【龔成問答信箱】（Q22661-Q22680）

Q22661：

你好襲成老師，最近941中移動宣布派息，我本身早兩個月開始月供股票，但又未供足整股，

想問問我會唔會收到佢既派息之類？同麻我想收到佢派息要係幾時前買入佢股票！謝謝

龔成老師︰

只要你係「除淨日」那天之前，持有相關股票，就可以收到是次股息。

以你持有中移動(0941)，只要你在除淨日前的收市日，依然持有，就可以分到股息。

至於有多少，就視乎所當天收市，你所持有股數。未供足整整1手，係無影響，都會有得收股息。因為派息係持「股」數，而非持「手」數計。

每股會有HKD1.63股息，假設你持有10股，就會收到HKD16.3。但由於銀行或證券行，可能會收取苦干費用，故實際到你戶口的金額，有機會比HKD16.3少。

而「除淨日」那天，股價就會扣除派息部份，例如原來股價$10，派息$1。但這天你依然未會收到股息。

------------------------------------------------

Q22662：

我係進階班學生，有事想請教，大行報告「维持“买入”和目标价 34 港币，潜在上行空间为24%

我们维持 2021/2022 年非 GAAP 口径 EPS 预测人民币 0.75/0.95 元。我们 维持“买入”评级和并使用 SOTP 方法得到目标价 34.0 港币，

对应 38.9 倍 2021 年 PE，潜在上行空间为 27%(2021 年 8 月 12 日收盘价)。

我们预计 2021E/2022E/2023E 年 EPS 分别为 RMB0.75/0.95/1.09，维持“买入”评级和目标价 34.0 港币。」

呢3個資料點樣得出目標價34蚊啊？

龔成老師︰

其實大行唔係單憑這3個資料，去得出目標價HKD34。

佢地係因應小米(1810)不同分部特性，再利用相關應估值方法，去計算出各分部各自市值和每股價值。

在加總後，再給預一個折讓比重，從而計出每股目標價為HKD34。詳細係用左什麼估值法，你要睇翻份報告先知。(如果唔記得點去分析，你可以睇翻我，進階班第8堂教的內容)

而2021-23年的每股盈利，係純粹一個估算得出的主觀的數字。

記住，我地係決定用唔用而D數字時，必先要確定相關估算，是否合理。佢這3年的每股盈利預算，都偏向合理。

但每估價值去到HKD34，我就有少少保留，因為這樣的話，佢2021年市盈率去到分別38倍，唔算好平。我會保守少少，預佢市盈率約為25-30倍，即現時大約係合理區頂位，會較為穏妥。

------------------------------------------------

Q22663：

龔sir 想問下買德福花園（舊，但係有四百幾尺，實用），定係將軍澳嘅新寶城（新，唔夠400呎），投資價值較高。

龔成老師︰

從投資角度計，論位置、交通、生活配套、物業大小等。整體而言，會係德福較好。而且係大型屋苑，都係加分地方。

但將軍澳不是無可取地方，因為佢樓齡始終較新，而且將來將軍澳至藍田隧道完成，會令佢同東九商區進一步拉近，都會提升佢物業價值。

所以，好難話邊個投資價值，會係明顯高一班。

如果你係用來自住，可以考慮埋生活上因素，去再作決定。

如果係投資，現時租金回報率唔算高，其實投資優質股，反而值博率會更好。

------------------------------------------------

Q22664：

想問下3339中國龍工及3380龍光集團值得長線當收息股嗎？

龔成老師︰

中國龍工（3339）主要業務為製造及分銷輪式裝載機、壓路機、挖掘機、起重叉車及其他基建機器。佢的產品有出口至俄羅斯、中東、澳大利亞及非洲等地。

雖然近年生意不差，但以過去5年計，生意與盈利都有波動情況，這點不得不注意。而企業的賺錢能力算是中等。

以企業的質素來計只屬中等，現時不貴，股息率都算吸引，但業務波動是風險，因此投資不能大注。但長線基本上可以的。

龍光集團（3380）都有質素的。

佢係中國一家於粵港澳大灣區住宅市場的一體化物業發展商，並發展長三角核心都市圈及西南、中部城市等區域。

主要於中國從事物業開發、物業投資、建築及裝飾以及一級土地開發：物業發展分部開發、物業租賃分部、建築及裝飾等。

過往業務發展不差，生意與盈利都有增長，不過負債就少少高，略有風險。這股都有長線投資價值，現價合理區中間位。

你用來收息都可以，但行業性質令佢會較波動，如果物業發展收入減少，有機會影響到派息，故不建議太大注碼。

------------------------------------------------

Q22665：

阿Sir, 你好.我想請教下, 如何選擇收息股, 手上有10萬... 因為想安排退休之後仍然有糧出. 十分感謝

如果想每月有大約8-1.5萬收息, 要多少資金及選擇什麼股票投資? 再次感謝

龔成老師︰

你可以考慮目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

(你可睇下我本《50穩健收息股》當中仲有好多)

現時大市在合理區，你可以先用一半資金，分注買入上述收息股。餘下一半，等大跌市才動用。

如果你希望退休時，每月有0.8-1.5萬蚊現金流，以股息率6%計，你需要本金160-300萬。

若你現在無這筆資金，你就用我之前講的平穏增長股和潛力股，去累積這筆資金，為退休作準備。

------------------------------------------------

Q22666：

感謝大師您的指點。但由於恒指最近呢次插水，經濟環境不好手持蟹貨又多，個人都是節衣縮食。如大市能比較有力反彈，

港澳經濟又回復正常流動，我都想親身向老師請教請教。那麼大師對大市後市看法如何？是見底了會反彈？還是還有下行空間？thx

龔成老師︰

中短期大市點走，我唔知。

我地投資唔應該用"估走勢"架方法去投資，正確方法應該係去理解企業長線質素和前景，再了解佢處於平定貴，之後去進行資金配置。

現時大市在合理水平﹐但部份潛力股依然係略貴。你可以因應自己現時組合情況，去作出配置。

------------------------------------------------

Q22667：

如果我用以下策略可唔可行：

平穩增長
港鐵 2手
盈富基金 3手
領展 3手
長建 2手

潛力
騰迅 1手
港交所 1 手
安碩恆生科技 4手
GX 中國電動車 1手

平穩：潛力約6:4，總本金約27萬

再月供小米，騰迅及盈富基金

另外，這些股票過往增長率加起來約有幾多？

龔成老師︰

以你28歲年紀計﹐這個組合係可以。而月供部份，建議你用指數基金做主力，因為另外2隻都係潛力股，咁樣會平衡D。

現時大市只在合理區，27萬可先用一半，分注入貨，餘下的就等大跌市。

現時平穏增長股，都在合理區，可以開始入貨。但潛力股只係合理區頂，暫時不要太大注。而當中港交所(0388)更是略貴，要回2,3成才可以開始慢慢儲貨。

你以上組合，長線計你預年增長約10-12%。但這只是估算，而且你潛力股較多，不確定性較大，最終你都要睇大市情況。

------------------------------------------------

Q22668：

龔sir，我之前買入的2137騰盛博藥，買了三手，20蚊買，今日升左超多⋯雖然升很多，但我又有少少擔心，怕它會跌很多⋯唔知仲揸唔揸好…

我見佢D信息佢嘅 研發的新冠中和抗體有很好的數據，好似好有前景咁，求你的建議

龔成老師︰

騰盛博藥（2137）屬有危有機類。

佢主要從事生物製藥業務，專注於研發傳染病療法。候選藥物產品管線例如有ＢＲＩＩ－１７９（ＶＢＩ－２６０１）及ＢＲＩＩ－８３５（ＶＩＲ－２２１８）：授權引進候選藥物（其中ＢＲＩＩ－１７９為核心產品），許可範圍為大中華區（中國內地、香港、澳門及台灣）。

用於開發ＨＢＶ（乙肝病毒）的功能性治癒，已在中國內地、香港、新西蘭、澳大利亞、泰國及韓國完成ＢＲＩＩ－１７９的１ｂ／２ａ期臨床研究，及正在中國開展ＢＲＩＩ－８３５的２期臨床研究。

這類股較難分析，因為要了解藥品將來的價值，以及市場情況。

佢一定會有好多研究，但你要明白由研發到場化，係要好幾年時間，而且當中有好多不確定因素，例如研發失敗、不能成功申請藥物上市等。

只可以話有危有機，這股不建議大注。若佢佔你組合較多，而你有已有不少獲利，可以考慮沽少少，去平衡風險。

------------------------------------------------

Q22669：

老師，請問對00267中信有何睇法？是否歸納為水桶2？是否有投資價值？

龔成老師︰

中信股份（0267）係綜合企業，有多項業務：

（１）金融業分部提供銀行、信託、資產管理、證券和保險等服務。

（２）製造業分部從事生產和銷售特殊鋼、重型機械及鋁輪轂等。

（３）資源能業源分部從事原油、煤炭和鐵礦石在內的資源及能源產品的開採、加工及貿易等業務。

（４）工程承包分部為基礎設施、房地產和工業項目等提供承包和設計服務。

（５）房地產業在中國內地主要從事綜合體和商業地產項目的開發和管理以及城市更新和發展業務。

雖然業務多，但不算做得好好，每項業務的發展力都不強，整體質素只是一般。

現時股價有合理區中下部，投資價值不是無，但這股增長力始終一般。此股算係水桶1至2的股票，主要都係收息，對股價唔好有太大期望。

------------------------------------------------

Q22670：

想問「海底撈」同「雅生活服務」？6862有貨，但唔多。麻煩晒！

如果要估值，呢兩隻應該用什麼估值方法

龔成老師︰

海底撈（6862）正本質是不差的，長遠仍會正面，不過中短期會弱。

第一，管理層有講過，之前市場對佢地公司過度樂觀，估值偏高。第二，管理層話公司面對中國的市道，其實業務不是一直都好的。

加上這股之前貴，相信中短期股價仍一般。

不過以長遠來說，這股仍有質素的，佢以「海底撈」品牌經營火鍋店及外賣業務，火鍋菜單由鍋底、醬汁蘸料以及在鍋底烹飪的食材三個主要部分組成，可點單鍋、鴛鴦或四宮格鍋底組合，餐廳提供多種調料及食材，以及供應小吃、酒和飲品。

在中國有好多分店，以及外國都有。

有規模，有品牌，整體正面。相信長遠仍有發展的。

不過，這股市場之前比佢好高估值，就算近期回落，最多只能稱為合理區頂，一定未平。你有貨可長線，但暫時只建議小注，股價始終波動。

雅生活服務（3319）不錯的，佢無論在業務本質、規模、品牌、財務數據、前景，都是理想的，反映這企業有一定的質素。

加上這企業的背景因素，以及行業的發展，相信這企業的前景不差，有長線投資的價值。

整體是有長線投資價值的。現價合理，不過股價都會有時出現波動，投資宜分注進行。

這2隻，由於都有一定增長力，我建議你用翻市盈率比較法，會較好。

但雅生活服務（3319）和其他物管股，好多上市時間都唔長，你基本上唔會找到一個有意義的行業市盈率。

因此，我地只能憑佢業務性質，去大致估算市盈率區間，你預大約15-20倍。

而海底撈（6862）都有類似情況，但佢相對增長潛力會較高，你預25-30倍左右。但計算每股盈利時，最好參考早一年，因為疫情令本年數字代表性弱左，你參考2019年會較好。

------------------------------------------------

Q22671：

老師，小米 合理價 幾多點？

金沙中國 但唔怕政治 影響

龔成老師：

小米（1810）有潛力的，佢的產品性價比高，相信在全球好多個國家都會有市場，佢長遠只會進一步增長。

同時，佢建立的平台是佢長遠的增長動力，先賣手機，再利用手機的平台延伸銷售小米家電。長遠正面的。

這股可長線，現價合理區頂位至略貴，小注分注可以，但唔好入得太急，預佢股價仍波動。回多10%更有投資值博率。
金沙（1928）長遠仍有質素的。政治因素有少少，但風險度唔算高，我相信佢好大機會取得賭牌。

佢中短期會弱，加上全球疫情反覆，都對佢有不利影響，不過，相信這只是中短期，以長遠的角度分析，企業仍是有質素的。

在正常的經營環境分析，佢持有的資產好有質素，行業本身好賺，雖然疫情略有反覆，但全球疫情最壞的情況，相信已過。佢長遠是收息及平穩增長型。

但由於仍有未知數，加上之前虧損，因此將企業估值調低左。

現水平在大約在合理區中下部分，如果本身有貨，可長線，耐心持有就得，如果無貨，現價已經可以分注，但都要留現金。投資貨要有心理準備，中短期會弱，要長線，企業有長線投資的價值。

------------------------------------------------

Q22672：

龔 Sir 早晨 麻煩幫我分析吓組合啱唔啱？

我是一位單親媽媽48歲 獨力養14歲兒子 沒有任何贍養費 公務員月入4萬 現時每月儲一萬現金 月供股票一萬 現時現金有18萬 股票如下 :

水桶一 :
788 有10000股($1.48)
1211 有500股($210)
1448 有4000股($8.11)
1810 有1288股($23.14) 月供$1000
9988 有100股($258.6)

水桶二 :
2800 有3543股($28.19)月供$2000(之前$5000)
9月起會新加如下月供 :
66 將會月供$1000(幫兒子儲)
823 將會月供$5000

水桶三 :
1310有2000股($12.76)
1398有668股($4.49)月供$1000
2638有2000股($7.83)

現在已上了8月班第一堂 希望阿Sir比D意見我 計劃52歲退休 退休金約200萬 每月領$13000長俸 麻煩晒

目標4年後有多200萬 現時住公屋

水桶一係咪太多？

龔成老師︰

你水桶1的確係偏多，佔左你組合一半以上。以你48歲年紀，水桶1大約佔組合3成好了。

但由這些股票都有質素，你唔洗沽出，只需要用未來新資金，投資一些平穏增長股和收息股，令個組合回復平衡，咁就可以了。

至於月供方面，選股和策略(一半供、一半儲蓄)係無問題。但資金分配上，我唔建議集中係領展(0823)，佢雖然有質素，但始終係單一企業，分散風險能力較弱，你用翻盈富(2800)做主力，會較為穏當。

另外，由於於尚有4年就退休，潛力股就不要再加注，時間短，會令個風險太大。另外，平穏增長股和收息股比重，大約各一半。

餘下18萬現金，你就等大跌市機會，才出手入貨。

而且，當你愈接近退休之年，收息股佔組合比重，就應更多，到退休時，應100%持有收息股。故你要在做月供同時，慢慢調整組合持股，為退休做準備。

我假設投資回報有7%（連股息再投資），你每月投資$20000 + 現有資產約70萬(持股和現金)，4年後大約會增值至190-200萬，故這樣安排相信很大機會達至你的財務目標。

再加上你退休金200萬，將這些資金投放入收息資產，以6%息率計，每月大約可以創造現金流2萬。你可以以此作參考，調整你計劃。

但當然，你唔需要太急於去動手，投資係一個長線配置，你先上完堂，有個完整概念才開始，會更好。

------------------------------------------------

Q22673：

龔Sir，你好~ 有幸在疫情初期認識你，參照你的建議購買了以下是從現有的投資組合：

175 33.45@1000
788 1.52@10000
1211 34.2@500
2388 23.75@3000
2800 24.67@4500
9988 205@200
1928 26.2@400

上述的股票我打算長綫持有，唯一擔心的是175是否應該放？還有9988是否應該增持？以我現在的投資組合，下一步買的股票應該考慮哪個行業？博彩？醫藥？

另外，也想請教你人生規劃的意見，本人今年33歲，女，月入21K，另外有200萬現金做定期，剛置業及未婚，供樓壓力都大（每月大約12k），一直都想增值自己，

但苦無方向，生活就好像比層樓困住自己，請問龔Sir您認為在沒有特別的愛好下，應該怎樣尋找自己的價值呢？

感謝您一直以來不辭勞苦為我們解答問題，感謝！

龔成老師︰

先講你投資部份，以你33歲年紀，應先努力做好財富增值。你現時持有股票，都有質素，係可以長線持有。

吉利(0175)本身的質素不差，擁有一定的銷售網絡及品牌，不錯的市場策略及定位，而又能把握中國汽車市場增長的機遇。

長遠來講，佢的品牌與發展在中國仍理想，2018年，吉利透過旗下海外企業，動用超過$500億人民幣收購戴姆勒股份公司9.69%股份。由于戴姆勒股權結構分散，所以吉利已經成為了戴姆勒集團最大單一股東。

另外，佢早前杭州灣新工廠正式發布純電動新品牌新車「極氪（ＺＥＥＫＲ）００１」，宣布吉利進軍高端電動車。

這些動作不單有利佢有中國發展，同時長遠，可能加快了海外發展速度。因此，這股長遠仍是正面的。

但現價已經係略貴，現貨可持有，但暫時不要加注。

至於阿里巴巴(9988)近期有較多不明朗因素，雖然長線企業質素，唔算有明顯轉差，但風險係高左，估值上都會有少少調整。

但由於未影響到核心因素，因此你照持有係無問題。由於你本身有貨，要再加注，最好等佢回多少少先。

而定期，本身只係定息產品，無增長力之餘，利息回報都不高。建議你用來投資優質股，效益會更好。

以下股票，都適合你。

除了200萬現金外，如果你每月都儲到錢，建議你都做下月供股票。用月用一半儲蓄做月供，另一半儲起。

大市現處於合理水平，那200萬資金，你可以先用50-80萬，以"分注"形式慢慢入貨。餘下資金和每月儲蓄，就等大跌市機會出現，才大力度掃貨，並長線投資。

係進行配置時，緊記唔好集中係個部企業或行業。個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

至於如何尋找自己的價值，這個問題其實可以好複雜，而且都無一個特定答案。

如果你而一刻未找到自己興趣，或者人生目標所在。其實唔需要急，只要你多去接觸不同的人和事、睇多D不同書籍，慢慢去開闊視野，自然就會慢慢找到人生目標。

但緊記一點，這個人生價值評分，是你比自己，唔係人地比你。你要分清楚，是你自已的人生目標，還是純粹別人的期待。

只要你好好認真面對自己，一定可以找到專屬於你自己的人生價值，加油!

------------------------------------------------

Q22674：

龔成老師你好。我一直都有閱讀你所寫的書籍。目標是希望可以盡快財務自由，一生三宅，錢滾錢。

現有資產如下：
現金90萬

煤氣(3): 9883股
領展(823): 1369股 (另每月供$4000，股息會選擇以股代息）
長江基建(1038): 500股
小米(1810): 400股
金沙(1928): 800股
盈富(2800): 3018股

阿里巴巴(9988): 100股
巴郡Class B (brk.b): 10股
Snow: 10股
SPY: 11股

灣仔住宅210呎市值$400萬(按揭餘330萬)

打工月入3萬，自己小生意月入2-3萬左右。一個月大概會用1萬2千作家用或日常開支

想短期內（大概2-3年）再購入一個大尺數的住宅，資產上應該如何部署？應否如你書中所說，呢段期間增加股票百分比以分散風險？

我是否應提高月供股票的銀碼以加快速度提高股票比例？以上資產是否可以繼續持有？謝謝老師！

龔成老師︰

若你想累積資產，去購入一個新物業，用以上股票，係適合。

但個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

在創建組合初期，組合金額較少，出現超標都係可以接受。但長線你要參照這指標，去維持組合的平衡性，才算理想。

你現時煤氣(0003)明顯係超標，因此你最好沽少少，換至其他優質股上。

以你收入計，只月供$4000領展(0823)實在太少，建議你用每月儲蓄一半，去做月供，另一半就等大跌市機會。

月供方面，你可以選擇投資在平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。如果有投資美股，可投資VOO。

或潛力股︰安碩恒生科技(3067)、比亞迪(1211)、中生(1177)、福壽園(1448)、小米(1810)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。如果有投資美股，可投資QQQ。

但潛力股波動性較高，而你預期會在2-3年會動用這筆錢的話，由於時間不長，建議集中係平穏增長股會較好。

大市現處於合理水平，那90萬資金，你可以用多20-30萬，以"分注"形式慢慢入貨。餘下資金和每月儲蓄，就等大跌市機會出現，才大力度掃貨，並長線投資。

而物業方面，你現時單位呎數太細，我比較建議有最少300呎，即一個家庭最低要求呎寸，投資價值會較好。

如果你灣仔個單位係投資用，你可以考慮3年後，用佢細屋換大屋，這樣長線增值潛力，相信會較好。

最後，你係創建一個財富組合時，除了要有質素外，都要有平衡性。意思就是，唔好太偏重於個別資產類。

就好似你現時首要目標，係增值置業。但你係置業同時，最好留有一定優質股進行增長，否則成個組合就會偏晒係物業個邊，造成風險。

------------------------------------------------

Q22675：

你好，龔成先生，我係55歲人士，前幾年離職後沒有穩定工作，最近重新入職，將有穩定收入，扣除住屋開支，每月可儲蓄4萬，想問如何善用這五年儲蓄，為退休增添收益

適合做月供股嗎？如何配置？謝謝

龔成老師︰

以你55歲年齡，是應該為退休做準備。但係進行財富增值時，就不宜完度進取，因此，你可以用「平穩增值股」+「收息股」，作為投資目標。

至於月供，其實任何人士都適合，特別係投資經驗較淺，不懂估值的投資者。可以透過月供，用平均價格買入法，去平衡買貴貨風險。

因此，你係可以做月供股票，目標係供「平穩增值股」+「收息股」，比例你預大約各一半。如果你想保守少少，你可以加大「收息股」部份比重。

但這個組合比例，不是一直沿用至退休。而係隨著年齡增加，你要慢慢增加收息股的比例。到退休時，收息股應佔100%。

目的是，讓你可以在退休後，透過收息股的現金流，支援你退休後的生活。

策略上，你每月5成儲蓄，即是用$20000做月供。其餘先儲起，用一邊月供一邊儲蓄的策略。

平穩增值股，例如指數基金、金沙（1928）、長建（1038）、中銀（2388）、港鐵（0066）、恆基（0012）、粵海（0270）、領展(0823)。如果有投資美股，可投資VOO。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

餘下的另一半現金，我地就等機會，當大市出現較大回調，就加大力度掃貨，然後作長線投資。

------------------------------------------------

Q22676：

龔成老師你好!依二年除左睇新聞都比較小用Facebook,但都間中有緣份睇到你在網絡上解答讀者問題,交流同分享投資心得,非常配服你一直可以保持到敬業樂業既心態!

最近一直希望可以開始用自己香港既現金投資,因為我深明財富增值利用複息效應同時必須跑贏通脹,亦非常同意投資要有均衡組合,分散風險.同時要避免短炒圖利心態.

我今年28歲,年收入約港幣55萬左右,由於我目前長駐外國工作,日常開支主要會用自己外國戶口既收入,

香港戶口扣除家用每個月會有約1萬可以用作投資.儲蓄方面會係外國戶口做,每個月約7千.

目前儲蓄約有港幣35萬 - 港幣戶口約佔20萬(全現金,無負債)，暫時外國戶口部份打算保留現金作為應急之用.

我依個星期爬佐你既文章同埋問答與分享,亦見到你有集中推介十幾隻股票,我係投資新手岩岩起步所以希望得到你既指教睇下以下組合點樣 :

平穩增長股:
0002 月供 1000
2800 月供 2000
0012 月供1000

潛力股:
0388月供2000

其他4千暫時打算保持現金,等大跌市再加注入手以上4種,同時亦都想將現時一半現金(約十萬)買以下2種股票 :

3067@3000股 已買[email protected]
3110@2000股

想請問現時價位是否適合或者我應如何分注?

短期目標係可以係3年內連儲蓄可以滾存到150萬,5年達到200萬. 其中一半可以用黎做首期.

最後我想請教你既係我現時工作穩定,亦有望可以在2萬內加薪到年薪70萬,我收入增加部份應該投放係月供股票上定係直接一注注買入呢?

有心理準備股票會放中長線所以希望選擇正確亦可以得到你既意見嬌正心態!下年如果有機會番香港夾到你既時間,一定會報名參加你既投資倍升股課程!

祝事業順利及最重要身體健康!

龔成老師︰

你的投資理念，大致上都正確。只要你選擇正確的優質股，在合理區價，甚至平宜水平買入，並長線持有，自然就可以獲得唔錯回報。

我地做財富增值，一般希望做到架合理回報，係每年增長10-15%。

我假設投資回報有10%（連股息再投資），你每月投資$10000 + 20萬現金，5年後大約會增值至100萬。你現時這個目標，用股票投資去做，風險會好大，較難達到。

如果你無其他增值方法，建議你按部就班，透過月供和買入優質股，去為自已資產作增值。

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時28歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

你現時月供策略和選股，都係可以。如果你本身外國戶口，每月都有額外儲蓄，你可以再加大少少現時月供金額，都無問題。

但如果你每月儲在外地戶口$7000，係生活費，或者用於當地生活應急，就不用調整，照現時計劃就好了。

大方向係用每月一半儲蓄做月供，一半儲蓄等大跌市機會的策略。

現時大市在合理區，你30萬現金，可以用10-15萬去分注入貨，餘下部份同樣等大跌市。選股方面，派息基金(3110)無乜增長力，主要係收下股息，唔適合你年紀。

你可以用以下股票代替，而安碩恒生科技(3067)係適合你投資，但唔好全數只入3067。

因為我地配置時，除了要考慮質素外，都要顧及平衡性。個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

安碩恒生科技(3067)係科技股指數ETF，故算係單一行業，只宜佔組合最多3成。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。如果有投資美股，可投資VOO。

或潛力股︰安碩恒生科技(3067)、比亞迪(1211)、中生(1177)、福壽園(1448)、小米(1810)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。如果有投資美股，可投資QQQ。

平穏增長股，現處於合理水平，可分注入市。但潛力股，部份係略貴。

現時只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)、QQQ勉強算在合理區中上至頂部，可分注入貨，其餘都略貴，想買就要等一等。

------------------------------------------------

Q22677：

龔老師，想問下 6823
總負債點解噤高到6成
但派息又超過100%
公司噤既情況係唔係唔健康?

謝謝 解答

龔成老師

第一，佢負債比率雖然有少少高，但未到危險，因此整體問題不大。

第二，佢本身業務穩定，以及現金流穩定，所以就算負債有少少高，佢都有足夠的現金流去支持佢的情況。

至於佢派息，雖然100%，但由於有很強的現金流支持，因此無問題。整體穩定，是理想的收息股，不用擔心。

------------------------------------------------

Q22678：

你好！龔成老師, 本人現在22歲, 剛畢業, 現月入$15,000。

計劃:
月供美股:$10000HKD
(主力供ETF :VOO, QQQ, ARKK, VUG), 每月各1股左右。

家用&日常洗費&現金儲備:$5000HKD

請問老師現在我這樣的組合會否過於進取?應否更多分散投資, 例如投資高質潛力港股?

希望可以得到老師的回復 ! 感謝老師

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你現時22歲，十分年輕，財務負擔相對較少，進取少少都係可以。

但你要明白QQQ, ARKK和VUG都係潛力股，佢地增長潛力係高，但風險都會較大。我比較建議你用平穏增長類的VOO作主力(約佔40%)，其餘潛力股每隻約20%，咁會較好。

如果你想進取D，全部平均25%都可以，但風險會偏高，你要明白這一點。

另外，現時大市只在合理區，每月最好留有3-5成儲蓄，用來等大跌市機會。

除了美股，你都可以考慮加入一些港股，去平衡地區性風險。以下都係適合你的股票，你可以參考一下。但緊記潛力股風險較高，要控制好注碼。

平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。

------------------------------------------------

Q22679：

你認為加密貨幣可投資嗎？
小注投資如何？

龔成老師：

虛擬貨幣，我不是這方面的專家，所以我無太多意見。

如果你能承受風險，小注投資不是不可，而你一定要等倍計回報，利用以小博大的模式進行，同時明白有風險。

以本質來說，這是人為創造出來的，絕對不是「資產」，有沒有真正的價值，如何定義真正的價值，未知。

這些人為創造的貨幣，因為關注度由很少變得大，價格會大升，但這背後是否有真正的支持，我不知道。只能說，投資這些貨幣，投機味好重，可能大賺，亦可能蝕到一文不值，因為，當中有沒有價格，我不知道。

但這不代表佢無價值，佢可能好勁，只是我自己不知佢好勁定好差。

佢長遠的價值，取決於「有多少人用」，即是說，雖然無真實價值，但可以有「交易價值」，如果長遠好多人用，的確可能有高價值。

因此，這些虛擬貨幣，由於我無法作出專業分析，所以，我不會投資。

但如果你分析到佢長遠的交易大，大家都持續關注，就有價值，就值得你投資。

我並沒有支持或反對投資虛擬貨幣，只能說，虛擬貨幣風險高，因此不建議大額投資。或者你可以用以下的心態投資，首先，你預期可能會大跌，心態上只用「閒錢」投資，就算不幸大跌對你都無影響，但你的要求回報一定是倍計，博虛擬貨幣有多倍計的升幅，絕不要升少少就賣。

------------------------------------------------

Q22680：

老師你好，想問隻293點睇？謝！

龔成老師：

坦白講，國泰（0293）的質素只是一般。

其中一個風險，是油價，睇翻佢過往多年，油價對佢成本影響好大，令佢盈利十分波動，就算佢利用對沖，都唔係好成功，反而試過因對沖而蝕大錢。

另外，航空業對經濟週期較敏感，收入不穩，同時唔算係一個好賺錢的行業，因此這股的質素只是一般。

就算佢重組，得到新資金，只是比佢「捱過這一關」，並不是賺錢能力方面有改善。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

#throwback

公司新加玻那邊的大老闆為幾位東南亞富豪搞咗個考察團。

其實這個所謂富豪團的成員不是那些富豪本人，而是每位富豪派出的代表，即是所謂一些 family offices 的話事人。唔好以為「代表」就唔使尊重，所謂揸住鷄毛就係令箭，尤其是這班「使節」講一，富豪都好少講二，新加玻那邊的老闆和我們香港這邊的老闆每天緊密溝通，隆重其事，務求要我們香港這邊以最高規格接待那些使節。

做到嘅生意入幾多落新加玻嗰邊本薄，入幾多落我哋香港，可以遲啲傾，不過呢一刻淨係知做得唔好實瀨嘢。

「有邊個想跟一跟？」我們的老闆問。

以為沒有人會舉手，怎料有位叫柯士丁的同事自告奮勇。老闆瞧著柯士丁說了聲 ok，「就你跟」，然後補多句：「Marcus，都睇吓 Austin 有咩需要幫手。」言下之意，不但是 Marcus 要在適當的時候補 Austin 個位，還是 Marcus 要在任何時候幫 Austin 把關。

雖然九成九讀者不是我同事，但心水清的話，當中的各種因果關係應該不難看到。

第一，點解冇人會舉手？做得好又唔知分幾多，做得唔好又要孭鑊，苦差呢，舉手等於送死。

第二，既然係送死，點解 Austin 又要舉手？佢已經好一段時間冇數，繼續咁落去應該凶多吉少，橫掂都死就梗係搏一搏。

第三，點解老細要 Marcus 「幫手」？無謂講出口，我份人一向都係純情專一謙厚老實，「葉朗喺大廳老細唔會驚」呢啲咁抬舉自己嘅口號，我真係講唔出口。

使節團的目標本身好 straightforward，牽涉的銀碼亦相對細，即係我哋唔使落力 sell，富豪唔使點做融資，交易也可速成。咁當然，好似呢種嘅投資項目，唔使話全世界，就算係小小一個亞洲都已經多如恒河沙數。我想講嘅係，使節投資嘅機會好大，唔係因為項目質數本身好，而係新加坡老闆同呢班使節嘅關係搞得好。

換句話講，其實我哋香港呢邊要做嘅工作，都只係執頭執尾。咁執頭執尾係咪可以求其做呀？如果執得唔好，使節唔高興，一個仙生意都唔做，你估新加坡那邊的老闆會怎樣？累人冇咗單十拿九穩嘅生意，即係阻人發達，即係殺人父母，即係死九次都唔得掂。

但由入住酒店到上來公司開會的安排也沒可能出什麼亂子，最終也只是些瑣瑣碎碎的事而已；Austin 交給下屬張羅，也算合理，守住最後一關便是了。

怎料，午飯那張菜單出了事。

Austin 的下屬給他發了一個電郵，內裏有三個菜單，有 cc 我。我未仔細看菜單，但覺得選擇的餐廳很有問題。點會去嗰間呢？唔係話嗰間唔好食，但個人意見就是欠了一點莊重和矜貴。再看一看菜單，感覺反而好了些，因為最貴那張菜單的菜色還不錯。

但過了一會兒，Austin 走過來跟我說，他會選最低價那張菜單，問我有沒有異議。我沒有轉彎抹角，直接說，應該最貴那張適合一點。「但一餐 lunch 八百蚊 per head，」Austin說，「好似貴咗少少。」普通人一餐飯梗係貴，但我們要招呼的是何等人物？我沒有說出我的想法，只是說，如果揀最低價嗰張，即係四百蚊 per head 嗰張，起碼 main course 轉個 quail 或者和牛啦 (本來係 salmon)。

之後他叫同事跟餐廳聯絡，轉了 quail，價錢加咗少少。「咁就呢張啦，」他說。

「我知唔應該麻煩 Sally (我們老闆)，」我說，「不過反正仲有幾日，不如 send 畀佢望望啦。」

於是 Austin 給老闆發了一個 email， 是這樣的：

Dear Sally,

Attached please see the lunch menu as suggested by Marcus.

Austin

老闆反應奇快：

Rocket salad as appetizer? Is it a joke?

柯士丁秒覆：

My bad.

I have not looked at it before. I will handle it myself from now on and revise soonest.

Austin

故事講完，最終的菜單是什麼完全不重要，反而我只想分享一件事：嗰晚我冇食過晚飯。

各位女士，原來減肥嗰陣食乜嘢最好，答案係死貓，食完死貓你唔會有胃口食任何嘢。

那一晚，我不停在想的問題是，怎樣跟老闆說清楚？每當我想不通的時候，我都會請教上師，即是來自西藏那位活佛。

「事情就是這樣了，我該怎麼跟我的老闆說？」我在微信問上師。

「什麼都不用做，別生是非。」

「你說什麼呀你？我生是非？我是受了委屈的受害者啊！」

「委屈是你看到的東西，是非是你老闆看到的東西；你跟她說所謂的真相，你就是希望她知道所謂的誰是誰非；那你生的不是是非是什麼？」

我呆了。

「還記得我教你什麼是『執著』嗎？」

「只看到自己眼中的東西，」我說，「是執著。」

「那『無我』是什麼？」

「看到每個人眼中的東西，是無我。」

佛理引領我們尋找的答案，就是建立自我，追求無我；放在小小的辦公室裏，「自我」是自己的能力和價值，「無我」是一個整體的目標。

「生是非」既不是「自我」也不是「無我」。

一個好的老闆最討厭兩件事：蝕錢，是非。

要是你喜歡跟隨一個喜歡聽是非的老闆，那也說明了你的素質。

英文的 rise above 很有意思，解釋是「不被控制或傷害到」，例句有rise above the criticism，rise above the provocation，rise above the pettiness。重點是 rise and rise and rise，不斷的升起、升起，再升起。

升到哪裏去？

站在水平線近距離看是非，你會看到是非放到最大的一面，讓你目光放不遠，執著於眼前。

升到最高點看是非，你連是非的樣子是怎樣也不會再看得清，因為你看到的只有大局。

有人的地方，就有江湖；有江湖的地方，就有是非。

有是非的地方，就可以高下立見。

===============

一個武肺，不但散播劇毒，還種出很多是非。

都看到了，就連一個國際舞台上，也有搬弄是非的人。

大是大非面前，我們總會看到世界最悲哀的一面；高人的聲音一定是那麼微弱，爛人的歪理卻在主宰我們的命運。

#是誰令世界瘋狂

【大直新聞周一報】

1.大直飯店式豪宅「西華富邦」，是台北市少數由直營飯店人員進駐作物業管理的豪宅案，中、高樓層可以遠眺基隆河景與松山機場景觀，雖然總戶數高達198戶，但現在存貨剩下40餘戶，其中108坪的小戶型已經全部售完。→https://ec.ltn.com.tw/article/breakingnews/2992200

2.踏進璽悅大直分館，本刊記者先登記姓名，櫃台人員通報確認後，才放行上樓。在大廳等電梯時，一位身穿護理服的服務人員上前，為本刊記者量體溫並消毒雙手、奉上口罩；代刷門禁卡，抵達指定樓層後，還要換上消毒過的白色拖鞋。→https://www.ctwant.com/article/15863

3.台北市府自9月24日至10月31日，針對大型百貨賣場發動公共安全聯合檢查，一共檢查35家賣場，結果「ATT 4 Recharge」及「美麗新廣場」因違反建築法規定，分別遭罰12萬元，並要求限期改善，目前均已改善完成。→https://www.cardu.com.tw/news/detail.php?39483

4.柯P助炒房？法拍商業宅竟追平市價　瓏山林博物館溢價標脫。→https://www.setn.com/News.aspx?NewsID=638655&From=Search&Key=商業宅

5.依實價登錄揭露一筆中山區大直知名豪宅「西華富邦」交易案，今 (2019) 年 9 月以總價 2.33 億元出售，但依相關資料顯示，這筆交易持有 4 年，最後卻以降價 785 萬售出，是實價登錄上西華富邦第 4 筆降價交易，4 筆交易中，單戶最高賠售金額高達 2127 萬元。→https://news.cnyes.com/news/id/4414421

6.京華城熄燈下個是美麗華？大直在地人親曝4真相：不可能倒。→https://www.setn.com/News.aspx?NewsID=644956

7.沈玉琳近幾年轉戰網路主持節目，加上「薄利多銷」每年光是靠尾牙、商演，讓他進帳數千萬。目前在大直、五股重畫區、內湖共坐擁三戶房的他還透露，三房產都登記在自己名下，主要是老婆零收入，因自己有收入，買房也可拿到較好的優惠。→https://house.ettoday.net/news/1591568?redirect=1

8.「鐵板教父」謝樂觀重返台北，在大直《IRON CHEF TEPPANAKI》鐵板燒餐廳執鏟炫技。→https://www.chinatimes.com/realtimenews/20191129001305-260415?chdtv

9.「台灣之光」名廚江振誠擔任在臺的「觀光推廣大使」，並由江振誠以青森名物與濃漁食材入饌以「青森祭典」為主題設計整套菜單，預計於12/11日至15日在台北大直RAW餐廳上菜，餐費每人3,888元+ 10%，創異國地方政府攜手台灣獨立餐廳聯合行銷市場先例。→https://www.chinatimes.com/realtimenews/20191126001511-260405?chdtv

10.市府指出，明美公園以東的土地使用分區，依規定不得作住宅使用，實屬於辦公服務區、工商混合區及工商服務展售區。北市府已於10月底發函要求違規戶1個月內改善，否則將開罰6至30萬元，最重可斷水斷電，不能像大直、大彎北段商業宅一樣，可繳納回饋金解套。→https://house.ettoday.net/news/1583729

11.耶誕、跨年夜，就來大直的維多麗亞酒店吧！la FESTA義大利餐廳推出「精選義式饗宴」，還有連續榮獲2018、2019台北米其林推薦的168 PRIME牛排館推出「Special Menu特別菜單」，絕對是與情人共度浪漫摩天輪之夜的最佳選擇。→https://ctee.com.tw/industrynews/consumption/179558.html

12.【千日御雪祭】2019年12月22日（日）14:00~18:30。台北市中山區明水路569號B2 CLBC大直肥皂箱B廳。→https://www.gamebase.com.tw/news/topic/99256874/

13.特派員今天來到大直Snoopy Play Center要與史努比鐵粉會面，而這裡充斥著滿滿的史努比，絕對是讓粉絲開心到跺腳的歡樂天堂。鐵粉興奮地展示自己的經典蒐藏，總共有28個代表不同國家、風情的小公仔，以及來自日本印有「令和」國號的限量公仔和與日本知名服飾品牌聯名的黑色史努比、鞋子等，讓人不禁佩服那驚人的收藏力！→https://www.chinatimes.com/realtimenews/20191129000010-260405?chdtv

14.Red Bull Skateboarding(紅牛滑板)昨在臉書貼出一段約21分鐘的影片，影片中有一名外籍男子從台北復北地下道出口處間的斜坡(大直橋端)，踩著滑板一躍而下，驚人舉動引起網民關注，也令人擔心若動作失敗，後果恐不堪設想。→https://udn.com/news/story/11322/4206065

15.數場與白晝之夜的串演在大直ATT 4 Recharge演出,其中最為吸睛的是《眾獸鬧白晝 》,邀請到台北實踐大學服裝設計系學生的設計服裝與模特兒走秀演出,吸引眾多民眾前往參與。→https://www.peopo.org/news/433433

16.歌手楊蒨時曾在《超級偶像3》奪下亞軍，38歲的她，今在大直典華和大10歲男友David舉辦戶外婚禮，日前被爆出情變的艾成和王瞳，今也合體出席，不僅在證婚儀式同座，晚宴開始2人也毫不避嫌坐在一起，席間相談甚歡，艾成還貼心幫王瞳剝蝦，互動熱絡。→https://star.ettoday.net/news/1591642

17.天天吃好料》台北《大直椒房殿》3種辣鍋任君挑。→https://news.ltn.com.tw/news/life/breakingnews/2989996

18.何騎YouBike到北市大直捷運站附近，還車後步行到對街用餐，卻將裝有機密重要文件的牛皮紙袋整個留在車籃內，剛好憲兵第二○二指揮部曾姓預財官準備租車，打開一看直覺有異並轉交國防部政戰局保防安全處理。→https://udn.com/news/story/11315/4196146

19.長年輔導身心障礙者技藝訓練及工作機會的中華身心障礙者職業技藝協會，主辦「2019全國十大孝恩獎」多年，本年度於12/3「世界殘障者日」在典華幸福機構（大直店）擴大舉行，共有70人入圍、10人獲獎，這些入圍者多伴隨身心方面不同的障礙，但因熱愛生活、樂觀進取，全心全意為家庭付出，足以做為生命教育楷模。→https://times.hinet.net/news/22681851

20.今適逢預賽第1輪賽事尾聲，體育署長高俊雄、體育署學校體育組長王漢忠特別到訪台北二區比賽場地，慰勉拼戰學子，高俊雄署長親自為賽事開球，全程欣賞地主隊師大附中和大直高中精彩對戰戲碼。→http://www.tsna.com.tw/tw/news/show.php?num=31134&keyword=大直高中