#gfmurmur8960 我同佢都係中六同一間學校，我哋由中一已經開始好frd，當曬大家係好兄弟個種，但係佢一直都唔知其實我暗戀咗佢四五年左右。 其實我同佢成日都比外人當係情侶，但係我嘅朋友就覺得我似係女兵多啲。因為係我同佢未一齊嗰陣，佢每一次失戀，唔開心嗰陣我都第一時間走去安慰佢陪佢，佢每一次同女朋友分手都會同我講笑話鍾意我，但係我知道唔係真所以我都選擇唔理佢，仲有佢每次同女朋友鬧交，分手嗰啲都係我幫佢買禮物比佢女朋友，教佢點氹女朋友。但係我覺得佢其實係口甜舌滑嗰種人嚟，又唔係唔識氹女朋友，但係又唔知點解要我教佢點氹女朋友，因為我每次見到佢同佢女朋友好開心嗰陣，我點都有啲呷醋，雖然我知我無咁嘅資格，但係佢都仲會好似氹女朋友咁氹我開心，一直比假希望我，就係因為咁我拒絕曬所有鍾意我嘅人，就係為咗等佢。另外，有陣時同佢出街佢會無端端拖我，但我會即刻撥開佢隻手同佢講唔好唔記得自己已經有女朋友，順便提醒自己要有底線，佢有女朋友，唔可以做人小三，留係佢身邊做朋友已經好好。係唔係做女兵我唔清楚，不過我淨係知我終於等到我想等嗰日。 就係我中五嗰年，我記得佢已經好耐無再講佢同佢女朋友嘅事，經朋友口中得知原來佢已經同女朋友分咗手半年，我決定鼓起勇氣同佢表白，然後一齊咗。但我發現我同佢一齊嘅時間，佢都好似唔係幾開心，其實除咗頭兩個月好甜蜜之外，其他時間都係鬧交。無一次鬧交唔係我氹返佢，佢係真係無氹過我，我有同佢講過可唔可以試吓氹我，結果佢答咗我一句：「氹嚟無用，你米一樣繼續嬲。」我聽完之後，我決定唔理佢，點知過咗一日佢都只係whatsapp同我講句：「早晨，嬲完未？我今日唔同你返學。」我最後忍唔住，我氹番佢，雖然我唔知佢嬲咩。 然後係聖誕前一日我發緊高燒，我又唔知佢嬲咩，佢只係一朝早就話我出軌，但問心我同佢拍拖之後身邊已經一個朋友都無，異性同同性朋友都無曬，因為佢唔鍾意我啲朋友，我唔知我邊到出軌，但當然係我氹番佢先啦，可惜佢都仲未嬲完，咁我唯有去佢返工嗰到搵佢，但佢話佢個間店老闆唔鍾意有人係店入面等佢啲員工放工，雖然唔知真定假，但係我唯有係附近等佢，之後佢突然whatsapp叫我去觀塘海濱等佢，就係咁我發住高燒係海濱吹咗成晚海風，當佢一嚟到淨係同我講：「分手啦，我同ex翻撻咗」我即刻喊住求佢唔好走，嗰兩三個禮拜都無曬尊嚴咁求佢，我到後來先知原來佢同前女朋友已經翻撻咗兩個月，咁既然事實擺在眼前，我亦都只好去祝福佢。 就係咁我暗戀咗佢四五年，結果同佢一齊咗四個月多啲就分咗手。到依家中六，我好難先慢慢可以忘記到佢，但都係未完全放低，佢又開始搵返我，其實我真係好辛苦好攰，究竟我可以點，究竟你有無真心咁愛過我。 Sor1999，我一向表達能力都唔係太好，所以請見諒，不過我打完呢篇嘢之後，個心已經好返小小。 • 📣📣🇭🇰 【維園遮打愛丁堡 流水式集會】 求援國際 堅守自治 日期：11月2日 (星期六） 開始時間：下午3點 起點：維園 (已獲不反對通知書） ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig

- 0395 〔感情意見〕絲 20 - 你會揀一個你愛嘅人，定一個愛你嘅人？ - 我鍾意咗一個對面舖頭嘅男仔 我對佢可以話係一見鍾情 有一日佢過黎買嘢嗰時，我咁啱同佢對望咗 個一刻個感覺我到依家都好清楚記得 佢唔係好靚仔但就係好合眼緣 但我已經有一個一齊咗幾年嘅男朋友 一開始都有默默有意無意咁望下佢 到開始同同事提起佢，直到有日忍唔住叫同事同對面打聽下佢 先知原來佢已經有女朋友 個下我有啲失落，都叫自己唔好再諗依個人 - 點知佢個同事一直都做媒人拉埋我地 唔知係咪因為佢同女朋友鬧咗交 佢女朋友一直唔理佢，而我同事都幫埋一份 慢慢咁我地開始有咗親近嘅機會，而我都開始見到佢笑個樣 真係好甜好可愛，每次見到個心都會好心動 有次佢冇番工我好掛住佢 因為同事係咁慫恿之下，我就鼓起勇氣主動信息佢 我地就開始第一次嘅對話，因為我地都太怕醜 面對面唔會交流，但就一直keep 住Msg 就算對方就喺對面都係咁，個感覺好奇妙又好甜蜜 - 慢慢咁我因為咁同男朋友分咗手 略略交代下，其實原本同男朋友感情已經出咗問題 佢係一個好強勢嘅， 一鬧交你唔可以駁嘴 只可以不停咁道歉氹番佢，等佢條氣順番 而我其實原本唔係個咁弱勢嘅人 但因為佢我變到冇底線，而從來佢都冇聽過我講我嘅感受 冇正視過問題，只有我一直屈就 金錢上佢都係比較依賴我，慢慢我覺得好多方面我都變咗男朋友嘅角色 我一早已經好攰好心淡，所以呢個都係我分手嘅其中原因 - 分咗手之後男朋友話佢會改，雖然佢都唔係第一次咁講 我都叫自己唔好再心軟，但每次見到佢唔開心我都好心疼好內疚 而我都有一直同個男仔有發展，有時媒人會拉埋我地一齊食宵夜 而每次佢都會送我番屋企，話唔想我夜媽媽自己一個女仔 我開始覺得我真係鍾意咗佢 我就第一次同佢信息表白，而佢拒絕嘅理由係佢有女朋友 原來佢一早就知我係鍾意佢，只係佢一直都唔信 之後我地繼續keep 住Msg，好似咩事都冇發生咁 佢個同事又會間唔中拉佢過黎 佢從來都冇抗拒過人地拉埋我地，或者講笑話我係佢條女 - 佢都會關心我，食飯嗰時我怕醜佢會夾嘢食比我 而佢從來冇po 過關於女朋友嘅野，完全唔似拍緊拖嘅人 有次佢送我番屋企，我忍唔住拖佢隻手，攬住咗佢 咁就係我第二次表白，而佢雖然話過女朋友一直點氹都唔理佢 佢都開始有啲淡，但佢拒絕嘅理由都係佢女朋友 「我未同女朋友講清楚」 「我嘅感情做唔到咁快去咁快黎 」 「我同佢始終都3 年幾感情」嘅說話 - 但之後佢又好似咩事都冇發生咁繼續搵我Msg 有次佢成晚唱緊K 都同我Msg緊 對話真係好曖味，好甜蜜 直到有日佢女朋友無啦啦搵番佢，個日佢都無啦啦冷淡咗 我就忍唔住問佢咩事，佢就話佢同女朋友講唔想再偷偷摸摸 但得唔到想要嘅答案，佢女朋友就又喊咗又嬲咗佢，又冇再理佢 （佢嬲嬲埋埋都成個幾月） 個刻我就諗究竟易喊嘅女仔係咪玩哂 你咁唔珍惜佢，點解仲要霸住佢 原來一直以黎佢女朋友都唔比佢po 關於自己嘅野 佢女朋友都唔會po 佢嘅野 而我係愛得好高調嘅人，所以完全唔明佢係咩心態 比我感覺佢女朋友都唔係好鍾意佢 而嗰次係我第三次表白，亦都係最後一次 - 嗰次係我第一次為佢喊，咁好明顯佢又拒絕咗我 而佢仲話佢會繼續對我好，當我問 「你係咪永遠都唔會鍾意我」嘅時候 佢又話「之後嘅嘢我都唔知」 然後嗰次佢都知道佢真係傷害咗我 佢一開始都尷尬，但慢慢咁又同我傾番計 就咁直到有一日佢女朋友同佢好番 個刻我清楚自己要放手喇，我以為終於識死心 我都同男朋友好番，因為覺得男朋友係肯為我改變嘅人 但個心始終都會忍唔住諗起佢，掛住佢 - 番工見到佢個時都係會好心動，因為佢少少嘅行為開心 見到佢唔開心會想去安慰佢，感覺真係呃唔到人 到而家佢都知我同男朋友好番，佢有時會撩我玩嗌下我 我有時會問下佢同佢女朋友，佢又會提下我男朋友 或者講下我同仔出去個啲（其實我沒有） 我成日忍唔住望佢，有時會昅到佢望我 有時會唔小心對， 就係咁嘅關係 你地覺得佢係點諗？我算唔算一隻兵？後備？ 如果係你，你會繼續等佢，定都係揀一個愛你嘅人？ 圖﹕志明與春嬌 #濕9感情台 #求意見 #長文注意

#569 有個讀者叫我幫佢po呢個故事叫大家評評理... 佢同女朋友拍咗拖7年 去到談婚論嫁階段 但呢排女朋友變到疑心好重 狂check佢電話又好神經質咁挑剔佢 兩個鬧交鬧到感情差咗好多 陷入冷戰期已經足足4個月😨 回帶返去4個月 佢識咗好多年嘅女閨蜜喺外國回港 原來女閨蜜同外國男朋友不歡而散 為咗忘記對方 女閨蜜即刻搭飛機 返嚟搵呢位讀者聚舊 一開始佢已經冇同返咗工嘅女朋友交代聲 就去請假去咗接女閨蜜機 之後佢仲日日放工都約咗女閨蜜行街 因為女朋友做嘢好忙 都冇乜時間理佢 佢連放工時間都同女閨蜜wtsapp non stop咁傾偈 瘋狂回憶以前一齊返學啲往事 . 有日拍拖 女朋友唔覺意昅到佢wtsapp 先發現佢哋喺自己背後傾得咁開心 語氣親暱到帶啲曖昧嘅味道🤡 原本女閨蜜有樣有波有腿又有腳已經好大威脅 最難受嘅係見到佢哋私下影過貼紙相 個女閨蜜明知佢有女朋友嘅情況下 主動頭貼頭 攬腰 十足十情侶咁 甚至將張相up上fb tag埋佢做「best fd forever」 好似表面扮到好Friendly 實際上係為咗搶人男朋友咁 . 女朋友開始有微言： 「點解你咩都唔同我講？ 點解你冇理過我感受？ 你覺得熟就可以做乜都得？」 但佢覺得一啲問題都冇 仲反過嚟話女朋友🙄： 「你點解咁小器 諗太多先啱！ 我哋識咗咁耐係熟到無可再熟 要有嘢一早有嘢 感情好就乜都講得 講吓笑啫 如果我同你一齊就唔理佢 咁咪好賤格？」 佢繼續堅持己見 幫晒人哋講說話 認為同女閨蜜識咗好耐 唔係嗰味嘢 難怪女朋友個心好痛好痛 冇晒安全感 . 聽完我就同個讀者講 我問讀者知唔知佢女朋友都係我讀者 佢喺公司都有個男閨蜜好熟 日日都約埋一齊出去食飯 放工 情人節嗰陣男閨蜜仲送咗10支玫瑰俾佢啊 不過佢實牙實齒咁話佢哋只係朋友 純過蒸餾水 讀者好擔心 即刻話男女授授不親 就算係閨蜜都應該知道個界線喺邊 跟住我話：「係囉！你都識咁講啦 點解你可以咁做 佢唔得先 其實佢唔係我讀者 閨蜜都係冇 你可以放心 我只係想同你講 做人唔好咁雙重標準！ 更加唔好盲目利用『閨蜜』二字 同第二個異性咁親密」 . 感情出咗事係雙方嘅責任 唔會只係其中一方嘅問題😶 另一半突然冇信心唔係無風起浪 一定係你不自覺做咗啲嘢傷害佢 令佢起疑 依家嘅例子正正係讀者呃女朋友在先 同埋影啲仲親密過同另一半嘅貼紙相 旁人望落都覺得勁踩界 似一腳踏兩船 身為另一半又點會唔介意？ 冇人會忍受到男女朋友身邊 存在一個同自己一樣親密 甚至更親密嘅異性朋友😑 個個都想自己喺對方心目中係獨一無二 所以另一半釋懷唔到 埋咗條刺都好正常 就算佢接受件事 選擇原諒 都要俾時間佢重新信任你 . 1.要知道同閨蜜有咩唔講得 . 唔好每朝每晚互相早晨早抖好基本 唔好氹 嗲 同閨蜜講18+咸濕笑話先係重點 例如閨蜜病都仲要食辣嘢 你唔應該話：「乖 聽我講要戒口 好返再帶你食貴嘢」 你應該叫佢好好照顧自己身體就算 例如閨蜜sd咗個情侶自助餐優惠俾你 你唔應該話：「好想食～果然得你先知我心 你唔准同其他人食啊！」 你應該講句多謝 之後約另一半食先啱 例如閨蜜問你 佢今日嘅造型點樣 你唔應該話：「wow 男人見到你都想搞你 我見到都扯扯哋」 你應該好正路咁評論好睇定唔好睇就算 唔好製造機會大家講咸濕嘢 講笑都唔得 如果閨蜜冇理你答咩 繼續調戲你咁點？ 你就要同佢解釋唔好咁做 講到明要尊重另一半 做個好男女朋友 唔好俾機會佢離間你同另一半嘅關係 . 2.唔好同閨蜜瘋狂傾偈忽略另一半 . 雖然你同閨蜜認識時間比你男女朋友早 有啲秘密係你哋先知 有啲事係你哋先經歷過 不過避免喺另一半面前同閨蜜 過度沉醉喺舊事上： 「喂！你記唔記得我哋8年前呢..哈哈哈幾搞笑呀」 「係喎 嗰陣你好白痴囉 成個瞓咗落嚟」 一來佢唔知你哋講咩 就好似第三者咁搭枱坐喺度尷尬到暈 二來你唔覺意提起你同閨蜜做過好親密嘅行為 叫另一半聽到俾咩反應？ 為咗唔好扣分同失禮 佢有咩感受只係可以吞落肚自己頂 唔敢講出口又唔敢發脾氣 好痛苦 . 3.唔好將閨蜜放喺第一位 . 以上嘅嘢都唔係最辛苦 最難接受係呢個閨蜜比你另一半更重要！ 例如你閨蜜好想要一隻7仔公仔 你二話不說周圍問人幫佢R印花 又成日去買嘢幫佢儲 相反另一半想你用信用卡幫佢上網買啲嘢 你嫌麻煩不特止 仲叫佢搵第二個幫手 有時真係唔知你係邊個嘅男女朋友 . 狗公 姣婆無處不在 有種人會借閨蜜關係同你先培養好好感情 等自己可以名正言順咁慢慢接近你......... 日日傾心事 翹手 搭肩 飲埋同一杯嘢飲 令你完全放下戒心之餘 又搞到你另一半亂諗 你哋關係愈來愈差 佢就有機可乘 係個極度可怕嘅存在🙂 小心訂立相處界限 自然可以防避到呢種人 ♡ | 𝘱𝘭𝘦𝘢𝘴𝘦 𝘷𝘪𝘢 @lovestoryhk 𝘪𝘧 𝘺𝘰𝘶 𝘳𝘦𝘱𝘰𝘴𝘵 ♡ | 𝙛𝙤𝙡𝙡𝙤𝙬 @lovestoryhk 𝙛𝙤𝙧 𝙢𝙤𝙧𝙚 #hklovestory#love#hkboy#hkgirl#hkig#hkiger#hkigers#852#hk#hongkong#instafollow#lovestory禁忌