［加拿大概念股嘅嘢］純金融討論。非曲，如果有錢我真係買，可惜冇錢。

1. 有冇得諗？你睇第一張圖就梗係話升咗咁多仲買。但只要我一轉第二張圖，就會變咗係好抵買，幾咁易就可以誤導你。你係炒momentum嘅，就畀第一張你睇。你係懶係value investor嘅（＊），就畀第二張你睇。我？我買嗰時好多時都唔睇股價的。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

3. 正經，雖然柏林牌同德國寶係香港嘢（＊＊），加拿大鵝就真係加拿大公司。你見我貼都係TSE多倫多交易所，個股市成交唔少的。你心諗，點買加拿大股？首先，開個IB戶口就可以。不過又其實，隻嘢在美國都有上市嘅，買美股咪得。兩邊都係叫GOOS。

4. 全球暖化喎，仲羽絨？但你見隻波司登 3998股價都好勁的，估佢唔到。

5. 不過加拿大鵝就只係細公司，即使在加拿大，市值都排到近100．最大嘅係邊間？可能你都估唔到，就係……Shopify。一樣，加拿大上市美國亦都上，兩邊都叫SHOP，個編號都幾值錢。本人有買的

6. 加拿大仲有乜有趣嘅公司？實在係冇乜。一大抽都係啲悶嘢，銀行（RBC呀 Dominion呀CIBC呀Bank of Nova Scotia呀Bank of Montreal呀之類，做銀行時成日對），保險（宏利永明），石油開礦。不過都仲有幾間有趣嘅公司。

7. 第一間係Lululemon，我好早已經聽過啦！仲係個麻甩佬話我知的。當然係冇買啦。呢間就加拿大冇上市，只在美國上。留意仲要係上Nasdaq，夠晒高科技（其實Nasdaq都冇話係高科技）

8. 仲有路邊社個friend 路透社，原本英國公司，後來Thomson Reuters．畀加拿大買起咗。睇名都知，同多蒙特德國名宿路達撞名，冇錯就係一條叫路透嘅德國人搞出嚟的。路透社成立相當傳奇，最初都係靠財經資訊，即係股價，但用乜？電報？電話？你太年青了。最初係用…….信鴿！幾百隻的。快過當時嘅火車。而呢檔嘢搞出嚟，仲同德國數學王子高斯（Carl Friedrich Gauss）有關（＊＊＊）

9. 仲有就係Restaurant Brands International，上市編號QSR（快餐店呀！），夠值錢，又係加拿大同美國一齊上。乜水？Burger King同Popyee炸雞

10. 仲有，BB，Black Berry，實在有啲難解釋畀新一代係乜。大哥電話佢地睇戲見過，以前撥輪式電話都可能在舊嘢舖頭見過。BB呢味嘢，真係有啲難解。想當年拎住部就真係金融才俊。本人都有幸用過，但好後期了，已經係touch screen，唔及以前有埋個qwerty Keyboard咁有型。而家好似冇出機了，做軟件，後來在星展都用過。又，間嘢原本叫Research in Motion，RIM，但係冇Research部門的。呢間夠煩，美國加拿大上市，但用唔同編號的。本人有一股咁大把，「富途開戶送的」

11. 仲有Canopy Growth 同Tilray，大麻股呀。美國未係十分合法嘛，所以全部都加拿大上的。

12. 仲有間Bombardier龐巴迪，飛機火車雪車。以前好似寫過。跌到趴街，一度得返100億港市值，同間1137差不多。後來又重組又賣嘢先走出困境

13. 而以上全部公司，都係大過加拿大鵝嘅。

（＊）當年就個個都話自己係value investor，而家就個個都係growth investor disruption start up 由零到一，劏寫字樓都話高科技公司

（＊＊）仲有間「德國上將」，聽名都型。

（＊＊＊）冇法，每次講高斯都係要講呢個故事，唔係佢兩秒鐘就知道由1加到100係5050嘅故事，而係德國馬克嘅故事。德國10馬克（我屋企仲有一張）上面，印咗佢個樣。冇乜特別丫。但仲印埋高斯嘅名物：Normal distribution curver．都冇乜特別丫。不過，就連嗰條公式都印埋上去！（https://bityl.co/8qUh）。英國讀書時某老嘢教授講起呢個故事，大讚德國人呢啲先係尊重學問嘅民族，佢話佢就冇見過有第個國家整條公式上銀紙。後來有人話我知，瑞士（咪即係德國！）都有一套歐拉，唔係outline，歐拉Euler係個一人，《Imitation Game》套戲講數學家，居然讀錯Euler，認真抵打。而講開Imitation Game，新版英鎊就有圖靈，仲印埋公式了。肯定係聽咗老嘢教授講。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

【龔成問答信箱】（Q19681-Q19700）

Q19681：

龔成老師，多謝你一路以黎堅持日日過錢落我地呢d忠實讀者嘅袋

自從follow 左你之後就keep住追睇你嘅文章！真係學到好多野！

我今年 30歲

記得你教過如果投資金額 100萬樓下就 5-10 隻股已經夠

我大約由上年 10月開始買股票
預左大約同而家差唔多（尚餘大約 $4萬可入貨）嘅金額投資

我而家暫時入左 7隻，組合未完全形成
幾乎全部都有等到你提及過可入手嘅價位先行動
想問下你對我嘅組合有無咩意見？

66 1000股 $38.35
2018 500 $42.5
2800 500 $24.24
3032 600 $7.567
3088 400 $9.55
3319 250 $32
9988 100 $230

現在嘅組合我希望再進行以下動作
可以比d意見嗎

1. 入手 1833（目標價 $85）

2. 9988 跌穿 $200 再入多手拉返平均買入價去到 $215 左右

3. 有機會會因為以下股票去到呢d價位而再調多d savings去投資：1830（$2）/ 1448（<$7）/1177（$5.85）

4. 66 同 2800 進行以股代息（但本人嘅股票戶口係致富，佢地有股息再投資計畫，想問效果係咪一樣？）

5. 一開始同時買入 3032 加 3088 係因為覺得2隻都好似買得過就一次過入曬

想問係咪應該等 3067 去到目標價就放曬呢兩隻去買 3067？因為手續費呢兩隻加埋係咪好貴？謝謝！

龔成老師︰

現時組合都可以，但港鐵（0066）比重上有少少偏高，未來再入貨時要留意。個別股票最好維持在15%以內，個別行業則不要大於3成。

1） 平安好醫生（1833）長遠有發展力。

佢係中國領先的一站式醫療健康系統平台，透過「移動醫療+AI」，為每個家庭提供一位家庭醫生，為每個人提供一份電子健康檔案、一個健康管理計畫。

平安好醫生係中國互聯網醫療健康市場的先行者，以平均月活躍客戶，以及在線諮詢量計，是中國最大規模的互聯網醫療健康平台。

企業的業務有潛力，本身有優勢，大環境的配合，都成了這企業的機遇，前景正面，不過財務數據未算好理想。

雖然長遠的企業價值向上，但股價在中短期，可以十分波動，因為市場以「前景」作估值，故此變化必然很大。好難得出平貴的準確數，只能估估下，作參考。

因此，低風險者未必適合投資，若投資者考慮這股，亦不能大注投資，買入後就耐心長線持有，等待這企業改變整個行業的情況，現價算是合理區中上部至頂位。

2） 這個位置加注可以，但由於你總資產唔多，不停加注會令比重過高。所以加完這注，就唔好再加住。

3） 這些價格，都是合理區中至頂部，在這個位置開始入貨係可以。但留意你上述不少都是潛力股，你集中加注落這些潛力股，會令你組合風險過高。

以你年紀"平穏增長股"和"潛力股"各一半，會較穏當。

4） 如果佢係直接將你股息，再投資落同一股票，基本上係一樣。但證券行有機會收入額外費用，你要自已留意。

5） 恆生科技（3032）、安碩恒生科技（3067）和華夏恒生科技（3088），都是追蹤恆生科技指數的ETF。

我地睇翻個管理費和誤差率，都係以安碩恒生科技（3067）較理想。但留意由於3隻股份都係初上市，誤差率只係一個估算，實際可以唔同，你要明白有這個風險。

長線計，你可以轉去集中儲3067。轉換時，只要係同時間進行買和賣就可以。

------------------------------------------------

Q19682：

成哥，最近我在檢討自己過去2年的投資，2019年主要輸hsbc 約2萬，2020年主要輸baba 約1萬

我明白資產比起現金更重要，但如果棖面 1年望落去是輸多，我是否要檢討我的股票要留還是要轉碼？

想請教成哥你望住比亞迪天天大上大落 會唔會有心情上落？還是我如果相信企業價值，應該有耐性用長達幾年時間去觀望？

龔成老師：

如果不是每天要答讀者問題，我可以一個月唔理股價的，因為，我地應該著重「企業長遠發展」，而不是每天股價。

我買入比亞迪（1211）12年，多年都是只入不出，過往試過由$88跌到得翻$12，當時已經是我的最大持股，你可以代入我的角色，賬面無左9成！

但我同自己講，最重要睇長線，長遠企業價值，而不是短期股價，當時得到的結論，就是這股長遠質素無變，但中短期業務仍弱，只要我以長線角度分析，不用理這刻股價就無問題，當時我做的是「加注」！

所以，你最重要分析「企業價值」，長遠的情況，核心因素。

------------------------------------------------

Q19683：

龔成老師，有咩細股值得月供嗎?
02826 有前景嗎？

龔成老師︰

ＧＸ中國雲算（2826）之投資目標為追蹤中國雲端運算指數ＮＴＲ之表現。

是高增長的行業類別，我自己都睇好的，加上投資這基金比單一股票，有更大的風險分散能力，可以作長線投資和月供，但預佢價格上落會較高。

月供比較適合用一些最高質素股票去做，暫時細價股無理想目標。

------------------------------------------------

Q19684：

老師你好，我係投資新手，我睇中左隻6823用作收息用，打算買5手，我已經喺10.04買左1手，你成日建議大家要分注入，我之前無買過股票，所以見到6823跌穿10蚊又心大心細想入多手。

其實分注有無話個股價跌幾多％，可以再入，唔該晒！

龔成老師︰

香港電訊（6823）的業務穩定，盈利穩定，加上用100%派息的政策，雖然增長力不強，但用來收息，這股絕對不錯。

"分注"主要睇你資金可分成多少份，一般每注相隔10-15%左右。

另一個方法，係按時間，例如每2、3個月就入一手（不論當時價格高低），直至資金用完。

------------------------------------------------

Q19685：

龔成老師你好，我今年30歲，經朋友介紹下接觸你的專頁並於上年3月開始學習投資。現持貨如下

1211 @50 $44
27 @1000 $51
9988 @200 $232
303 @200 $46
1177 @1000 $6.75
另月供$2000 1448 @380 $7.89

想知道現時配置如何可以更進取？

如有流動資金5萬，現階段可保留現金還是再選多一隻股月供？

你對於811有咩睇法呢？
謝謝你！

龔成老師︰

你年紀雖然可以承受較高風險，但組合中己有很大比重在潛力股上（1211、9988、1177、1448），已經太過進取。

未來你應慢慢將組合比重，調節至"平穏增長股"和"潛力股"各一半，會較好。而月供分面，建議你都抽$1000去供一隻"平穏增長股"。

平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、領展（0823）、粵海（0270）

現市大市在合理區，流動資金5萬留來等大跌市機會。

偉易達（0303）增長力唔強，主要係收下息，唔好再加注。

新華文軒（0811）在內地從事圖書、報刊、音像製品及數字產品等出版物的編輯和出版。

初步睇佢都有投資價值，但你唔好預佢係爆升類，長線只會係平穏增長。現價在合理區，可分注入貨。

------------------------------------------------

Q19686：

龔sir 午安 請問bc科技 863 此類股份值得去投資嗎 前景如何

龔成老師︰

BC 科技（0863）主要在中國內地從事提供廣告及商業園區管理服務。另外，於香港從事數字資產平台及區塊鏈相關技術業務。

除左商業園區管理服務收入較穏定外，其他分部都十分波動。過去集團一直處於虧損狀度，唔係咁理想。

我唔會話佢完全無潛力，但現時情況，若要投資就只宜好小注咁博下。同時你要明白，投資此股風險唔細。

------------------------------------------------

Q19687：

龔sir，你好，近一年開始follow你的FB改變左我既投資理財觀念

我今年三十歲，我同男朋友月入大約四萬，早年因為我貪心，借左一筆錢投資，不過輸哂，依家每個月要還七千，仲要還兩年。

我同男朋友計劃結婚，但唔諗住生小朋友，睇左你FB分析過後，我地兩人合供股8000蚊

700@4000
2382@2000
1177@2000

我有一樣野諗唔明白

你既股票勝經提到，我地應該要擁有優質股先係最好既資產。

咁如果幾年後，我應係租樓住繼續供股，定係賣左d股票套現去買樓呢？

到時退休後，如果冇左收入，我地既資產係咪可以夠我地俾埋租金呢？

所以我一直都唔知應唔應該要買樓？
最後想再次感謝你啟發倒我。

龔成老師︰

由於現金長線只會貶值，所以我地要透過"優質資產"，去做財富增值。

"優質資產"不單係指有質素的股票，物業、生意、的士牌等等，都係屬於優質資產。

當我地開始時，由於資金唔多，所以最容易做到財富累積架方法，就係投資"股票"。

當到你財富累積到一定金額，就可以買入細價樓，最後換成你心目中架DREAM HOUSE。這個過程和策略，在我新書《5年買樓4步曲》有詳細解釋，你可以睇下。

最好能做到「股樓並行」這策略。

另外，我想你留意多2件事。首先，你年紀雖然係增值的黃金時間，但月供都唔可以集中晒係潛力股。

你現時組合中，3隻都係潛力股，增長潛力大，但風險同樣高。你應該係"平穏增長股"和"潛力股"比重，各佔一半，才算平衡。

現時大市只在合理區，每月資金唔好盡用。最好留有部份，等大跌市出現時，可以用來掃平貨。

平穏增長股︰盈富（2800）、銀娛（0027）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、領展（0823）、粵海（0270）

第二，若果你現時未清的貸款，利息係好高，最好先還清貸款，才開始投資計劃。

------------------------------------------------

Q19688：

老師。6855亞盛醫藥終於快到買入價40.85。等了一年。
如到買入價應該解套還是繼續持有好？

有一隻藥可能會在今年上市

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

亞盛醫藥（6855）這類新上市時間唔長架股票，風險較高。另外這股最大的問題，是未有正式的盈利。

佢主要從事生物製藥業務，核心治療領域包括癌症、ＨＢＶ及衰老相關疾病。到目前，佢共有8款候選藥物進入臨床開發，正在進行28項臨床試驗和21個在全球範圍內提交的ＩＮＤ（試驗性新藥）。

企業不能話無潛力，但不確定性實在太高，是較高風險的類別，有危有機，只可以話，如睇好佢的產品將來市場發展，而現時佢佔你組合比重又唔多，可以守住先，再觀察。

------------------------------------------------

Q19689：

老師， 你曾經推介過的1448， 現在可合理入嗎？

龔成老師︰

福壽園主要在中國從事殯儀及相關業務，主要可分為3 個範疇：殯儀服務、墓地出售、墓園維護服務。

以收益及地理覆蓋範圍計算，福壽園是中國最大的殯葬服務商。福壽園是首批進入中國殯葬服務業的私營企業，以企業化經營殯儀業務，主要針對較為高端的市場，並有一定品牌。

由於此股有一定質素，所以長期處於偏貴水平。現價計都仲係略貴，$7左右算係合理區頂部，這時才分注入貨，會較理想。

------------------------------------------------

Q19690：

你好龔sir，我手持2018瑞聲科技 1000股，$122買入，已持貨2年以上，我見最近1177回到合理區，是否應該賣出2018轉買1177？

因剛轉工作，沒有太多資金，剛時不想再將資金投入股票市場，以此方式轉換是否合適？

龔成老師：

其實瑞聲科技（2018）本身都有質素，佢有一定的規模與技術，長遠發展正面，不過，佢增長力不是好強，只能視為平穩增長類別。

現價合理，而你當時買入價為貴，由於只是平穩增長類，因此較難上翻去。

如果你想組合有較高增長力，的確可以考慮轉其他。

中生（1177）有潛力，現價合理區中上部，如果你真的想轉，可以等佢再落多少少先做這動作。

另外，你預留現金是適合的。

------------------------------------------------

Q19691：

您好，我本身係草根出身，因為細個屋企債務問題，成日俾人逼遷，所以好想擁有自己物業。

我2010年畢業，用地獄式儲錢方法，2014年成功上左車。

但係之後因為要供樓，根本無可能再好似之前咁儲到咁多錢，感覺好似係瓶頸，無辦法再增加累積財富，頹廢左3年做月光族。最近睇到您既fb同書，突然間覺得唔可以再咁落去，好想問下您意見應如何走落去突破瓶頸。

我今年32歲，月入$37000，擁有一個自住嘉湖山莊3房單位（尚欠約280萬，月供約$12000），一隻約30萬既每月收息債券基金（每月收約$700），擁有少量股票，包括

匯豐（1手$45入）、
友邦（1手$19.68入）、
財險（2手$13.86入）、
渣打（4手$61.8入） 、
領展（1手$69入）

正著手2021年1月開始供股
$2000 騰訊
$2000 盈富基金
$1000 領展
手頭上有可投資現金約$15萬
我依家應該做咩好？

龔成老師︰

其實當你供樓時，都是進行財富累積，當然，我會建議盡力做到股樓並行，而不是每月供樓無錢剩。

當我地投資增值，會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你年紀計，應以增值為主。匯控（0005）和收息基金都是以收息為主，增長力欠奉，唔建議持有。另外，見你組合有好多銀行與保險類股票，其實集中在金融相關，你宜進行調整。

你現時最新月供組合，適合你。現時大市在合理區，現金和股票最好各一半，因此15萬先儲起，等大跌市出現，才加大力度掃貨。

而你現時要做有2件事，首先努力增加自己投資知識，睇書、新聞、上課程。到出現大跌市，相信可以令你增值做得更好。

另外，睇翻自己開支用左係邊，以你收入和供樓狀況，月供比例唔應該咁少。你應盡量空出資金，在這個年紀做好財富增值，咁會對你最有利。

------------------------------------------------

Q19692：

sir,1652 可否長揸

龔成老師：

福森藥業（1652）佢從於中國事研發、生產及銷售多種用以治療感冒及發熱、心血管疾病及貧血的中成藥及西藥產品，核心產品為雙黃連類感冒藥。

佢生產、推廣及銷售福森品牌的幾十種藥品。產品組合分為：

（１）雙黃連類感冒藥，包括雙黃連口服液及雙黃連注射液，及（２）其他中成藥及西藥產品，如複方硫酸亞鐵顆粒及鹽酸氟桂利嗪膠囊。

業務不過不失，但見唔到有好強的獨特性，同時企業規模較少，有風險。

這刻未見有好高的投資值博率，投資價值一般般。

------------------------------------------------

Q19693：

老師，我想問下3998波司登有質素嗎？因為已入手12000股多年

可以長期持有嗎？

龔成老師：

波司登（3998）主要在中國從事品牌羽絨服產品、貼牌加工產品及非羽絨服產品的研究、設計及開發、原材料採購、外包生產、營銷及分銷。

品牌與規模不差，在一定的業務質素，生意有增長力，盈利都不差。這股有長線投資價值。

不過股價上落就較大，現價都算合理，都有可線投資，但不是高速增長類型。

------------------------------------------------

Q19694：

龔成sir你好，
想請教一下我的情況

我同我先生39歲，都係自由身創業，疫情下大家都受影響...

收入大減，同時而家都用緊積蓄來生活（包括租樓租office)

本來想抽居屋上車（因有政府做擔保可以借到高成數按揭），但可惜抽唔到～～

同時都明白抽居屋唔容易，所以如果可以，想滾大舊錢，如果可以比到多啲首期既話，就可以買到私樓......唔洗無了期咁等......

現有積蓄約$150萬，應該如何分配會比較好，同埋適合買邊幾隻股票。感謝！

龔成老師：

由於你地現時收入受影響，因此在投資上，唔好太進取，要留一定的現金。到之後收入正常先加大投資。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

以你的年齡，可投資「平穩增長股」小注「潛力股」。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

潛力股可考慮：安碩恆生科技ETF（3067）。

3067這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂，因此，這刻不能大注投資。最好的策略，就是月供，或自行分注小注慢慢收貨，原理如同不斷儲貨，這樣就能平均買入價，減少風險。然後就長線持有。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q19695：

老師我係你學生，想請教688估值:

PE: 5年取3年:6.621-6.8
EPS(5年平均): 3.844
合理股價:6.621X3.844X1.2-6.8X3.844X1.2
股價合理範圍: 27.49-34.50

美國列中國海外母公司黑名單及明年所有美國公司要賣中所有中國企業股票，這是短期因素，但長遠並不會影響688基本賺錢能力。

那麼，現價在17元以下是價值便宜區，但短期仍要承受股價下跌風險?

688現在是買入機會？

想問老師，以你所知，688的質素是否有負面地轉變？

龔成老師：

你在估值時要留意，佢的盈利包左物業重估因素，所以你要調整翻先得。

另外，中央有打擊樓市的政策，中短期仍會對佢不利，因此估值時都要保守翻少少。你要調低翻估值。

中國海外發展（0688）不是無質素，在發展商來講，不算最強，長遠有平穩增長的能力，前景都可以。

睇翻佢的財務數據，基本上都是正面的，但生意增長力不是好強，見佢過往的生意都只是平穩，而整體都有投資價值的。

可以視這股為平穩型的企業，現價合理。當然中短期可能因樓市一般而股價一般，但長遠，仍是可以的。

------------------------------------------------

Q19696：

老師，我已記錄了兩個月自己每日的支出，整了個開支記錄表，真的發現自己有好多唔應該洗錢既地方，依家買嘢想清楚「需要」先買。我覺得真係很好的一個習慣。

還有因為認識了你，我改變了好多之前唔好的心態，同埋依家個人好正能量！我覺得你應該多一個花名是「心靈雞湯大師」呀！

龔成老師：

記錄自己的支出好重要，我每日都會寫低開支，同時每月月尾，都會做個人收支表及個人資產負債表，對理財好有作用。

大家加油！保持進步！

------------------------------------------------

Q19697：

銀娛$59左右，可入注了嗎？還是有機會等佢跌多5-8%先？因為一手都成5萬幾6萬。

領展都係升緊，現價約$71，可入首注了嗎？

福壽園我諗住等佢$7以下入注！

龔成老師：

銀娛（0027）有質素，現價合理，你分注投資就得，可長線。

如果你資金不多，怕一次過入，可考慮月供。

領展（0823）合理價，可分注投資。

福壽園（1448）等$7以下。

------------------------------------------------

Q19698：

龔SIR!
1. 請問3067每月固定買2手這個模式分注吸納, 可以嗎?

2. 港鐵0066, 現在無貨係手, 幾錢入場較好? 見佢不停升緊, 打算每季買一手不斷儲貨, 之後長線持有, 可以嗎?

龔成老師：

1）可以。這方法可進行。安碩恒生科技（3067）可長線。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂，因此，這刻不能大注投資。最好的策略，就是月供，或自行分注小注慢慢收貨，原理如同不斷儲貨，這樣就能平均買入價，減少風險。然後就長線持有。

2）現價仍在合理區，小注投資，等跌再加。

你每季入貨都得。

------------------------------------------------

Q19699：

龔成老師你好！本人今年44歲，因疫情關係現在待業，亦因為這個原因所以每天也有留意股市、財經、新聞行情！

心思思想入市但不知從何入手！知道你有出好多書比新手，請問那一本適合我，我應從那一本開始看起？

龔成老師：

記住，你現時待業，風險承受能力會較低，財富分配宜保守少少，留一定的現金，真的閒錢才可投資。心態上，唔好一心想靠進取投資去心急有回報。

不如我建議你做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。《股票勝經》適合初階者的。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。

第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

當你在做上述三件事的同時，開始學下股票，了解下那些股票適合你自己。上述只同你簡單供盈富，當你過幾個月，有知識及少少經驗後，就可以利用你手上的資金，其中一部分，去投資股票。

------------------------------------------------

Q19700：

Hi老師，請問除左你推薦既書之外，仲有冇其他關於成功，致富呢類型既書推薦睇

龔成老師：

以下是我認為適合初學者睇的書，部分要到圖書館找的：

《我十一歲，就很有錢》
《經濟蕭條中，七年賺$1500萬》
《富爸爸，窮爸爸》
《思考致富聖經》
《秘密》
《財富金鑰匙》
《有錢人想的和你不一樣》
《世界上最偉大的成功寶典》
《洛克菲勒寫給兒子的38封信》
《解讀巴菲特》
《巴菲特傳-永恆的價值》
《勝券在握》
《智慧型股票投資人》
《非常潛力股》
《彼得林區的選股戰略》
《誰搬走了我的乳酪？》
《人性的弱點》

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

譚新強：中美終完成首階段協議 但第二階段或遙遙無期

預祝各位聖誕快樂！

我提前去了北美洲，感受一下白色聖誕。溫哥華和多倫多等城市，歌舞昇平，大小街道的聖誕裝飾都很漂亮，各大商場更爭姸鬥麗，佈置得美輪美奐，充滿節日氣氛。去到多倫多久違了的Eaton Centre，看到在中庭超過100呎高的聖誕樹，不禁感到一陣唏噓。

今年較早下雪，仍不算太冷，全球氣候變化是真的，所以羽絨等冬季服裝賣得不太好，近日Canada Goose和波司登（3998）的股價，也非常不濟。Moncler股價相對強，但原因是Kering（Gucci母公司）正在探索收購合併，價值可能高達120多億美元。二三線獨立奢侈品牌，愈來愈難做，尤其時裝，每一季受不受歡迎都面對很大風險，且很多品牌的銷售，尤其名表，都受到香港動亂影響。

除此，美國隨處掀起的貿易戰，亦威脅消費意欲和企業投資。數周前，特朗普就曾恐嚇法國，將針對由香檳至手袋，飾物至芝士，抽取高達100%的關稅，以此報復法國針對美國科技龍頭如facebook和Google等的數碼服務稅（digital services tax）。美國為中國之後的第二大奢侈品市場，如落實，當然有很大影響。而且正考慮類似稅項的國家愈來愈多，包括加拿大和奧地利等，以特朗普性格，肯定逐一報復。

所以不少獨立品牌寧願出售給奢侈品界的兩大巨頭LVMH和Kering。早前連美國最有名的珠寶品牌Tiffany，都被LVMH成功說服出售，對比Moncler的作價，我認為163億美元的作價，不算昂貴，主因應是Tiffany經營不善，利潤率只有Van Cleef的一半。在多倫多甚至溫哥華，滿街的人不少都穿着Canada Goose，我在想，市值才41億美元，會否也成為收購對象？羽絨帶來一些動物愛護者的批評，是考慮之一。另外老實講，Canada Goose的服裝可能很實用，但怎樣看都不算很漂亮吧，簡直有點土！

美國明顯比中國更想達成協議

終於到了此程最後一站的紐約，參加今年最後一次CEO峰會。上次9月在華盛頓的峰會，收穫甚豐，直接從美國貿易專員萊特希澤（Robert Lighthizer）口中，聽到有關中美談判的最新發展。他當然沒有透露內幕消息，但從他的口風，和其他參與者如澳洲前總理陸克文（Kevin Rudd）的講話，我已感覺到美方的談判意欲很強，而且Lighthizer多番重複強調"stay in the lane"的重要性，即是盡量不受任何其他問題影響這次貿易談判。當時香港問題已如火如荼，佩洛西本來打算在9月即盡快在美國國會通過所謂《香港人權與民主法》，但可能因為受到暴力升級影響，結果拖延到11月才通過兩院，繼而在感恩節當天，特朗普靜悄俏地草草簽署，完全不是他的風格，明顯是因為不想大事宣傳，盡量減少對他們認為更重要的貿易談判的影響。

不少整天不停渴望美國繼續制裁中國的人仍很頑固，堅拒相信美國會願意跟中國達成任何貿易協議，那怕只是一個非常狹窄和有限的"phase 1"協議。但事實勝於雄辯，明顯美國比中國更想盡快達成協議，所以最後願意把貿易談判分為數個階段，和首次答應把部分關稅降低（1200億美元貨品，從15%減至7.5%）。

不少美國人，包括這次峰會的參與者，都認為在這第一階段協議中，中國稍佔上風，但對雙方都有好處。最重要是暫時停止把貿易戰升級，叫停了本定於12月15日、針對iPhone等消費品的關稅。特朗普接受減部分關稅，但換來的只是中方模糊答應增購農產品，能否達到美方要求的400億至500億美元都存疑。

再者，特朗普雖很需要農夫的支持，但他私底下曾明確表達對農產品作為貿易談判籌碼的鄙視。協議的其他細節，包括知識產權保護，貨幣政策和開放巿場等，都沒有公布，需要等到協議簽署後才能知道。現在估計將會在1月簽署，有可能在Davos峰會舉行，但亦有可能只讓兩方貿易代表來簽。

下階段針對中國工業政策 分歧更大

無論誰勝誰負，問題是甚麼時候開始美方認為更重要、針對中國工業政策的第二階段談判？在此題目上，中美也有頗大分歧。美方希望盡快在明年1月就馬上開始談判，但中方已表示不急，反而希望先簽署好第一階段協議，和觀察實際執行的情况，才決定何時展開下一階段談判。所以第二階段協議，肯定比第一階段難，即使能達到，但時間上，很可能需要等到明年美國大選後。

即使勉強中國算贏了第一階段，但明顯美方在意識形態戰上，贏了第一回合，給了中國不少壓力。但並不明顯的是美方會否繼續打這一張牌。其實真正在推動這條戰線的並非特朗普，他極想達成貿易協議，然後盡快邀功，反而是國會的共和黨人，如Rubio和Cruz等，才真的想搞事，可能因為他們兩位都是古巴移民後裔。

但大家最要留意的下一紛爭點將回到科技戰，有傳聞美國將把華為制裁令的美國知識產權門檻，由25%降至10%。如落實，將給予台積電、Micron和Nvidia等公司更大壓力。

絕大部分的峰會參與者都擔心中國對美國形成的各種挑戰，包括貿易、科技、外交和國防等等。不少民主黨人更批評特朗普外交政策大大削弱了西方聯盟，給予中國外交上更多機會。反而不少共和黨人，尤其特朗普的支持者，並不支持全面阻擋中國的崛起，亦知道不可能成功，其實他們支持保護和孤立主義（protectionism and isolationism），包括從海外撤兵，認為可以節省軍費。

在峰會上，著名經濟學家Jeffrey Sachs則大聲痛斥所有仇視中國的人，指中國的崛起非常和平，上一次戰爭已是40年前的事。反而美國僅在過去25年，已掀起過6次塗炭生靈的戰爭，現今仍在14場大小戰亂中插手。他建議中美必須馬上停止鬥爭，才能避免直接打仗，甚至核戰的浩劫。兩國更應攜手合作對付更重要的氣候變化挑戰。我完全贊同他的觀點，但在今時今日的美國，要做到，唉！極不容易！

美國時間周三美國國會眾議院正式投票通過了對特朗普總統的彈劾案，是美國歷史上第三次，更加是首次被通過彈劾案的總統，仍然繼續參加選舉！不得不佩服特朗普的臉皮夠厚！

雖然他已被彈劾，但如無意外，在共和黨控制的參議院審訊（其實憲法上應由最高法院總法官Roberts來控制程序，但他暫時未發聲），幾乎肯定判他無罪，不會提前把他開除。因此特朗普才有恃無恐，公開表示他歡迎一場冗長的審訊，認為對他選舉工程更大幫助。

參院領袖故意不讓特朗普領功

但參議院大多數領袖McConnell和重量級參議員Graham等，未開審已誇張地公開承認他們並非中立公平的陪審員，根本不打算傳召證人，亦不會用心聆聽證供，早已決定放過特朗普！未審先判，簡直將違反了他們在審訊前的宣誓！但其實他們也未必真心支持特朗普，所以不希望拖長審訊，給更多時間讓他做騷，反而可能對其他共和黨人的選舉不利。更弔詭的是McConnell決定推遲USMCA的投票到審訊之後，似乎故意不給特朗普機會領功。

另一邊的民主黨也不笨，既然明知參議院的審訊只是一場不公不正的騷，可能反而對持朗普有利，所以佩洛西現時的決定，竟然是不把已通過的彈劾方案提交到參議院那邊，原來憲法上似乎是容許的，但能否真的能無限期拖下去就誰都不知道了，因為完全沒有先例可循。她的用意是令到特朗普蒙羞，推低他的選舉支持率，而並非真正以彈劾來開除他。同時民主黨仍繼續經其他法律程序，企圖披露更多特朗普逃稅和其他貪腐等罪行。

彈劾為虛 挫特朗普民望為實

上周連Fox電視台的民調都顯示支持彈劾和開除特朗普的支持率竟然升至50%。同一個問題，在今次峰會，支持率更高達55%！這些民調反影明年選情仍極不明朗，中間仍可有極多各種政治和法律變數。民主黨的提名戰亦仍然激烈，周四晚將舉行下一輪辯論。近日拜登支持率再度上升，拉遠跟Sanders（桑德斯）、Warren（沃倫）、Buttigieg（布蒂吉格）和Bloomberg（彭博）等人的距離。從英國大選結果看來，在西方國家，如政綱太左如英國工黨的郝爾彬仍難當選，所以桑德斯，尤其是沃倫，如認真想當總統，不是只想擺姿態，就應以此為戒！

好戲在後頭，美國隨時將墮進更嚴重的憲法危機！

（中環資產擁有波司登、台積電、LVMH、Alphabet、Nvidia和Micron的財務權益）

中環資產投資行政總裁

[譚新強 中環新譚]