Paralympic今日開幕，難民選手有只有六個，遠比奧運嘅56位少，相信大家都應該想象到原因，難民能夠專注體育已經難，如果身體有殘障嘅話，難度就增加超乎想象。事實上，雖然Paralympic已經有幾十年歷史，但難民代表隊要去到上屆Rio 2016已正式有份獨立參與。而今屆嘅代表隊持旗手就係來自阿富汗24歲，天生沒有雙臂嘅Abbas Karimi，佢將會參加S5組50m蝶式，亦係最有機會成為歷史上唯一一個响Paralympic得到獎牌嘅難民選手。 Abbas Karimi嘅故事，唔單只代表咗啲班殘先天或者後天障運動員嘅堅毅，亦多咗份來自戰亂地區嘅難民代表唔信命嘅嗰團唔熄嘅火。 本來阿富汗响今屆會有兩個選手參賽，但基於依家國家嘅情況唔能夠參與，因為Abbas Karimi係响美國定居，所以無受影響。Abbas Karimi因為天生無雙臂，連企都有問題（到依家都唔可以企直），細個嘅時候父母驚佢被歧視，所以盡量唔比佢出街，每日嘅活動只有返學放學。但佢响學校就無辦法避免比同學嘅欺凌，改花名整蠱無日無之，令Abbas Karimi成為一個對充滿憤怒，希望有一日所有人都認得自己，記得佢個名。初頭佢參加學校嘅自由搏擊班，為嘅就係可以保護自己，順便學習可以踢爆欺凌佢嘅同學。 改變就响佢13歲嘅時候哥哥幫社區起咗個25米泳池之後發生，佢好驚咁問個救生員無手可唔可游水，個救生員哥哥同佢講，見過無手或者無腳嘅人游水，仲游得好快。Abbas Karimi聽到之後就即刻除衫跳咗落水，竟然無浸親，嗰一刻佢終於發覺响水裡面自己可以同所有人一樣，而且水可以冷卻佢心中多年嘅怒火，於是佢日日咁游，希望自己游得比正常人快。 可惜佢爸爸係一個好傳統嘅人，响Abbas Karimi 15歲嘅時候叫佢結婚，覺得娶個老婆返黎可以照顧佢，但Abbas知道自己需要嘅唔係人地嘅照顧，加上國家長期响戰亂之中，佢响16歲嘅時候選擇逃亡，實踐以游泳衝出國際嘅夢想。有手有腳嘅正常人逃難已經難，大家可以想象下Abbas Karimi由阿富汗，先經伊朗，再到達土以其經歷步行、 車尾箱、再步行係咩嘅旅程。 响土以其三年間（2013-16），Abbas住過三個難民營，但同時，嗰三年佢贏過15個獎牌，包括兩次全國冠軍，同土以其總統合照。但因為無身份嘅關系，佢始終唔能夠參加國際賽事。呢個時候（2015年），佢嘅伯樂就出現咗，就係美國嘅一位摔角教練Mike Ives，响網上見到Abbas游水嘅片段之後聯絡佢，原來Mike Ives係幫聯合國難民公署工作，話想幫到美國然後爭取佢以難民代表參加2016年嘅Paralympic。 雖然Abbas因為時間關系趕唔切响2016年參加Paralympic，但去到美國之後嘅2017年，佢終於踏上國際舞台，响國際錦標賽攞到銀牌。 "It took me nine years in so many different cities and countries, and I had to start from ground zero when I came to (the United States). But I was born as a competitor, as a fighter." 因為Abbas嘅國際成績傳到阿富汗，每次佢攞獎嘅時候都有親朋戚友恭喜佢爸爸，令從來都唔相信自己個仔嘅爸爸，終於明白Abbas嘅能力。可惜响佢定居美國，有身份回國揾佢爸爸見佢爸爸之前，爸爸已經响2019年去世。 "I've failed more times than I've won in my life. But you always have to come back stronger, no matter how hard life is. That's how I want people to remember me." Paralympic每一個運動員嘅故事都比一般運動員沉重，但佢地嘅鬥志反而更值得尊敬，因為... #所有選手都係命運鬥士 *************************************** 📢乞食廣告：文字、時間與心血有價 🥣每日更新乞兒兜： https://www.patreon.com/goodbyehkhellouk ***************************************

第一次同游泳女天后淳淳合作拍劇 @stephaniehsau #守護神#感恩#學習#回頭睇返所有野都係值得的#我叫方志明#佢係安兒#奧運持旗手