【伊朗 🇮🇷 伊斯法罕】上回講到凡克主教座堂（Vank Cathedral）背後有一段悲慘歷史。係呀，係阿美尼亞種族滅絕大屠殺 😨 . 呢座教堂響1606年建成，教堂內籠上方係關於聖經嘅故事壁畫，而下方嘅壁畫就係比喻阿美尼亞人遭受逼害嘅慘況。當時波斯帝國（Persia，即係現今伊朗）同奧斯曼帝國（Ottoman，即係而家嘅土耳其）打仗，戰事期間奧斯曼借啲依將佢哋唔鍾意嘅亞美尼亞人（Armenian）驅逐出境。波斯君王Shah Abbas 於是決定響國都伊斯法罕南部New Julfa 地區收留15萬流離失所嘅阿美尼亞難民。 . 你又會問：阿美尼亞響邊度㗎？其實佢位處小亞細亞，響土耳其東邊。呢個國家歷史悠久，但係幾千年來就多災多難，不斷被人攻打、佔據、剝削、迫害。1375年奧斯曼帝國完全佔據統治亞美尼亞，嗰度嘅人自此飽受種族與宗教歧視，冇日安寧。 . 一次世界大戰後1915-1917年期間，當時嘅土耳其政府針對境內嘅亞美尼亞人展開種族清洗大屠殺，同納粹黨對猶太人嘅大屠殺不相百仲。據說當時有超過150萬亞美尼亞人因此死亡，生還嘅就流亡到鄰國如伊拉克、伊朗；不過至今土耳其政府都仲否認呢件事。所以凡克主教座堂裡面有個博物館，除咗用嚟擺放阿美尼亞嘅歷史文物，仲用嚟紀念當年嘅大屠殺，要更多人知道呢段被遺忘/被掩蓋嘅慘痛歷史。 . 所以話「讀萬卷書不如行萬里路」呢：我哋嘅教育制度又點會教呢啲歷史呀？ . 門票：30,000Rials （～HK$56） 平板電腦AR導賞租借服務：10,000Rials (~HK$19) . . . . . . #豁出去漫遊不通知親友 . #中東 #伊朗 #伊斯法罕 #大屠殺 #歷史 #教堂 #學到嘢 . #旅遊 #旅遊攻略 #旅遊日記 #旅遊達人#hktravelblogger #旅遊資訊 #女遊人 #女遊神 #ilovehongkong #hkig #hkstyle #hkigers #hongkonger #hktraveler #flashpacker #utravel #utravelhk #周圍移

【 小小故事 】 臨告別前，陳安立突然在背囊中拿出這個深藍色紙盒，給他殺個措手不及。「那是從盧旺達買回來的，是黑茶，送給你做手信呀！」聽後再呆了一呆，暗忖：白賴仁兄你怎會知道我喜歡喝黑茶？大喜，卻沒追問，只是由衷的說聲感謝，將興奮抑制下去，然後彼此說再見了。 我急不及待，燒好開水，用食指捻來些許茶碎，灑進杯內，滾水躍進其中，水色霎時變紅。呷兩口，茶很濃，亦香，但不苦澀，看來比英倫品茗圈子的百年翹楚Fortnum & Mason的出品更優勝。盧旺達，十萬八千里之外的非洲國家，大概此生都無緣到訪，目下瞥見這盒茶，彷彿再遠的距離也變的很近似的。 陳安立去年和李敏（Ranya）為了拍ViuTV新節目《前前線》，先後到訪車臣、斯里蘭卡泰米爾人聚居處、黎巴嫩、波斯尼亞和黑塞哥維那、科威特，以及盧旺達 ——— 一個只會在國際新聞及奧運會開幕典禮聽見的名字，我好奇到底白賴仁在盧旺達有甚麼深刻經歷。他思索半晌，然後說：「每一個國家都有一件深刻的事，但最深刻的那一單是在盧旺達發生。」恰巧也是跟喝東西有關。 香港人，習慣追趕速度，或被速度追趕，慢一點是錯，慢兩點是罪，「非洲的人，我們經常覺得他們很慢好蠢。」我聽的皺了皺眉，他繼續說：「尤其是香港人好急㗎嘛，但那邊，所有事情都很慢，所有人都很Stubborn，上菜又好慢啦，那怕是叫一杯水，『Can I have a water please?』，可能要重覆四次他們才會送水過來。」難道又是喊打喊殺的大香港人心態？乍聽，我以為是，原來不。 「有次，我們去到一間酒店，在郊外的，面向湖泊，好靚的，是一間很舒服的酒店，我們打算叫飲料，休息一下。」白賴仁點可樂，監製莫至剛（Jan）則點了Gin Tonic。隨後阿Jan行走開一旁談公事。十幾分鐘後，侍應送飲品來了。「但很奇怪，他既不放下可樂，又不放低Gin Tonic，他只是拿起托盤，盤上面繼續有飲品，他就一直在等，我奇怪為何不先Serve我呢？當刻沒問緣由，因為好快阿Jan就回來了，侍應就在他面前倒出飲品，然後放低，總之，一件原本只面一分鐘完成的事，侍應花了十幾廿分鐘！」白賴仁承認，當時他已有種印象：點解非洲人咁蠢咁慢？直至後來，謎底揭開。 「後來遇到一位去了當地工作的香港人，跟他聊天，了解多點盧旺達人的文化，聽完後，我就突然之間醒咗！其實每個人，每個行為，都有背後原因，即係你『插人』（罵人）之前，你要理解，那位香港人說，盧旺達人經歷過大屠殺⋯⋯」1994年4月至7月，胡圖族人（Hutu）對圖西族人（Tutsi）進行種族滅絕大屠殺，100天內，盧旺達700多萬人口中約有50萬—100萬人被殺。 「⋯⋯大屠殺期間，是人同人之間互相殺害，令彼此的信任感好低，尤其是當時是會用上毒殺，即是可能我和你是朋友，但因為種族問題要殺死對方，例如『我請你飲嘢呀～』，之後你就死咗，所以令到當地人今時今日有種文化就是，如果他們serve任何飲品，都會在別人面前，將該飲品倒出來，不會就這樣放低然後離開，等你回來後自便。我聽完之後覺得，嘩，原來係咁樣，然後覺得很慚愧。」 他直言，這是香港人的通病。「係，我哋香港人成日都係咁，上述只是其中一件少事，但我將之延伸下去，你可以回頭想想我哋香港人，所有人都是如此，根本有時並沒真正了解人家的想法和行為，就先去Judge別人，或者是，香港人Judge自己人也是如此，一來就係鬧咗先（大東按：例如謝安琪疫苗論？？）：『呢啲人去死啦！』、『廢物！』、『垃圾！』，但真的沒去細想，點解對方會有這個行為，為何他們會這樣處事呢？」我們太習慣做判官，但我們的判斷總是太表面，大概未聽理由直接下結論的感覺太爽，不知多少人因此「受害」，人言可畏如利刀，我領教過了，世道險惡有二，奸險計算充滿城府是其一，愚昧無知是其二，而後者的殺傷力，不比做陰騭事來得輕。 謝謝白賴仁的小小故事，想睇佢哋更多精彩故事，就要留意👉🏻👉🏻👉🏻 ＊＊＊＊＊＊＊＊＊＊＊＊ 《前前線》 逢周二晚上10:30 數碼99台ViuTV viu.tv及手機應用程式提供節目重溫 （09022018） #yautaitung #游大東 #游大東影視筆記 #游大東小小故事 #前前線 #viutv #陳安立 #ranya #tea #box #blue #yellow #hkig #hongkong