半年間近廿套進場電影感想😌 . 妖夜尋狼：世紀血戰 拍左十幾年都唔多記得去到第幾集，但女主角成個殼十幾年都唔變果下真係幾勁，只係整個唐老鴨咀出黎時先feel到有少少老態，睇開都知其實唔多洗理佢D劇情，起碼打果夠爽先呢點係合格的，唯一要吐糟係隻鴨仔臨尾竟然洗白，有冇搞錯！至於大佬們響有瓜前都有打鑊金唔似系列傳統one hit kill算好好，不過打完大佬個結局好埋office七點趕收工果下超頹囉，好期待下一集女主角個樣係咪都係唔老😂 . 俠盜一號：星球大戰外傳 話說迪迪尼打算每年一套starwars所以我應該年年生日都會有starwars睇XD 雖然睇之前俾人爆左結局但都覺得好好睇，一來係外傳冇續集冇負擔玩到幾盡都可以，二來時間線係第三同第四集之間，冇哂jedi淨係得軍隊硬冚好high，而且黑武士睇落更加理場，唔似上集即除面具個傻仔咁，當然個結果更加冇得頂係我最鐘意果種，而且最後果幕係跟住歷史最早第四集個開場接得埋，隔左三四十年咁樣駁埋，成件事真係好正正正正 . 你的名字 都好耐冇睇過新海誠D戲，以前星之聲同雲彼時好迷佢，之外都冇再留意，到今年你的名字突然彈起，初時以為主要講交換身體談戀愛，冇諗過個格局咁大，係幾值得睇的。戲入面最深刻反而係前輩同男主角講「你現在喜歡的是別人吧」，曾經喜歡自己的人的心已離去的感覺才是最揪心。 . 怪獸與牠們的產地 其實我只係睇過哈利波特第一集，所以感覺有好多名詞我都唔係好知咩事，不過起碼好過佢花大段時間去介紹先，另外又冇咁低B先，而且佢個世界觀係比較復古，係我好鐘意的年代，不過呢d戲多數都係長拍長有，會唔會拍到D演員老哂都字結局😂 . 洋腸派對 呢套野真係不得了，首先中文字幕應記一功，柒姑碌呢D咁本土ge詞都打得出，另外劇情方面真係冇得頂，初初諗住trailer已經去到好盡冇乜大橋，點知去到尾係直情估佢唔到，有一刻直頭feel到個編劇寫劇本時一定係take左野先寫得出，正常人個腦唔係咁運作ga lor，冇得頂必睇😂 . 奇異博士 近幾年marvel係愈來愈精彩，但來來去去都係果堆人其實有D悶，今次終於有新人睇係開心ge，有D位好Inception但D魔法陣真心覺得型，惠英紅都好型xD 同埋個香港係睇得幾舒服，起碼好過變型金剛果個地獄先 . 暗算 其實套戲本身冇乜吸引力，但主要係睇主角，自閉數學天才但又係無名英雄殺手，角色刻劃精彩，Ben Affleck演得仲精彩，我諗如果搵第二個未必會咁好睇。唯一小失分除左d文戲長到有D想訓之外，個尾段兄弟橋成個feel都好老尷，又老土又老尷尷到似笑位，反而查案果邊係幾估佢唔到兼幾有戲味，另外最尾個電腦幫手又真係估唔到，應該會有續集呱 . 少女 初時覺得D支線同場景拍得好散，個節奏又慢，不過慢慢代入左又唔覺得悶，去到最後突然原來所有人都可以扯上關係果下超爽的說，不過冇諗過係會咁正面ge happy ending，另外當晚隔離對情侶都幾擾民，遲入場中間瘋狂唔明喎下點解ge?心諗WTF? 最好笑係個ending寫作收尾時直剪落字幕，比喻戲內角色人生尚未完結，然後對情侶大驚：下壞機呀？真心笑左出黎😂 . 柏鳥小姐的童幻世界 好正，冇想像中咁低能，本來見佢介紹果part做咁長應該會虎頭蛇尾，點知到最後打boss都仲有好多時間講，過哂異能癮，唯一有D撻Q係個結局完得好急，同埋呀柏鳥小姐結局變左路人甲咁款囉 . C奶同學會 意外地多低俗笑位笑到gap gap聲，包皮hoodies果幕笑到眼水都標出黎XD 除左笑之外，都有D得著，尤其係落字幕D演員媽媽出黎做訪問，老土D講句母愛真偉大。 #馬高影音雜誌