輕談淺唱不夜天今晚同大家講吓《砂之器》嘅緣起及創作過程。 自從前年寫《是但求其愛》開始，鍾意諗返每件事嘅源頭，點解我會寫到呢首歌？有乜嘢驅使我去寫呢首歌？就會自然追溯到幾日前、幾個月前，甚至幾年前。類似佛家的「緣起法」，諗吓諗吓你會明白，原來一件作品，係無數因緣和合而成，真係一切都是緣份，當中因果難分。 《砂之器》嘅「今生情侶，下世母子」呢條主線，除咗由細到大中國人講嘅「無仇不成父子」、「女兒是你前生情人」之類「討債」式論述，仲有幾年前睇咗一本對我好重要嘅書——《靈魂的出生前計劃》，裡面有一章講「流產」，我實在太鍾意呢一章（詳見拙作《偽科7》p.128，如果你有興趣），一直想放落歌詞，都放咗一段仔落周仔嘅《夜空的呼喚》，但首歌佢未消化到所以無唱，咁咪再等囉無所謂，不過都知好難有監製肯放手俾我寫呢樣嘢。（後補：有網友提醒，原來我在陳慧敏 @chan_wai_man 的《沉默之間》最後一段也寫過。係喎！我自己都唔記得咗！😅） 去到今年年頭，《樂壇已死》派台，某記者致電訪問，剛巧那晚我正開始寫重生第一部曲。訪問後該記者DM我，說多謝我寫的《四季》，陪她媽媽走上最後一段路。我除咗「節哀」之外都唔知講乜好，但就受她的message影響，突然諗番起《靈魂的出生前計劃》那故事，於是自作主張當晚寫了份初稿（當時連名也未有，暫名《搖籃物語》），就是一份關於「今生情侶，下世母子」的詞。翌日阿Jer覺得份詞太深亦非他想要嘅嘢，於是再改寫成後來的《狂人日記》。 然後，來到五月，開始構思第二部曲。Jer發來短訊，話要寫《零極限》頭兩式「對不起，請原諒我」（《零極限》係一本知名身心靈叢書，時間關係自己google，如果有興趣），咦？briefing就係咁？平時佢會send好多相加千字文過嚟㗎喎？因為當時他剛完成Mirror演唱會得番半條人命，無電再send相了。咁我就打蛇隨棍上，問佢好唔好用番上次《狂人》份棄稿的題材，去講「對不起，請原諒我」？佢話可以，咁我就嗱嗱淋趁佢病攞佢命，盡快爆seed寫成《砂之器》（不過都典咗三晚，首歌太Q難寫，加上我哋個黐線王姓監製堅持此曲第一句一定要連住上一曲《狂人日記》的最尾一隻字「狂~~~」！喂淨係呢句「（狂）風起了」都諗咗我半日啦）！ 寫詞中途，在YouTube發現有位叫Tommy Sir的仁兄以純佛學角度去分析《狂人日記》，兼預測第二部曲走向（都係嗰句，自己search，如果有興趣）！好精闢！當中提到「宿命論」與「自由意志」的對立，我才如夢初醒：係喎！其實可以把這種對生命的struggle延續到這段母子關係裡，首歌會更豐富！亦因為「宿命」兩字，咁啱撞正我寫到結尾「沙漏」兩字，神奇的火花點燃起了！突然想起松本清張！砂，之，器！這部經典小說的主旨正正就是「宿命」（書好睇，雖然好厚，但74年那部改編電影更精彩！竟然把書中主角那首《宿命》piano concerto，四十多分鐘的樂章，原原本本放在電影最後四十五分鐘的montage！你有無睇過一部戲最後係長達四十多分鐘嘅MV而極少對白？野村芳太郎導演，橋本忍、山田洋次編劇，again，自己google，如有興趣）！ 係，終於寫到！但，係，我自己都覺得好深，但又好鍾意。見交詞後三日團隊都無人feedback，暗自擔心今次能否懷孕成功。因為望子心切，遂於三日後在group中發了一句「嗱呢份詞如果唔收會絕交！」，聽聞嚇到阿Jer面青，其實佢應該係忙到癲根本無時間睇詞，Sorry囉！ 我最想講，人越大我越唔信一件作品係純粹關自己事，所有前因起點、時間醞釀、所有當中出現來幫忙成事的人事物，因緣和合地成就一首歌，都要逐一感謝：《靈魂的出生前計劃》、《樂壇已死》、周仔、喪母記者、《四季》、Tommy Sir、松本清張、花姐、條Jer、Carl叔，Sheng導，甚至唱Demo的吳林峰（其實仲有身陷囹圄的兩個人、其中一個叫張可森，也是個填詞人，他寫了篇樂評，看穿我在《狂》開始沒有用上「我」為第一身，係，今年三首我想抽離少少去看輪迴這回事，《砂》中唯一一個「我」字屬Quotation，唔係Narration，可惜那文章已消失了⋯⋯），都各自有其崗位及作用，我只是神派來把文字盡量啱音地寫出來的其中一個角色，而已。緣份千絲萬縷，我們其實活在一張意識巨網之中，所有東西都相連互通（又介紹一本書叫《無量之網》The Divine Matrix，講呢樣嘢講得好好，google it，誠推）。 無嘢了，眼瞓。聽聞好多人睇完MV爆喊，好事來的！把情緒釋放出來吧，然後再努力築起下一個砂之器，一起對抗所有宿命。多謝大家喜歡這歌。Night~ #砂之器

又嚟repost多過佢阿媽系列。 話說王嘉儀小姐二話不說答應為我正參與的藝術系列開場，已經好撚感動。 本來叫佢是但整啲燈同影做下acoustic，點知佢同一眾talents搞到噤撚樣。全個團隊都話is totally another MV。 然後，我當然都快快翻譯下歌詞，讓荷蘭朋友也明白在唱甚麼。希望冇自己錯解自己： 微物 Tiny Things Partly inspired by The God of Small Things of Arundhati Roy, and of course, mainly inspired by our lives. 曲 Composed by：SOPHY 王嘉儀 詞 Lyrics by：王樂儀 編 Arranged by : Hirsk / Soni Cheng @ gdjyb 監 Produced by : SOPHY 王嘉儀 / Hirsk 髮上 冰冷 滲入 The cold sank into our dry hair 當天的 身影 已是 不可能 It is no longer possible to step into the shadow of the past 你種下 花開 閉合 The flowers bloom and wither repeatedly 手中 卻是 偏執 不變的掌紋 But the palm prints have never been changed *望著 望著 沙漏 Looking into the hourglass 時間 拒絕 解咒 The time refuses to break the curse 忘掉 萬物 拋掉 宇宙 Forget all the living things and throw away the universe 想找你 留給我的鈕扣 But I still want to look for a button that you gave me 微微哭泣 尋找聲音 Sobbing quietly, searching for silence 可證實傷口與你都相近 To make sure our wounds are somehow much alike 微微呼吸 為可偷生 Breathing quietly, living for silence 想記住肌膚有過那親密 To remember the closeness under the skin 世上微物 有著你的體溫* Your warmth is hidden in every tiny thing 你用 一切 接近 You had come to me with every existence 風之間 一顆 悸動的灰塵 The sprinkling dusts amidst the wind 我慶幸 翻開 秘密 I am delighted to unfold this tiny secret 找到你在 一生 刻過的指紋 To look for all the fingerprints you had left in our lives HANDPAN： CHOR LAI E GUITAR： SONI CHENG @ GDJYB ALL PROGRAMS： HIRSK BGV ARRANG.： SOPHY BGV： SOPHY & JEFFERO CHAN @ WATCH MUS!C RECORDED & ENGINEERED BY： JEFFERO CHAN @ WATCH MUS!C MIXING： JAY TSE Posted @withregram • @sophysophyw SOPHY 王嘉儀 - tiny things 微物 / DWC 月光族（ Opening Live Performance @framerframed ) 日光 與 霧霾 🪴🥀🌫️🌒 connections from life to the city.. video Directed @whoabanana Art Directed / Set @worldwarproblem Art assisted @alldayworkproject @lizzyeung Post & Color @fmlik_ Special thanks @foreignfreaks music tiny things 微物 / 曲 composed SOPHY 詞 lyrics @wonglokyves & DWC 月光族 / 曲 composed SOPHY 詞 eng lyrics SOPHY ; mando lyrics @wonglokyves

#歐給歌詞集です - ｜是你幫我停下了沙漏 ｜是你教我別害怕闖禍 - 我所有的勇敢 都是因為有你的存在。 - #阿信#因為你所以我#plumage_mayday #handwriting#手寫的溫度#歌詞語錄 #文字 #五迷手寫 #平凡手寫#語錄#抄抄歌詞#五月天手寫 #語錄分享 #五月天#mayday#五迷 #平凡就是最好的#瘋狂世界の平凡手寫#勵志手寫#平凡手寫の不平凡です#一天比一天更愛五月天 #Maydayblue20th #好好好想見到你 #maydayflyto2021#五月天演唱會 #好好好想見到你maydayflyto2020 #是你幫我停下了沙漏 #是你教我別害怕闖禍