【醬爆鳳梨🍍麻辣烤魚🐟】 #阿祖食盡尖沙咀 #阿祖食盡將軍澳 好耐冇食烤魚，食辣嘢係會上癮😆今次去嘅呢間烤魚專門店，尖沙咀同將軍澳寶琳都有分店，今次食嘅係將軍澳店！環境都算闊落舒服，牆上唔少魚公仔同霓虹燈，預早Facebook訂位有折。除咗烤魚更提供雞煲酸菜魚、海鮮、川味小食冰盤等，用手機掃瞄QR code 落單🌶 。 🤍 沒有立場資訊 💁🏻‍♀️ #阿祖_川菜 。 醬爆鳳梨香辣豆花烤魚 $288-$368 烤魚選擇幾多，包括新口味毛血旺、花膠筒蟲草花、黃金特濃蒜香、老壇酸菜等，同朋友試咗「醬爆鳳梨香辣豆花」！魚本身提供三款種類，為海鱸魚($288)、江團魚($308)及凌波魚($368)🐟餐牌寫咗每款魚嘅味道及特性，最後豪啲揀咗凌波魚。烤魚賣相吸引好大份，自選辣度麻度，食得辣嘅多麻梗係至正🔥 。 烤魚上面放滿菠蘿片同醬料、四角放咗豆腐，底層驚喜發現寛粉🤩凌波魚肉質相對嫩滑油份重，好容易起晒啲肉、啖啖肉唔多骨，而且厚身結實唔會一夾就散！湯底麻香味重不太鹹，但略嫌有點油膩🌶菠蘿片同湯汁出奇地夾，而且用上新鮮菠蘿，酸甜帶辣減底飽滯感～最正係底下嘅寛粉，大大條煙韌度極高，吸曬麻辣精華✨豆花亦滑嘟嘟口感似布丁！一份烤魚二人share好足夠，3-4人可以加少少火鍋料，點咗響鈴$38同風琴豆腐串$28，份量都幾多 。 💕四川麻辣燒生蠔 $108/半打 原價$28隻最近做緊優惠，平均每隻$18🦪燒蠔頗大隻上面佈滿麻辣蒜蓉，惹味得來依然食到蠔嘅鮮味，CP值幾高！ 。 另外點咗椒鹽豆腐 $58 同 炸雙皮奶 $38，椒鹽豆腐新鮮炸起外脆內軟；炸雙皮奶成條春卷咁，裏面係燉奶，味道都OK但個人覺得外層脆皮太厚。整體而言用餐體驗不錯，一解烤魚癮🐟 。 📍小魚兒 尖沙咀金馬倫道16號金馬大廈1樓 將軍澳毓雅里7號富麗花園地下3-5號舖 ⭐️ 人均消費：$150-$200 。 #joeiefoodie #hkfoodie #麻甩祖吃貨日常 #麻甩女子祖 #hkfoodie #hkeat #hkig #hkfood #hkgirl #香港美食 #尖沙咀美食 #將軍澳美食 #小魚兒