致當年純天然的愛情
敦克爾克狂歡節之最浪漫舞曲-carnaval de dunkerque
剛好剛好有冇咩題材好寫，
剛好剛好呢個月係我前男朋友嘅生日，
我哋閑聊之間，
又講返10年前既我地。
當中會講吓法國嘅文化。
Btw,佢個仔今年11月就會出世喇。
利申:依家嘅我哋就好似屋企人一樣咁！
...
致當年純天然的愛情
敦克爾克狂歡節之最浪漫舞曲-carnaval de dunkerque
剛好剛好有冇咩題材好寫，
剛好剛好呢個月係我前男朋友嘅生日，
我哋閑聊之間，
又講返10年前既我地。
當中會講吓法國嘅文化。
Btw,佢個仔今年11月就會出世喇。
利申:依家嘅我哋就好似屋企人一樣咁！
我仲喺日本留學嘅時候，
每三個月都會飛一次法國住返一頭半個月探佢。
當年去歐洲係好貴㗎，
要成萬幾蚊先過到去，仲有當年嘅物價係好貴。
細細個咩都好新鮮，
連見到個懶鬼教堂都影一餐，
更對於法國嘅社交禮儀錫塊面兩下都一頭霧水。
仲記得有一次，
我前男友帶我去見佢啲朋友，
咁每人都要晒兩下㗎嘛，
佢嗰度成20幾個朋友。
係個大廣場度20幾個人錫兩下都錫左成10幾分鐘先開始去酒吧。
講返呢個克爾克的嘉年華活動先，
呢個嘉年華係敦克爾克以及周圍既幾個小城夾埋一齊搞，都幾大下㗎，
通常為期一兩個星期到。
最早的敦克爾克狂歡節於1676年開始，
是當時的漁民在即將出海六個月前的最後一次狂歡，所以都玩得好癲。
個嘉年華男人要著女人的衫，
女人著男人衫，
然後成班人浩浩蕩蕩咁繞城遊行。
市政廳的陽台上，市長會朝人群扔500公斤腌過既青魚。
成班人擁晒去個市政廳嗰度搶魚，
聞說聽日搶到條魚嘅話呢，
過年就會好好運。
去到夜晚，
就會轉左一個超大形室內嘅舞廳，
全部人都瘋狂跳舞，
有好幾次我都同我朋友甩咗隻手，
唔知自己卷左去邊度。
加上大家都飲到醉晒，
有啲人直情係撞到流晒血添。
不過好笑嘅係，
佢哋撞到流晒血都好開心。
10年前喺法國嘅北部，
同埋呢啲小鎮係好少見到亞洲人。
同埋北部嘅人生得特別高，
我差啲被埋沒喺人群之中。
好彩最尾都比前男友救翻出嚟，
差啲以為自己入咗龍捲風度。
死裏逃生之後，
音樂突然變咗優雅嘅古典音樂。
瞬間全場嘅人，
變得緩和咗落嚟，
情侶互相擁抱，
開始跳起交際舞。
呢一刻，
我完全唔知自己做緊乜，
因為我唔識跳交際舞。
人人都前前後後四個Steps,
前男友話:唔好驚，驚你就輸一世！講笑啫.
佢話:有我帶着你， n'ai pas peur(唔洗驚),
但係我跟極都跟唔到，
不停係咁踩到佢，
當晚睇返佢隻腳，好似有啲腫。
唔知佢係俾人踩啊定係比我踩到腫左。
於是我向婆婆度求救，
我話我下個星期相同前男友跳到交際舞。
於是日日去婆婆屋企度練舞。
話咁快一個星期到咗，
其實唔係好難嘅，
我哋再次入返舞廳，
喺柔和嘅燈光底下，
我望住佢灰藍色嘅眼睛，
怕怕醜醜又靦腆嘅笑容。
我正想講嘢嘅時候，
佢一手輕輕一拉，將我抱緊。
我既面頰緊貼喺佢胸口，
跟隨着音樂的節奏，
我都有驚無險咁完成咗兩首歌。
呢個可能係我，
人生中最浪漫嘅交際舞。
雖然最後我哋都冇走到最後，
但係最美好嘅回憶永遠留喺心底。
如果疫情變返好啲，
我都好建議大家去一去呢一個嘉年華，
真係幾好玩！
#france #hkig #francelife
法國社交禮儀 在 杰宇的法文邂逅 Facebook 的最讚貼文
【 與Catherine的邂逅｜法國人的禮儀原來有『魔法開關』？！到底要怎麼避開「法式地雷」呢？🇫🇷 】
朋友們！你們對於法國人（或是法語區人士）有什麼刻板印象呢？有什麼點要小心，才能成功避開法式地雷，成為避雷專家呢？
你們知道對於法國人來說，有些事情，我們一輩子都不會討論，也不會知道對方的細節嗎？😆
終於！這次很開心，也很榮幸跟美麗的英文老師Catherine ( C's English Corner，合拍了這部關於法國人社交禮儀的學問。其實，剛到台灣時，很常聽到朋友們，分享他們到法國或是法語區所遇到的人事物，時常會有不愉快的經驗。但其實只要掌握一些社交小技巧，就可以開心地暢遊法國。
在這部影片中，我們會聊到如何開啟法國人背上的「開關」，以及分享禁忌的聊天話題！希望大家看完影片後，都可以學會這些社交小技巧🤗
Ps. 有購買線上課程「與法文邂逅：入門法文」的朋友們，也要記得加入課程的專屬社團，這樣才可以隨時收到第一手消息，以及在社團中一起大聊法文😆 另外，明天將會有一個大彩蛋想跟朋友們分享，期待明天跟大家在臉書會面！
最後，朋友們！也歡迎大家支持 C's English Corner 目前在 Jella 語言星球推出的英文線上課程『英文小聊天・聊出人生大交集 | Small Talk 全心法』，一起快樂學習語言！ ❤️
#杰宇的法文邂逅
#法國社交禮儀
#法國
#法式地雷
#C's_English_Corner_英文角落