知唔知全世界最難登嘅頂係咩？
係「通頂」呀！

有時拍劇或者準備主持工作，少不免要捱夜通頂。就算唔通頂，總係唔捨得早瞓，上網煲劇睇波….. 搞到半夜三更至瞓。最慘每次通完頂或好夜瞓，第二朝都好似作病咁：成日頭痛又無胃口，有幾次仲生咗粒大痱滋。

前幾年做完手術之後，更加明白健康唔係等出咗事先嚟補救，而係要每！日！累！積！！

以前作病先會食維多C打個底，疫情之後我哋全家都養成日日食嘅習慣，唔止病少咗，最驚喜係免疫力都好咗！感覺無咁易攰，連小朋友嘅過敏問題，感覺上都減輕咗！

而家每朝出門口前，我哋全家都會有個「維多C Family Time」！我會食2片全新升級嘅維多C３重功效咀嚼片，唔使用水送超方便又好味，話咁易就叉足免疫力～佢嘅「黃金免疫力配方」 唔止含有維他命C同鋅(Zinc)，升級配方仲加入維他命D，增強免疫力，支持肺部同呼吸道健康！囡囡就會食維多C３重功效兒童咀嚼片，同樣有齊黃金免疫力配方，仲有特別嘅心心🧡、河馬同獅子🦁造型，最正係無糖得黎又好好味，平時開飯都要逐個捉先齊人，而家每朝唔使我叫已經個個扭住食！

維多C®️ 「黃金免疫力配方」
✔️一片有齊維他命C、D同鋅(Zinc) 三大黃金營養，激活免疫細胞嘅生長，抵抗外來病菌嘅侵襲
✔️特有維D，臨床證實能支持肺部健康，同時增強呼吸道健康
✔️每日兩片維多C®️ ３重功效咀嚼片 ，俾你1000毫克嘅維他命C、D同鋅(Zinc)，你同家人最強大嘅免疫防衛

依家買維多C®️ 3重功效咀嚼片仲有新登場優惠 [買第二件半價]，好抵呀！為咗自己同屋企人健康，你都快啲入貨，全家一齊養成免疫力日日叉足免疫力嘅習慣：日日食維多C，免疫力強D！

萬寧網店：https://bit.ly/2RdOlSV
屈臣氏網店：https://bit.ly/3uIkjoT
華潤堂：各大門市有售

#維多C_特有維D #支持肺部健康 #增強呼吸道健康 #維多C３重功效咀嚼片 #黃金免疫力配方 #日日飲守護全家健康 #撐住你一家大細 #拜耳醫療保健有限公司

半天的轉變可以很大，城中話題已經由拳賽轉移到鄭司長的大腿。有人說，原來河馬著咗旗袍係咁樣。

雖然半天發生了很多事，但我依然在想著今天的早餐。

四方好友紛紛詢問，喂，Ms Yu 坐喺你隔離食早餐咩？

其實我食早餐嘅地方喺灣仔大王東街，咁我又不得不否認方圓十里內又真係有數唔到咁多間學校，Ms Yu 在附近吃早餐也不足為奇。

問題係，邊個係 Ms Yu？

有位身穿 dirty pink 上衣的女子在我十一點鐘位置係咁望住我，佢係最大嫌疑；其他嘅，唔係外國人就係師奶，可能性偏低。

「索唔索？」有人在群組問。

「姣底嗰啲囉，」我回憶著，「麻甩佬需要嘅嘢佢齊㗎。」

「咁你唔搭訕？」朋友 A。

「係囉，用你平時跌錢嗰招嘛。」朋友 B。佢所謂跌錢嗰招，絕對唔係我嗰招，而係佢自己經常用嗰招。即係，咦小姐你跌咗錢喎，嗰種無比低級招。

「都想搭㗎，但佢啤到咁行，我又有少許怕醜。」

「真係有啤咩？Ms Yu 喎，唔會咁猴擒吖。」朋友 C。

「可能佢真係屬猴呢 LOL。」朋友 D。

不過講真，去到 Ms Yu 嘅級數，真係唔知用邊招搭訕。尤其是對住啲寸寸貢嘅女人，我更加有過慘痛經歷。

同個女仔喺個飯局都傾咗一段時間，跟住飯後陪佢去的士站等車。其實去到嗰個位，都 feel 到自己好有機會，但人往往就是太有自信嗰陣，就會以為自己都係王家衛電影嘅男主角。

「你知唔知一剎那有幾耐？」我問她。

「唔知，」她好奇而深情。

「係十六份之一秒，你知唔知十六份之一秒可以做啲咩？」越靠越近。

「唔知，」她深情依舊，「不過我知道十七份之一秒可以做啲咩。」

「講嚟聽吓，」我用最溫柔的語調說。

伸你一腳。

心盲才會自大，自大源於無知。

［我是盲粉］百份之九十九嘅上市公司主席報告都係垃圾。呢篇例外

1. 實情，絶大多數公司嘅主席報告書，都係不堪一讀。九成以上。原因好多，固然有時因為主席冇乜文采，亦有啲係主席好多文采但被人阻止。最後成為左抄右抄嘅樣本文，年年都係面對乜乜乜挑戰，仍然點令人鼓舞，但之後我地仲要點點點。

2. 好啲嘅，點條O靚，或者叫個研究部主管（冇錯，我都做過呢啲嘢），搵啲經濟數據。香港GDP又點點點，中國出口又點點點，美國聯儲局又點點點。再唔係嘅，主席或下面啲友亂咁吹，由肺炎講到中美關係，由WFH講到反全球化。總之有錢賺係本人領導有方，蝕錢就係時不我與（但人工照出）。

3. 其實同好多孤寒老細內部講嘢有異曲同工之妙：環境好賺大錢就居安思危，環境差就共渡時艱—Translation：旨意老細自動加你人工，就含得撚（https://bityl.co/3FdP）。Sorry 咁粗鄙，其實用「仆得街」「死得人」都得。但呢篇medium 文好高收視，自有原因。

4. 其實寫得差唔係問題，真的。上市公司又唔係大文豪，又冇話要識字先可以做老細。而反正寫得好唔好呢啲，都幾主觀。所以問題係啲友冇heart，佐敦（打波嗰個，唔係假波嗰個）話頭，I can accept failure. Everyone fails at something. But, I can't accept not trying.

5. 所以，重點都唔係啲嘢膠唔膠。汪世忠啲嘢再膠都好（https://bityl.co/3Fdm），至少有得笑（當然佢抄都唔係問題，但抄都唔好抄龔耀輝嘛）。正如恒隆嘅陳啟宗，你當佢奶共廢老冇所謂，但至少啲文係佢自己寫。我欣賞。

6. 呢個亦真係中外大不同。我唔使你好似畢非特的信咁，畀人當文學作品咁睇。但中港上市公司啲嘢，真係百份之九十，甚至百份之九十九，都係屌都廢撚事。悶到一個點。

7. 講咗咁多，香港電視HKTVMall 1137（＊）就係例外。自己去睇（https://bityl.co/3Fd4）。當然可以抽秤下第一版，密密麻麻，想表達太多嘢。但主要都係第二版主席報告書。幾頁紙，唔長。

8. 最精彩嘅，我已經幫你cap咗出嚟。但一貫作風，埃汾唔會話自己唔賣垃圾食物金融薯片，但再講一次呢啲對你冇益，只係用嚟吸睛。我唔會清高到話不屑做呢啲嘢，市場受我咪賣，但我都提返你，食完薯片好去飲涼茶啦。

9. 王維基篇嘢（其實主席係張子建），話寫得好好絶對唔係，但有heart，好可能係佢自己寫，至少都係佢口述。風格呢啲，其他人學唔嚟。本人睇佢寫文（係呀王維基都寫文）多年，冇得呃。咁當然你可以話根本佢之前啲專欄文都係人地代筆，「即係其實成個宇宙都係三分鐘前創造的」（https://bityl.co/3FeV）。但你聽埋佢真人講嘢，冇得呃的。

10. 正如我Patreon有講，王維基寫嘢係好針對性的。你地有乜質疑，佢早已聽過，亦早已諗到，你見佢份嘢好多篇幅係「自問自答」。你地話兩大超市入場就打殘佢（蘋果速銷？），佢答你點解佢唔驚。你話如果外國或內國勢力踩嚟香港，亞馬遜又好河馬先生又好，佢又答你點解佢覺得猛虎不及地頭蟲。當然最重要係，唔少人都話（我都同意）佢時來運到，係疫情受惠股，「咁疫情過去後你點算？」。佢會答你：唔係疫情「改變」咗消費行為，只係加速咗。呢個係大趨勢，唔會逆轉。

11. 當然以上種種你可以唔同以，你知，你個個網友都至撚醒，美斯又唔夠佢睇得通透，蘋果又唔夠佢有創意，HKTV呢啲100億市值未夠嘅公司更加可以不理。但，至少你見到，佢知道你地質疑乜，佢有諗過，佢有佢嘅諗法。你睇呢啲，好過睇啲樣板文日日講中美貿易戰呀　共渡時艱呀　居安思危呀　積穀防饑呀　crisis = danger + opportunity　（＊＊）呀之類嘅垃圾。

12. 最後不吐不快講多樣嘢，我發現好多香港人（當然唔包括呢度高質嘅讀者），係文盲的，係唔撚識字的。我知時代唔同，但，你固然可以話大陸啲分析文寫得長一長（是真的），求其寫套電視劇都一萬幾千字。China bashing幾時都容易，大陸寫的就是西的。不過你買份Financial Times 或者Economist 睇下，甚至睇下Bloomberg Newsweek，睇下New York Times。人地都有短打，但啲咩Big Read呀，Series呀，一樣好多字的。

13. 根撚本就係香港人（再次強調，唔包括呢度嘅高質讀者）懶，唔識睇字。我屌丫，我篇文千幾字都有人話太長唔睇。咁其實真係冇所謂的，關人乜事呢？

14. 你話你忙，都算。其實香港地邊個唔忙？但，更惡搞嘅係，啲友反而就走去睇youtube片分析。呢下就好笑啦。唔係輕視youtube片，有啲都好好睇，但亦都有唔少，根本係拖時間—因為youtube要你有一定觀看時間先有嘢計。變咗根本你一篇文，十分鐘睇晒嘅嘢，拖到半個鐘。你以為自己慳咗時間？咪撚柒啦。我係相當討厭人話「一見到開頭寫乜乜乜已經唔使睇落去」。真係as if 佢啲時間好撚寶貴，日理萬姬日里諾夫斯基咁呀。睇過？

15. 放工，發勞蘇鉛筆，再次多謝讀者支持。無論付費定冇付費嘅都好。「當然付費嘅更好」。

16. 又，marketing of demarketing，你見我呢篇文冇再叫你訂Patreon．點解？因為8月28號了，而家訂你都有啲蝕。當然你唔介意嘅，就照去（https://bit.ly/31QmYj7）。

（＊）其實唔想次次都要寫「香港電視HKTVMall 1137」，搞到好似因航咁，但有啲人真係唔知的。

（＊＊）再講一次，但凡見到有任何人嘅文或powerpoint有呢句嘢，將佢嘅嘢打個七折。此人out咗幾十世。雖然有網友話我知：「其實我聽你提得最多」。

——————————————————————————
［收費短片第八擊］美國總統大選買股部署

課程資訊:https://homebloggerhk.com/course_detail/?code=CC008

到上link會見到紅色按扭直接購買及觀看
題目:「美國總統大選買股部署」 /cc008

內容:
*美國總統大選買股部署
*美股8月終極一升，然後…
*制裁美國上市中資股，有乜後果？
*蘋果2萬億市值，之後點？。下間2萬億市值係？
*未買記得買返CCO06（下半年選股）同CC007（買金）

本星期內特惠售價: $80
課程編號：CC008
觀看期限：首次播放後一星期及限每影片４次
客服whatsapp: 63832145