【@marketfocus.hk 】【超人家族】李嘉誠李澤楷父子輪流「吸水」 和黃醫藥、富衛集團上市隨時受熱捧
.
香港頂級富豪「超人」李嘉誠及其次子「小小超」李澤楷,近日先後將旗下公司和黃醫藥及富衛集團,分別在香港及美國作招股上市;李嘉誠雖已退休但號召力仍驚人,而李澤楷一向財技了得,因此不少市場人...
【@marketfocus.hk 】【超人家族】李嘉誠李澤楷父子輪流「吸水」 和黃醫藥、富衛集團上市隨時受熱捧
.
香港頂級富豪「超人」李嘉誠及其次子「小小超」李澤楷,近日先後將旗下公司和黃醫藥及富衛集團,分別在香港及美國作招股上市;李嘉誠雖已退休但號召力仍驚人,而李澤楷一向財技了得,因此不少市場人士預期,這兩家公司在招股上市時,可望獲得「粉絲」們一定程度的追捧。
.
李嘉誠旗下、由其長子李澤鉅掌控的和黃醫藥,新上市編號沿用2015年和黃與長實「世紀合併」前所用的「00013」,乘著全球疫情仍在的時機,決定於香港招股上市,公司周五(6月18日)在香港聯交所發布的招股書顯示,長和持有已在英美上市的和黃醫藥44.7%權益,自周五起至下周三(6月23日)招股,計劃發售1.04億股,其中12.5%即1300萬股在香港作公開發售,餘下87.5%即9100萬股為國際配售,招股價最高45元,每手500股,每手入場費約22700元,集資額最多46.8億元,計劃於30日正式掛牌上市,摩根士丹利、富瑞及中金為聯席保薦人。
.
這次招股中,和黃醫藥引入5名基石投資者,包括CA Fern Parent、CPP Investments、泛大西洋投資集團、HBM Healthcare Investments及中金啟融基金等,合共認購3.25億美元(約25.35億港元)股份。和黃醫藥表示,其美國預託證券(每份代表五股股份)於納斯達克上市買賣,於2021年6月15日美國預託證券於納斯達克的最後銷售報價為每份美國預託證券29.73美元。據悉,今年4月和黃醫藥與霸菱亞洲達成協議向霸菱亞洲的關聯基金發行1億美元新股,發行價相當於每股美國存托股份30.5美元,並計劃來港上市,當時的發行價較有溢價7%,後因市場不穩而擱置上市。
.
分析指出,由於超人的號召力仍在,加上是當炒的生物醫藥股,預期上市時可望受到一定程度的追捧。綜合多間券商數據,和黃醫藥孖展暫時錄得1.13億元,暫未足額認購,當中華盛證券借出5000萬元,輝立借出4000萬元。另一方面,華盛証券分析師聶振邦提醒小股民,近就新股而言,個別有強勢表現,但普遍來說今年有很多表現仍然「潛水」,所以投資者要有心理準備,如果用現金來認購,影響不是很大,但如果以孖展認購,則要考慮自身風險。
.
和黃醫藥創立於2000年,專注於全球市場的創新型醫藥研發企業,主要從事癌癥和免疫性疾病的治療;如果根據指示性最高發售價45元,全球發售所得款項淨額將約為44.41億元,當中50%用於推進賽沃替尼、索凡替尼、呋喹替尼、HMPL-689及HMPL-523的後期臨床計劃以進行註冊試驗及潛在提交NDA申請;10%將用於支持進一步的概念驗證研究,並資助內部研究以持續擴大的癌癥及免疫疾病產品組合;20%將用於進一步增強集團在商業化、臨床、監管及生產方面的綜合實力;15%將為潛在的全球業務發展及策略收購機會提供資金;餘下5%將用作營運資金、在全球及中國擴大內部能力以及一般企業用途的資金。
.
另一方面,在近期美股屢創新高之際,李嘉誠次子、電訊盈科主席李澤楷私人投資的保險公司富衛集團(FWD),其母公司日前已以保密方式提交申請,計劃在美國首次公開發行代表A類普通股的美國存託股份(ADS),但未決定招股價和發行股數等,IPO預計將在完成審查程序後進行,但最終仍視乎市場及其他情況而定。至於FWD最終捨棄熟悉的香港而遠赴美國進行IPO,分析指情況與阿里巴巴當初相似,目的為維持同股不同權架構,不排除日後以中概股身份回流香港上市。《彭博》以及《路透社》旗下IFR早前分別報道,FWD數月前已改變主意考慮在美國或新加坡上市,以維持其不同投票權架構,其美國IPO可能於今年第3季推出,募資高至30億美元,相當於超過230億港元,公司估值超過150億美元,折合大約1170億港元。
.
根據FWD官網介紹,該公司利用數位科技,向客戶提供以創新定位及簡單明瞭的產品,業務偏布亞洲區10個市場,包括香港、澳門、泰國、印尼、菲律賓、新加坡、越南等,為各地客戶提供人壽及醫療保險、一般保險、僱員福利、回教及家庭伊斯蘭保險,有超過980萬名客戶,逾6100名員工及33000位代理人,集團資產總值626億美元,該公司為李澤楷控制的盈科拓展集團旗下主要的保險業務公司。
.
Text by BusinessFocus Editorial
.
#BF環球視野
.
@marketfocus.hk 瞭解更多商業財經資訊
.⠀
#money #investment #business #finance #life #startup #startups #management
泰國退休計劃的申請程序 在 小花插畫 Facebook 的精選貼文
動保朋友必看!
當大家對泰國狗被殺,還是很憤怒的時候,可以看看這篇文章。
我係漁護署一個散仔。先申報:承認呢個係分身account,我仲要保住份工。我係漁護人但係從冇殺生。我支持抗爭,但抗爭要準先有用,唔想錯方向。有啲說話官方唔會講,趁而家多人關注我想俾人知香港實際情況係點。
以下信不信由你,為防自爆,我唔會覆。我冇講大話,有咩疑問可以拎我講嘅野去問官方或者動物團體。希望有人願意睇下。
1)如果泰國狗事件重演,可以點救佢?
如果真係要救,我諗唯一方法係唔好通報,船員唔帶佢落船,直接原船拎走。瘋狗症幾乎係漁記第一天條。潛伏期長,100%死亡率,有得預防冇得醫,發病等於被判死刑。聽老師傅講,以前香港有瘋狗症,漁護有殺錯冇放過,喺街見一隻殺一隻,惡貓都要殺。香港已經幾廿年冇瘋狗症,如果放左隻病狗入黎,分分鐘黎多次大屠殺。呢隻狗冇晶片(=冇打針紀錄)、船主承認佢由泰國(疫區)上船非法入口、船主簽紙放棄隻狗、法例話只要懷疑隻狗接觸過瘋狗症就可以啪<—綜合以上幾點:個獸醫而家俾人鬧到仆街,但係俾佢揀多次,佢都會啪。如果唔啪,佢又真係有病,觀察期間唔小心傳染到其他動物/人,無論係全面殺狗(大家睇過豬瘟演習)定係死左人都揹唔起,佢邊敢搏。
2)唔係等4日/7日先可以殺咩?
4日係普通流浪狗,入境狗有唔同law。7日係一隻狗咬人之後要隔離7日。因為瘋狗症發病就會咬人+發病後7日一定死=坐7日監睇下佢會唔會死,唔死就唔係因為瘋狗症而咬人。普通一隻狗冇咬人坐完7日監唔代表冇病,可能係未發病。
3)點解唔隔離?
因為係非法入口又冇晶片。你想由疫區申請隻狗入黎,打齊針齊晒文件都要隔離4個月。呢隻狗連晶片都冇,漁記響晒red alert,連隔離都唔想搏,除非有朝一日可以upgrade硬件軟件去handle呢啲誤入境嘅無辜狗。
4)呢單野而家變國際新聞,乘勢追擊啦!起碼救到之後無意中入境嘅狗
晒氣啦。管理層全部係獸醫。佢地全部讀書人脾氣,只要啲科學野係啱,佢地唔會理公關。好硬頸㗎,冇情講,有時講明咁做實俾人投訴,佢地一講啲科學野我地即刻收皮。人地讀過番書,專業人士,冇計。但基於佢地呢種特性,佢地啲決定雖然唔合情,但一定合理合法,吹佢唔漲,你最多話佢真心膠,冇得用法律/科學講得贏佢。今次佢跟晒law跟指引,真係冇做錯。黎緊會改動物例,不過唔會改瘋狗症。一講到瘋狗症,佢地就起晒鋼。佢地只信科學,你地唔駛旨意可以靠講隻狗好慘就屌到佢改例,冇可能。不如貼地啲諗下點幫本地狗仲好。
講咁多唔係想幫漁護護航,係想解釋漁護有幾驚疫區非法入口冇晶片狗。如果大家訴求係下次有同樣情況會有不一樣結果,全港跪求都冇用。唔好誤會,我唔係叫大家不了了之。我係想趁今次時機可以集多啲人出聲,但係唔想大家用錯力,浪費今次嘅凝聚力。漁護會有一次動物福利改革,會重新立法,已落實今年內開始諮詢。呢次改革係動物團體同漁護開會開幾年爭取返黎。今次事件全港關注,如果大家著眼今次事件,會發生咩事?例如諮詢期收到70%追究/檢討泰國狗及同類事件、10%提高遺棄/虐畜執法標準、10%檢討漁護處理投訴手法、10%收緊繁殖場管制。政府個腦點諗野大家都知。泰國狗事件,涉及瘋狗症問題,唔考慮。其他問題,每項不足一成人提出,咁即係少數人啦,即係唔多人關注。份報告最後就係咁寫。
香港咁多動物福利團體,點解咁少機構遣責呢件事?就算有都係輕描淡寫,好少機構有追打。原因就係佢地都清楚我以上講嘅野,知道呢條規則冇得改,亦怕同漁護呢個時候追究一件冇得改變嘅事會模糊焦點,浪費佢地近年心血。作為動保團體,佢地又唔可以出黎叫大家唔駛蹝氣。而家最活躍追究呢件事,都係呢幾年冇參與過追漁護改革,而呢啲時候先出黎搶光環。
順帶一提,動港咁多動保團體,漁護網頁只列出十幾間,點解咁偏頗都冇人嘈?因為列出要符合關乎寵物權益(即係唔計野生動物)、合法註冊組織、非牟利慈善團體幾個條件。所以你見列出團體有包括十個人都冇嘅小組織,而有啲fb好活躍嘅大組織又冇份。如果大家想捐錢,都係為動物好。你自己決定想捐俾非牟利團體,定係牟利團體,自己可以上漁護或者稅局查下。
講返改革,作為見慣動物點被對待嘅人,我建議可以諗下呢啲方向:
(1) 加強無牌養狗罰則(攞牌打晶片真係好重要,如果身邊有人養狗又唔打晶片,請大力勸喻)
(2) 擴狗房狗位之後加長四日時限
(3) 修補棄養漏洞(棄養犯法但有漏洞係半公開秘密,唔喺度講,唔想教識更多人)
(4) 加強邊境捉走私狗(而家多左大陸走私狗落黎,大陸都係瘋狗症疫區,唔好害到香港啲狗)
(5) 經常有人話”管理署迫我送走隻狗”。你養之前已經知大廈唔俾養,講到尾都係一己私慾,為左短暫快樂,用一條生命去賭博,衰左就賴管理處。可以點攪?領養就有家訪調查。買狗有冇可能要証明屋企可以養狗先准買?
(6) 改指引改設備 - 減少索狗時傷狗。要求以後唔可以捉狗太離地。TNR又失敗左,唔知可唔可以繼續。我未諗到有冇方法改善捉狗問題
(7) 加強巡邏捉非法放生
(8) 撞傷動物唔即時送去獸醫等同撞車逃逸
(9) 管制寵物用品 - 獸醫有講過市面起碼一半狗帶都會令狗承受冇必要嘅痛楚/不適。管制choke chain設計 / 其他容易傷狗嘅物品
(10) 而家合格唔駛啪嘅狗都送去動物機構俾人領養,官方冇得領養,要靠團體自己安排。政府起碼應該出錢出場地每個月集合一大班動物機構攪領養日
(11) 檢討牛隊野豬隊運作,研究安全帶走動物嘅方法,不殺不麻醉
(12) 加狗公園,最好每個大型公園都開一個位俾狗玩
(13) 政府攪多啲訓練課程俾狗主,狗主有責任訓練狗唔亂吠亂撲,減低唔養狗嘅人討厭狗嘅機會。愈少人討厭狗愈易改善動物福利
(14) 希望可以加帶動物去學校做活動教學,起碼俾幾個鐘小朋友同動物相處,自細唔好怕貓怕狗,學識尊重生命。最好攪個好似愛丁堡獎勵計劃咁鼓勵學生做動物義工
(14) 資助動物機構同學校/社區中心合作攪活動,俾人親眼睇下俾人棄養嘅動物有幾慘,教人唔好棄養。同埋好多人以為等人領養嘅動物=流浪動物,污糟生蟲毛打結,兇殘對人有敵意,其實唔係,去參觀過就眼見為實
(15) 繁殖場係大毒瘤。我諗要爆瘋狗症先會收返啲牌(好似禽流感雞牌咁)。要求一刀切就不切實際,政府冇可能肯做。可唔可以逐步提高持牌要求?設備好啲起碼啲狗生活好啲。要求愈高成本愈高,慢慢迫佢地自動執笠
一間公司要改變,顧客要求一定比員工建議有用。希望有人覺得有參考價值。希望今次keep到團火。遊行又好,討論又好,可以keep到去諮詢期都多啲人出聲。
以上係我嘅諗法。如果你睇到呢度,多謝你。
有冇人繼續睇都好,講開就想繼續講埋其他諗法,可能有啲亂。
1)求大家一定要打晶片!!
晶片=身份証。都係3年一次,每次$80啫,我唔明點解咁多人唔打。就算你住離島,只要集夠人想打,針隊會送埋上門幫你打。隻狗幾乖都有機會甩繩走失。我地捉到有晶片同冇晶片嘅狗係兩回事。有晶片就會搵主人。除非主人親口話唔要,如果唔係都盡量唔啪。啪左之後搵到主人咁點算?老細都驚人投訴,對有晶片嘅狗會小心啲。
冇晶片就走正常程序,狗房仲有位都會留多陣,夠4日唔合格又爆位就會啪。過左就好難追。冇晶片,我有心幫你搵紀錄都唔100%肯定有冇啪左你隻狗。肯定有好多狗有主人冇晶片,無辜被啪。搵失狗又係,好多老人家唔會幫隻狗影相,間唔中就有”佢叫XX,好大隻,啡色,好乖”點幫你問幫你搵。就算搵到,點証明隻狗係你養?俾左你,聽日有第二個人出黎拎住張差唔多嘅相話係佢養,點攪?所以又要攪一大輪。漁記搵到失狗同普通流浪狗係兩種心態。打晶片係保護佢。
2)點解要捉狗
呢句一定有人信:公務員係唔會自己搵野做。漁護唔會周街巡,會去捉狗一定係有人投訴,尤其係區議員。淨係做投訴都做到狗房爆晒,我地真係冇跑數呢回事,信不信由你。
3)點解會投訴?
香港好多投訴撚。由污糟、好嘈、好臭、我好驚,什至”流浪狗一定有病,我死左係唔係你負責”都係投訴理由。最通常源頭係有人餵貓狗,引到一班貓狗聚集,又喂慣左就唔驚人喺啲屋苑/公園附近走黎走去,好快有人投訴。唔該啲老豆老母唔好亂教仔,見到有人放狗有拖繩,隻狗乖乖行,都要大大聲同個仔講:唔好行埋去呀,好污糟㗎,你行埋去就咬死你。你培育緊一條恐狗投訴撚。狗唔會無啦啦咬人,喺香港人傷狗多過狗傷人。投訴撚周圍都有,你阻唔到。你餵佢只係短期對佢好,餵到有人報警/報漁記只會害死佢地。我建議直接搵機構接收佢地,然後捐錢捐食物做義工。(雖然未必接收得晒,而家太多太多流浪狗)
4)咁見到流浪貓狗點算?
承上,搵啲動物機構。不過要check清楚,而家好多扮愛心真牟利嘅仆街貓狗義工或者道德大愛動物撚,做到動物義工臭晒朵。SAA同LAP算比較好,冇機構嘅貓狗義工要特別小心,好多慣犯。題外話見到牛千其唔好報警。牛又唔會攻擊人,你做咩要報警?!阿sir講麻醉牛係好麻煩。牛瞓覺係屈腳肚貼地背向天咁瞓。佢地身體同內臟結構令佢地唔可以完全肌肉鬆弛咁長期側瞓,會死。自身重量壓住個肺呼吸唔到會死,昏迷中繼續反初都會死。所以麻醉一隻牛要幾日前開始斷食(好似我地做手術前唔食野)同有足夠設備保護固定佢嘅姿勢。喺路邊冇設備咁麻醉一隻牛,靠人力抬上車,車程dun到返去,咁都幾個鐘,好多牛醒唔返。見到牛唔駛理㗎,牛有靈性,佢識返屋企。如果喺馬路就bu幾下,佢會行走。真係唔得就call啲牛義工組織,佢地識引隻牛走。唔好報警!一出動麻醉好易害死佢!
5)點解香港咁多流浪狗
因為好多人遺棄。抽到居屋/小朋友哮喘呢啲算比較合理。比較難聽係分左手/要搬屋/要結婚我另一半唔鍾意佢。on9啲嘅有bb個時好得意大個醜樣左/我唔知佢會變咁大隻/我冇諗過佢會病/佢啲屎好臭/佢唔聽話。每個bb都好得意,好少人大個做男神女神。大個一定會變樣,唔想變樣就玩毛公仔,唔好學人養狗。養之前做下功課,唔想隻狗變大咪一開始揀細狗養。狗係生物,會痾屎生蟲口臭甩毛,有生老病死,有情緒有脾氣,佢幾健康幾乖係睇主人點照顧。你三分鐘熱度就咪鬼養狗,養倉鼠咪好,一兩年命又易照顧。你養貓狗一年半載就玩厭唔要,人地之後個十幾年點過?政府要堵塞棄養漏洞。拋妻要分身家,棄子要俾贍養費,棄養點可以唔負責任。
6)另一個原因係少人領養
講真,大家講到有幾愛動物都好,有幾多人肯去領養?領養好少會有純種狗,就算有都多數有病,雜種狗又冇咁靚。啲人揀狗都係揀外表。我想講其實純種狗好易有病,唔好到有病時又棄,你知有咩常見病要幾錢醫,你ok先好養。唔好咁迷戀養bb。由細養到大係會好開心好有成功感,但係bb同人bb一樣難照顧,如果你全家要返工返學大半日冇人喺屋企就唔適合養bb。雖然丟貓狗bb喺屋企大半日唔會死,但意外好難講,咁你丟個人bb仔喺屋企大半日都唔會死啦,你係唔係丟?佢會唔開心,有情緒問題,周圍咬野,有分離恐懼,唔好為自己開心就咁自私。好多人會買貓狗陪老人家。狗由幼年到中年都好有精力,要人陪玩陪跑,貓就一啲啲,你俾老人家養盞大家辛苦,handle唔到又棄。老人家養返中年以上嘅動物好啲,淡定啲唔會亂咬野,又唔驚佢跑黎跑去kick親老人家。
7)領養有咩好處
講救狗好多人都聽唔入耳,人人顧住揀靚狗。我講個實際啲嘅理由:可以”試”。寵物店你最多都係一兩個鐘就決定買,又多數係幾個月大嘅bb,睇唔清性格。領養前可以去慢慢相處,一邊學點幫佢沖涼剪指甲執屎放狗,一邊了解佢咩性格,試下同隻狗夾唔夾。唔夾咪當做左義工囉,唔駛養左又唔要佢。隻狗如果本身有病,義工又會坦白同你講。如果呃左你,你有機會俾返隻狗佢或者由得隻狗病,佢冇著數。呢啲組織多多少少要靠光環,呃完你臭左個名好難做。寵物店收左錢就唔關佢事,仲話bb係好難湊好易病,鬧返你唔識照顧,變左黑店大不了換舖換名再做。
8)點解咁少人領養
我發覺近幾年香港多左有大陸人個種”恩主”心態。竟然有人棄養講:我捐隻狗俾其他人養。佢仲要沾沾自喜,覺得自己做善事咁。佢係狗,唔係你個死港女啲手袋呀,捐你個頭。棄動物其實犯法,但係啲人唔知點解識走法律隙,要立法改善。有啲仲要以放生為名謀殺動物,將淡水魚倒落咸水海都得。好多人會放啲動物去公園水池,去雀鳥塔,去香港公園,以後有人餵,見返同類好開心,覺得自己做好事。動物有地域性㗎,你放隻外來動物,佢會俾人圍毆。你估放養嘅會贏定係慣左籠養嘅溫室花朵會贏?就算冇地盤問題,都要面臨爭食,佢慣左有主人餵點識爭?等於你殺左佢。領養個啲又係,嫌手續太煩:我而家冇錢咩?你咁煩我寧願去買。有錢大晒咩。填表家訪裝貓窗搬走對動物有毒嘅花草,呢啲基本野,你咁都嫌煩你就唔會頂到十幾年幫佢執屎梳毛剪指甲,你唔養好過。義工唔教你,到時隻貓跳樓或者食錯野死左,你唔好喊住話”冇諗過會咁”。有啲真係好煩要不斷家訪keep住send相就見人見智啦。我諗係因為有好多仆街領養完拎去賣,所以啲手續先愈攪愈複雜。
9)領養有咩要留意
記住記住記住,領養前要問清楚轉狗牌啲安排。有啲變態義工會恰普通人唔知有狗牌呢樣野,領養完唔轉名。之後如果你滿足唔到佢十萬個要求激嬲左佢,佢會要求拎返隻狗。如果未轉名,就算你養左一年半載有感情,佢都有權拎返。有啲變態義工成日玩呢招,仲要哭訴話隻狗好慘,又俾人遺棄。走火入魔覺得全世界係衰人,得佢自己係救狗天使,講唔到道理。大家小心。
10)賣狗
以前有一班慣犯拎自己養嘅狗去生b去賣,走法律隙唔駛申請繁殖牌又有錢賺。而家就係立左法捉呢啲人,賣自己養嘅狗都要申請,冇申請就犯法。專登開左一隊人做,阿頭係一個好辣嘅正義人老將,應該會堅做,但係聽講做得好慢。今時今日賣狗都係靠facebook/ig/論壇。啲老將都唔知識唔識搵post。大家見到就幫手cap啲資料報1823。如果驚政府做太慢,未捉到已經賣完刪post,你cap圖即時兇佢報警都好,希望嚇到佢。當風險大過利益就冇人會做。
講左咁多,又講講下離左題,唔知有冇人睇到呢度。我呢啲散仔,大政策就冇我份,實際運作我覺得漁護進步緊嘅。以前啲仆街老屎忽唔當狗係命。聽到佢地吠就又打又鬧,或者淋凍水開風扇整病佢地。仲要賺啲陰質錢,捉左靚狗未搵主人就打龍通賣俾寵物店。呀,以上嘅黑暗史係我發夢見到,聽下就算。而家班老屎忽退休七七八八啦,新一代好好多。捉狗就難免,佢地本能一定會掙扎,會好驚,好易會刮損/爆牙血。捉狗啪狗會繼續,唔駛期待短期有咩改變。你會覺得唔啱聽,覺得冷血,但實際貼地情況係咁,我想俾人知,官腔唔會俾人知。
曾經講過會擴展呀,起新地方做狗房,先進啲,容納多啲狗。我諗係好嘅,收投訴就捉狗呢樣野唔知要過幾多年先有新對策,起碼擴展左先,始終多啲位,啲狗先有機會留多幾日。如果夠位養晒全香港嘅流浪狗就好(發夢都冇可能),養到有人領養為止,或者養佢過世,伙記唔駛捉,狗又唔駛驚。佢地住慣左咪唔驚,當俾人養咁,又唔駛喺街愈生愈多。如果我返工就係養狗,放工又養狗,幾正。唔好講咩動物係屬於大自然,天生天養就得,唔好捉佢地。香港啲狗本身唔係野生動物,係人類為私慾繁殖佢地之後養完又唔要,唔可以用大自然黎講,人工培養嘅狗唔適合流浪。不過諗太多啦,聽左咁耐都冇動靜,可能啲錢都拎晒去明日大嶼啦,佢有錢都俾晒150,邊會到香港狗。
大家想幫就捐錢俾啲義工組織啦,等佢地擴展應該快好多。你幫下啲私人公司,政府見私人公司有咩做得好,過左十年八年會on居居跟住做㗎啦。希望有人睇下啦。我唔會回唔可以再解釋,唔可以自爆。同埋我早幾日開左個新facebook account先寫文,點知今日再login要電話認證,我開分身又點會俾電話,我下次可能都login唔返呢個account。用得分身account就唔會刪post,會唔會俾人report完俾人del account就唔知。唔好意思咁遲先講,我冇諗過自己愈寫愈長,未試過寫咁多野,攪左幾日。以上係內部人貼地真話,信不信由你。如果唔啱聽,對唔住。如果啱聽,請幫手。
P.S. 我唔識用分身account仲會唔會追查到。想爆料有咩更安全方法可以爆?