見大家咁心急想知我同閨蜜去左食咩💓 一個二個喺story pm我🙈 破例挑戰一日打好食評🤤 大家都知我以前讀過European Cuisine 亦做過酒店廚師👩🏻‍🍳 好明顯我係愛好西餐嘅人～ 但食得多西餐，有時都會悶🤔 想食番亞洲菜，感受番同我地最貼近嘅文化精髓💋 . 所以呢日就同閨蜜去左 #Yahoo熱搜餐廳大賞 嘅✨ #樂天經典 ✨ 試下唔同嘅 #經典南洋風味 🤤 唔好以為我睇落身型瘦削就食唔到多野 😂只要唔食澱粉質🍚我食得多過男仔🙈 望唔望到我地兩個人叫到成枱都係？ 我係做包底果個🙌🏻🤤樣樣清曬冇浪費架 一齊黎睇下我地叫左啲咩啦💋 . 👸🏻瑪姬兒與閨蜜的二人大食菜單😂 🔺小食及菜餚🔺 1️⃣金牌脆皮燒雞🐔半隻（$178） 閨蜜同我一樣，十級鍾意食雞❤️所以叫左呢度招牌嘅脆皮燒雞🤤佢嘅外皮香脆金黄，雞肉好Juicy，絕對唔係整定/翻熱做到嘅效果‼️平時我好少會連皮食，但今次我都要破例食埋😋佢地選用嘅雞脂肪含量同雞肉嘅比例勻稱，皮下脂肪唔多，令到塊皮食落唔會太油膩👍🏻伴碟仲有彩色蝦片，最後先食都仲好脆（sharp sharp聲），而且炸嘅火喉恰到好處，唔會太油淋淋💓 2️⃣金絲麥片蝦球🍤細（$155） 呢個真係見到張相都好想試，就算我食蝦會敏感，塊面會出紅粒粒同痕，都決定博一博（要食唔要靚的概念😂，觀眾切勿模仿‼️）其實都淨係敢食一舊，唔敢食多，所以呢一舊我真係慢慢咀嚼，嗒得好認真😂第一啖食佢個質感：蝦球好彈牙爽口，唔會霉同冇口感；第二啖試真個味：有啲類近黃金蝦嘅味，有鹹蛋黃嘅油香味，但最唔同嘅係佢多左一份甜味，整體加埋一齊就好似食緊流沙奶皇包味嘅蝦咁😍一試愛上；第三啖我已經食曬😭冇得再食，唯有係咁食果啲金絲麥片🤤脆卜卜好好食，從來冇諗過麥片都可以有好食嘅整法💓只能夠講廚師好用心👍🏻 . 3️⃣脆醬美人魚🐟（$58） 呢度開胃小菜好有泰國嘅風味😋用左泰式嘅甜酸雞醬黎整，其實要單純炸脆呢啲魚係唔難，但保持脆嘅口感之餘仲要令啲泰式醬完美覆蓋到每一條魚，真係難度好高（我自問做唔到，因為經驗不足🙈）最驚喜嘅係，我同閨蜜唔係逐樣食曬先食另一樣，係卡啦咁樣食，呢碟去到最後都仲未食完（由送到黎開始，經歷俾我影相到食曬其他再食，大概參唔多45分鐘至一個鐘），再食果陣佢都仲係脆😳✨ . 4️⃣冰鎮苦瓜拌桂花蜂蜜🍯（$48） 呢度菜其實我好掙扎叫唔叫😂因爲我地兩個都唔鍾意食苦瓜，但見佢又冰鎮又桂花咁， 好似好特別，所以最後都係決定一試☝🏻第一次覺得苦瓜唔苦😯唔知係咩原理呢？苦瓜刨到薄薄一片，有冰鎮住，有一小兜桂花蜂蜜醬on side👍🏻第一片先試就咁食，食落幾清爽，似食緊青瓜，臨尾食完有少少回甘，唔會一入口就好苦果種，第二片試下加左桂花峰蜜🍯個味道搭配好得意😳甜同清爽好似互補咁樣，幾夾，留黎食到尾聲果陣清一清個口好正👍🏻清新解膩 5️⃣蒜蓉炒西蘭花🥦細（$68） 😂本身仲諗住驚細碟唔夠食，好彩閨蜜制止左我，佢嘅細碟應該都有一隻～一隻半嘅西蘭花份量，火喉控制得好，個質感係我鍾意嘅💋微微爽脆得黎又唔會太油 6️⃣泰式炭燒豬頸肉🐷（$88） 呢道就出面成日食架喇😋所以黎到都唔例外，豬頸肉醃得好入味，就算我喺面頭倒左啲重口味嘅泰雞醬，食嘅時候仔細咀嚼都仲食到微微香茅味🤤 ———————————————— 🔸甜品及飲品🔸 7️⃣楊枝甘露🥭（$38） 食左咁多野，特登揀番啲清新啲嘅甜品食下，去下種飽滯感😂呢個楊枝甘露嘅芒果唔會太熟過甜，係帶微酸多甜嘅味道，配上啖啖柚子肉👍🏻個質感係偏稠，唔會「水nel nel」沖淡曬啲味✨ 8️⃣招牌酸柑🍊香茅凍（$36）‼️‼️‼️ 呢個係我嘅必食推介！之前去泰國做spa，美容院俾左杯香茅水我飲，已經覺得好好飲，好fresh✨今次見到用佢黎做果凍，即刻要試試佢👍🏻個質感好得意，比啫喱硬身但又未到大菜糕咁實，旁邊仲有啲Chia seed，食落感覺好清新，好解膩🍃 9️⃣龍眼花茶（勿忘我+玫瑰花🌹+菊花）（$28） 我地用呢壺花茶做呢一餐嘅終結💓畫上一個完美句點，玫瑰花🌹可以幫助平緩腸胃神經，而勿忘我同菊花可以清火明目，食左咁多脆脆食物都好驚熱氣🙈飲番幾啖花茶清下火都好😋配合龍眼肉（又稱桂圓）嘅微甜，有安神作用，飲完有一種「天氣先生」見到陽光☀️嘅舒暢（呀～） . 😍🤤聽完我嘅分享（好有心打架） 係咪流曬口水呢？講多個優惠俾大家知，午市及宵夜時段（12-3pm & 9:30pm-01:00am)，單點餐牌有68折添呀‼️ . ✨樂天經典✨ 📍尖沙咀加拿芬道20號加拿芬廣場2樓 . . . @paradisegrouphk #foodie #hkfoodie #hkfoodieblogger #hkfood #foodblogger #discoverhk #discoverhongkong #foodporn #foodphotography #lifestyle #lifestyleblogger #龍虎燴 #古早魚香老鼠粉 #老鼠粉 #胡椒蟹 #新加坡 #南洋菜 #辣椒蟹 #自家製豆腐