【街道故事︱#香港街道名稱】 香港街道眾多，大大小小嘅街道加埋，總共有四千幾條，街道的名稱五花八門，由於香港曾經係英國殖民地，所以唔少街道名都保番咗英國色彩，加上香港過去大大小小嘅發展，亦令香港存有唔少特色嘅街名，今日同搵啲特別嘅例子同大家睇下： 人物篇： 以英國皇室貴族成員命名：域多利皇后街、干諾道、京士柏道、告士打道 以香港總督命名：砵典乍街(1st)、摩星嶺道(2nd)、般咸道(3rd)、寶靈街(4th)、羅便臣道(5th)、麥當勞道(6th)、堅尼地道(7th)、軒尼詩道(8th)、寶雲道(9th)、德輔道中(10th) 以香港殖民地官員命名：安達臣道、柯士甸道、堅道、遮打道、活道 以英軍軍官命名：卑路乍街、白加道、金馬倫道 以英國官員命名：鴨巴甸街、登打士街、加連威老道、金巴利道 以知名人士或機構命名：春秧街、畢街、義德道、何東道、希慎道、啟超道、壽山村道 地方篇： 以中國地方名或城市命名：洛陽街、廈門街、廣東道、漢口道、上海街 以英國地方名或城市命名：鴉蘭街、歌和老街、劍橋道、倫敦里 以世界其他地方名或城市命名：渣華道、河內道、窩打老道、馬來街、棉登徑 行業及建築篇： 以鄰近建築物命名：大學道、醫院道、城皇街、差館上街、銀行街、會所街、馬己仙峽道 以行業命名：金融街、船街、洗衣街、炮仗街、教育路、染布房街 植物篇： 以植物命名的街道：紅棉路、櫻桃街、白楊街、海棠路 其實香港好多街名背後都有自己嘅故事，想知自己住嘅街道故事，不妨講低，睇下小編幫唔幫到大家搵出黎呀！（嗱，盡力架咋！） ------------------ ◆ 每日分享知識、每月提供課程 ◆ Beginneros網站：https://www.beginneros.com/ ◆ Youtube：https://goo.gl/OEJrGt ◆ 冷知識投稿：http://goo.gl/zEYS3q