品味，是天賦的一種，與生俱來，做到裁縫唔代表能成為時裝設計師，做到廚師又唔代表能創作食譜；我的品味很大程度是遺傳自爸爸媽媽。

有人說上海是「中國巴黎」上海人愛美又講究，所有識買識玩識嘆都是上海，們例如上海修甲，上海理髮，上海按摩⋯⋯除了生病，我學見過爸爸的頭髮會亂，他總會把自己打扮得整齊光鮮，每晚總會執好第二天返工衫，就連襪都襯埋。80年代，我當時還未到十歲，有天跟他說想買個黑色手袋，某日如常下午在半島飲茶後把我帶到Prada買手袋，當時我唔知原來Prada是名牌，揀了個黑色nylon配金色chain小手袋，可以當腰包又可以做shoulder bag，好記得當時要港幣3000幾，結果返屋企佢俾媽咪剷到上天花板；是爸爸送我人生第一個手袋，令我對Prada有種情意結，手袋我一直珍而重之保存著，直至2012年搬屋時俾工人偷咗⋯⋯

媽媽年輕時做化妝小姐，十分漂亮高貴（現在也是），記得當時她打扮亮麗光鮮，當時女裝流行手袋和鞋必定是襯成一套的。所有關於打扮和護理知識都是觀察客人吸收來，從小她教我洗面後要搽cream和body lotion、沖完涼就連腳趾罅都要抹乾、毛巾用後要搓否則會發臭、睡前要洗腳、吹頭要用髮捲、出街褲回家後唔可以坐床⋯⋯小時候的我好老積，天生愛美，4歲釘耳環，二年級電髮，但因為我是家中最細，成日著家姐舊衫，所以總覺得唔夠別人靚，好記得受浸時我穿了一條家姐著過的白色裙，那年代興喱士裙，媽媽卻要我穿這條無睇頭的舊裙，現在才覺得她是正確的，這條裙外形簡潔不俗氣，是適合受浸時穿。

十幾歲移民美國成日睇《Seventeen 》和 《YM》 雜誌，在家中百無聊賴就狂照鏡；成日染髮，當時跟王菲，睇百分百感覺又跟Sammi在裙內搭著褲，總之咩裙都好，總會著條長褲係入面。還有超超超低腰褲，現在回想都覺得好笑！媽媽以前成日話我打扮核突唔夠高貴，現在繼續留意我衣著打扮，但就會讚我靚（人生成就）。

有了兒子，我沒有像爸爸一樣買品牌給他們，要有禮貌有教養，我十分重視餐桌禮儀， 咀嚼不能大聲，會教他們摵麵包方法；外型上兒子整潔永遠行先，看上去要乾淨企理。

*忽然醒起細個行連卡佛童裝catwalk，好記得當時係台上發夢R屁股，其他小朋友都落曬台，得返我一個係台上好驚😂

#EstherSham
#品味
#taste
#prada
#lanecrawford
#連卡佛
#育兒日常
#育兒生活
#育兒
#hkmama
#mamalife
#mothermood
#hkig
#hkmom
#hkmami
#hkmamablogger
#hkmommyblogger

第二回－房事

【2021年香港房事排名位於亞洲倒數第二，平均每月3.7次，一星期不足一次，僅比日本的三次多一點，離婚之夫妻房事數值均低於平均數，擁有一個健康和穩定的性生活是每對夫妻不可為缺的部份。

檢測到過去一年，劉俊文及李倩盈夫妻只進行過六次房事，達到滿足標準的次數為零，危機級別是最高等級，發放特別新手任務。

任務目標：達到一次雙方滿足級別的房事一次
任務獎勵：新手特別禮包
任務時限：一星期
失敗懲罰：婚姻系統將宣告二人失敗，建議離婚處理】

比起系統發放嘅任務，劉俊文更在意嘅係，原來過去一年嘅房事，竟然連一次滿足都無：「李倩盈你都幾好演技喎，唔係系統話我知，我都唔知原來你一直都係唔滿足嘅，即係有幾次你都係扮出黎啦！」

「劉生，我唔滿足你怪我啊？點解你唔檢討下自己？我唔滿足仲要扮滿足去令你有成功感，講我都覺得自己可憐兼偉大啊！你估我做戲唔攰啊？明明唔開心仲要扮到好享受，你次次都問我黎未啊黎未啊，爽唔爽啊，你勁唔勁啊，大佬啊，你依家係做訪問定扑野啊？我要答問題定要享受啊？唔通你問我黎未，問我爽唔爽，我答你有排啊！！唔爽啊！！！你唔勁啊！！！！咁啊？依家好啊，系統幫我講出心底話，我只可以同你講，劉俊文我真係對你無期望好耐喇！」李倩盈將心底說話完全講出，個人係咁震，係激動同舒暢嘅震，呢堆說話佢想講好耐，只係無機會同無勇氣去講出黎。

劉俊文都激動咁講：「你唔舒服唔享受，你講啊，你唔講我點知，你講我咪改，我可以慢慢黎可以跟你意思做嘛！我又未做過女人，點知點先為之舒服，點先為之滿足啊？男人好簡單，射左就係完成，女人無路捉喎，你演技又咁好，呃我之餘呃埋你自己，咁你對於呢件事嘅解決方法咩？」

「其實你知唔知你有咩問題呢？成日都要預約先至做，點解要講明聽晚要搞？有心情都比你搞到無心情啦？呢種事係自然發生，唔係要約嫁！」

「喂小姐，我返工好攰有時又要OT，我知道聽日得閒可以收早，我同你講定你又唔喜歡，然後有時我突然同你講話想要，你又話我變態，話聽日要返工，唔想，咁即係幾時？我係男人黎，我有性需要嫁，你知唔知有時我喺你訓左之後喺你身邊打飛機係幾唔開心，我有老婆都仲要打飛機，連朋友都唔敢講啊，我怕講出黎會比人笑啊！」

「你返工攰又唔比我攰嘅？女人唔係要發洩，係要情調要情趣，你突然間話想要就要，你當我係咩啊？飛機杯啊？」

「講真我真係用飛機杯都好過求你，起碼飛機杯唔會又呢又路，比人拒絕你估開心啊？其實你係唔係有性冷感呢？如果係嘅我都易理解少少。」

「我性冷感？不如話你自己毫無情趣又無耐性，點解你從來都唔檢討下自己，將所有問題都歸咎比其他人呢？」

【經系統評測，劉俊文先生性能力係正常，而李倩盈小姐亦無性冷感問題。】

「嗱，你就性冷感啊！」

「我夠性能力正常！」

【資料上顯示兩位宿主都曾經享受過滿足嘅房事，希望宿主可以搵出原因，達成任務】

「哈，要做唔係問題，但滿唔滿足唔係我可以控制，劉生如果你想完成任務就麻煩你比少少心機檢討下自己。」

「我檢討？好啊，不如按你方法去做，我跟足你要求去做，咁你滿意啦！但麻煩你講得清楚少少，唔好講到模稜兩可！」

「痴線，我可以點講啊？喂，你咁樣入，你加速20％，個拍子要點點點啊？對唔住，我真係講唔到你知點做。」

「用我方法你又唔滿意，但你又講唔出應該點做，我有理由懷疑你係有心為難我！即係你同你學生講做得唔啱，你都要講要點做去改正先啦，你平時係咁教你班學生咩？」

「要我一步一步教你點做，你覺得咁真係會令我覺得開心咩？女人需要嘅係你做左一種我哋需要嘅野，唔通你教住我點同你做，我跟住你做你就會好開心？」

「喂如果你肯，我真係好開心啊，但平時我叫你轉個姿勢你都唔肯，你覺得我開心咩？你頭先聽唔聽到，滿唔滿足係你同我都唔滿足啊！唔係叫射左就滿足，男人都唔係咁簡單就打發到啊！」

「算喇算喇，我唔想同你去爭執落去，唔會講得你明嘅，呢點我呢一年唔清楚咩？完成唔到咪完成唔到，依家你叫我同你上床，我真係會喊住咁做，肯定唔會滿足。」

「你覺得我想講咩？我想解決我哋之間嘅問題，但你明唔明我一路做都發現好似改變唔到咁，你覺得我唔難受咩？」

【系統偵測出爆發臨界點，請兩位宿主暫時分開冷靜，好好思考雙方感受。】

兩人暫時分開，因為佢哋都好清楚再嘈落去無結果，呢種情況發生得太多。

然後兩個分別係自己嘅兄弟，同閨蜜群組裡面求救。

「兄弟們，認真問，到底點做先可以令伴侶得到滿足嘅性愛呢？」

「嘩，咁簡單嘅問題你都問，三點，靚仔，有錢，大揪，就係咁簡單，但劉生你好似無樣中喎。」

「妖，認真啊，我真心求教，麻煩你哋比實際可行嘅方法我好唔好？」

「做乜啊？你俾老婆彈鐘話你唔掂啊？」

「印度神油同偉哥可能幫到你！」

「不如我講白少少，如果解決唔到呢件事，我會同老婆離婚，所以唔該你哋求下你哋唔好玩膠！」

「情況咁嚴峻，我收聲，其實我同老婆都好少行埋，Sor Bro，比唔到咩Advice你，同求解決方法。」

「其實你哋結婚三年，少行埋好合理喎，講真，日見夜見仲邊有咁好心情搞野呢？我都係大時大節應吓節就算……」

「你咁問得，即係你老婆唔滿意，咁佢唔滿意邊部份先？你太細？你太快？你太悶？你唔比多少少背景資料我哋好難幫你分析喎。」

「唔……呢一年我同佢行埋十隻手指數得晒，講真，我都覺得好唔滿足，每次都係同一地點，同一流程，同一時間……」

「呢個問題好明顯，對手悶喇，不如你幻想吓，如果同你做嘅係一個未做過嘅女人，所有問題都唔會係問題。」

「雖然肥仔講嘅係好刻薄，但佢帶出一個好好嘅方向，既然你都知時地人流程都係一樣，咁不如搞下新意思，例如出去Staycation換個地方，玩下角色扮演同玩具，又或者飲吓酒睇吓AV，情趣呢樣野幾時都係咁重要。」

「會唔會係前戲唔夠嘅問題？試吓用按摩油，用完再手口並用，之前我同老婆試過好Work……呃……就係太Work所以又有一件……諗起都有少少後悔，記得戴套啊兄弟！」

「前戲唔單止係接觸嘅，你做好晒家務，買個包包，播吓歌，點吓香薰蠟燭，有Mood自然就會有好心情。」

「兄弟們，其實你哋講嘅有好多我都試過，除左買包包……但買包包先會有滿足嘅性愛會唔會太傷荷包呢？照你哋咁講我一年最多咪扑得兩次……你哋都知我老婆唔太飲酒，佢最憎我睇AV，要佢同我一齊睇咪盞死多兩錢重，唔好話玩玩具，佢連角色扮演都話變態……上次我話扮學生，佢即時話我侮辱佢嘅工作，嬲左我足足兩個星期，唔好玩我啦……」

另一邊廂……

「姐妹們，到底點先可以令男人知道點滿足自己呢？」

「無可能，死左條心佢！」

「咪就係，男人只係識得大力同快，佢哋係唔識分痛到叫同爽到叫嫁！」

「之前你咪話你老公想離婚，今日去簽紙，做乜啊？依家又唔離喇？咁我都安心啲！」

「係喎係喎，你今日離婚，搞掂未？我應該恭喜你定安慰你好？」

「無簽到啊……個衰佬話想同我再試下改，咁我都唔想離婚……咪同佢再努力一吓囉。」

「你決定再努力都好，我哋成班姐妹都會支持你，但點解咁突然唔離婚又想探討點先滿足，係唔係你老公想要分手炮，喂，咁真係又食又拎，你唔好信啊！」

「唔係啊，一言難盡，總之當務之急係我需要知道點先可以有一場雙方都享受嘅性愛，如果搵唔出呢個方法，我就應該會離婚喇……」

「如果用你呢個定義去決定離唔離婚，咁我同我老公都應該離婚啦，個肥仔佢成日大爺咁訓係度，唔好話滿足，我仲要出力啊，諗起我就嬲！」

「班男人最大問題就係佢哋睇左十幾廿年AV，睇到覺得AV入面嘅係真，班女優每次拍都收錢，十萬十萬咁收，梗係落力同開心啦，試下我老公比錢我，我都叫到拆天啊！」

「咪就係，又要護士又要空姐又要學生，睇到壞腦，仲要跟足佢哋流程做，攰過湊仔，我敷吓面膜訓吓仲舒服，我已經無慾無求喇，反正湊仔都夠我攰，上次同佢做做吓個仔醒左，上半場都勉強叫開心，點知我氹完個仔訓之後，見到個死佬都訓埋，個次之後我就嬲到唔肯同佢再搞！」

「你湊仔都好，我同老爺奶奶一齊住，夜晚要偷偷摸摸咁搞，仲要忍住唔好嘈親人，我同老公講要搞就出去酒店搞，但奶奶又話我嘅有屋企唔返，晒錢出去租酒店，我就係唔想同佢同屋先出去住啊！！！！！！」

「認真最開心嘅真係初初相識熱戀個時做，對方做嘅一切都好令人期待，有時氣都未回就突然再戰，唉……真係往事只能回味啊……早排我試過突然錫我老公，佢好驚咁問我發乜神經，咩料啊！」

「姐妹們……我係想尋求解決方法啊，唔係鬥慘大會，Cheer up girls！唔通你嘅唔會覺得咁落去你下半生同下半身都好慘咩？」

再返返去男士們嘅對話……

「嗱，我問左全能嘅Google大神喇，夫妻重燃情趣方法有，Staycation、性玩具、性愛大富翁、轉換場地、改變情調、角色扮演、增加情趣細節，呢個係性治療師比嘅Tips，你參考吓啦！」

「我都睇左有關身體方面嘅方法，每日做深蹲、做運動、唔好打飛機、食含有鋅嘅食物好似生蠔、黑朱古力嘅苯乙胺都對性方面有幫助，至於偉哥呢樣野你就要問醫生喇！我仲搵到清水健嘅壯陽餐單，你參考吓啦！花椰菜、紅蘿蔔、菠菜、小番茄、山藥、秋葵、南瓜、地瓜、水煮蛋、雞里肌肉香腸。有時也會有菇類、芽菜、高麗菜等。他也會隨身攜帶高蛋白低脂肪的雞里肌肉棒、雞里肌肉香腸、高蛋白飲料、蛋白棒，肚子餓時就吃一點來補充能量。」

「事前準備都好重要，沖涼、剃鬚、噴少少香水或者爽身粉、剪指甲、用漱口水、換床單、播音樂、點蠟燭、最好時間係晚餐後兩三小時。」

「咩九淺一深、螞蟻上樹、神之手你都識啦，我就唔重提喇，大家咁耐兄弟，我傳授我最有用嘅一招比你，你好好記住，忍唔住就記得係心入面讀 看看威風的他 雙腿好似摩打 扭波踢波頂瓜瓜 有嘴巴的都讚他 身手最啿誇 小子志可嘉 陣法腳法日練夜練 真功夫冇花假 攻呀攻 快搶攻 射呀射 射它吧 扭得好 踢得鬼馬 可稱霸只有他！至於個Beat你都識啦！」

「嘩……真係唔夠兄弟都唔會教你呢招，劉生下次你見到佢有乜要我幫手嘅即管講，正義只會遲到，從不缺席！」

「我從來都未見過你哋班死仔咁認真，除左死肥仔之外，點都好，多謝你哋，我會盡量做，祝我性福啦！」

「講真，扑野要搞到咁複雜，我真係寧願打飛機算喇……」

「X2」

「我已經打緊了！」

「諗返起當年我講過，結左婚一齊住之後要日做野做，我真係覺得自己好傻好天真……」

再返返去女士們嘅對話……

「咁多年姐妹，呢套睡衣成二千銀我自己都唔捨得買，但為左你嘅下半生，今次我大出血都要喇！」

「我幫你Book左四季今個周末嘅海景套房，個浴缸好大，夠兩個人一齊浸，祝你成功啦，幫到你嘅唔多，加油啊盈！」

「呢排我手頭緊緊哋，但我都送支靚酒比你啦，你唔飲得，比佢飲多少少，唔係醉左訓左就弊傢伙喇！」

「姐妹們……突然要你哋破費真係唔好意思，小妹將來一定報答返你哋，Love you all，有你哋我就算點都唔怕喇！」

「倩盈，其實女人要嘅係愛，有愛就會開心同舒服，我哋幫你嘅只係輔助，如果你同一個唔愛嘅人做，你準備再多都無用，你明啦。」

「係啊，我老公有時突然間講句肉麻情話我已經會好想要，但偏偏呢種事係可遇不可求，祝福你！」

「講得無錯，唔好太刻意，隨其自然啦，越急越慌只會令自己緊張到享受唔到，Relax！」

「今晚等我幫你問吓我老公點先最開心，如果有參考價值嘅我再話你知！」

「唉講起我真係好耐無同老公行埋喇……唔知佢今晚會唔會對我有表示呢？」

「著返套戰衣先啦！」

「我依排肥左好多，都唔知著出黎有冇反效果……」

兩邊嘅討論開始進入閒聊狀態之時，劉俊文同李倩盈都分別收到系統嘅通知。

【叮，恭喜宿主，因為你為對方著想去做準備，獎勵積分100分，希望宿主知道無論方法係好係壞，只係你係為對方著想，希望兩個人有更好嘅未來，就已經值得獎勵！」

劉俊文望住唔知有乜用嘅分數心不在焉，佢忍唔住問：「系統，頭先我班兄弟講嘅野有冇用？係咪我跟住做就會令倩盈得到滿足啊？」

【除咗唱足球小將之外，其他方法都未嘗不可，會有效提升身體、心情、環境等因素，宿主請繼續努力。】

「喂，系統你答非所問喎，即係你覺得唔一定有用啦，咁我可唔可以問你我到底應該點做先會成功？」劉俊文並唔蠢，如果係有用，系統點會講呢種模稜兩可嘅答案。

【章博士設計嘅系統並唔會提供直接答案，需要宿主從了解同思考中得到真正屬於你同伴侶嘅答案，但你可以用一半積分換取一個提示錦囊，溫馨提示，積分清零同時等於任務失敗，請小心運用分數。】

劉俊文望一望唔知有乜用嘅200積分，剛剛突而奇來賺返100，依家用返100分去買提示，都只不過係打回原形姐，咁總好過唱足球小將嘅：「系統我決定換錦囊！」

【成功換取錦囊，劉俊文現時積分為100分，錦囊生成中……請稍等……是次提示為，需要】

空氣變得寧靜，劉俊文開始覺得唔對路：「喂，系統你……唔係已經講完喇嘛？需要？需要咩啊？你正奸商，仲姑寒過我課金抽蛋，喂，喂，應下我，你係唔係死左機啊？」

【成功掃描系統，一切正常，請宿主放心，章博士講一半唔講一半嘅作風，係唔同時空都係出晒名，希望宿主明白並非系統玩野，比起閣下兄弟提出嘅意見，本系統覺得更有價值，請宿主盡早參透。】

而李倩盈方面，佢都忍唔住問系統一個問題：「到底我享受唔到，係唔係我嘅問題呢？」

【宿主請勿自責，章博士提過，夫妻之間出現問題從來都唔係一個人責任。】

「唔係一個人責任……咁即係我都有責任啦。」女人嘅直覺好敏銳，抽出系統字句上嘅重點。

【對，就房事方面，兩位宿主均有責任。】

「咁我責任係咩？」李倩盈心急地問。

【章博士設計嘅系統並唔會提供直接答案，需要宿主從了解同思考中得到真正屬於你同伴侶嘅答案，但你可以用一半積分換取一個提示錦囊，溫馨提示，積分清零同時等於任務失敗，請小心運用分數。】

「依家我有600分，換一個錦囊係300分……好啦……換啦換啦……」李倩盈無奈地講。

【成功換取錦囊，李倩盈現時積分為300分，錦囊生成中……請稍等……是次提示為，被動。】

「吓？被動係我嘅問題？即係我要主動咁去同佢做先叫好？性格嘅野點改啊，我真係唔鍾意主動咁去奉承佢囉，咁我算乜啊……」李倩盈紅住面咁講，佢一向都係被動地做，亦係好多女人對性嘅方式。

【宿主請自行理解提示，兩性關係在於思考，並非提供做法照做，請宿主努力。】

「我終於知道平時劉俊文聽到我講似有還無提示嘅感受喇……有時唔想就係唔想，你叫我主動我真係會開心咩？到底阿章博士明唔明白女人啊？」李倩盈對於呢種提示下意識就係唔想接受。

【章博士生理上係百分之百男人，對於女人心理係從日積月累理解之中形成經驗，請宿主努力解讀提示，本系統從來都唔會對宿主不利。】

「好喇好喇……咁我可唔可以再買一個提示？我想知道點先可以過到呢關。」李倩盈計計自己分數，仲有300分，再買一次得返150分，都比劉俊文多，係無辦法之下，佢唔想單靠姐妹們嘅分析，因為以佢所知，佢哋嘅房事都唔係太愉快。

【成功換取錦囊，李倩盈現時積分為150分，錦囊生成中……請稍等……是次提示為，最後一次。】

「喂啊！系統你講白少少好唔好啊！咩最後一次，你係指我應該用最後一次同佢做嘅心態去做？定我同佢真係最後一次做啊？」李倩盈開始覺得系統嘅提示聽完仲令人煩惱，有少少後悔買錦囊。

【既然宿主無信心完成任務，即將面臨離婚，咁不如盡情去享受同一個曾經愛過嘅人最後一次嘅性愛，如果呢次係最後一次，你會想同佢點做，呢個問題你需要考慮清楚。】

兩個人終於各自返到屋企，劉俊文只係對李倩盈講左句：「返黎喇？」

然後相對無言，今次嘅任務，對於好多人講係一種秘而不宣嘅問題，減去好多身體上有問題嘅夫妻，好多有能力又有需要嘅係房事上得唔到抒發，最後演變出唔同嘅問題。

床上兩人各自思考，諗得再多，都只不過係自己嘅一廂情願。


【現時劉俊文及李倩盈夫婦的狀況如下：

婚姻等級：新婚夫妻
共同積分：250
劉俊文積分：100
李倩盈積分：150
階段：零
特別新手任務進行中：兩人於一星期內需進行一次雙方都滿足的性愛
成功獎勵：新手特別禮包
失敗懲罰：離婚
劉俊文錦囊提示：需要
李倩盈錦囊提示：被動，最後一次
第一階段任務：尚未發放
第一階段緊急任務：尚未到達開啟條件
積分任務：尚未開啟】

－－－－－－－－－－－－－－－－－－－－－－－－－－－－

下回預告：

有人話，新對手就係最好嘅對手，每個人都喜歡新鮮感，所有第一次都係令人期待，但一次生兩次熟三次大結局，對於一個同你走埋下半世嘅人，新鮮感真係最重要嗎？

有人話搞搞新意思，當你一次用一招，一百零八招用過晒之後，玩具同角色扮演都試過，仲有幾多野對你講係新鮮？

呢個世界有兩類人，第一類係食飯最緊要好食，另一類係食飯好唔好食在於你同邊個食。

人嘅性慾只會隨時間減低，以五十歲更年期為標準，用你呢個月做過嘅次數去做乘法，你人生仲餘下幾多次性愛？

而呢個數字之中，有幾多係你真正享受？有幾多係交差？

如果連愛都未搞清楚，性愛就只餘下性，何來圓滿？

－－－－－－－－－－－－－－－－－－－－－－－－－－－－－

作者的話：

性呢個問題，曾經只係困擾我地無對手同無地方，但可悲既係好多人有地方有對手之後，都仲有問題。

蔣薇已經步入第十個年頭，初初睇我既讀者好多都結婚生仔，或者我地既題材已經唔可以再維持係單戀苦戀暗戀情侶相處既階段。

猶豫好耐都係決定寫呢個敏感既問題，大家成年人，我亦唔當大家小朋友，希望大家可以係性呢個問題上思考，亦希望接下來既睇法會令你地有新體會。

第一回得到接近300like既成績，都算係令我有所鼓舞，希望大家唔好吝嗇Like and Share，當然係你覺得好睇先比啦

如果覺得唔好既，真係懇請大家留言表達

－－－－－－－－－－－－－－－－－－－－－－－－－－－－

第二回有獎問答活動：

題目：對你講，一場令雙方都滿足既性愛係有咩因素？（無正確答案，大家可自由發揮）

禮物：我無乜野多，書最多，可以任揀我五本作品其中一本（不包郵），如果呢個故事都出得成書的話，亦可以選擇期貨

四個答得最好既可以得獎，兩名得獎者由我選擇，另外兩個最多like既都可以得獎，為推動更多人討論，讀者之間回覆得最好既都可以特別得獎，設兩名

－－－－－－－－－－－－－－－－－－－－－－－－－－－－

支持作者可以：

訂購我過往的作品，連結如下
https://bit.ly/3fL9QUH

由於最近比較忙，需要周末先可以處理訂書，希望大家見諒

《 尋親、外賣、神秘門的大館：「遠在…咫尺」》

早陣子提過在玩一個old school forum《尋親啓事 ： 探訪由此路進》。

沒找到小學同學陳繼恆 （你這剎那在何方～～～），倒是有網友們分享不同款式的雞牌圖片到我信箱去 （係愛💕呀）。

在forum回應了數個不同的「尋親啟事」，最後和網友因集郵而成功配對展開私聊。

喂喂，我說的集郵，是真正的收集郵票啊。

尋親配對成功後，和「郵票君」上星期相約在大館見面 （要先私信版主monica，她會安排時間）。

工作人員安排我倆分別進入一個巨型神秘黑色木箱，外面是鏡。

告訴小丫等一下我會進入這箱和新朋友對話，她用哭腔勸我不要去，這款魔術箱🤹🏻‍♀️她有見過，工作人員會用劍從中間把人斬開一塊塊，你如何痛但臉上還要一直微笑，媽媽你不要去.......

Well....…..望了望個箱又真的好魔術表演feel。

內裡，原來也好魔術。有大螢幕、變聲器（！）聽筒。過程如何玩，也賣個小小的關子吧，大家自己去尋親配對再發掘一下秘密㊙️

完成神秘聊天後，工作人員會詢問是否想親自見面。老老實實有點怕說好但對方拒絕 （叫人情何以堪），雙方答應後會拿到一個「信物」去某地點相認。

件事好懷舊呀，拿著一支玫瑰花在五枝旗桿下相約筆友的經典劇情。但，我拿著的，是一個芒果 （笑）。

可愛的「郵票君」是個氣質女子，有做藝評工作。那天大館有多個藝術活動，見面後聊了點關於不同藝術活動的看法和對線上尋親活動的自身感受。親切的她更帶了個1999年熊貓首日封送我 （我呢？無。兩手空空去見人很過份）。

+++

再，分享一點關於《尋親啓事 ： 探訪由此路進》的玩後感想。老老實實個forum真心不user-friendly，就像從前網絡剛興起時，有人回覆，有人私信，你要返回網站去看。

當然，也反思到近五年的網絡生態已習慣所有事情都快快快快快。有什麼發生，廢話好、重要事情好，也要求半秒內有個紅點點提醒你快去看、快回應，心怕慢了兩秒回應就已錯失個什麼。但太多的LM / FOLLOW，有時我們也忘掉前幾分鐘究竟在讀著什麼。

不禁反問，我們，真的需要快到咁...........？

回想集郵年代，要等回信、等郵差、等郵票風乾收進簿內，大部分時間我們都在鍛鍊耐性和慢活。謝謝我的「網上親人郵票君」，因為她，再興起了要買特別郵票寄給外國朋友仔的念頭。

+++

除了尋親，大館當日還有幾個好玩的藝術活動。

📦本人首推：藝術外賣。這個一定要玩！！！

疫情期間，叫外賣叫到已成為某app的付費會員 （羞）。拿著手機按按按，下單，送到手上。

你有沒想過，如果外賣食物，變成外賣演出？🎭

整個大館在不同地點設有外賣QR CODE，你可隨時透過手機下單再於指定時間地點「等表演外賣」。

我們叫了一個玩Yoyo溜溜球的表演 （表演者是位叫 ＃hkyoyowing 的男孩，回家後看了他的旅遊網頁，很精彩）。偷看了別人的外賣有：粵劇、功夫、踢木板、跳舞等等等..........

下單一次後，食過翻尋味，準備再次下單時丫不讓我玩。

「你想睇咩表演？我可以外賣俾你，藝術表演我都識少少」

跳舞？「賣晒」
朗誦？「都賣晒」
唱歌？「無材料」

咁你呢間鋪有咩藝術外賣？「亂跑」（開始瘋狂跑）🏃🏻‍♀️🏃🏻‍♀️🏃🏻‍♀️

無。語。問。蒼。天。

「欣賞完表演要拍手啊！」

---

說到表演「亂跑」，在大館檢閱廣場有個名為《在水一方》💦的互動科藝裝置展覽。白天看起來像雲又像河，近看有點閃閃發光。

丫在這幾個圈倉鼠跑了N次。

那天還見到同校的小朋友拍畢業相 （笑）。站在上面拍照很漂亮的。

+++

另一個有趣的藝術﹐叫《芝麻開門》。

兒時夢想的粉紅色大門。
你睇，叮噹嚟啦。

那天我們抵達時未開始，我問丫如果打開這門，你想去哪。她說想去戶外浸溫泉的地方 （三十幾度喎）。我說我想去恐龍時代，親眼看看真實的恐龍。

她答：食咗你呀 （...........)

這個意想不到地很受小朋友歡迎。見到小朋友排完又排，先消毒雙手，說「芝麻開門」再打開巨門。

跟藝術家「面對面」的隔著門欣賞表演。每個表演約三分鐘，同一個門次次打開都不一樣。我去了玩尋親時丫在這裡玩了很久，她說也只看過一次重複而已。

+++

最後一個，適合一家人合作一起玩的親子定向追蹤🔍🔍叫《猜X尋》。

登記後拿到張小小的彩色解謎卡，scan QR CODE後依據手機whatsapp指示到大館不同的地方找線索，再填上謎語。

I Confess，這個我未玩完就離開了🤦🏻‍♀️

找了幾個，丫說好肚餓不如先吃飯。我說要找多幾個才可回去換領小禮物呀，你不想要小禮物嗎？

她突然從口袋中掏出一份禮物。

「我有，剛才工作人員說我好乖給我的 （嚇。也讚一下，大館這次藝術節活動工作人員真的好好，無論是對小朋友或在消毒清潔防疫方面）」

在餐廳吃飯，她一直奸笑說「哎呀工作人員可能在想，怎麼小丫還未回來？她是不是找不到線索？哈哈，但其實我們在這裡吃蛋糕呀哈哈（衰）」

+++

因著疫情，這一年很多藝術活動也取消了，大家也活在「遠在…咫尺」似的生活。洗手、隔離、組織一次聚會也毫不容易，過著這麼遠又這麼近的生活。

疫情近日在香港算是穩定了一點點 （手指打交叉），大館的藝術節活動還有📌今個星期六日19－20／6📌最後兩天，快帶小朋友去玩玩啊。

想玩埋尋親的朋友把握機會網上配對成功可進入神秘魔術箱啊（沒人把你切開）。

📍香港藝術節@大館：
https://bit.ly/2TErkJx

📍 HKAF at Tai Kwun
https://www.facebook.com/hkaf.at.taikwun

+++

「香港藝術節@大館」為第49屆香港藝術節節目之一
「香港藝術節@大館」承蒙香港賽馬會慈善信託基金獨家贊助

#香港藝術節在大館 #遠在咫尺 #HKartsFestivalatTaiKwun #Separatetogether #hkaf #49hkaf #香港藝術節 #HKArtsFestival #49香港藝術節 #線上角色 #線下相遇 #角色放題 #藝術外賣 #芝麻開門 #在水一方 #猜X尋