我知大家嘅目光一定會被呢條強而有力嘅臂彎吸引住，不過，聽埋我講先🤣 首先，條手臂唔係我嘅(我嗰對再粗啲同線條勁啲🤪)，另外都提過啦，早排屋企搞咗次小型裝修，主要係整張床同衣櫃畀工人姐姐(仲有我個玩具櫃)；整完，當然要徹徹底底清潔一次，始終屋企有 #小怪獸s 喺度吖嘛。除咗搵人幫手抺屋，今次仲搵咗 @gogreenprohk 幫手洗冷氣。 講開又講，搬咗入嚟啱啱好三年，屋企嗰四部冷氣機全部未搵人洗過；以為平時自己沖下個隔塵網就ok，冇諗過裏面可以污糟成咁(睇下幅圖吖......)。師傅話，熄冷氣之後會有好多水氣留喺機入面，積耐咗，就會變霉，咁吹出嚟嘅風都會帶菌。所以佢哋建議每年夏天完結、喺有段時間唔會開冷氣之後，同埋夏天開始準備經常用冷氣之前，都要徹底清潔一次。真心，呢啲工夫自己真係做唔嚟，係要搵人幫手至得；#goGreenPro 嘅團隊用專業儀器，以170°高溫蒸氣消毒，全面殺滅細菌病毒，而且強調全天然同唔駛用化學劑，屋企有小朋友嘅都絕對可以放心，睇下洗前洗後個分別，幾大！洗完，除咗乾淨，另一個好處就係部冷氣涼咗好多。平時可能要開23度嘅，而家25度就已經夠，順手慳埋電添。 除咗洗冷氣之外，佢哋仲有好多其他唔同嘅清潔服務，我今次就試埋洗浴室寶同梳化。同冷氣個原理一樣，浴室寶用耐咗個換氣功能就會下降，原因又係裏面太污糟。師傅話洗浴室寶仲複雜過冷氣，因為個轉扇凹凹凸凸，窿罅位多，但係佢哋都非常有心機咁幫我洗到淨一淨；梳化用完高溫蒸氣消毒之後，又係乾乾淨淨(望下最尾張相，我冇諗過可以蒸到咁多污糟嘢出嚟🤦🏻‍♂️)。佢哋嘅服務真係好，價錢又合理，真心推介畀大家試下呀。