對唔住，公社科我唔L識教。我quit，898👋 我十年前因通識入行，我之所以肯投放時間係因為我覺得呢一科好有Vision，透過時事議題提升學生獨立思考同埋探究精神，呢點，一直都同我嘅價值觀吻合。 我是在港英時期長大的，我所認識的香港係有：人權、自由、法治、三權分立的、港督願意與民同樂，喺泰昌餅店食蛋撻的，講人話的。 我承認香港是中國一部分的政治事實，我也認同呢一代嘅香港人需要認識多一點中國，but not in this way咯。當然，我嘅意見係冇任何份量和參考價值的。 我只能決定quit，用行動align with我嘅價值觀。我認為作為一個教育工作者，係唔應該自貶為工具，可以隨意執行一D政府想你執行嘅任務。我知道香港生活艱難，好多人為了生存，可以奶鞋底、可以黃變藍、可以無底線。 但作為一個教師，我地嘅存在意義，唔係為左收錢教書，然後苟且偷生。教師如果冇一點嘅良知自省，喺好容易「因為生存而被操控」，將扭曲的事情合理化。 我自己來講，雖然我未發達，生活唔係冇壓力。但我係冇辦法去教一D我骨子裡唔認同嘅事。我根本講唔到，講唔出，唔想講。當然，有骨氣嘅人生活會變得艱難，這是做正確事情的代價。但其實，所有野都有代價，你估做「忠誠的廢物」冇代價？ 2019年開始，我開始question自己教嘅嘢就係喺現實世界係咪一個笑話。我地話俾學生聽政治參與、人權法治、三權分立，根本已經唔再存在，也不會再考了，這些term都唔會再有人提了。 In this case，通識係需要改名的，因為裡面的東西已經不存在，成為「文獻回顧」，通識在2019年已經死左了，不要再留戀了。 下學年開始，我會對課程做最後一次整合，然後在2022年正式退出補習界，唔involve喺「人民公社」科。我會專注做更多「真正幫到下一代」嘅教學項目，回歸初衷。 舊有的SKX平台會在今年DSE停止運作，整合至Skillmove平台，課程、合作單位、產品線會重新規劃，之後會再update大家。 #通識 #898 #我寧願做送外賣都唔教