雖然這篇活頁相簿鄉民發文沒有被收入到精華區：在活頁相簿這個話題中，我們另外找到其它相關的精選爆讚文章
在 活頁相簿產品中有1篇Facebook貼文，粉絲數超過9,829的網紅逆嘶亭，也在其Facebook貼文中提到， 不枉 喪葬俗務告一段落，生活重歸平淡，因事發突然而無法調整嘅神經劇痛本已逐漸消退，但嗰啲人生中本應難得一遇嘅狀況，三不五時，都係會無預警襲擊大腦，擾亂舊人舊事嘅沉澱過程。世事無常之語，宣之於口從來可以輕描淡寫，但當親歷其境，接受然後認領，我始終無法保持異鄉人應有嘅冷漠，而係崩裂如山裂石破，然後...
同時也有1部Youtube影片，追蹤數超過1,810的網紅一起來玩吧!Play Together，也在其Youtube影片中提到，親子手作| 孩子自製專屬相簿 ----------------------------------- ★☆喜歡我們的影片，歡迎訂閱或是按個讚喔! ★☆FB粉絲專頁:一起來玩吧!Play Together --------------------------------- 一個月挑選2-3張孩子...
活頁相簿 在 台灣人的口袋博物館 Instagram 的最讚貼文
2021-09-10 22:33:38
#pocket的父親節特輯 對上一代的臺灣人來說，柯旗化就像是英語教科書的代名詞，因為幾乎所有學生都曾讀過他寫的《新英文法》。 不過，對臺灣來說，柯旗化同時也是一名白色恐怖受難者。他曾兩度入獄，一次是1951年，一次是1961年。 第二次入獄時的柯旗化，已有家室，並且有年幼二兒一女，但在獄中，...
活頁相簿 在 113學測｜都要考試了還在那邊笑 Instagram 的精選貼文
2021-07-11 09:53:26
［🍊-日常］ · 救命我要哭了我的黃油終於好了 我真的是照三餐登 調好存好都不會出現在相簿 剛剛就成功了！光速來發文 （原本想說如果這次沒有好 就要去開舊手機的） · 這只是一小小部分而已ㄌㄚˋ 還有很多網購的 跟平常亂買 （欸沒有我不是敗家仔真的不是） · · 1⃣️/嘉義墊腳石 因為台南沒有墊腳...
活頁相簿 在 SAKI Instagram 的最讚貼文
2021-08-02 18:47:13
考完就是要整理房間🧹 前幾天去墊腳石補買了Campus活頁紙 （就是等不了用完才買🤣還順便逛了無印良品❤️ 找到追星用的相簿！透明的那種～～太喜歡了 有些相簿相片放進去背面就看不到 （會有霧面的隔頁） 但無印的超棒！整個透明🤩 讓我這個佛系迷妹可以把在ibon 印的照片 好好收納🙈 等認真整理完房間...
-
活頁相簿 在 一起來玩吧!Play Together Youtube 的最佳貼文
2019-10-17 16:04:18親子手作| 孩子自製專屬相簿
-----------------------------------
★☆喜歡我們的影片，歡迎訂閱或是按個讚喔!
★☆FB粉絲專頁:一起來玩吧!Play Together
---------------------------------
一個月挑選2-3張孩子精選照。找本活頁的相簿，和孩子一起用紙膠帶貼和畫插圖。也可以請他說出想要註解的話幫他寫下哦！
每年一起做一次並回顧之前的照片，會是美好的回憶哦！
#親子手作 #DIY相簿 #玩創意![post-title]()
活頁相簿 在 逆嘶亭 Facebook 的最佳解答
不枉
喪葬俗務告一段落，生活重歸平淡，因事發突然而無法調整嘅神經劇痛本已逐漸消退，但嗰啲人生中本應難得一遇嘅狀況，三不五時，都係會無預警襲擊大腦，擾亂舊人舊事嘅沉澱過程。世事無常之語，宣之於口從來可以輕描淡寫，但當親歷其境，接受然後認領，我始終無法保持異鄉人應有嘅冷漠，而係崩裂如山裂石破，然後粉碎成灰。
預想中嘅天人相隔，本應係以年計算，但二月三號嘅夜晚，將我殺得措手不及。當晚黃昏，我專誠載家母出旺角花墟，原本計劃係同因店務繁忙而久未露面嘅細妹一齊食飯，但沿路家母顯得精神恍惚，萎靡不振，更嘔吐大作。當時我地都以為佢係感冒，完全預料唔到嘔吐係可能同腦壓上升有關嘅噴發式嘔吐，直至佢舉步無力，跌跌撞撞，連由座駕行去食肆嘅十米路都延續唔到，我地至意識到佢病得有幾嚴重。我同細妹二人決定送佢返元朗診所睇醫生，於是倉促告別，而呢十五分鐘，雖然家母意識模糊，已經係佢同幼女嘅最後一段相處時間。
因為一心以為家母極其量只係重感冒，我選擇護送佢返屋企，睇佢自己意向如何再作打算，出乎意料，佢盡最後努力步入廳堂中央，軟攤落張梳化之後，就開始不省人事，聽唔到人講嘢。我同家父束手無策，認為若然以感冒視之，未免過於樂觀，於是打九九九，等救護人員到場處理。冇幾耐，白車到達村屋門外，家母聽從救護人員指令自行落樓，但出門口前，一直來回廚房，試圖處理家事，明顯意識已經極之混亂。生離死別在即，而我陪佢坐上我人生第二次坐嘅白車之際，我並冇把握僅有時間同佢傾偈，只係叫佢唔好東張西望，好好攤定，對於眼前人將要早逝毫無預感。
大約十點十一點，我地抵達醫院，其時急症室內人丁單薄，護士少，病症少，我一貫安靜，家母喃喃自語，家父則無言可對。家母經醫生初步檢查之後，要驗尿以及掃描腦部，我無所事事，等待時間異常漫長，但都只係㩒電話，耽天望地，未有爭取時間親近病塌，回應一直嗌頭痛但又無法連繫外界嘅佢。後來回想，當時佢嘅神經功能已經嚴重受阻，語無倫次，張目無力，只差未有癲癇發作。
當晚我急忙幫佢整理入院物品，然後獨自歸家休息準備第日接力，但佢嘅病情去到第二日已經急轉而下。主診醫生召集我一家三口，條陳病情，而我地一開始討論畀唔畀家母安詳離去，就泣不成聲，不能自已。若然世界真有神明，我相信神明必定係借助死亡之無預警以及難以招架，以最兇猛嘅方式制服我嘅不羈放縱，催迫我及早上路，自我療救。殘酷練就寬容，就喺未準備接受嘅剎那，我意識到失去一切之乾脆，亦意識到nothing can be worse已經置入我嘅系統。
二月四日，農曆年三十晚，床前房外親友同事聚首，目視家母心臟停頓，腦幹死亡。我企喺佢左邊，感受佢臉色由紅潤褪為白晰，直至旁人提醒屍氣無益，要我後退。一個月過去，我依然記得當時自己點樣同佢講我以後會努力向上，與人為善，保持元氣，以及會照顧包容我一直極為抗拒嘅嘅世人他者。我一面淚如泉湧，提醒自己面對情緒，好好記住無力挽回嘅感覺，一面為家母將要成為我人生嘅助力而靈力大作，有種向前通往無邊搜索，向上則直插天際闖蕩嘅暢達開闊。我用力記錄無力，積極調解消極，絕處可以逢生，大概正係如此意思。
往後三兩日，我足不出戶，食不知味，終日以淚洗臉，不論係闔眼養神定抬目張望，都完全走唔出傷痛。認知到向內自憐有害，我放任回憶，肆意分享，將我自識性以黎同家母之間發生過每一件事，加以整理，然後賦予意義。假若世俗常見嘅相簿紀念冊之物真有療效，我憑空編輯舊事嘅過程，必然比活頁釘裝更有血有汗。從亡者毫無保留嘅關顧之中，我深刻體會到自己成長中嘅自我設限以及自我厭惡，會令到佢幾咁痛苦，而以佢之名，要學識接受自我嘅念頭亦應運而生——否定自己，唔愛自己，即係等同否定亡者堅持多年嘅付出同厚望，因此只有變得強大，強大得足以無所不包，至有資格講出願君安息瞑目之語，無悔無愧。
一輪儀式過去，泣笑之中，我見到儀式點樣將所有人一度粉碎嘅心靈重建，而我非但未有痛不欲生之意志消沉，反而係更睇得清生之羅網，世之規律，以及自己與世界嘅千絲萬縷。紙製金銀珠寶侍從大屋裊裊飄散，我企喺化寶爐前，聽住身邊嘅人提醒亡者收嘢，十幾廿人摺咗成個下晝嘅心意化成輕煙，我心裡面只有默念：假如世界真有天堂地府，你一定要享受，亦要貫徹多年以黎對我嘅信任，繼續信任我會以最好嘅姿態戰勝一切，珍惜生命，為成為更好嘅自己而努力不懈。熱力迫人，燻到我雙眼又再一陣溫熱，但呢種溫熱，已經變得節制有度，收放自如。
物質生命嘅消亡，其實對於現世未必係壞事，因為冇死亡，人亦難以察覺生命之奧義。多得亡者賦予我生命，為我生命加以裝嵌，再容許我喺佢有兒有女嘅後半世再次為佢啟蒙，呢種以愛為前提而發展出嘅能量互通，將會以強大嘅靈力，喺我身上留低輻射穿透式斑痕，鑄成永遠。由此，我嘅存在，成為佢生命嘅延伸，而佢嘅生命，亦得我嘅存在，超越現世，超越時間，超越物質。佢嘅生命雖然短促，但佢比無數高壽之人都更能詮釋生命真義，相比起英年早逝，佢更值得嘅一句，係不枉此生。
我記得認領遺體嗰一分鐘，停屍間內只有我同執事人員，我鼓起勇氣集中精力凝望家母，佢當時瘦得不似人形，口鼻以無以名狀嘅異物搪塞，已經遠非我心目中嘅佢。空氣中無色無味，我心無旁騖，既係一片空白，又彷佛置身於烈陽之下，白中有光，有熱有火。我從未如此接近屍體，但越接近屍體，我就越感應到何謂雖死猶生，於是堅定，於是接受，於是更覺自己受到使命感全權支配，必須奮力救世，代理世人同真理不停擦身而過。尋找真理以及對抗宿命係我人生中嘅最大命題，而過去我一直都無法排解，於是感覺自陷永劫，無法自拔。如今經此一役，我已經唔再退縮，而探見到輕裝上陣即可破除宿命嘅進路，我只想向前，無意回頭。人太畏懼連界失效，就會高傲，太嫌惡低等生物，就會鄙夷，因此只有真正無懼，至可以成就自己，然後成就他人；而只有傾盡全力自愛，再扶掖他人自愛，個體至會令群體都可以所有作為，以及死而無憾——但願我可以創造有價值嘅死亡，成為有貢獻嘅個體，如同家母一樣，學識以最適當嘅方式善待世界，成為身邊世人未來日子嘅頑強後盾。
http://gnimmm.com/2019/03/04/in_memory/