尋晚大結局好好睇呀！大家知唔知最尾小丑係咩意思？！今晚東張話你知！
Top and pants by @mod.siss
#法證先鋒4 先鋒4 #東張西望 #大結局 #tvb #tvbdrama #hkartist #主持 #主播 #hkmc #hkemcee #hkkol #hkinfluencer @ TVB City

《法證先鋒4》大結局唔係大結局，可以向宮崎駿致敬，退休無限loop！

～ 結局又係小丑案，仲特登舉起五隻手指，擺明有第五季，但小青已經宣布退休，點算呢？可以換監製嘅，不過邊個敢接？一接衰了收視豈非千夫所指，最理想當然係小青姐退休後又復出啦，小青姐有麥玲玲的福氣加持，縱使劇情香港及國內都有大量抨擊，依然收視強勁，這種正能量，第五季點可以無佢監製呢！復出這件事很易辦，打正旗號向宮崎駿致敬，退休可以無限loop，只要小青姐身壯力健，十季也可以。

～ 張頴康件案真係摸不著頭腦，為乜呢？陳敏之殺人因為有李漫芬，她那種橫蠻無理，真係有晒殺人動機，人格分裂又係嚴重精神病，喪失常性去殺人合乎情理。但張頴康因為張曦雯救過佢，輸過血俾佢，就要殺晒欺負她的人，有甚麼必然關係呢？張患上情緒病，需要服食氟西汀，這藥主要針對抑鬱症，強迫症或者暴食症(見維基)，這類藥主要有防止自殺功效，暴力傾向增強是其中一種副作用，但Michael最後的情況已經是精神錯亂，攬炒仲合理過而家，講句阿妹原來最錫愛，就咁死左，好奇怪？我理解力低啦，呢件案由殺人動機開始，已經唔明佢搞乜。

～ 你有個妹個肚俾人插左一刀，留左成灘血，會唔會咁冷靜，好似知道一定無事咁，留低响現場向啲同事解釋案情呢？仲要成屋每個角落都細心觀察一番，兇徒已經走左，現場環境完整，又沒有一定要第一時間搜證的證據，唔可以去左醫院睇住個妹先咩？一直講到黃浩然好錫、好錫、好錫兩個妹，點解突然變左有點冷血？

～ 昨天Queen喊晒口拒絕King，今晚爆車一幕證明了她昨天的憂慮是對的，做警察隨時死㗎，嫁唔過！點知佢又喊晒口咁接受番King，前後矛盾到呢！點解咁，大家都知，夠鐘結局嘞，唔好再玩啦。但個人接受Queen這種變化喎，首先，女人絕對有權利反覆無常，但唔好單純以為是情緒問題，有理論基礎的，否定阿King後再否定自己，King的大量追求行動改變了Queen的本質(唔愛變愛)，知道King唔當她是女友(質變)，立刻化成力量去維持本質，質量互動，抗拒有危險的婚姻又變成接受婚姻應該有危險，既矛盾又統一。這段似是疑非的文字其實充滿「矛盾論」味道，用來作「共產主義」理論基礎我唔多明佢講乜？不過用來解釋女性的特質又相當有用。

～ 一講大佬昇就有大佬昇、一知道有洗潔精成份就見到「洗碗至尊」，史丁同阿King又突然瞬間移動出現救人，已經是這劇無得解的特色，不再講了。

～ 靚湯變了肥湯，難怪小青姐要佢減肥，睇嚟張曦雯無期補拍，所以兩個無碰面，至於她和黃浩然突然感情大躣進，都係過句，夠鐘完嘞！

～ 估計結局原本只是有堆小丑死屍，張曦雯啲鏡頭是夾硬剪入去的，真係開第五季先再諗劇情。

～ 之前我信報導小青姐會退休，法證系列真係完，又見劇中有咁多對未婚男女，諗住個結局係電影《家有喜事》咁，四對主角著晒婚禮服飾出嚟「恭喜發財」㗎，而家諗錯左添😅

～ 施嬅有演出大結咩？睇唔到，完全睇唔到，拒絕承認睇過😭

《愛的迫降》劇情仲燒腦過推理劇！「暖男」定「禍男」呀？

版主作為一個以左腦思考的人，看偵探推理片沒有辛苦感覺，反而享受其中燒腦的過程，之前看完《法證先鋒4》的「小丑案」，寫篇長文逐點指出案情的問題，其實享受整個發現邏輯有問題的過程。所以對我來講，真係難以理解《愛的迫降》的劇情，男主角是北韓極權政府的軍人，父親更是國家最高級官員之一，日日夜夜被國家洗腦南韓是敵人，對於一個忽然從天而降的南韓女人，雖然靚女，但自己的未婚妻仲靚喎，而為了這個敵國女子，唔理自己前途，命都唔要已經夠離奇，仲要連累班出手入死的兄弟隨時無命，更甚是會導致父親被政敵攻擊，隨時會被北韓最注名的「犬決」和「炮決」招呼，而且一個政要下台，通常會有一批親信陪葬，牽連甚大，而為了一個孫藝珍，居然願意犧牲這麼多人，到底玄彬的角色是「暖男」，定係「禍男」呀？真係難理解過推理片。

邊睇邊叫住仲有冇離譜啲呀，居然今天俾我睇到第十集，阿暖男為了保護女友，叛國潛逃去南韓，我個人只能從神智有問題或者中降頭等情況去形容這位暖男的行為。不過，在網上看到一些女士的反應，見他們冧得要命，大讃浪漫，只能講句個人絕對理解唔到，註定終身寫唔到愛情故事😅