《聖杯騎士》，唔知講咩㗎呢？

【好似塔羅牌】《Knight of Cups》發佈新海報！

人稱「影像哲學家」泰倫斯馬力克（Terrence Malick）新作《Knight of Cups》三月於美國上畫，而呢套電影由《復仇勇者》嘅攝影師，同時都係馬力克長期合作嘅拍檔盧貝茲基（Emmanuel Lubezki）（作品包括：《引力邊緣》、《飛鳥俠》、《生命樹》等）所拍攝，睇預告片，發現本片攝影風格同《復仇勇者》都幾相似㗎(好似係)。

《Knight of Cups》講荷里活編劇主角Rick（基斯頓比爾飾演）一方面過住紫醉金迷嘅生活，一方面受愛情、親情嘅壓力，兩位海報上嘅女主角就係Nancy（妮妲莉寶雯飾演）同Elizabeth（姫𥰆白籣芝飾演）都分別代表Rick喺生命之中與唔同女性之間嘅關係。

馬力克擅長拍實驗性電影，探討生命科學、宗教、哲學、神學等課題，電影有時會呈現意識流，再配合大自然或者宇宙嘅鏡頭，極有詩意。小編我最喜歡嘅係《生命樹》（The Tree of Life），想當年《生命樹》上映，有文青指完全睇唔明，當然亦有人指係神級作品，我只想講句：「生命哲學嘅嘢你識條鐵！」

Btw，咁究竟香港幾時先會上？

台灣預告片：https://youtu.be/prZUTm3Z4XM

消息來源：reddit