Last time we showed you the tree planted by John Denver, this time, we found the one planted Mr. Chris Patten 彭定康, the last governor in Hong Kong, in 1993!
⁣
Where is the Chinese Banyan Tree 細葉榕 planted by Chris Patten?
Near 57 Johnston Road, Wan Chai, in front of Boston Restaurant
灣仔莊士敦道57號，波士頓餐廳前

Where is the John Denver tree 🌳👇🏻👇🏻👇🏻
#explorehongkong_WanChai⁣
#explorehongkong_nature⁣
⁣
#hk #hongkong #🇭🇰 #香港 #hktravel #hktraveller #hktravelbloggers #hongkongtravel #hktrip #香港旅遊 #香港旅行 #explorehongkong #discoverhongkong #hkstyle #travelgram #香港好去處 #travelasia #plantit2020 #ChrisPatten #chineseBanyan #細葉榕 #彭定康

每次貼 Hong Kong LEI 香港散步專欄就會想起又過了兩個月。香港盛夏來得特別早，日本8月的天氣，香港5月已經可以感受到。

灣仔大家都很熟悉，和昌大押也好、波士頓餐廳也好，都沒有什麼新意。所以今次加入了百多年前的灣仔日本旅館—千歲館，讓大家對灣仔有一番新的體會。

《坂上之雲》中正岡子規大家都記得，他的弟子高濱虛子，原來1930年代時曾經到訪香港，並在灣仔欣賞過藝妓的表演⋯⋯⋯

［和讀者見面］拿，呢鑊真係夢幻共演，正過Beauty Venus。隔離台陳公 陳祉俊 Christopher Chan ，大家開電視都會見到佢。佢係我讀者，我又係佢讀者。

TLDR：人生有幾多個廿年？有個勁人朋友好到極。你見我有幾可讚人？

1. 有啲人奇怪，以為大纜都扯唔埋，做乜我會識佢。我同佢雖則年紀差唔遠（唔怕講啦），但中學大學都隔好遠，住同工作又唔啦更，捧嘅球隊又完全唔同。做乜會扯上關係？

2. 殊不知，頂，我識左佢超過20年！雖然我今日先有佢電話，但真係識咗超過20年！超過20年前已經食過飯！單獨喎！浪唔浪漫？

3. 因為，佢係我第一個見嘅網友！

4. 話說20年前呢，當然冇Facebook冇Whatsapp，剛剛有部愛立信3系手提電話。但己經有電腦，有互聯網。而小弟係有Homepage嘅！（後生仔你當係以前嘅blog啦），嗰時寫嘅嘢固然膠得很（而家都係），但真係勝在情感夠真，好似啲地下樂隊未入主流前咁，「高山劇場年代嘅Beyond」，「到包頭唱阿拉伯跳舞女郎就太商業化了」（但，唔通你想人地窮一世咩）

5. 而嗰時，我在港大，陳生（我老過佢，叫陳公好似有啲怪）在中大。偶然佢睇到我嘅Homepage，留咗言，加咗我ICQ（er…….你當係好耐之前嘅web 版 whatsapp咁啦）。至此就展開一段超過廿年嘅友誼。如果我出名啲就拍戲都得。留意當時冇咁多網友冇咁多人上網，我一早做KOL可能紅咗。

6. 講返，廿幾年前我第一個見嘅網友，就係佢。食飯其次，主菜係我地一齊去睇楝篤笑，《張達明一咀騷一咀Show之蓄意縱火》（＊）（已FC，2000年，都話廿年前）。See？我話我係文青，啲人都係會笑，但呢個係事實。「睇楝篤笑都文青？」是的，嗰個年代係，嗰個年代黃子華仲係小眾品味，未入TVB。

7. 咁文青呢啲定義因時而變，我年代文青係讀比較文學（又，此系出名多痴線佬/婆，是真的），而家文青係去深水埗飲蝶豆花。我年代Juno係《愛上殺手》，有錢任性富二代買獎壞品味邪不能勝正，而家Juno係文青指標（屌你，阿叔十年前已經去切爾諾貝爾啦！）。時代會變，中性的。等於細個都知黎明周慧敏唱歌垃圾（真係美斯，我大把網友唱得好過佢地），但而家全部係「當年啲歌真係正」。

8. 講返，當其時，我地唔知去咗杏花樓（係咪全線執笠？），定波士頓餐廳（仲在！），定both？係呀，劣食，大佬，嗰個年代嘅大學生，好窮的。你估而家個個噢媽卡些咩！波士餐餐廳仲在，在而家我公司對面，但我都未鼓起勇氣幫襯。人要進步嘛，廿年前食農場餐廳溝女（是真的，港大附近有間），廿年後仲食咩（條友又東山再起，然後執埋，都冇人理）。近年我最接近波士頓餐廳，就係去樓下間Bones and Feathers．

9. 所以我今日就係由波士頓餐廳開始行，行到去今日食飯嘅地方。灣仔藝術中心嘅Assaggio．嘢食還不錯，但我係特登揀呢度的。陳生都話正。

10. 因為，廿年前我地就係在藝術中心睇張達明！！！（＊＊）（但當年應未有Assaggio，有都食唔起，窮文青咯，你估而家啲文青咁食米芝蓮然後話自己人間煉獄好窮？）。你睇我個人幾咁貼心幾咁浪漫！（其實我有一刻想訂波士頓餐廳，但午市太多人，唔好了）

11. 講返，陳生同我除咗事隔廿年聚舊，當然仲有啲其他好東西。詳情遲下講，大家可以留意佢Facebook Page 陳祉俊 Christopher Chan，同埋我個Page。

12. 禮多人不怪，真心講句，在陳生身上都學到唔少嘢（有足球，但主要真係唔係足球）。我今日食完飯，醒起一個故事，雖然我講返啲舊事陳生十居其九都係唔記得的。我骨子裡係麻撚煩港女性格（熟朋友一定知），巨蟹座嘛（＊＊＊）

13. 故事係咁的，廿年前嘅陳生已經識好多嘢，十分knowledgeable 又resourceful，各樣嘢都識，玩百萬富翁玩Quiz Show可以拎大獎嗰啲。佢有一日在ICQ度同我慨嘆：你睇，而家有互聯網，個個可以上網即時查到，我嘅優勢冇晒呀陰功。

14. 廿年後，陳生嘅優勢，明顯只有擴大冇縮到。呢個故事好值得你去深思，所以我劃出腸講多幾句。人人可以Google，亦即係人人冇優勢，同你打手機遊戲派道具一樣，人人都有，只係量化寬鬆。「才華」先係最好嘅護城河，勁人一般做乜都勁，唔好迷信咩「你叫愛恩斯坦爬樹」嘅飛機。C朗打籃球都打贏你。你見香港啲醫生又寫文又影相，因為本身就係勁人，做乜都勁，只係做醫生最好搵。

15. 最後，我以一句名人嘅說話作結（當自己考A Level咁）：

16. My mother said to me, 'If you are a soldier, you will become a general. If you are a monk, you will become the Pope.' Instead, I was a painter, and became Picasso.　（＊＊＊＊）。有一期我簽名欄係呢句嘢

17. 結果，陳生講波（當然佢仲有其他嘢做），就變咗陳公。我寫文，就變咗君子馬蘭頭。古語有云，Michael Jordan plays ball. Charles Manson kills people. I talk. — Everyone has a talent。但重點唔止搵啱舞台：Michael Jordan打打下NBA拎完三次冠軍，然後話冇心機冇熱情忽然轉打棒球都得啦—我知唔係MLB，但有幾多人可以忽然30歲去打Minor League棒球？—然後仲要即時返去打NBA再拎三屆冠軍！

支持好文，記得訂Ivan Patreon　（https://bit.ly/31QmYj7）。而家訂一年仲有85折。係喎，咁都借位宣傳下，我有同陳生講，我嘅優勢係面皮越嚟越厚（增長中）。真的，出嚟做嘢先知好多時係優點。

關於陳生同我，仲有唔少故事講。搵日再講多個，有啲公共性有啟發的。

（＊）同場加映，嗰場楝篤笑，張達明捉咗個觀眾上台玩鳩佢，自己走咗落台。冇錯，就係我！我仲同觀眾講，「拿大家可能以為係做媒，但我真係唔係」。張達明就話「大家睇下，呢位觀眾示範緊懶風趣，都幾好架，大家畀啲獎聲」。玩咗我一輪。幸好後來出VCD唔係呢場—冇錯，因為呢件事我特登買隻VCD

（＊＊）Useless Fact，張達明原來同我一樣都係巨蟹座，遲我一日生日。梗係唔同年啦痴線

（＊＊＊）又笑？咁我話你知，我連陳生廿年前在我HomePage留言想識我講嗰句嘢我都仲記得。夠「女仔」未？

（＊＊＊＊）我有諗過寫：「西班牙畫家畢加索講過」，但諗落多餘，既侮辱畢加索，又侮辱我啲讀者。

*Youtube訂閱請點 ➡︎https://goo.gl/aueB8E
*Facebook專頁➡︎https://goo.gl/2FNksL
*Instagram：apostle1203
*字幕支援 ➡︎https://goo.gl/NIrr9d
*籌旗助養本公子➡︎https://goo.gl/DbpmzG
==============================================
【波士頓餐廳】地址：灣仔盧押道3號地下

營業時間：星期一至六 8:00 - 23:00
星期日 11:00 - 23:00

電話：25277646
==============================================
厚切西冷排 $172
火焰牛柳 $180
火焰雪山 $98
==============================================
推薦飲食影片：
【蘇浙滙】https://www.youtube.com/watch?v=ue5sO2pXgPY&t=2s

【鳴門魚市場居酒屋】https://www.youtube.com/watch?v=ZgJ9LvCKdPA&t=23s

【隠家拉麵工場】https://www.youtube.com/watch?v=btNiOLbqYTg&t=5s
==============================================
★影片目的
識食之人【使徒】同你一齊去試食，搵食，食古靈精怪既美食，好食，唔好食，中伏都話你知～走遍港九新界，發掘更多飲飲食食再同每位Share,係美食天堂還是劣食地獄都好，就算你行唔開去食，只要參閱識食之人，睇左當食左～而家我地就一齊起行識飲識食～做個識食之人～有咩搵食，美食，好食既同意見，都歡迎你講低～～感恩！
==============================================
















Keywords：
波士頓餐廳，灣仔懷舊排房，厚切西冷排，火焰牛柳，火焰雪山，識食之人，飲飲食食，美食，搵食，好食，試食，伏食，試食vlog，食好西，吃貨，使徒