#Repost @sundaykiss_hk with @appreposter 【40歲順產】沈可欣Janice以40歲之齡順產誕下囝囝Eugene，無懼風險，「我一直都有check住唔怕，因為我覺得順產比較好feel、順其自然，媽媽生仔一定痛，女人係要經歷下，而且順產對BB好啲，對媽媽身體恢復都好啲。」 詳文：sundaykiss.com/?p=231718 「綠葉夫婦」 楊證樺沈可欣 ︰ 囝囝係我哋福星 逢周六日播出的TVB劇集《踩過界》一直是話題之作，「盲俠大狀」王浩信固然獲得好評，每個單元角色亦夠破格成為焦點，其中在「疏忽照顧兒童案」飾演聾啞夫婦的 楊證樺 （Man）和沈可欣（Janice）獲網民大讚演技出色，更想不到兩人現實中也是夫妻，已育有一名一歲半兒子楊宏志 （Eugene），阿Man笑言兒子是他的福星，自他出世後，兩人獲得更多演出機會，甚至一齊做夫妻角色，「監製一諗起要搵人做夫妻，就會諗起我哋。」 入行20年的阿Man至今演出劇集超過100部，試過一日有6齣劇集有他份兒，最為人熟悉是2010年在《巾幗梟雄之義海豪情》做宮崎隊長，獲金牌監製李添勝公開大讚專業。至於 Janice於2000年讀演藝入行，兩人早已認識十多年，但真正走在一起只是近幾年的事，對於戀情十分低調，很多藝員同事直至他們結婚才得悉，還以為他們在拍戲！ 楊證樺沈可欣 夫妻的戲內戲外 作為圈中夫婦，一家三口想出外享受天倫樂十分困難，而且作為綠葉夫婦，時間表分分鐘比一線小生花旦更密麻麻，筆者相約他們一家三口做專訪，足足約了半年，前排他們日日夫妻檔上陣拍攝新劇《平安谷之詭谷傳說》，之後劇集一部接一部，直至暑假前終於成事，這個訪問亦促成阿Man一家三口難得的合家歡時間。 「《平安谷》拍嘅時間好長，好多群眾戲，成日廿幾三十人一齊開工，有次BB發燒入院，我哋要一齊請假幾個鐘去醫院，劇組都好好叫我哋專心陪阿仔，唔使返去。」Janice說。夫妻檔拍戲有個照應當然開心，但自有小朋友後，她覺得一齊開戲會忽略了兒子，需由婆婆和工人姐姐幫手湊。「我哋仲有《跨世代》係一齊拍，最好梗係你返工我喺屋企，我返工就到你湊。」 《踩過界》演聾啞夫婦 無論戲份多少，兩人對每個角色也十分認真，一邊湊仔一邊刨劇本。去年底為準備拍攝《踩過界》， 飾演失聰人士的阿Man和聾啞人士Janice，到聾啞中心跟老師學習三堂並拍片記錄，一放工就睇片練習，每日練十個鐘，練足一個月，Janice更需學習手語，壓力非常沉重，她說：「我都係靠死記，每日學少少累積上去，好似砌積木咁砌啲對白。不過同老公一齊拍嘅好處係可以喺屋企對劇本，佢又幫我睇啲手語做得啱唔啱，好彩BB嗰陣唔難湊，練一陣又睇吓佢。」 那段時間兩人更需為兒子的健康奔波，因兒子打完一歲針後發過幾次燒，一次阿Man為《深宮計》試造型時，收到外母的電話稱兒子發燒，即刻撲返家送他入醫院，經檢查之下證實為扁桃腺發炎，「阿仔需留院兩日，我就全晚陪住佢，放低所有工作。」 反對囝囝做童星 自Janice懷有BB後，兩夫妻的拍攝機會接踵而來， Janice大住個肚都有戲拍，「《愛・回家》有場戲講兩公婆有間麵檔，拍我大肚煮麵。」阿Man笑言BB未出世已有演出機會，但他們不太贊成讓兒子做童星，因為見過很多童星拍劇的辛酸，放假都要帶功課入廠做，失去了童年。「呢個世界太成人，會令小朋友變得老積，影吓相拍廣告都無妨，因為拍攝唔辛苦，以開心為主，但拍劇好辛苦，要你做呢樣嗰樣又要喊。」Janice更見過BB演員被刻意弄哭，非常心痛。他們眼見很多童星拍劇並不享受，只是家長逼迫子女參演，「小朋友做到唔等於真係想做。」 . 雖然兩人不會讓兒子做童星，但長大後就由他自己選擇，阿Man發覺兒子有遺傳他們的演藝潛質。「有次我帶佢去買鞋仔，佢一聽到舖頭播disco音樂，即刻跟住beat跳舞，可能遺傳咗我。」 曾當舞蹈員 參加新秀入行 不說不知，原來阿Man曾當舞蹈員，1996年在美國紐約參加「全球華人新秀歌唱大賽」（同屆冠軍為何韻詩），取得當地冠軍後回流香港，沒有參加香港舉辦的總決賽而直接加入TVB。為甚麼不參賽與何韻詩較量？「我知我輸梗㗎喇，諗諗吓覺得演員條路長啲，咪直接簽TVB藝員約。細個發明星夢先參加歌唱比賽，但歌星好講機遇，有機會當然都想做。」 阿Man入行前一直當舞蹈員，但有感舞蹈員生涯短暫，做演員卻可以做到老。「Dancer可以跳到幾多歲吖？30幾歲都硬晒啦，就算轉做排舞師都有限，做演員就可以做到80歲，演出範圍亦闊好多，我鍾意做日本人都得呀。」阿Man在默默耕耘下，終憑2010年無綫劇《巾幗梟雄之義海豪情》的日本人宮崎隊長，獲金牌監製李添勝及觀眾大讚，即使未必講得出真名 楊證樺 ，觀眾都一定認得宮崎隊長。 太太Janice則於2000年底演藝學院畢業入行，兩人合作拍劇無數，但從來不過電，直至幾年前timing到，兩人恰巧搬到附近居住，約食飯多見面後終於走在一起，但他們沒有刻意宣揚感情事，所以2015年註冊結婚時... Follow @sundaykiss_hk . #sundaykiss @iceshum0312 #沈可欣 #楊證樺 #baby #mum #love #family #hkmom #hklife #hkig #hkiger #hkigers