<>
試業成功，多謝晒大家捧場支持！

1. 為什麼唔早 D公布幾時開？
好多朋友拍檔問幾時開業啊。。。其實好難知，因為每間都是商場店，每間都有要求高而不同既「設計小組」，最尾階段要巡完，滿意，簽妥先準拆圍板，好多好唔合理既要求。。。都要承受，今次都係，差DD已經要9月5日先開得，可能係元朗大馬路情景感動到業主團隊，放我地一馬，所以出現28號才公布29號開。

2. 為什麼無開幕儀式？
因為每次都好趕，趕到每次都係我覺得開唔到既時候開到（感激所有同事）其實好難知幾時開。而且一向唸慳得就慳，由第一間 Popup已經無什麼請嘉賓剪彩，切燒豬，請司儀，武獅等，網民大家話齋加同事人工好過，今天就送所有同事現金額購物。同埋中國人社會好客氣，如果有期早公布，廠呀，拍檔呀，朋友呀又破費送花牌，到時可能場景都見唔到了。

3. 為什麼選 YOHO I?
上星期六的 Post說了為什麼要搬，所以不重複了，千色匯9月2日到期，8月25日要清拆還原，5月尾才收到 YOHO租務主任查詢，之後林林聲去睇鋪，看了YOHO I, YOHO II, 最後選了又大又靚的YOHO I, 因為可以用到上手的一些裝修，環保，省錢省時間，而且舊址好多Fans反映泊車貴，又遠離港鐵站，昨天我從 V-Walk南昌站搭左廿分鐘西鐵去元朗站，用K出口行唔駛兩分鐘就到，出面落雨但全程室內，都好方便。感謝SHK的Polly, German全程協助！

4. 為什麼選大馬路做情景?
問左好多元朗街坊熟客，都係覺得元朗大馬路最地道，好似油尖旺一定是彌敦道咁，元朗大馬路有餅店，有輕鐵站，有巴士站，有小巴站，有河，有天橋，有舊唐樓，有學校，有大十字路口，我地將頭中尾的部份抽出再整合，今次設計的主 Designer Erich住屯門，對元朗大馬路有一定認識同經驗，顆拍新入職的Homa，Product Design的新畢業生，記得佢劃行人天橋，因缺乏拆件上色經驗，足足劃了兩次，有晚畫到好夜，仲有我地合作左十幾年的 Peter師傅，通宵左多晚才趕及。昨天去到都差 D埋唔到去情景影相，好多街坊都讚靚同似，好有元朗感覺，感謝Peter, Erich, Homa, we made it!

5. 為什麼未有店鋪限定？
有，整緊，包大家有驚喜

6. 為什麼在逆市中擴張？
好多朋友都話零售業係在香港百年一遇的疫情中最受打擊既一個行業，其實我知，好似星光大道咁由上年第一個月做六位數字，到十二個月後每天得$39-99收入，錢是一回事，而係對當值同事意志既打擊，但係我地今次元朗3.0主要係因為元朗有好好既粉絲，好好既店同事Ivy, Ling, Yan, 每次問她們搬大 D意見時總是滿有信心，開開心心咁，而又碰上一間是是正正的地方，想起支持的朋友睇得舒服D, 有小朋友既又入到 BB車, 所以便決定Tiny元朗3.0的計劃了。

7. 為什麼多左咁多動物玩具？
因為真係都帶給香港小朋友大朋友一個地方，係一次過可以見到買到500款有質素的動物玩具。女兒兩歲，由細到大好喜歡蝴蝶，蜜蜂（當然一定有 Baby Shark), 但在香港你要買到蟋蟀，螳螂，蟋蟀，甲蟲，蝴蝶，其實除了淘寶，係無辦法買到俾亞仔亞女玩。而一般有動物玩具賣的地方，可供選擇的款式有限，二三十款，而且良莠不齊，甩色，空心，玩三天斷開兩截，所以今次Tiny店內加設英國品牌COLLECTA四個動物專櫃，有齊大家熟悉的動物之餘，仲有狗狗貓貓，昆蟲恐龍等，一家大細爸爸仔仔可以睇車仔，媽媽女女可看動物Popmart.

8. 為什麼叫試業？
其實每間店開始時都係七成完成度，剩下三成靠前線同事同客人交流後去改善，去進化，去完滿，希望大家多D俾意見，香港商場實在太少玩具店，玩具領域亦好大，我們希望在玩具模型車仔，動物世界方便做好D。

報告一下客服問題，office星期四已經有多一位客戶服務同事上班了，正在同 Rainie大力加快處理大家的 Inbox, WhatsApp, email, 將會一一回覆跟進，多謝大家意見！

［實體書店既無量，亦賣唔到高價，冇得玩的］原因？因為根本冇咁多人睇書，睇嘅亦唔會畀幾千銀買本書。點解？因為替代品太平。

話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀

上次鬧辰衝好多人讚（https://fbook.cc/3D5q）。今次正經，講返書店本身。

TL：DR – 書店點解難做？唔係因為租貴。其他舖頭租就唔貴？係因為書店收入低。點解書店收入低？因為書既賣唔到量，單價亦唔會高。你計下自己一年用幾多錢買書？幾千好未？但好多人同條女食餐飯手仔都未拖就冇咗。餐廳包裝下可以幾百蚊餐變幾千，但書唔得　—因為你享用嘅過程唔使食裝修食品味，所以書店只能變咖啡店。你拎起本書打卡就得了，之後睇書係冇得炫耀的。

圖：首爾COEX，其實係圖書館，唔係書店。有乜書？唔知，唔識韓文。哥睇嘅唔係書，係企鵝（對，樓下有水族館，幾舊水入場）

1. 但凡有乜舖頭執笠。例牌答案係，地產霸權啦，租貴趕絶啦，米芝蓮又話死亡之吻加租迫死你啦（＊）。但從來冇人會講人工貴。舊文寫過，至少N咁多上市嘅連鎖餐廳，最大成本一定係人工，唔係租（https://bit.ly/2DgvD5W）。但人人只係鬧租貴，冇人鬧人工高。因為你有機會打工，有朋友做飲食，但你多數冇朋友做收租佬。

2. 好啦，書店點解執笠？租貴咯。真係？只係書店先租貴？

3. 租貴。但何謂貴？有人交得起，咪合理，係咪？咁你見係咪加咗租冇人租？多數都唔係。但書店多數就交唔起太貴嘅租。

4. 所以，人講書店難做，係指書店比其他舖更加難捱租。否則你只係話租金高，咁點解取代你嗰間嘢交到？業主梗係唯利是圖，但總唔會特別憎臭老九，要收貴啲租。即係你交唔到，但有人交到啦。可能係金舖之類

5. 金舖呀之類你鍾唔鍾意，個人口味。哦你話「金舖影響市容社會需要書店」。咁你幫襯咗未？你唔幫襯，邊個交租？但你日日幫襯星巴克喎。

6. 有人話金舖錶舖賣奢侈品一百幾廿萬一單，梗係易交租。頂多啱一半。先唔講點解書唔可以賣貴。但收入係單價X量。星巴克一樣交得起貴租，甚至有啲快餐店都交得起租，單價一定平過賣書。但夠多人嘛。

7. 講量應該簡單啲。香港有幾多人買書呢？大家心照。況且，仲要好多人係經網上買。所以實體書店當然做唔住。

8. 而雖然網購方便，甚至平啲，但有啲體驗都係暫時未取代到嘅。至少餐廳就係（疫情後另計）。仲有名牌嘢都係。書？就唔係

9. 亦因為咁，你咪見書店轉去賣第啲嘢咯。誠品嘛，分租畀人賣下奶茶賣下文具咪得。咪交到租（雖然誠品都唔太好賺）。仲有樣嘢，點解啲奶茶要在誠品賣？我自己租唔得？做乜要分租誠品？就係因為誠品帶動成個氣場，飲杯嘢都型啲，同埋啲文青肯洗錢。呢個差不多係唯一一個賺到錢嘅方法。當然你可以有啲細細書店小本經營自己舖自己做埋員工咪得，但你只係唔計個市值租金（同埋你自己市值人工）。

10. 買書本身，實體店就冇乜「功能」的。N咁多人都係入去拎本書打張卡就走。比較有良心嘅，就好似HMV咁，入去睇完聽完—然後上網買。所以去書店買實體書呢個量，極之難谷。你有乜嘢必定要在個舖度完成？就係拎起本書打張卡。

11. 相比於網上買，實體店有乜優勝？呢個亦係你會唔會畀網上購物取代嘅關鍵。我去買化妝品，有人會同我傾計，我去腦場買嘢，可以問啲毒L意見。我去書店，你覺得有乜得著？好多大書店嘅員工，根本係對自己賣嘅嘢一無所知。幾時有尊重過自己賣嘅嘢？我去佐丹奴，姐姐仔會知道舖頭賣嘅嘢。但我去書店，係個個十問九唔知叫你自己睇電腦有就有冇就冇的。以前甚至幫你查都懶。咁我去嚟做乜？更加唔好講要你推介

12. 對，仲有一種玩法，賣個性，類似客製化，或者小店風情。即係樓下檔嘢味道麻麻，但個老細日日同你吹水，你覺得好親切。或者小型嘅唱片舖咁，呀店主可能好有品味，講得出李克勤唱《大會堂演奏廳》邊個版本好，知道《誰明浪子心》唔好聽合唱版。呢啲店亦係啲文青電影嘅主題。現實？都未必唔得，以前嘅二樓書店勉強做到。N年前呀舒琪（再講一次唔係剝衫或者KIKI麵嗰個）在灣仔間碟舖都係咁，啲戲佢自己貼埋評語添。

13. 問題係，呢啲先係最面對互聯網挑戰。呢個年代冇嘢多，網友多，屎眼多。而古語有云，“Opinions are like assholes, everyone has one but they think each other’s stink.”。你求其用一秒時間，每一套戲，每一本書，都有N咁多人評論。而呢個偏偏係一個唔信專家嘅年代。咩呀，舒琪好撚叻呀？你拍戲叻過路蘭呀？肥仔你好叻呀？CFA好叻呀？我啲網友明明唔係咁講。所以，你舒琪啲意見，值幾錢？（＊＊）

14. 所以，唔好迷信咩「金錶一條幾錢」「一日要賣幾多本書先夠交租」—奶粉賣好貴咩（冇買過，唔知）？就當奶粉好貴，咁賣漢堡包唔貴啦掛，賣星巴克屎水唔貴啦掛，人地夠「一日賣好多杯咖啡夠交租」。根本賣書嘅量就唔大。因為真係冇咁多人會買實體書，仲要扣埋網上買嘅。開書店嘅自己知，買書嘅，有幾多人？

15. 講完量，再講單價。呢個亦係最有趣嘅地方。再講一次，收入=量X單價。麥當勞星巴克就有量。但冇量？咪單價貴咯，食水深咯。珠寶店咪咁，呢，之前咩B&O都係咁。

16. 但大家都知，書係賣唔到貴嘅。留意完全同咩成本無關。長大啦，星巴克啲粉你估好貴？啲乜乜名牌衫，「成本」幾多？去非洲剝企鵝皮做？哦你計埋個設計師份糧？咁你不如本書計埋作者份糧丫

17. 個世界唔係咁運作，個客肯畀幾錢，你就可以收到幾錢。就係咁簡單。當然點樣令個客心甘情願畀好多錢，就係學問。但簡單答你，書，係賣唔到高價嘅。包裝一下，餐聽可以由幾百蚊賣到幾千蚊。但書唔得，正常人唔會幾千蚊買本書。

18. 原因？唔好話「反智」咁cynic．但至少，因為我地絶大多數人根本唔重視書本。承認吧，甚至好多愛書人，都係如此。書冇你想像中咁值錢，亦都冇得差異化。你好難因為裝修靚啲賣貴啲，因為你本書唔係在嗰度睇（所以咪要星巴克化）。

19. 證據？我是好現實的。你好鍾意書丫嘛。嚟啦喎，舊年用咗幾多錢買書？實體書！書店買！

20. 你當然可以屌我古老石山，而家點解一定要實體書？就算實體書我都可以上網買。係丫，我都係咁。但，我地而家講實體書店嘛。

21. 所以你自己可以計下，你用幾多錢去買實體書？唔好呃自己，寫低。

22. 之後你諗下，你過去咁多年，用咗幾多錢去旅行。食咗幾多咩米芝蓮。飲咗幾多杯乜乜奶茶。計下溝唔到嘅女用咗你幾錢。買六合彩用咗幾錢。然後你咪知，你有幾重視書。你咪知點解書加唔到價。

23. 事實係咁，因為，書唔係一種好有炫耀性嘅東西。或者話，你根本唔需要睇完本書，就可以得到佢大量嘅Utility —你想打個卡？入去拎起佢打卡走人。你想扮有睇過？網上大把書評有得你抄。所以，邊使買書？

24. 至於你話睇完晒書本入面得到嘅知識？Sorry，係唔值錢的。

25. 我知睇書係好快樂—但只係對某啲人（例如我）而言。唔係大眾嘅選擇（亦唔係三聯嘅選擇）。而即使你有呢啲咁另類似癖好（類似想玩制服咁）—咁你肯加幾多錢？係冇幾多的。至少我唔使買實體。

26. 所以返到尾，就係實體書店根本創唔到價值—但其他實體舖就可以。

27. 即使唔講實體書店，講書in general ，我都覺得係前景黯淡的。原因亦都係互聯網。但我唔係指亞馬遜搶生意咁簡單—我係指根本亞馬遜上買書嘅人都越嚟越少。

28. 原因係因為替代。因為互聯網。而家有乜嘢，你係要睇咗本書先知？其實近乎係冇嘅。你要知嘅知識，好易可以搵到，特別係好多人根本連內容農場同真知識都未識分。即使你真係知道，喂，呢本書好正喎—都有大量「圖書谷阿莫」，話畀你知，本書係講乜。太多免費嘅替代啦。

29. 有人話睇書多嘅人，講嘢寫嘢都唔同啲。我就當你去做KOL寫啲文都好啲。真係？我覺得唔係。你可以睇下乜嘢KOL多人睇，然後睇下同佢睇幾多書，有乜相關性。我好肯定你搵個靚仔靚女嚟，每日除衫拍片，反應一定好過佢睇晒成套柏楊版資治通鑑。

30. 未來其實好簡單，就係「睇書」呢樣嘢會被淘汰—但唔係完全，睇書會變咗某啲人嘅特定技能，你唔識冇大損失，你畀錢呢啲人，自己時間去做更有意義嘅嘢。等於兩百年前，個個識自己造衫，後來就出街買啦。疫情之情，其實都有人講話一百年後就冇乜人再識煮嘢，個個出街食。

31. 所以未來個趨勢應該係，睇書變成好似竹昇麵呀之類嘅技能。只有啲精通而又窮嘅人先會去做。其他人，咪幫襯呢啲人。返返去以前街頭講故咁：諸位，我地今日講《埃汾李的思考藝術》。上回講到，長洲賓客人數多（日本故事掛），今回開講，惠康聖誕大特賣—卻說辰衝執笠後……欲知後事如何？記得課金。

（＊）我其實一路都唔明呢個邏輯在邊，如果正規原教旨經濟人更加係R爆頭。OK業主無良想賺到盡—咁唔通你未拎米芝蓮佢就唔係無良？佢當時就唔係想賺到盡？

（＊＊）其實舒琪應該唔會睇到，但佢出名串，都澄清返。唔係佢評論冇價值，相反，係好有價值。問題係，而家啲人唔會識分呢啲價值。我地嘅教育，培養出一大班識字嘅文盲　—　最可愛係，佢地一樣認為我係文盲。乜撚嘢呀？有Facebook Page好叻呀？都唔知你寫乜。CFA好叻呀？發達未？星展好叻呀？陸東先係有料到。

————————————————————————————————
最新收費影片：第一次推介跑贏大市，同你回顧檢討下。仲有新推介。40分鐘，都係賣返$80

簡介及以前嘅片（未睇可訂）：https://bit.ly/3iYMD0F
報名嘅，課程編號CC006：https://bit.ly/3eXVX1K
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:　回顧第一段專欄片有幾勁！今段落多幾個Number賺死你！40分鐘，都係賣返$80

影片/課程編號：CC006
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC006]
2/利用信用卡網上付款
3/及後有登入資料可以立即收看
查詢：whatsapp 63832145