攝於2007年3月18 日，當時我喺港台Teen Power 做web J, 因為發現同泳兒好似樣，所以就喺Teen Power三周年活動上，一齊變魔術，唱感應！ 不過睇返嗰日個樣，眼腫面腫...好似唔係好似樣😅！ P.S. 搵返個舊hard disc, 想我繼續throwback 嗎？ #tbt #泳兒 #teenpower #rthk2

2020 年 12 首我心水的本地作品 (點解12首, 因為一個鐘節目播到12首, 哈, 死未) 呢12首, 排位跟今晚節目個 flow 排, pure music flow, enjoy! 1. 許廷鏗 "Negative" 曲：Eagle Chan / Step Lau 詞：T-Rexx / 于逸堯@人山人海 編：@kiri_thy 監：Kiri -T / 于逸堯@人山人海 比 "無力感" 更多掙扎的 delivery，Kiri T 呢位編曲監製真係要用多啲，indie artist 可以 expand the scope and soundscape of pop music。 2. Kendy "如斯" 作詞：Kendy Suen 作曲：Kendy Suen 編曲：SOHO，Kendy Suen 監製：Kendy Suen / Tomy Ho 何家銘 Solo後幾首歌都有清晰 concept 連貫，呢首 1st plug 回應到時代，亦話俾你聽 Kendy Suen 作為個體嘅音樂同視角，以前見到 Robynn & Kendy 嘅溫柔，但今年見到 Kendy 果種大 label 未必容納到嘅稜角。 3. R.O.O.T. "人間有愛" 作曲 編曲：R.O.O.T 作詞：Jan Curious @jancurious 監製：蘇道哲 @sotoc 睇過佢哋嘅 performance 之後，就係等佢哋派歌。呢首可以話係一首用廣東話唱嘅英文歌，有喜感嘅廣東歌。同埋，band 有好多種，音樂亦唔再用一個特定 genre 可以定義到。 4. 黎曉陽 "阿茲與海默" 曲：黎曉陽 詞：王樂儀 編：黎曉陽 / 謝國維 / Kenneth Angus@Nowhere Boys 監：謝國維 @tsewai 多啲搵王樂儀填詞吖，唔該。呢首講忘記嘅歌，喺呢個事事皆不能忘記嘅年代，有種動聽嘅矛盾。michael嘅唱法同埋編曲，雲淡風輕，但願有日我們能放心忘記，騰出空位俾令你會心微笑嘅回憶。 5. Dear Jane "銀河修理員" 曲：Howie @ Dear Jane @dearjanehowie 詞：黃偉文 編：Dear Jane / 黃兆銘 監：Howie@Dear Jane / Tim@Dear Jane 祝你在亂流下平安。 6. RubberBand "First Date" 曲：RubberBand 詞：Tim Lui @timlui001 編：RubberBand & 雷柏熹 監：RubberBand & 雷柏熹 我一直都好鍾意 RubberBand 嘅溫柔。加埋謝雅兒和聲。MV亦高質。為今年帶來一點甜，一點外地風景。"When we meet again, we won't be the same." 今年每分每秒都有突如其來嘅殺著，how can we be the same？Let's seize the moment. 7. 泳兒 "溝渠暢泳" 作曲：馮穎琪 作詞：周耀輝 編曲：Josh Yeung / CMgroovy 監製：CMgroovy / 馮穎琪 @vickyneverhome 情歌，唔一定係港式苦情歌。歌頌愛情可貴嘅情歌，亦唔一定輕快跳脫，呢首就係拉闊你對情歌嘅想像。由 intro 好似僧人手持嘅鈴聲開始，泳兒唱果句「願未能未能高飛的我們 暢聚 暢遊 暢泳」好似帶你進入一個扭曲空間，成個編曲好似有個人跳落你墮進嘅地獄之中，地獄苦海中暢泳。唔一定拯救到你，但一定唔會遺下你。真係，編曲真係好好J。 8. iii "若有若無" 作曲：iii 作詞：陳尖 Chan Siu Daai 編曲 監製：iii Theatrical。iii 有contemporary music背景，今次佢繼續將 art 同 pop 拉近關係。MV，要睇，creepy，但點都 creepy 唔過呢個社會。 9. Serrini "網絡安全隱患" 作詞： Serrini 作曲：Serrini, Yeung Tung 編曲： Yeung Tung 監製： Serrini, Yeung Tung 最後果句無咗 「安全」兩個字，原因？難道你真的感覺很安全？ 將自身經歷用近乎喜劇形式重演，呢首歌係一首 retro dance pop 嘅 self-help 作品。Joke about your own misery, and dance with it. By the way, 楊彤今年會同 Marstn 以組合型式出歌，期待。 10. per se "粉碎糖果屋" (feat. Serrini) 作曲：per se 作詞：梁嘉茵 編曲： per se 監製： 謝國維 / Stephen Mok @ per se @stephenthemok 又係，編曲聽到一個歷程，緩急有致，musical一樣。近年成日聽到青春同熱血，好多時都有種打氣歌嘅氣場，口號式萬人大合格局，但呢首用有一種主觀視角，俾你見到果種出走嘅氣來氣喘，用童話改編，清爽。 (Continue in comment section)

#Repost @c_plus_music with @make_repost ・・・ 演唱會後感 – 《埋班作樂》作品展──培育計劃成果總結音樂會 和你埋班，我很快樂。 還未解決2019年的事，2020年就來一個疫情。當然，對於本地創意工業是艱難的。但總不能夠因為疫情而不做任何事，反而要做更多，才能夠記錄時代，傳承創作精神。 . 《埋班作樂》就誕生於這樣的一個時代，面對各樣限制，新人舊人一同埋班，由一個漫長對話開始創作。對，這樣才是對話 / 合作，而不是舊人命令你要做ABCDE，你就要做ABCDE。過程中要溝通，新一代創意想法加上舊人的製作經驗，成就了這十二首歌，成就了這一場實而不華的畢業禮。 . 緊箍咒下的亂流漫步 音樂會當晚，由Error《緊箍咒》開場，揭示了當下我們的狀況，「你說將拯救 實際只想詛咒」。鄧小巧唱出了《惹味》的掙扎，想撇下但又在生死中呻吟。可惜頭兩首歌聲音未能妥當，歌者聲線未能聽真。及後，陳潔靈和造星仔仔的合作，真正展現了「埋班」的概念，新舊合作，哪怕是大師如陳潔靈，都要放下巨星光環，和新生代合作。《標本》延續了《惹味》的掙扎，「困在這方型」。正因為「無謂安於此處」，所以要出走太空，尋找「異托邦」。6號出場的《太空糖》唱出了一種苦中作樂的情。即使是「亂流中對望」，都要放心擁抱。記得在開場時，《緊箍咒》有一句「不再去西遊 探索月球」，終於在《太空糖》登上了月球。 . 出神旁觀人皮的獸 登上了月球，遇上了族長陳健安。陳健安是這一晚演出的MVP，音樂順了，歌者入了戲，歌曲中後段的「唸咒」是神來之筆。上了太空出了神，但其實是「橫越絕望在你面前 絕地裡浮現」。我們想要的仍未願兌現，唯有跟族長一同唸咒，「如願兌現」。回到現世，鍾氏姊妹唱出了攬炒之作《未夠癲》。雷暐樂寫出了「絕地試煉」的狀況，鍾舒漫 鍾舒祺加上J Aire的反常。夢遊過後要回到現實，盧巧音《旁觀他人之痛》唱出了現實的痛，因為痛因為反常，所以不能再做標本，要真正的改變世界。開首「轉角有少年 扺抗炮火」明明就是去年的畫面，小塵埃的Jonathan出場，為歌曲加添了希望。內在小孩和歌者呼應著「即使頃刻或救藥無方」 「請叫雙眼仍舊盼望」。歌曲最後一句「不要相信改變不多」，哪怕一個小小行動，都可以改變世界。改變世界前，要對抗所有「披着人皮的獸」，泳兒的暗黑系唱出了人性的醜惡，亦是當下的「獸」。「原來怎麼撇清 從來只是人性」「半秒罪疚感 可否堪稱最佳發明」。就是因為這些「獸」，迫得人要上太空避開亂流。出神過後，都是要回到現況繼續和世間爭鬥。 . 生存之道就要祝你明日愉快 泳兒出場後就到小塵埃出場，由Pollie的聲音帶入《吸塵》世界。《吸塵》呼應著族長的《出神》，由二人拖展魔法「付啦卡那沙破天也時」，都是希望聽眾明日愉快。Pollie的跳皮為歌曲加入了生氣，加上和音得互動，令《吸塵》更吸引。就算世界再壞，都要繼續英勇地「發夢」。既然活著，就要找出《十五種生存的方法》。陳柏宇徐徐唱出了這一首歌，他的淡定就如人生活著一樣的淡定。或者「人死的方法亦不少」，但我們都無權決定怎麼死掉，唯有像歌者一樣淡淡的唱出歌曲就是最皆生存之道。兩首歌緊緊環扣，因為要明日愉快，所以要繼續生存。 . 唯有見多一面才可避免突然的收場 最後兩首，亦是當下我們要把握做的事。布志綸唱出了《見多一面》的感動。一晚過後，我們經歷了出走生死，留下來的要好好見多一面。歌曲或許是詞人的小故事，但放到2019-2020年，份外感動。「何時能見多一面 何妨見多一面」，麥大導告訴我們，念念不忘未必有迴響。所以「若有回音 就趁如今 相聚見」。陳智霖的直白寫出了最貼近當下的思緒，再多下次都沒有用，因為離開總是卻匆匆一別。最後一曲《收場白》，湯駿業的現場比錄音更好，他的情感令整個晚上來一個總結。「願望 未圓 叫我 追過 如為你 拾荒」，過去十一首歌，我們有十多個願望但都未圓。即使明天要離開，都要拒絕淡忘我們所想的願去。 . 十二首歌，十二個故事，是出神亦是貼地。這些就是當下年青人的想法，你要細心去聽，他們的個性態度不難在歌曲上找到。相比幾年前的「年華說 城歌唱」更進步，因為不是單單給一個人，而是寫給一撮人的作品。不要再說香港樂壇已死，香港音樂從來都沒有死，死的是你們心眼。張開眼，你會發現香港音樂仍然很青春，仍然有動力的。 #埋班作樂作品展 2020.10.15 麥花臣場館 01 緊箍咒 - ERROR 02 惹味 - 鄧小巧 03 標本 - 陳潔靈 04 太空糖 - 6號 05 出神 - 陳健安 06 未夠癲 - 鍾舒漫 鍾舒祺 07 旁觀他人之痛 - 盧巧音 08 披着人皮的獸 - 泳兒 09 給塵 - 小塵埃 10 十五種的生存方法 - 陳柏宇 11 見多一面 - 布志綸 12 收場白 - 湯駿業 13 道成肉身 - 林二汶 14 白金升降機 - 陳潔靈 15 彳亍 - 陳潔靈 林二汶 16 再聚 - 陳潔靈 林二汶 十#埋班作樂 #MakeMusicWork #一個人一首歌 #CreateHK #創意香港 #埋班作樂音樂創作及製作人才培育計劃 #@makemusicworkhk @yiufaichow @vickynev