本片100% 廣告，多謝大家支持！

Hay Market 喜馬當先
地址：沙田馬場第二座看台2樓
網上訂位：
https://www.bookingrc.hkjc.com/onlinebooking/

🔥🔥🔥【香港沙田凱悅酒店】遠離市區 新界酒店優惠 + 入住報告🔥🔥

✅ 優惠詳情：flyformiles.hk/17507
🎁 預訂網址：flyformiles.hk/sthyatt (記得經小斯預訂並用獨家代碼「CR154065」於星期一至四退房可延遲至下午2點！公眾假期及前夕除外！)

自從出現咗staycation之後，去港島酒店嘅次數都比較多，不過我今次就想同大家分享一下位於新界嘅沙田凱悅酒店！雖然新界對我嚟講都比較偏遠，但每次入去都覺得好舒服，而且空氣都好清新！

今次我住嘅哩個package係食足三餐，$1,360起包一晚海景住宿 + 雙人早餐 + 房內三道菜午餐 + 房內四道菜晚餐！等我同大家講下哩兩日一夜嘅入住體驗啦～

📍 位置
位於大學站嘅沙田凱悅酒店，從東鐵線大學站B出口步行大約5分鐘就可以到達。一到達路面已經會睇到酒店，之後可以從側邊電梯到酒店正門，其實都幾方便！

🏨 房間介紹
今次我入住嘅係海景客房，一開窗簾就望到賞心悅目嘅吐露港海景！

雖然酒店無市區高樓大廈嘅華麗夜景，但客房都可以眺望山景、吐露港或沙田馬場景致，比我嘅感覺好寧靜同放鬆，望住窗外景觀，好似同大自然嘅距離拉近咗！

💥 設施
酒店嘅設施都好齊全，有免費按摩池、桑拿室、水療中心、蒸氣室、健身室同露天泳池！(因應疫情關係，有啲設施暫時未開放)

🍸 餐廳
酒店設有兩間餐廳及一間酒吧，位於大堂嘅咖啡廳提供應自助早、午、晚餐及於週末及公眾假期提供下午茶自助餐！

🍽 午餐
哩個package有得提早12點check in，check in完差唔多時間就有得係房內食lunch了～前菜就有水牛芝士蕃茄沙律，主菜就有雞肉蘑菇芝麻菜扁意粉，仲有個蛋糕，一個人食都啱啱好！

🍽晚餐
今次入住嘅package係包埋房內晚餐，消化完個午餐無耐，好快就到晚餐。晚餐係有麻辣醬半拍青瓜、酒香菱角燜雞肉、陳年麵豉醬茄子角花菇煮南瓜，仲有個蝦仁炒飯！份量對兩個人嚟講就啱啱好，食物都仲熱同新鮮，所以整體上都算中規中矩！

🍳 早餐
早餐食物嘅種類都好豐富，普遍嘅中西式都有。最好嘅地方係人少同望住園林景觀，可以安靜咁歎返個至good嘅morning了～

🚲 加購活動
難得嚟到遠離塵囂嘅地方，當然要親親大自然～入住時，可以加$165租單車係附近吐露港單車徑或海濱長廊踩！另外，亦可以加$132於客房內享用家庭營及野餐美食，啱哂又想去野餐露營但怕人多嘅你哋！

❣️ 小總結
入住時，都見到唔少香港人週末時都會入住沙田凱悅，避一避塵囂，好適合想遠離人潮嘅朋友入住！今次成個入住體驗都好舒服，酒店位置清幽恬靜，有別於一般大酒店嘅煩囂感覺！同埋哩個優惠真係好吸引， 哩三餐都好夠飽，食完又可以訓～

為咗大家都可以有哩個fresh嘅體驗，所以我爭取咗exclusive嘅優惠！只要經我預訂，星期一至四退房仲可以延遲至下午2點 (公眾假期及前夕除外)！

［大師冇點你］5倍PE 8厘息（應該派到），應該仲有得升

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，3月中開始失業（＃）。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。一星期至少出返六篇文．月頭訂最抵！月費80

1. 好少寫啲咁冷門咁細嘅公司，難免會畀人亂估。但首先唔係莊家股，亦唔係微信女股。如果識咗我好多年嘅，會知道我之前都寫過呢間公司，直頭在耆英證券年代。唔止，我同間公司去過倫敦見鬼佬添。以前股東會我有去添，有自助餐食添（但我唔係股東身份），麗晶大賓館添。但講緊十幾年前嘅事，近5年都冇來往了，頂多業績會去say 個 hi 刷個存在感。

2. 先講個老細，人人識理文造紙（2314），理文化工係佢姐妹公司，但除左大股東都係嗰家人，兩間公司冇乜其他關係，冇互相持股，冇互相供貨（＊），管理層都冇重疊。理文造紙係李運強個大仔，理文化工係李運強個細仔，全部公開資料。李運強個細仔叫李文恩，睇本地波嘅可能聽過個名，正係理文足球會個主席。但我同佢有傾計時佢未搞波的，咁你知道真係好耐之前了。

3. 講呢啲，因為都重要。直接啲講，理文堆公司咁多年往績算係好。做生意有賺有蝕（雖然理文化工近十幾年都冇蝕過），股價有上有落，但至少唔會係出你古惑嘅人。話晒有頭有面要出嚟行要入馬場（我當然都同佢地入過馬場，但馬仔嘅嘢我識條鐵咩，而其實化工我都唔識）。對於好大嘅公司都未必咁重要，反正機器咁自動波，但對於細公司嚟講就重要的。因為唔少細公司你見到好殘咁，但有所謂嘅”management discount，唔係管理層買嘢有折，而係你懂的

4. 好啦，都話我以前寫報告，之前Bloomberg 機746 HK EQUITY ANR有我名嗰種（其實唔難）。咁我當然知間公司做乜，管理層都見過十幾廿次，大陸啲廠都去過幾次（常熟有，瑞昌都有，in case 你知道在邊）

5. 咁但，唔好咁長篇大論啦。香港管理層嘛，但在大陸做廠，唔係廣東了（上面咪講咗常熟瑞昌）。做乜？做化工咯。乜化工？講你都唔知架啦，電解鹽水做氯氟化工（＊＊），滿意冇？產品嘛，部份倒係你會聽過的。哥士的啦（又諗起曾近榮），雙氫水啦（又諗起譚兆偉），哥羅方啦（又諗起……唔好提了）。「咁低技術嘅？」，咁高技術嘅你又未必識啫，PTFE咯，鋰電池電解液咯，「都唔係好高技術啫」，「你咪去開返間」。

6. 講乜都假，$。留意化工嘢，仲要係B2B賣畀其他廠，就唔係玩品牌了，幾大程度都係commodity business，但反正真係供不應求，零存貨咁滯，超過100% utilization（＊＊＊）。好大程度睇啲化工產品價格，邊度搵？自己Google啦。但幾大程度都係跟大圍環境（跟埋沙田添），舊年上半年當然唔掂，下半年好返好多。今年農曆新年前亦唔掂，新年後好返。

7. 講乜都假，數。早兩日出咗業績，哦5億純利（港紙，有關的，陣間講），按年倒退三成喎。屌，鬼唔知舊年倒退咩，出中期業績已知啦。「業績睇預期嘛」，但冇咗我之後已經冇乜人再睇啦（＊＊＊＊）。咁點算？睇下個trend都得嘅。上半年1.5億，下半年3.5億喎，喂，相當強勁啦。唔升就奇（雖然咁細嘅公司真係未必關事，留意今日好彩先幾球成交，有時一日一兩萬港紙成交！）

8. 咁正正常常嘅，今年全年7億純利，冇走雞啦掛？33億市值咋，5倍市盈率唔夠。而且仲派到息＝當然咪撚望住你股票機個息口啦，睇預期嘛。但公司一向派息紀錄都好—固然唔係公用股冇得年年加，生意有上有落，但咁多年都keep住差不多35%派息比率，應該至少過去10年都係。10年喎！你啲乜鳩匯豐早已經彈弓手reset再reset啦．咁你可以下計，7億純利，即係7.5%股息率咁滯。固然唔係包生仔（記住任何高過美債息口，即係1.5%，嘅東西都係有風險的，否則買美債嘅係傻仔？）

9. 噢，幫你睇埋，For some reason，雖然做傳統工業，但公司啲利錢幾高的。過去5年，毛利率講緊35-50%。當然工業嘢有折舊　有利息開支（唔少債的），但扣晒後，純利率都有12-25%左右。算係相當好架啦，你睇做餐廳嗰啲？好景時都係單位數咋（唔好景，信和時咪蝕錢）

10. 仲嫌唔夠詳細嘅，睇 Patreon啦。當然嗰邊寫咗先，但應該星期六仲整篇深入版。

11. 呀仲有，真係絶非打手或幫人出貨，犯法的說。而且都話N年冇同過任何管理層或股東聯絡。所以呢，好簡單，唔鍾意嘅，唔好買咯，拎支槍指住你？定我原來今個月唔夠數求你開單？唔鍾意嘅，唔好買，唔好又出嚟話仆街死財演老點你買股票呃你佣（屌，我下星期五都離職，仲要幫公司搵佣，真係好員工，但話實，你trade幾多錢先夠我星期五打次邊爐？）。舊年咁上下時間我又記得個撚個留言屌我老母話昆人買股票呀，咁嗰啲網友應該發晒達的了。

12. 但真係呀下，慎防有啲讀者好富貴，你真係留意下，隻嘢平日有時得幾皮嘢成交架咋！你一個唔該一球嘢買落去，掃郁股價就不特止，但要甩身都唔易。當年見啲基金都有講呢個問題，都只有啲small cap fund先買到，仲要係儲好多日。

13. Last but not least，幾年前Value Partner 係渣到過5%嘅股東，現咗身的。但後來減持到低過5%了—不過最Latest都仲渣住啲，冇沽晒。咁咯。如果冇睇錯好似係個 high dividend fund嚟的。

＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。年費仲有85折

（＃）發唔發現呢個「Ivan已被炒」放咗好耐？但唔係我懶唔update，而係真係炒呢個過程都炒咗好耐。12月13號炒嘛，咁，下星期咪夠三個月。係喎，傳說中嘅三個月通知。RO嘛，雖然好似冇明文規定RO就要三個月（定有？），但至少都強烈建議，否則啲RO快手走人你檔嘢唔齊腳的。另外，當年我在耆英後來都轉咗三個月通知，有朋友話「咁好嘅」，我就話「好定唔好就睇下係你炒公司定公司炒你啦」—結果開口中，第二年公司就炒咗我，賠三個月即時掃我走，feel so 摩連奴。同樣地，今次都係公司炒我，但就三個月通知，冇賠錢掃我走。反而我在星矢銀行就唔係RO（人地好似曹魏咁，大把將軍），而so happen就係我辭職嘅，一個月通知。不過，台灣佬呢，本人明明係RO，但我已唔記得張約係咪三個月通知，但我嗰時轉工（咪就係轉去星矢銀行），肯定冇足三個月通知，亦都冇賠錢，星矢更加冇贖我身（係大把錢，但不等於要畀你）。咁但呢啲咁嘅幾耐通知，講到尾，商業合約民事嘢，你唔講我唔講，冇人會追究，你唔係玩得太串嘅，公司會同你傾嘅。咪講個日子你想走人，你唔使賠錢畀公司，公司又唔使賠畀你咁咯。

（＊）你真係要講嘅，有啲電廠定乜好似一齊用嘅，唔知而家仲係咪。年報有寫，你慢慢搵，sort of connected transaction．

（＊＊）不過當年在倫敦見某大基金，人地真係棟條化學PhD出嚟，拎張元素過膠嘅周期表出嚟，真係嚇得我呢。

（＊＊＊）點解可以超過100% utilization？你睇醫院咪知。正經，人地啲機真實產能係可以高過設計產能的，「特登寫細啲」。

（＊＊＊＊）其實有的，仲不幸地好似我都係識嘅，不幸地都係有睇呢個Page嘅，圍埋打邊爐都得。又，因為好長期都真係冇乜人睇，結果好多人打嚟的。包括陸東，係喎，嗰個陸東。但冇乜特別，即係你當佢去街市想搵白子（係白子，唔係白紙，亦唔係白只），得我一檔有賣，佢咪幫襯我咯，有乜咁特別？不過倒係講單插曲，當年我某親戚，係個好撚濕鳩嘅HR（有冇唔濕鳩嘅HR？），知我做分析員，好撚大枝嘢咁話佢地個乜乜HR會（怨婦圍爐團），請咗陸東嚟做嘉賓喎，話可以幫我試下留個位。我就恥撚笑佢：陸東上星期先打完電話畀我呀。呢幕你諗起乜？冇錯，就係《墨斗先生》！我就係陳小春，佢係詹瑞文！（https://ytube.io/3FKG），「你個基金經理都要同我索料呀」。 Anyway，我就係一個賣白子嘅人。呢呢呢，今日張「請Ｏ靚食飯」，十二件壽司就有一件係。

本片100% 廣告，多謝大家支持！

Hay Market 喜馬當先
地址：沙田馬場第二座看台2樓
網上訂位：
https://www.bookingrc.hkjc.com/onlinebooking/

==============================

Tag：
#香港 #必吃 #美食 #飲食 #hongkong #hk

==============================

商業合作：
imalfredchan@gmail.com