幫助及鼓勵了我不少。謝謝

我今年24歲，銀行工，工作有時候比較忙（9-11pm），有時則可以7pm收工。現時有parttime補習幫助一下收入。轉全職補習老師好像也不是我希望的工作。

其實我一直很想創業，但是好像找不到自己的長處。如果賣貨品，自己又不認識人及貨源。在這個不知道方向及不知道如何起頭的情況，老師可以給我一些意見嗎？

龔成老師：

你銀行工的工作時間較長，比較困身，除非長遠好有發展，否則，要好好思考你的大方向。

你可以試下網上創業，其實好多野都是試出來，有時無人知個市場係邊，但試試下就有方向。

做生意最好有自己的獨特性，賣產品較專好過雜。你上淘寶已能夠找到好多貨源。

------------------------------------------------

Q17775：

龔SIR, 你好。現在本人32歲，月入約$33K，過多大半年後清還債務後，會回復$37K左右，每月可以拿到$5000-$8000做投資。

現時有 $20K左右流動現金，計劃做第一步投資，然後每月儲到錢便再逐步逐步加注投資

短期目標係3年內儲到$50萬-$80萬，中、長期目標希望財務自由，等到退休時有更好的保障，希望龔SIR可以指點一下方向。感謝你的解答

龔sir, 今日去到澳門宏達書局，你嘅著作好多都賣斷市

龔成老師：

暫時你儲多D現金先，等你過半年過完錢後，先正式開始投資。當然，如果這段時間大市回落，你都可以小注投資。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

你可以向職員訂貨。

------------------------------------------------

Q17776：

老師 請問你對於醫療機械股既前景看法如何？我買左 853 微創醫療 ＄15.58 入手 而家已有一倍升幅

但我依然看好佢既增長 ，你認為要先賣一半獲利嗎？ 值得長線持有嗎？謝謝

龔成老師：

微創醫療（0853）潛力度是高，不過股價上得有點多，現價唔平。

你可以賣3分1至一半，餘下就長線。這股有發展的，長遠仍有的價值，不過只擔心現價貴。

------------------------------------------------

Q17777：

老師你好，近排先follow你嘅page認識你
小妹一畢業做航空業，由上年11日做到而加
做得4個月就有疫情，由3月起就已放無薪假

時間多左先開始研究財經同股票，朋友介紹之下follow你嘅page，你嘅q&a post都會睇，分析都會睇
都會自己上網睇各種資料

但都冇太大信心入市
目前積蓄只有7萬，想做d穩步增長嘅投資
老師有冇乜野推介？定係應該留住佢？
唔該曬老師

龔成老師：

你要做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平。你可以先了解下不同的收費。

第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

當你在做上述三件事的同時，開始學下股票，了解下那些股票適合你自己。上述只同你簡單供盈富，當你過半年，有知識及少少經驗後，就可以利用你手上的資金，其中一部分，去投資股票。

------------------------------------------------

Q17778：

龔Sir，我想請教如何能夠在繁忙的工作之中留意巿況及買賣股票？ 謝謝您

龔成老師：

第一，你唔好太著重中短期資對及股價，你要找一些「真正有用的資訊。例如集中睇「企業年報」。

第二，減次買賣次數，我一年會分析50-100間企業，平均每關要5小時。但一次只選中1、2隻股票做買賣，要分析多，但要出手準。

第三，你可以利用空閒時間，例如放工用30分鐘、是期六用60分鐘，搭車又好好利用，都會有一定的時間。

------------------------------------------------

Q17779：

龔Sir， 我想請教「優質股」、「潛力股」、「強勢股」之間有何分別？ 買賣策略又如何？ 多多指教

龔成老師：

我地買股票就是買公司。

優質股就是本身有經濟上的優勢，例如業務有獨特性，產品好強等。

潛力股就是有潛力的公司，可能這刻產品未得，但預期會好受歡迎。

強勢股就是近期升得好勁的股票，可能是有質素的公司，又可能是無。

------------------------------------------------

Q17780：

龔成sir, 你好
我聽你叫人供2800，我由7月開始月供$1000/月

另外，我月供緊939 建行$2000/月，已由2018年6月開始供到依家

我需唔需要將供款金額比例調整一下呢？供$1500盈富，$1500建行好嗎

感謝

龔成老師：

因為盈富（2800）是一個50隻股的組合，雖然不是高回報，但對大部分散戶，其實都是好適合的，因此有長期月供價值。

你可以供盈富$2000，建行（0939）$1000，這會對組合有更好的平衡效果。另外要明白建行只是收息股，股價增長力不強。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

#富邦J卡 #中信英雄聯盟卡 #信用卡推薦
合作信箱✉️ : xshinxli@gmail.com
❗️影片未經同意請勿任意轉載、二次搬運、寫成新聞稿
❗️每月45元幫助我創作更多影片｜https://shinli.pse.is/PD4Q5
————————————————————————————
富邦J卡調降詳細文字｜https://shinli.me/2021/06/30/jpointscard/

00:00 富邦J卡/中信英雄聯盟卡 2021信用卡調整
01:15 KOKO icash combo 卡
02:47 星展ECO永續卡
04:00 彰銀My樂卡
05:47 中信英雄聯盟卡
07:45 富邦J卡
10:00 2021下半年信用卡回饋看法


星展eco 永續卡｜https://shinli.pse.is/RNHW6 (外送25%)
[-12/31]
📌國內消費3%
・加碼1.5%每月上限(6,666封頂)
・保費也享回饋
📌共享機車最高8%
・Wemo、iRent、Zipcar
・加碼5%每月上限200(10,000封頂)
📌Uber Eats 25%
・單筆滿200享50點Uber點數
・每月上限100點
・活動至10/31
活動詳情｜https://www.dbs.com.tw/personal-zh/cards/landing/layout.html

富邦J卡｜https://shinli.pse.is/U8UWP （新戶3.5%無上限）
[-12/31]
【新戶】
📌實體通路/其他行動支付 2%
📌利用LINE Pay消費 3.5%
・需綁定LINE Pay與使用本行帳戶自動扣繳信用卡款
・回饋無上限
【舊戶】
📌實體通路/其他行動支付 2%
📌利用LINE Pay消費 3%
📌指定通路最高8%
・活動至8/31
・UberEats / foodpanda / foodomo
・Netflix / KKBOX / Spotify / my video / Youtube Premium
・加碼6%每戶上限150 (2,500封點)
・活動需登錄，限量2.5萬名
🔺8/17開放登錄，需先消費
🔺新戶可以申辦，舊戶優勢不再，除了拿來繳費、繳稅外
活動詳情｜https://www.fubon.com/banking/personal/credit_card/all_card/omiyage/omiyage.htm?fromUrl=IPASS01

中信LOL卡｜https://ctbc.tw/Ejj7ka （指定通路/網購10%）
[-12/31]
📌指定數位通路10%
・每月回饋上限300
・這部分基本上沒有太大調整，外送還是可以用
* 遊戲平台：App Store、Google Play、Bandai(萬代南夢宮遊戲)、Blizzard(暴雪)、Electronic arts、Epic games store、GASH、Garena、MyCard、Nintendo、PlayStation、Square enix、Steam、Ubisoft、Xbox
* 影音平台：Apple TV、CATCHPLAY、iTunes、KKBOX、LINE TV、LiTV、Netflix、Spotify、Youtube Premium
* 雲端儲存：Amazon Web Services、Dropbox、Google Drive、iCloud、Microsoft OneDrive
* 美食外送：有無外送、Foodomo、foodpanda、Uber Eats
* 用車平台：台灣大車隊、GoShare、iRent、LINE Taxi、Uber、WeMo Scooter、yoxi
📌指定電商 10%
・每月回饋上限500(5,000封頂)
🔺需當月指定電商之累積消費滿NT5,000元始享加碼回饋
＊如果都在網購你就要剛剛買到5,000
＊近期許多卡都有低消 GOGO/FlyGo/街口聯名卡/KOKO 都是低消5,000
活動詳情｜https://www.ctbcbank.com/content/dam/minisite/long/creditcard/LOL/index.html


KOKO COMBO icash聯名卡
[-12/31]
📌一般消費0.3%無上限
📌指定通路符合條件5%
・每月一般通路累積消費滿5,000
・每月上限300(6,000封頂)
🔺可透過分期規避每月回饋上限，如果要買Apple商品這張卡是好選擇
・指定網購｜Apple台灣官方網站、momo購物網、PChome線上購物/商店街、Yahoo奇摩購物中心/超級商城/拍賣、淘寶/天貓、TreeMall、7-ELEVEN線上購物中心、博客來網路書店、GOMAJI、生活市集、好吃市集、Pinkoi....
・指定超商｜全台四大超商實體門市(7-ELEVEN、全家便利商店、萊爾富便利商店與OK超商) ，不含代收費用。
・指定交通｜台鐵、台灣高鐵、Uber、台灣大車隊、客運(國光、統聯、和欣、葛瑪蘭、阿羅哈) 、WeMo Scooter、GoShare。
・指定餐廳｜全台餐廳(詳注意事項)、外送平台(Uber Eats、foodpanda)、連鎖速食(麥當勞、肯德基KFC、漢堡王、頂呱呱、必勝客、達美樂)、EZTABLE。
🔺活動需登錄，沒有名額限制
📌指定影音娛樂/運動健身 6%
・每月上限300(5,000封頂)
・影音娛樂｜KKBOX、Spotify、Netflix、CatchPlay、PlayStation、Garena、Steam、Blizzard、XBOX、Nintendo、NBA League Pass、KKTV、Circles Life(無框行動)、MyCard(官網/App/遊戲儲值入口)、Youtube Premium & Youtube Music、愛爾達電視(ELTA TV)。
・運動健身｜World Gym、健身工廠、True YOGA、True Fitness、Anytime Fitness、Curves(可爾姿)、BeingFit、前勁體能Akrofitness。

KOKO簽帳金融卡
📌1.2%現金回饋無上限
📌指定影音娛樂/運動健身 6%
・每月上限300(5,000封頂)
・影音娛樂｜KKBOX、Spotify、Netflix、CatchPlay、PlayStation、Garena、Steam、Blizzard、XBOX、Nintendo、NBA League Pass、KKTV、Circles Life(無框行動)、MyCard(官網/App/遊戲儲值入口)、Youtube Premium & Youtube Music、愛爾達電視(ELTA TV)。
・運動健身｜World Gym、健身工廠、True YOGA、True Fitness、Anytime Fitness、Curves(可爾姿)、BeingFit、前勁體能Akrofitness。
活動詳情｜https://www.kokobank.com/BANK/Card/ComboIcash

彰銀My樂卡
[-12/31]
📌綁定指定行動支付消費滿額最高6%回饋
・1-3,000元享3%
・超過3,000元的消費享6%
・每月回饋上限270元 (6,000封頂)
🔺平均回饋4.5%
・指定行動支付｜台灣Pay、Google Pay、LINE Pay、街口支付、Pi拍錢包、悠遊付
🔺回饋不含信用卡自身回饋
📌國內最高3%
・加碼2.5%上限500(20,000封頂)
・原始回饋0.5% + 數位存款0.5% + 行動支付0.5% + 指定通路1.5%
🔺行動支付限定「台灣Pay」、「Google Pay」
🔺指定通路包含：國外、超市、量販、餐廳、百貨、電信
🔺原卡回饋次月未使用將自動歸零
活動詳情｜https://mylove.bankchb.com/


*我的新書* 《25歲存到100萬》
博客來：https://pse.is/38zezq
金石堂：https://tinyurl.com/y5akqqwd
三采 ：https://tinyurl.com/y3w6cqwl
誠品 ：https://bit.ly/3oIAKxF
讀冊 ：https://bit.ly/3rhefBv
MOMO：https://bit.ly/3jbMY0B
墊腳石：https://bit.ly/3tqfLDh

—————————————————————
*信用卡專區*

💡網購信用卡💡
彰銀My購卡｜https://pse.is/3jxabx (指定網購10%)
中信英雄聯盟卡｜https://ctbc.tw/Ejj7ka （指定通路/網購10%）
永豐幣倍卡｜ https://shinli.pse.is/N4YCD （指定行動支付6%）
永豐JCB｜https://shinli.pse.is/N4YCD （網購6%）
玉山Ubear ｜https://pse.is/KXJWW （網購/行動支付3.8%）
玉山Pi錢包｜https://shinli.pse.is/PSTRY （PCHome 5%回饋無上限）
GOGO卡| https://shinli.pse.is/V29G4 （週六行動支付/網購6%）
富邦momo｜https://shinli.pse.is/RBJNF (網購3回饋無上限)
樂天信用卡｜https://shinli.pse.is/EUV7G （網購5%）

💡外送信用卡💡
中信英雄聯盟卡｜https://ctbc.tw/Ejj7ka （外送/網購10%）
永豐三井聯名卡｜https://shinli.pse.is/N4YCD （餐廳/外送10%）

💡一般消費信用卡💡
永豐Sport卡｜https://shinli.pse.is/N4YCD （無腦3%現金回饋）
永豐幣倍卡｜ https://shinli.pse.is/N4YCD （無腦3% / 指定行動支付6%）
富邦J卡｜https://shinli.pse.is/U8UWP （新戶3.5%無上限）
花旗現金回饋PLUS鈦金卡｜https://pse.is/3al9qa (指定通路10%)
台新玫瑰Giving卡｜https://pse.is/3cjgtb (假日3%)
聯邦賴點卡｜https://pse.is/3b4lj5 （國內2%/週六7%）
星展ECO永續卡｜https://shinli.pse.is/RNHW6 （行動支付13%）

💡行動支付信用卡💡
永豐幣倍卡｜ https://shinli.pse.is/N4YCD （指定行動支付6%）
台新街口聯名卡 ｜https://shinli.pse.is/V29G4 （指定通路最高11%）
GOGO卡|  https://shinli.pse.is/V29G4 （行動支付/網購6%）
凱基魔Buy卡｜https://shinli.pse.is/3amq3r （指定行動支付享8%）
花旗現金回饋PLUS鈦金卡｜https://pse.is/3al9qa (指定行動支付10%)

💡投資推薦💡
鉅亨買基金｜https://pse.is/3g3g6e (輸入 shinli享1588紅利，申購26萬元以內基金0手續費)
富果帳戶｜https://shinli.pse.is/M4Q9V (註冊享108元)