【龔成問答信箱】（Q21461-Q21480）

Q21461：

早晨龔Sir，小弟有個問題想請教下，每月扣除基本洗費之外，投資/保險/生活費，應該點樣分配較為合適？

現時23歲，每個月15K，基本洗費7500(包家用)，每個月大概可以儲7-7.5K。如果開始買重疾+人壽保險，應該每個月供幾錢合適？
謝謝！

龔成老師：

首先你要明白理財概念，理財就是令我地的資金在可承受風險狀態下，最有效去利用，配置上會要求「攻守兼備」，你要先做好防守部分，之後就考慮進攻。

第一，考慮備用現金，最好是3-6個用的基本開支。

第二，適合你的保險，至於多少，這點就好個人化。

第三，就是進攻，部分會投資，部分會等機會投資。投資的資金，一般都是中短期不需要用的。

你現時是累積財富的黃金期，支出當然最好減少，盡力將資金用於增值方面，保險方面，足夠就得，不用太多。

月供可以$3000-$5000，同時最好有部分資金留現金「等投資」，ETF或優質股都可以，但你年輕，宜加入一些潛力股（當然，這會要求你有一定的投資知識）。

------------------------------------------------

Q21462：

老師你好，我想多謝你一聲！同做少少分享，我大概一年前上過你堂既學生

見好多人話月供股票賺唔到錢啊，無用啊

之前睇你page開始月供股票，然後我簡左幾隻月供，然後自己果陣未識太多一手手買左幾隻股票到而家都渣緊

今日睇返出黎既成績，就兩個都有賺緊錢既，但月供係比較多，而上左你堂後學左野買既幾隻股票而家都有賺到錢

龔成老師：

太好了！

其實坊間人往往唔會了月供，認為月供股票無錢賺，但我地要明白，每種方法都有佢的利弊，最重要是「適合」。

月供的好處是買入價平均，能有效減少風險，而自行一手手買入的好處就是捕捉時機，因此，如果一個較有實力的投資者，自行捕捉時機可能會較好，但對大部分投資者，月供往往都有不差的回報，因為捕捉時機方法，其實不易進行的，部分散戶更會因自行一手手買而出現虧損，反而月供更能穩中求勝。

而我地投資，應該「先想風險，後想回報」。

我相信現時你已經有一定的投資知識，你可以部分資金月供，同時部分留現金等機會，相信會有不差的效果。

------------------------------------------------

Q21463：

老師，謝謝您上次給我的意見，我已聽了您的建議賣出了一些貨止蝕，之後也買了一些比較優質的股票，不過有些仍是會心急在高價買入，結果……….

以下有些問題想問問您。

0390中國中鐵、0716勝獅貨櫃、0880澳博控股、1128永利澳門、2888渣打集團、0390中國中鐵，因為都是買了很多年，一直等了很久都沒有升回，我該不該全部賣出止蝕？

另外，想買份必瘦站，但這幾天看已經升好多，現在仍合適買嗎？

0175吉利汽車 1000股 29.75入
0390中國中鐵 1000股 10.94入
0716勝獅貨櫃 16000股 1.45、1.49、1.62入
0823領展房產基金 100 70.5入
0880澳博控股 1000股 16.68入

1128永利澳門 400股 23.8入
1810小米800股 25.6入
2800盈富基金 500股 25.4入
2888渣打集團 100股 119.8入
9988阿里爸爸 100股 290入
0555御泰中彩控股 50000…忘了多少入 已停牌

龔成老師：

如果你有高追的習慣，建議你在之後多用分注，或月供模式，減少一次過高位買入的風險。

我地決定持有或止蝕，最重要是睇企業質素。

你持有的幾隻股，基本上不是無質素的，但部分質素不是高，同時無乜增長力，如果你想組合有較強增長力，可考慮賣出：中國中鐵（0390）、勝獅貨櫃（0716）、渣打集團（2888），轉其他更有增長力的。

御泰（0555）暫時無野可以做到，日後復牌都不要有太大期望，見佢之前年年都出現虧損，這類股策略一定是賣出的。

至於必瘦站（1830）長遠有發展，本身有一定的質素。

睇翻之前的疫情，佢身處的行業受影響，但佢的現金流及財務數據都唔算差，這點可以想象到，當正常的經營環境，佢的生意一定唔錯。

加上佢的野心愈來愈大，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展不差。

這股有長線投資價值。

業績前計佢$4是合理區頂，業績後股價升左好多，雖然我之前好大機會會調高佢合理價值，不過，現價都有少少貴。

所以，如果無貨，你可考慮回少少，先小注，然後等跌多d先正式分注投資。

至於其他股票，問題不大，可持有。

留意翻，你手頭上點都要有一定的現金在手，不要心急去入貨。

------------------------------------------------

Q21464：

老師，我有樣嘢想問啊，京東集團，平安好醫生，他們沒有息派？

龔成老師：

兩隻暫時都無。

因為這類潛力企業，當每年賺左錢後，都會偏向投資落自己公司裡再發展，所以一般都唔會有派息，或者派息金額好少，這都是正常的。

管理層認為公司仍處於一個增長期，因此資金留在公司發展，對企業及股東的長遠價值較為有利。

------------------------------------------------

Q21465：

龔Sir, 想請教下你對虛擬貨幣既睇法？

龔成老師：

虛擬貨幣，我不是這方面的專家，所以我太大意見。

以本質來說，這是人為創造出來的，絕對不是「資產」，有沒有真正的價值，如何定義真正的價值，未知。

這些人為創造的貨幣，因為關注度由很少變得大，價格會大升，但這背後是否有真正的支持，我不知道。只能說，投資這些貨幣，投機味好重，可能大賺，亦可能蝕到一文不值，因為，當中有沒有價格，我不知道。

但這不代表佢無價值，佢可能好勁，只是我自己不知佢好勁定好差。

佢長遠的價值，取決於「有多少人用」，即是說，雖然無真實價值，但可以有「交易價值」，如果長遠好多人用，的確可能有高價值。

因此，這些虛擬貨幣，由於我無法作出專業分析，所以，我不會投資。

但如果你分析到佢長遠的交易大，大家都持續關注，就有價值，就值得你投資。

------------------------------------------------

Q21466：

Hello 龔Sir
我係90後 今年30了 要等到8月先就到時間上你既堂

月入兩萬 如果而家先由零開始會唔會太遲?
如果想係8月前先從書本入手，應該先讀邊一本?

係咩都未認識既情況下是否先暫緩買股票? 定可月供一d長線股? 謝謝

龔成老師︰

你今年才30歲，依然係十分年青。只要用努力學好投資知識，再用正確策略和方法，絕對可以做到理想的財富值效果。

書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。

以下是我的12本書：

《80後百萬富翁》（第9版）
《80後2百萬富翁》（第4版）
《80後3百萬富翁》（第2版）
《財務自由行》（第7版）
《大富翁致富藍圖》（第5版）
《50優質潛力股》（第4版）
《50穩健收息股》（第3版）
《50值博倍升股》（第3版）
《股票勝經》（第3版）
《選股勝經》（第2版）
《年報勝經》（第2版）
《5年買樓4部曲》（第2版）

你可首先睇這幾本，都你課堂上吸收知識，會有幫助：

《80後百萬富翁》
《股票勝經》
《財務自由行》

之後再睇其他。

在上課堂前，你都有一些事情可以先準備。

第一，增加知識，先睇我建議的3本書。

第二，了解銀行及證券行，去開一個證券戶口，並準備做月供股票。

兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。

第三，你可以先用每月儲蓄的小部份，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

之後，到你完成課程後，你會有較完整的投資概念和選股知識。到時你才進一步計劃，如何建立一個長線增長組合，咁會較理想。

上述的月供，金額不用多，因為只是給初階者一個累積財富的方向，你要同時留有一定的現金，而正式的配置，會等你有知識，及上完堂後，先正式開始。

期待8月課堂中，見到你。

------------------------------------------------

Q21467：

龔sir,想睇下你對03382天津港發展有咩睇法？

我目前0.62 入左30手，因為都睇好佢發展潛力，但不知應否再加注，請比d意見我

(Btw,如龔sir要case分享，請遮名請頭像)

龔成老師︰

放心，我係FB分享時，不會出讀者頭像或網名等個人資料。

天津港發展(3382)主要為客戶提供港口服務，包括：集裝箱處理、貨物裝卸、儲存及配套服務等。

此股都有質素，但唔算係好高。過往幾年盈利都較波動。賺錢能力唔算係好強，加上負債偏高，都係會扣分的地方。

你投資係可以，但只宜小注。若現時持股佔你組合比重較高，除了不要加注外，更建議你減持部份。如佔比重不高，長線持有就可以。

------------------------------------------------

Q21468：

你好，想請問一下你意見.....我買左$100,000阿里巴巴，$260買的，放定keep好呢？

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

阿里巴巴（9988）有質素，有增長力，之前貴，現價去翻合理區。

係業務層面，擁有相當的優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但股價都有一定的波動。

始終將面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

對於這類優質、有發展，這股可以長線投資的。

但我地投資，除左買入優質股，都要考慮成個組合的配置，最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

我地唔好成個組合，只集中係1,2隻股票身上。同一行業不能太多(不超過30%)，同一股不能太多(不超過15%)。要平衡。

因此，如果阿里巴巴(988)在你組合佔比太重，建議沽出部份，去平衡個風險。若只係超標少少，可以不用沽，用將來新資金慢慢調整，就可以。

------------------------------------------------

Q21469：

龔sir, 當初美金持續弱，又不停印銀紙，令到黃金大升，趁住黃金回調嗰時我買入咗1787山東黃金$18都有成16500股。

諗住短線炒一轉，點知後來比特幣短線取代咗黃金功能，我冇止蝕，而家得番15蚊。以你睇今年有冇機會平手走或者要止蝕?

後黎買咗你四本書，百萬富翁、股票勝經、選股勝經、財務自由行，獲益良多。覺得都係睇返企業價值比較適合我，黎緊會搵時間上你堂。

多謝解答!

龔成老師︰

記住，短炒唔係一個正確投資方法。最賺錢的永遠都是在合理，甚至平宜價去買入一些優質企業﹐並長線持有的一群。

所以，我地投資一間企業與否，應該睇翻佢企業和行業本質，來做決定。

山東黃金（1787）主要於中國從事黃金採礦及加工，以及銷售黃金產品。

佢係於中國合共控制及經營十幾座礦山，大部分位於山東省，並於中國擁有多個選礦設施及冶煉及精煉設施；當中，持有一定數量的黃金。

佢雖然有一定的資產價值，個都要留意番，雖然這類資源股雖有投資價值，但只算中等。

原因是這樣，資源本身有一定的價值，但盈利始終受國際黃金價格影響，本質上會較為被動，無乜價格自主能力，同時產品無差異性，是典型的商品企業。這類企業都有一定的投資價值，但就不會太高。

我唔會去預計佢中短期走勢，我地一定要睇長線。因於佢質素唔算好高，若你持有比例佔組合不少，建議你沽出部份，去平衡個風險。

餘下部份，可以守。

------------------------------------------------

Q21470：

老師，我現時倉位有2158、968、1810、6885、6618、1209、941、9988，以上股票總價約40萬，另外1830約值17萬，現金10萬左右，以上股票會否太多太散？

另外每月供平保、中移、阿里、越秀房托及盈富共一萬，總體黎講有冇咩大問題，可否指教一下

龔成老師：

你持有的股票，基本上都是有質素的，可以長線持有，而金馬能源（6885）就不宜持有太多，另外，持股較集中潛力類，你最好平衡翻個組合。

至於必瘦站（1830），有質素的，可長線，我都有貨長線，但你持貨比例較多，因為單一股票佔組合比例去到15%已是上限，因此，你宜調整翻個比例。

至於月供部分，都是有質素的，因此無問題，長線進行就得。

要留意，現時市況未算平，而你手上的現金比例不算多，因此，最好留翻多少少現金，或入貨力度不要太急。

------------------------------------------------

Q21471：

龔SIR, 你好, 有事請教:

現時股票組合:
小米 200 股 買入價$29
平安好醫生100股買入價$118
香港中華煤氣5,000 股買入價$12.24
京東健康150股買入價$110
藍月亮集團3,000股買入價$ 15.3

暫時成個組合都係虧損-9.39%, 最大虧損係藍月亮, 現時每月會儲到$10000, 想問:

1. 現時既組合應唔應該調整?

2. 每月儲$10000 應該投資其他股定還是係現有組合不斷增持?

謝謝, 祝身體健康!

龔成老師：

1）現時組合裡的持股，基本上都是有質素的，問題不大，最大問題是買入價，相信你未有企業估值能力，建議你日後買股票，多用分注或月供的方法進行。

藍月亮（6993）有質素的。

佢有「中國P&G」之稱，成立於1992年，擁有衣物清潔護理、個人清潔護理和家居清潔護理三大系列共73個品種的產品。

佢係中國洗衣液有龍頭地位，加上毛利率高，賺錢能力強。睇翻佢之前的資料，以零售額計算，藍月亮在洗衣液市場、濃縮洗衣液市場及洗手液市場的市佔率均為第一，分別為24%、28%、17%。

整體有質素與發展力，不過現價唔平，之前貴，現價算是合理區頂。

除非你持貨過多，否則，這股可以守的，但就唔好心急加注。若果持貨過多，就可能要考慮賣部分。

2）由於現時你組合股票隻數不算，你投資其他股票較適合。其實最好是每一個股，佔股票組合的比例在15%以下。

我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

------------------------------------------------

Q21472：

老師你好
本人一路都諗唔通 我現在應怎樣處理會最好 希望老師可給本人意見 謝謝你

我和太太現在48歲
兩人月入大約$75000.
有以下資產：

1）購買時$128萬 現市值$500萬 現收租$12500.

2）購買時$225萬 現市值$750萬
現收租$14500.

3）商場舖 購買時$225. 現值$380. 現收租$9500.

4）有兩個車位購買時32萬 現值$190萬 現收租$4500.
以上全部已揸現契不用供款

但現在我用$29000.租緊樓住，但每兩三年又要搬，好煩 所以想再買多層樓 大概$900-$1500萬內

我應該怎樣做先可以最簡單完成到呢 希望老師幫幫忙比個意見。謝謝

龔成老師：

如果你再投資物業，會令你十分集中在物業類別，這會有集中風險，當然，如果你本身其他資產類別好多，同時現金好多，就問題不大。

比較好的做法，是換樓，例如賣出物業（1）及一個車位，加分現金，再做部分按揭，都可以完成你的置業物標。

建議你睇《財務自由行》《大富翁致富藍圖》。相信你會更清楚方向。

------------------------------------------------

Q21473：

你好 第一次問野 想問我現在揸住493同埋1668和3800還值得留嗎？唔該老師

龔成老師：

3隻都不是劣質，但就未必值得持有太多。

國美零售（0493），從過往分析，只是一般。

企業連續出現虧損，品牌價值遠不及從前，優勢不強，雖然正加強網上網售網絡。

唯一的賣點是黃生回歸，可能帶公司變強，但發展仍有未知數，如果以這刻的業務、發展、現價，整體的投資價值唔算高。

當然黃生可能帶領公司變到好唔同，但這點真的無得計。以理性分析，這刻投資值博率，只是一般。

華南城（1668）不過不失，不過增長力比過往略有減弱，現價合理，但潛力度不足。

這股唔建議持有太多。

保利協鑫能源（3800）業務不穩，質素中等。不過不是無增長，是有危有機類。

佢主要為光伏行業製造多晶硅及硅片；銷售電力；開發、投資、管理及營運光伏項目。

市場炒緊佢前景，但當中存有不確定性，股價大上大落，佢的確可能會大升，但同樣可以大跌，無得估，這炒作不少，現時值博率未算好高。

如果真的想投資，小小注好了。

------------------------------------------------

Q21474：

老師你好，我今年30歲，月入約7萬，現有大約60萬cash。因為收入穩定又冇咩家庭負擔 所以想放多d錢落股票做資產增值。

但因為年尾就要結婚，所以而家暫時只敢再多放10幾20萬先，長遠都會打算再投放更多落去，所以想而家提前學識同埋訓練自己既技術同眼光。

持有股票: 1000股1972太古地產 1000股2388中銀香港 500股066港鐵 20股TSM 100股AAL 10服BA 30股PRNT

因為覺得3D printing會係未來快速發展 所以都想買多d PRNT ETF 老師點睇?

同埋老師建議既VOO同QQQ現價合理嗎?

見美股呢期好火熱日日升，所以怕自己高位入。

同埋老師會建議點樣adjust我而家既portfolio?

老師係之前回覆提到既阿里（9988）、騰訊（0700）、港交所（0388)同小米（1810）我都有望過同埋覺得有前景，但現價合理嗎? 老師會建議幾錢入手?

另外媽媽都放左d錢(約20萬)比我想我幫佢投資，打算幫佢老人家買d穩陣股，我自己心儀中電港燈媒氣等公用股，亦對地產商等舊經濟有興趣，老師有冇咩手水建議? 現價有邊隻合理買得過?

唔好意思，一次過問好多問題，多謝老師既教導!

龔成老師︰

記住，我地投資係要量力而為，用來投資的一定要係閒錢。如果你筆錢係有實際用途，好似短期會用來結婚，咁就唔好用來投資。

但扣除這些必要開支後，所有閒錢則盡力投入增值。特別係你年紀不大，應把握年青時間，做好累積財富部份。

你再加大在10-20萬投資係可以，其餘資金就等大跌機會。另外，你每月都可以拿一筆資金，去做月供股票，去助你累積財富。

你現時持有股票都有質素，可長線持有。

長遠計，你可以加入阿里（9988）、騰訊（0700）、港交所（0388)同小米（1810）這類潛大股，去提升組合增長力。

但由於佢地波動性大，若你投資經驗不太多，暫時只宜小注。到有一定經驗，才好加大翻個比重。

阿里（9988）現價合理區頂，可分注。但騰訊（0700）、港交所（0388)和小米（1810）都略貴，回多1,2成才入貨，會較好。

至於﹐3D打印行業，預期長線發展正面，因為這種技術，某程度上可以提高生產準確性和節省生產時間，從而減少成本。

因此，The 3D Printing ETF (PRNT) 都有佢投資價值，可持有。

VOO和QQQ現價算係合理區頂，若無貨可以小注，或者用月供去儲貨。

至於你媽媽，若想買一些穏陣股票，可以集中係「收息股」。但增長力唔高，主要係用來收息。

若想有穏定增長，可以加少少「平穩增值股」。但這類股票會有一些波動性，風險會高少少，你要自己平衡。

現時的$20萬，可先用$10萬，分注入貨。餘下的$10萬，就等大跌市機會才出手，作長線投資。

以下都係合適選擇，現價都合理區內，可以分注慢慢儲貨。

平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

------------------------------------------------

Q21475：

我對金沙有興趣，又見你之前有介紹埋金界，兩隻邊隻好d? 金界現價入不入得。感謝老師

龔成老師︰

金界控股（3918）都有質素的，但始終新興市場，因此點都有風險。

佢會因全球的疫情，而影響左生意，但這只是中短期。

長遠計，佢仍然正面，佢之前有項目獲當地政府批准發展5幢建築面積共逾580萬平方呎的物業，包括提供共4700個房間的酒店群、娛樂場所及公寓等。我相信長遠對佢仍正面。

這股股價較為波動，不過都有長線投資的價值，分注投資可以。另外由於市場新興，在注碼上不能投資得過多。

金界控股（3918）潛力會高少少，但風險都會偏高。而金沙(1928)會係平穏增長力 + 股息。2隻都有投資價值，視乎你風險承受能力。

但緊記，唔好太集中係個別行業或股票。個別企業和行業，佔組合最多15%和30%好了，否則會有過度集中風險。

現時大市在合理水平，以你現金和持股比例，係可以。餘下資金，等大市有明顯回調，才慢慢加注不同股票。

------------------------------------------------

Q21476：

龔成老師，上年開始一直追您既post，尤其會追睇晒你解答人地既股票問題，我覺得你好用心去同其他人分享知識，即使對方未係你既學生。好佩服你，亦都吸取到少許知識。

之前個市波動，再聽到你錄既片，愈來愈明白知識增長既重要。

我個人比較投機，因為好想好想好想趁年輕累積多d財富，所以真係睇著個價決定入唔入，忽略左買股票係買間公司既發展潛力。聽完真係會平衡到股市上落帶黎既情緒。

想請教下，如果我想學習如何從咁多板塊咁多股中揀優質股，有冇書可以介紹我睇啊？

當然我都會下期報你既班，謝謝你！

同埋想請教下你，點睇3690 & 968呢?

我覺得3690尚算有質素，雖然仍然偏貴既、受著債息影響，但相信生意上仲有增長既。請問仲有冇機會上到$400邊邊呢？

而968我自問有d衝動，投機炒國策、睇左證券行既目標價，衝動咁係$15買入左，想請教下應該如何去應對呢？

我算係年輕既群組，聽完您講，明白平衡配置既重要性，每次想入時我都一定會記著。真係好多謝你！

龔成老師：

投機好難賺錢的，不是想盡快賺到錢而投機，而是投機本身不能賺！

我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

你可以睇《股票勝經》《選股勝經》。

美團點評（3690）有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。

如果有利好消息，佢可以上好多，但如果估值修正，股價可太跌。

只可以話，潛力是有的，現價唔算平，但不是完全無投資價值，不過，一定不能大注。等回少少先開始小注，是較好的做法。

信義光能（0968）本質不差，業務保持有一定的增長力，股本回報率處高水平，加上現金流強勁，是有一定質素，可長線投資的股票。

現價合理區頂，如果想入，要回翻D先可以慢慢分注，但仍不是大注投資的時候。這股股價上落都大，要注意金額。

------------------------------------------------

Q21477：

龔老師,你好，我應該2年前問了你月供股票的意見。

本人現時36歲，月入大約3萬，已婚，現時扣除日常開支及自住物業供款($10,000)開支等等，每月約可儲$10000現金。

手頭上現金大概有40萬高息存款與按揭利率掛鉤, 而自住物業還有18年供款期(大約還有185萬)。

經過2年來自己買買賣賣，組合了一個股票組合, 因為上年疫情在家工作關係，作出了一些投機短炒行為，比較好運地賺了大約15萬，但知這種短炒是不健康的

另外今年工作方面較為回復正常一點，不能長期看著市場，而且自己亦想作改變令到自己做到長線投資不常看股價的習慣

所以想給老師看看以長遠來看，現時組合有沒有需要調整一下，手頭上股票現值80萬 (持有股數19隻 - 好像過多)，不知我分配水桶的類別是否合適。

用今天市值計算佔比

水桶1 (38.5%)

1. 0175 (2000股- 5.64%)
2. 0586 (56股 - 0.26% - 月供)
3. 1717 (3000股 - 4.24%)
4. 1810 (1282股 - 4.21% - 月供)
5. 3067 (3600股 - 7.64% - 月供 - 暫時想每季買一次)
6. 3918 (6000股 - 6.49%)
7. 6618 (400股 - 5.30%)
8. 9698 (500股 - 4.72%)

水桶2 (50.09%)

1. 0012 (2000股 - 8.63%)
2. 0123 (20607股 - 4.68% - 月供)
3. 0152 (4500股 - 7.28%)
4. 0270 (4140股 - 6.13% - 月供)
5. 0823 (1435股 - 13.10%)
6. 1299 (433股 - 5.19% - 月供)
7. 3188 (40股 - 0.30% - 月供)
8. 3868 (10000股 - 4.78%)

水桶3 (11.41%)

1. 0778 (5000股 - 4.86%)
2. 0941 (1000股 - 6.37%)
3. 1398 (267股 - 0.18% - 月供)

另外, 現時的月供組合是最近組合的 (HKD15,000), 請你幫我看看我的組合是否可行，還是可以加減一些股票來調整組合,

水桶1 (40%) 0586 (海螺創業 - $2,000), 1810 (小米 - $2,000), 3067 (安碩ETF - $2,000), 水桶2 (50%) 0123 (越秀地產 - $2,000), 0270 (粵海 - $1,500), 1299 (AIA - $1,500), 3188 (華夏ETF - $2,500), 水桶3 (10%) 1393 (ICBC - $1,500).

龔成老師：

短炒好難賺錢的，長遠不要再做了。

我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

至於你上述的持有，基本上都是有質素的，不過，隻數的確較多，如果控制在10-15隻會較好。

以你的年齡，其實水桶3類別，不用太多，或不同持有都個，你可以考慮將水桶3的幾隻股，轉到水桶2類別中。

你選股的質素無乜問題，只是配置方面可以改善。

你預中移動（0941）是水桶2-3之間。

深圳國際（0152）、粵海投資（0270）都是水桶2-3之間。

同時，月供股票也未必要供水桶3類別。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

------------------------------------------------

Q21478：

成哥，請教股票回報率如個計算？
知道一般是：
賺錢/成本/年期x100%

但因為我月供股票所以成本會月月改變。中間又會自行買入，或賣出（比較少），咁條formula應該點樣應用？ 謝謝指導。

龔成老師：

你首先計投資的本金，再計算現時的股票+賺到的錢。

例如每月供$10000，供1年，即是投入了$12萬，現時股票市值$10萬，再加收息$1萬，再加賣部股$5萬，就是擁有了$16萬。

你的回報就是$4萬÷$12萬=33%。

就算中間經過買賣，你最重要計「總資入資金」「現時總財富價值」

------------------------------------------------

Q21479：

你好，我持有628、1091、1183、1258、3067。

龔成老師：

記住，我地是重要是睇一間公司的長期價值。

國美金融科技（0628）規模細，盈利不穩，久不久出現虧損，投資價值不高。

南方錳業（1091）經常出現虧損，業務無獨特性，投資價值不高。

澳能建設（1183）以過往的業務來睇，只是中等，業務發展不算強，整體不差但又未算好好。

佢最近宣布，同德國創新科技企業Ｕｂｉｔｒｉｃｉｔｙ達成戰略合作，於大灣區拓展大灣區開發、製造及分銷電動汽車充電業務。

睇翻澳能果邊，主席表示，目標係兩年內在港澳大灣區安裝500至1000個充電裝置。

企業發展力都有，但早前股價其實有點超前反映。就算近期回落，這刻投資值博率未算高，你小注好投資都可以，但不建議你持有太多。

中國有色礦業（1258）主要係非洲贊比亞經營銅開採、選礦、濕法冶煉、火法冶煉及銷售業務，主要產品為銅精礦、粗銅及陰極銅，以及粗銅冶煉工序中產生的副產品硫酸。

佢係中國有色礦業集團於銅及鈷資源開發的海外平台。

佢擁有四個營運中的礦山，即Ｃｈａｍｂｉｓｈｉ主礦、Ｃｈａｍｂｉｓｈｉ西礦、Ｂａｌｕｂａ中礦及　Ｍｕｌｉａｓｈｉ北礦。另外，Ｍｕｌｉａｓｈｉ濕法廠及剛果（金）項目亦已投產。

業務不是無質素的，見佢生意保持向上，不過，盈利就有點波動，有時盈利會大跌超過一半，相信好受成本及國際資源價值影響，反映佢有少少被動，企業質素未算最高。

過往股價上落大，要留意風險。企業質素算是中等，現價合理區中上部，都有長線投資價值，但就唔值得持有太多。你小注好投資都可以，但不建議你持有太多。

恆生科指ETF（3067），有質素，可長線。

------------------------------------------------

Q21480：

龔sir,你好想請問如果我想在網上你的《80後千萬富翁》，在哪裏可以訂購，因為我在加拿大，感謝

龔成老師：

《80後千萬富翁》
實體書：https://bit.ly/32uNJKs
電子書：https://bit.ly/3g6puKI

出版社好似話全球都送貨的，你上去了解下

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q14281-Q14300）

Q14281：

老師，我參加左2月投資倍升股課程，知道老師你3月會開進階班，如果我報埋進階班，會唔會跟唔上？

定係你建議上完投資倍升股課程之後等下一期嘅進階班先報？我好想把握時間！

龔成老師：

要睇下你本身有無投資知識，如果你是零知識的話，就建議你上完2月股票基礎班，再等下一期的進階班（因為2月是星期六班，要8個星期先上完，你會上到一半就要上進階）。

如果你本身都有基本知識、有投資經驗，就勉強可以報3月進階班。你可以睇《股票勝經》作備課，同時，如果當中在8成你都能掌握，你就可以2月上初班，同時3月上進階。

------------------------------------------------

Q14282：

港鐵(0066) 中國石油化工(0386) 匯豐(0005) 載通(0062) 香港電訊(6823) 置富產業(0778)

如果有30萬元應該如何分配去買以上股票?又或者應唔應該買呢?有無其他建議?

我希望可以增值到足夠首期置業
麻煩您俾的意見, 謝謝您龔Sir!

龔成老師：

上述的股票，都有質素的，你可以長線持有。

但以質素上，港鐵（0066）是最高質素，然後就是置富（0778）、香港電訊（6823），但要留意，這兩股只是收息股，增長力不算強，你要睇翻是否合你的投資目標。

至於中石化（0386），質素算是不差，但又未到好好，始終這只是商品企業，沒有一些太大的優勢。生意近5年只是上上落落，無乜增長力，這是受油價等因素影響，反映佢處於一個被動的狀態。

所以，作為收息股投資，都可以，但由於優質度不算好強，因此不會太大注，同時唔好對增長有太大期望。

至於匯豐（0005），賺錢能力已不及過往年代，雖然都有質素，但增長力不強，只是收息股。

載通（0062），加價能力不及港鐵，反映無法將成本轉嫁比消費去，你可以睇翻佢過往的盈利，受油價影響而比較波動。質素都算有，但不算好強，唔會持有太多。

你應該將$30萬，投資在質素較強的股票上（當然唔能夠過度集中）。盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388），都是可考慮之列。

另外，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q14283：

成老師

我在高位入了 6189！請問它的股值仍值多少呢？現在的股價！非常非常低！是否要放！減少損失？

龔成老師：

愛得威建設集團（6189）之前股價極波動，風險超高！

我試下從基本面去分析及計算，佢主要於中國提供建築裝飾服務，主要涵蓋以下4個領域：建築裝飾工程、機電安裝工程、樓宇幕牆工程、消防安全工程。

佢規模唔大，加上這類工程，業務上唔會有獨特的優勢，市場為完全競爭市場，行業估值唔會好高。

加上佢過往的財務數據，雖然有增長，但不強，只是平穩類型。完全唔知這類股，點解之前股價會暴升。

佢現時大跌從基本面睇，有少少跌多左（但都要留意睇，佢之前升果排，貴得太誇張）。如果市場正常翻，佢有機會再上多少少（但你唔好預佢會大升，因之前唔合理）。

但這類股，風險太高，如果你持有太多，都要先賣出部分，餘下再等佢有較大反彈時，賣出。唔好加注，因高風險。

------------------------------------------------

Q14284：

龔成係好，到今日為止，我坐左10個月貨既瑞聲返家鄉同有賺了！64蚊買見佢跌到32先止跌回升

點睇2020年佢既盈利，apple定價稍低返，銷情即刻好返；另外耍家既聲學業務似乎唔係主流，見佢鏡頭出貨成為新增長力，但係！佢夠唔夠隻舜宇來..

我睇市盈率就瑞聲平啲，舜舜成4、50倍，瑞聲20都未過
。

龔成老師：

瑞聲（2018）以聲學業務作為核心，這是佢最強的技術，就算有其他手機設備的周邊業務，都只是一些輔加位，並不是核心。

當我地進行估值，市盈率只是其中一個考慮因素，並不是唯一，市場會以企業的質素及增長力，去決定佢應該合理的市盈率。

舜宇光學（2382）在光學的技術強，這是業務核心。在長遠的發展上，聲學雖然仍有進步及增加應用空間，但不是好強。相反，光學的應用仍有好強的增長，所以估值上一定較高。

瑞聲有質素的，你可以長線持有，相信之後仍有增長，但就是中速類別。

------------------------------------------------

Q14285：

早晨龔成
有樣野想請教一下，我近10個月都無再炒炒賣賣賺差價了，因為手持都是優質股。

但係想問就係，例如一隻優質股由10蚊升到50 蚊都無放，之後又跌返落20蚊，但優質程度不變，我雖明白優質股係一樣資產，但以我所提出既例子，其實係咪叫做賺少左？

龔成老師：

對呀，你的確係賺少左，但當你身在其中，真的能$10買，$50賣出，做到嗎？

好多散戶都希望做到，但結果是怎樣，就是$10買入，$152賣出，然後眼白白見佢上到$50。

我過往做了10年銀行，見證了大量散戶的買賣情況，我見到好多散戶$15買港交所（0388），不過$20已賣出，見白白見港交所升到$200！

正正因為散戶希望做到你上述所講的，佢會經常「捉高低」，成日以為自己「賣出後會跌」，心態上會好想賣出，咁樣，點會賺到大錢？

睇在10年散戶的炒賣成績，只有一類人賺錢，其他98%都是蝕錢。只有買入後長線投資的賺錢。

------------------------------------------------

Q14286：

龔成老師你好
我好想多謝你呀
我其實呢排都5知自己做緊MUH
個心態

明知自己出身基層
但又5想努力
不過 睇左你幾條片

我醒左
點解5好好利用社會的不公平係推動自己去進步呢
多謝老師

龔成老師：

對呀，社會從來是不公平，有D人會因此而灰心，有人就會因此電進步。

我細個都會認為自己出生比有些較有錢的朋友差，但呢D係無得改變的事實，不過，之後要點樣行，我地可以改變。

講到尾，自己之後想點過，其實可以自己控制，不公平其實好主觀，如果可以好好化成動力，其實會對自己好有利！加油啦！

------------------------------------------------

Q14287：

想請問如何睇一間公司有冇管理層風險？

有管理層風險的，有什麼例子？
除了管理層攞錢走？

龔成老師：

如果公司經常進行供股合股拆股這類動作，好多時都是有問題的。

另外，如果經濟差、企業業績差，但管理層仲加人工，大派花紅，這都是不利的現象。另外，我睇企業年報時，一次過會睇5年，目的就是睇翻企業5年前的發展大計，到今天做成點，好與壞，管理層會否如實交代，這都能分析到管理層的的質素。

------------------------------------------------

Q14288：

老師，我是澳門人，月供股票會另收收手續費，還是要繼續選擇月供較好嗎？另外老師會在澳門開班嗎？

點睇1128，有潛力嗎？

龔成老師：

以我所知，澳門月供股票是每隻收手續費的，因此，我建議你不要供太多隻數，甚至只集中供盈富（2800）。

即是說，盈富你以月供模式進行，例如每月$5000，至於其他股，就以一手手模式進行，但不要心急入，要自己有效分注慢慢入。

不過，之前聽網友講，你可以用一個叫隔月供的方法（自己每月設定），例如1月供股票A，2月供股票B，3月供股票A，如此類推。

永利澳門（1128）不差的，有投資的價值，但增長力不算好強，質素亦不及金沙（1928）、銀娛（0027）。

我預期會在第3季開澳門班，你可留意。

------------------------------------------------

Q14289：

老師你好!! 有少少關於物業投資嘅問題想請教

我有資金打算投資一層物業收租，環球經濟數據指股市嘅熊市一兩年内將至，而樓市嘅熊市根據以往數據一般滯後半年至一年多。

老師覺得我是否應該等待預計兩三年後嘅樓市熊市先投資物業? 而資金暫時繼續投資其他資產類別先? 多謝抽空回覆

龔成老師：

樓市、股市、經濟，雖然有關係，但唔以所謂絕對的先後次序去推論，因為無絕對的答案，具體的時間亦是。

香港樓市，的確好大機會在中短期向下，這是由於香港的經法將會轉弱，不過，香港的長期需求仍好大，長期供應仍是不足，因此，香港樓，長遠仍是向上。

所以，樓市只會在中短期向下，之後就會平穩，甚至有可能向上。如果你資金足夠，你見樓市跌少少，已可以開始睇樓，唔好預樓市會跌好多。

------------------------------------------------

Q14290：

老師，唔知你覺得 直銷 呢行生意，係香港成功機會大唔大？

正如你在財務自由行中下層既銷售員買某公司貨，上層有佣金收。内向既人係味就無機會。

龔成老師：

直銷其實是一個不錯的商業模式，但可惜香港有些不太好的個案，令這行業變得有好有壞。

真銷本身的概念不差，不用租金等在香港較高的成本，用人去建立一個網絡，因些產品可能賣得較平，而銷售員也可能得益。

不過，有些公司卻沒有好產品，不斷逼員工強行銷售，又或要不斷邀更多人入會。

其實要睇該公司的好與壞，重點是產品，是對人有用的產品、人們有真正需求的產品，還是為賣而賣？

------------------------------------------------

Q14291：

成兄，今晚重讀《50優質潛力股》，仍然很實在，285比亞迪電子 希望明年可以向上有所突破

多謝成兄既指教，我仍然持有285

龔成老師：

比亞迪電子（0285）有一定的潛力，我相信佢會因為手機市場的回緩，而帶動業務有一定的增長。

佢本身都有一定的技術，帶動了近年的訂單增加，加上就算佢現價比上年升左一倍，市盈率仍然只是14倍，仍然未貴，因此，這股仍可以長線持有。

------------------------------------------------

Q14292：

成兄想請教一下 2020安踏體育，1093石藥嘅便宜區大約在什麼位置

龔成老師：

坦白講，安踏體育（2020）升幅，有點超過我想象，雖然這股是《50優質潛力股》其中一隻，但之後無想過佢增長得咁勁，股價甚至有少少升得過急。

現價有少少貴，如果要平宜價，起碼要跌3、4成。

至於石藥集團（1093），如果要去翻平，起碼要跌3成。

------------------------------------------------

Q14293：

成兄, 想請問你個人理財, 一般會點儲起用來交稅/保險費的錢? 應以現金方式放嗎?

同埋係每個月儲起少少, 定係一年一次性儲起會比較好?

買幾多保險好？

龔成老師：

一般都會每月比錢，但如果有較大的節扣，你一年比錢都可以。其實這方面好個人化的。

最簡單的方法，就是先每月儲起，然後先一次過交，這些現金唔會作特別用途。

至於保險的費用，一般投放一個月薪金的5%-20%，其實無絕對的答案，你認為適合你就得。因為保險是好個人化的項目，買「足夠」就得，不用過多。

------------------------------------------------

Q14294：

龔先生,我想問下00688中國海外,00788中國鐵塔,同埋09988阿里爸爸現在值不值得買？

龔成老師：

中國海外發展（0688）都算不差的，但在發展商來講，就不算最強，長遠有平穩增長的能力，前景都正面，但就不是好強，整體都有投資價值的。現價合理，分注就得。

中國鐵塔（0788）有質素、有前景，中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

之前估值略貴，現價在合理區中上，如這刻買入要自己衡量風險，同埋不要大注。

阿里爸爸（9988）有質素、有發展，但現價少少貴，因此，你小注入，可以。可長線投資。

阿里巴巴不少業務都處於有優勢的地位，同時擁有一個超大龐大的客戶群，可說擁有很大的業務優勢。可說在不少範疇，處於一個壟斷的地位，這點令企業處於很大的優勢局面。

------------------------------------------------

Q14295：

Hello 龔老師，有啲事想請教下你。我而家有10萬蚊現金，係我突然有既一筆extra錢，唔係我平時儲既果個pool既錢，想請問下如果想用黎投資，有咩股票你建議買架？

係咪應該買啲高股優質股？
例如領展

龔成老師：

你這些資金，都要作平衡的配置，例如，你過往潛力股與平穩增值股的比例為3：7，那麼都應該大至以這個方向去行。

同埋，我地一定會投資優質股，其他不會投資。

如果領展（0823）本身都是你選取的目標，可以投資，這是有質素的股，有長線投資價值，現價在合理區中上部。

------------------------------------------------

Q14296：

龔成老師你好。想問下強積金MPF的選擇。我現在三十歲可以承受一定風險。

有興趣選擇低管理費被動追蹤指數基金。想問如果同樣的追蹤指數基金，是否選擇較低管理費的便可以。

例如，中銀保誠 (我的強積金) - 我的香港追蹤指數基金管理費0.71％；永明富時強積金香港指數基金管理費1％。是否應選中銀保誠?

另外追蹤指數現在應選那地方的指數長期回報較佳? 香港恆指? 大中華? 定美國標普? 選香港以外的是否一般較高基金管理費?

龔成老師：

首先，強積金的配置好簡單，跟翻人生階段去做配置就得，年輕時較集中在增長。另外，我一向都好建議投資指數基金，我自己由最初出社會做野，都是100%恆指的。

如果同樣的追蹤指數基金，選擇較低管理費，就可以。

不過，你要確認佢地，是否追同一個指數，你要了解下，同時了解佢地當中的持股。

我會建議中國、香港為核心。美國輔助。

------------------------------------------------

Q14297：

我在九月開始投資，開頭亂咁買，蝕左Ｄ錢，幸好有一天逛書局隨手拿你起的書去看，一看就上癮，恍然知道自己用錯了策略去投資！不單是策略，連思維都是錯的。

現在除了看你的書，也會看其他書，期望在這幾年提升閱讀年報及投資的學問，謝謝你。

請問你點睇以下呢三隻股票：2333（長城汽車）, 1800(中國交通建設), 3773 (年年卡)

請問股票班會否在九龍區開班?

龔成老師：

好多人最初投資，都是亂買，但如果我地研究「真正憑投資賺大錢的人的方法，例如巴菲特」，就會知，投資原來是買入企業，要選有質素，要長線，咁就可以賺大錢。

投資是一個好長的學習過程，你要保持進步！

長城汽車（2333），質素算是不過不失，但業務有少少波動。其實佢的營業額都穩定，不過盈利就波動較多，近年出現盈利弱的情況，這反映行業競爭加劇，賺錢能力比之前略減。

整體來說，這股都不錯的，有投資價值，現時的估值亦不算貴，但相信中短期仍會面對不利環境，股價要長線先有收成。

中交建（1800）本質不算差，但不是高增長股，之後只會平穩增長，現時估值合理，這股可以投資，不過這股就不是最高質的類別。

年年卡（3773）業務波動，近年更出現虧損，投資價值唔算高。

股票班方面，相信會保持在灣仔上堂，未必搞九龍區。

------------------------------------------------

Q14298：

你好，我係透過經濟一周而留意你嘅讀者。

我現在20歲讀緊書，如果升唔到上大學就出嚟工作，而屋企人每個月比$3500作零用，自己有返兼職，大約$5000左右。衣食住行都由屋企應付。

現在每月供$4000，$1000煤氣，$1000領展，$2000盈富。繼續供，四年能草夠首期上車？

龔成老師：

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。

你上述的月供，可以進行，只要保持就得。

不過，現時股市只是合理區，未到平宜區，因此，你在月供的同時，要留有一定的現金，唔可以用盡，這些現金的目的是「等投資機會」，令你得到更大的回報。

以這刻的累積財富速度，要4年上車，未得。

不過，當你正式踏入社會工作，收入就會明顯上升，你到時要盡一切力量去儲錢，這樣就有機會做到。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q14299：

你好，老師。因為我在多倫多居住，未能報讀課程。希望以後有機會能夠有網上課程。

另外，本人有12-20萬港幣想投資股票，但因已經有部分在多倫多，不會月供。希望在香港投資應該買。希望在香港買潛力股。1211 也回落不少，可以買入嗎？

我的問題係現在可以全數買入等長綫回報嗎？還是要預留一半現金等大跌？定係入1177呢？

龔成老師：

我都同出版社，研究網上課程（不是股票類），遲些會有宣佈，到時再同你講。你這刻可以集中睇書，增加知識先。

上述的兩隻潛力股，都可以投資，但你要明白，這些潛力企業，雖然預期長期業務增長快，但業務始終有不確定性，本身有風險，所以我地在財富組合的配置上，唔能夠佔組合全部，只能部分。

你可以同時入上述的兩股，以平衡風險，中生製藥（1177）現價略略貴，$10以下合理，你現價可小注，等$10以下先再加。

至於比亞迪（1211），有潛力，但中短期會弱，現價少少平，但由於佢負債多左，風險度都提高左。

佢早前出左業績，的確有點弱，除左中國車市競爭大，中國經濟轉弱，補貼減都是其中一個因素，相信佢業績、股價中短期仍會弱。

但要留意，我地分析時，唔需要太著重中短期的數據。佢出來的數據的確有點失望，但一年前，都開始預中國車市有不利情況，因此都是預期之事。

中國車市放緩、外來競爭、行業競爭加劇，都成為不利的因素，相信中短期仍會對佢不利，這會影響整個行業。

長遠來說，企業仍有潛力，發展仍是正面，因為這企業正在靜靜起革命，好多大型投資仍在進行中，例如超大型的電池廠等。加上中國政府對行業仍支持，佢長遠會慢慢有野睇。

可能你會問，補貼減，仍是支持行業嗎？

其實，中央的政策只是有所調整，而不是全面改變，減補貼是希望行業不會永遠依靠政府，而可以自己出到「市場化」的產品。另外，中央將來政策方向，會調整至補貼一些「有技術」的電動車企，而不是胡亂資助，簡單來說，就是希望行業發展技術，這是令行業長期更健康發展的方法。

同時，中國因為能源問題，長遠一定要發展電動車，這是大方向，行業成功是遲早的事，只要技術不斷提升，行業發展一定會更強。不過，一切都是長期的，而比亞迪這類潛力企業，總存有不確定性，所以，這企業長遠雖然正面，投資亦要注意風險，不能太大注，這是一直所強調的。

股價波動，如投資要分注（最好是小注月供），不能大注，同時一定要長線投資，車市要慢慢才好轉為這股要好長線先有野睇，所以要著重分析長遠的因素，唔好太理會中短期的情況。

同時，潛力股存有風險，你要衡量自己的風險承受能力，年齡較大的投資者亦不適合。

預期佢中短期有可能進一步弱，但所有野，都是有危有機，如果想買入後1年就有利潤，咁就買錯股了，這股從來都是長期的，預期3年、5年、7年，後先有真正的爆發情況。

------------------------------------------------

Q14300：

老師，另想再問一條問題，因老師你提及想篩選優質潛力股需看起碼過往5年的年報作計算。

但港交所並沒有一些篩選器先篩走沒有盈利的企業，請問有沒有一些推介的app或網址可作分析用途？

龔成老師：

港交所的網站，無提供這類選股程式的。

我其中一種教的，叫「篩選3步曲」，我大約每半年至一年進行一次，有時會找到可投資的股，有時卻未得。

這方法，從全港2000間上市公司著手，去一層層，選出市場未發現的優質股，具體的程式及示範，要課堂才能詳細講述。

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

［對話內容應該同回魂夜差不多］

- 有錢咯，咪叫雞囉，做人有啲原則好冇？
- 叫完雞，再姦佢
- yeah

賭業大亨史提芬永利（Stephen Wynn）早前被爆出性侵旗下員工的醜聞。澳門博彩監察協調局周一發聲明，稱關注到史提芬永利涉及不當行為的報道，並已會見了永利澳門的管理層。